كورلا نەشپۈتىنى كىم ئالىدۇ؟

مارشال

	كورلا نەشپۈتىنى كىم ئالىدۇ؟     شىