[تەرجىمە فىلىم] يەر شارىدىكى يۇلتۇز (بايراملىق)

mr.aziz

	ئەسسالامۇ-ئەلەيكۇم، مىسرانىمدىكى دوستلار! ئەھۋالىڭلار ياخشىمۇ؟    بۈگۈن ئوقۇتقۇچىلار بايرىمى مۇناسىۋىتى بىلەن، جاپاكەش ئۇستازلىرىمىزغا ئاتاپ، كىچىككىنە كۆڭلىمىزنى ئېلىپ كەلدۇق، قوبۇل قىلارسىلەر.    فىلىمدە، بىر ئاددىي ئوقۇتقۇچىنىڭ باشقىلارغا يېقىن كەلمەيدىغان، دىلى ئازار يېگەن، يېتەرلىك كۆيۈنۈشكە ئېرىشەلمىگەن بىر ئوقۇغۇچىسىنى خۇشال-خۇرام، ئەقىللىق، زېرەك، ئوماق بالىلار قاتارىغا قايتۇرۇپ ئەكەلگەنلىكىدەك ۋەقەلىك سۆزلەنگەن.    فىلىم ناھايىتى تەسىرلىك ۋە ئەھمىيەتلىك. بالىلارنى ئەتراپلىق تەربىيىلەشتە بەلگىلىك رول ئوينىيالايدۇ، دەپ قاراشقا بولىدۇ. شۇڭا، بۈگۈنكىدەك قۇتلۇق كۈندە، ئوقۇتقۇچىلىرىمىزغا بىز قۇتياردىكىلەرنىڭ بۇنىڭدىن ئارتۇق سوۋغىسى بولماس، دەپ ئويلىدۇق.    ئاخىرىدا دەيدىغىنىم، ئۇستازلار، جاپا چەكتىڭلار، چارچىدىڭلار. بايرىمىڭلارغا مۇبارەك بولسۇن! ئەزىز تېنىڭلار ھەر زامان ئامان بولغاي! ئۇيغۇرچە نامى: يەر شارىدىكى يۇلتۇز ھىندىچە نامى: Taare Zameen Par ئىنگلىزچە نامى: Like Stars on Earth ئىشلەنگەن ۋاقتى: 2007 تەرجىمە قىلىنغان ۋاقتى: 2012-يىلى 8-ئاي ئېلان قىلىنغان ۋاقتى: 2012-يىلى 9-ئاينىڭ 9-كۈنى   دۆلىتى: ھىندىستان ژانـىرى: ۋەقەلىك/بالىلار/تەربىيىۋىي تــىــلى: ھىندى تىلى يېزىقى: ئۇيغۇرچە ئۇزۇنلۇقى: 165 مىنۇت رازمـېــرى: 720x396 ئـۇلىنىش: www.IMDb.com/title/tt0986264 نەتىجىسى: 8.4/10 رېژىسسور: Aamir Khan سېنارىست: Amole Gupte روللاردا: Darsheel Safary ... Ishaan Awasthi Aamir Khan ... Ram Shankar Nikumbh Tanay Chheda ... Rajan Damodaran Sachet Engineer ... Yohan Awasthi Tisca Chopra ... Maya Awasthi Vipin Sharma ... Nandkishore Awasthi Ayaan ... Ishaan Awasthi - 10 months Abhishek Bachchan ... Himself Megha Bengali ... Mrs. Karnik Bugs Bhargava ... Sen Sir Alorika Chatterjee ... Science Teacher Gurkirtan Chauhan ... Housemaster Sanjay Dadich ... Maadhoo Madhav Datt ... Loo Bully Aniket Engineer ... Young Yohan Awasthi Krishn Gopinath ... Satyajit Bhatkar كەسمىسى: قىسقىچە مەزمۇنى:    فىلىمدىكى يىشان كەپسىز، شوخ، كاللىسى ئۆتكۈر بالا ئىدى. ئەپسۇس ئاتا-ئانىسىنىڭ خاتا كۆيۈنىشى، تۇتقان مۇئامىلىسىنىڭ توغرا بولماسلىقى، ئاكىسىغىلا كۆڭۈل بۆلۈپ، ھە، دېسىلا ھاقارەتلىشى سەۋەبىدىن، يىشان دەرسكە قىزىقمايدۇ، ھە، دېسىلا ئوينىغىلى قاچىدۇ، تەبىئەت ھادىسىلىرى، ئۇچار قۇشلار ۋە ھايۋانلار بىلەنلا ئويناشنى ياخشى كۆرىدۇ.    ئەركىن پىكىر قىلىش ئەركىنلىكى چەكلەنگەن يىشاننى ئاتا-ئانىسى يىراق بىر يەردىكى ياتاقلىق مەكتەپكە ئەۋەتىۋېتىدۇ. يىشان تېخىمۇ بەك چۈشكۈنلىشىپ كېتىدۇ. مۇئەللىملىرىمۇ ئۇنىڭغا ئاچچىقلايدۇ. شۇنداق ۋاقىتتا ئۇ تۇرۇۋاتقان مەكتەپكە يېڭىدىن بىر رەسسام ئوقۇتقۇچىسى كېلىدۇ ۋە ئوقۇغۇچىلارنىڭ يېڭى تۇرمۇشىغا كىرىدۇ. بۇ ئوقۇتقۇچى دەل نىكھان (رولدا: ئامىرخان) ئىدى. ئۇ يىشاننىڭ بۇ ھالىتىنى كۆرۈپ ئىچى سىيرىلىپ كېتىدۇ. شۇنىڭ بىلەن يىشاننىڭ ماتېرىياللىرىنى تەكشۈرۈش ۋە ئاتا-ئانىسى بىلەن كۆرۈشۈش ئارقىلىق، يىشاننى تىرىشچان، ھەممە ئادەم ھۆرمەتلەيدىغان بىر بالىغا ئايلاندۇرىدۇ.    فىلىم بەك تەسىرلىك ئىشلەنگەن بولۇپ، بالىلارنى قانداق تەربىيىلەش، ئاتا-ئانىلارنىڭ بالىلارغا قانداق مۇئامىلە قىلىش ھەققىدىكى بىلىملەرنى بىزگە بىلدۈرۈىدۇ.    تەپسىلاتىغا قىزىقسىڭىز، دىققىتىڭىز فىلىمدە بولسۇن. تەرجىمان: مەۋلان (www.Azizim.net نىڭ قۇرغۇچىسى) كىرىشتۈرگۈچى ۋە مۇھەررىر: Külke مۇقاۋا لايىھىلىگۈچى: KökTulpar كۆرۈش مەنبە: قۇتيار مۇنبىرى

mr.aziz

	ھە راس...    ئۇستازلىرىڭلارغا تېلېفون-ئۇچۇرلار بىلەن مۇبارەكلەپ قويۇشنى ئۇنتۇپ قاماڭلا.

muttelib

	يىشان ئەمەس ئىشان.

سولماس

	مەن كۆرۈپ بوپتىكەنمەن .

KETMEN

	بۇ ھەقىقەتەن ياخشى فىلىم . بۇ فىلىمنى ئىلگىرى خەنزۇچە خەتلىك نۇسخىسىنى كۆرگەن ئىدىم . ھازىر خەنزۇلارنىڭمۇ تەرجىمە فىلىملىرى ھەقىقەتەن كىشىنى قايىل قىلىدۇ ، ھەربىر سۆزنى ئۆز تىل مەنىسىدە ئەينەن تەرجىمە قىلىشقا ئالاھىدە ئەھىمىيەت بەرمەكتە .دىيارىمىزدىكى بۇ ئىجتىھادلىق دوستلارنىڭمۇ تېخىمۇ نادىر فىلىملەرنى تەرجىمە قىلىپ ،يات ئەللەرنىڭ نادىر ئەسەرلىرىنى خەلقىمىز بىلەن دىدارلاشتۇرۇپ ،خەلقىمىزنىڭ مەنىۋىيىتىنى تېخىمۇ موللاشتۇرۇشىنى ئۈمىد قىلىمەن. ھىندىستان فىلىملىرى يىقىنقى يىللار مابەينىدە ئەنئەنىۋى فىلىم ئىشلەش ئۇسلۇبىدا ئۆزگەرتىش ئىلىپ بىرىپ مول مەزمۇنلۇق ، ئىسىل ،نادىر فىلىملەرنى ئىشلەپ بۇ ساھەدە ئاز بولمىغان نادىر نەتىجىلەرگە ئىرىشتى . ئارتىسلارمۇ ئۆزىنى كۈنسايىن تاكامموللاشتۇرۇپ رول ئىلىشتە ئەنئەنىۋىيلىكتىن زامانىۋىلىققا تەرەققىي قىلدى ،شۇنداقلا ئۆزىنىڭ تىپىك ئالاھىدە ئەنئەنىۋىيسىنى ئۆز رەۋىشتە مۇكەممەل ساقلاپ ۋە جارى قىلدۇرۇپ كەلمەكتە .

57gulyar

	مەنمۇ خەنزۇچىسىنى كۆرگەن راس بەك پەيزە  ھەققى مىھرىبان ئوقۇتقۇچى ئىشان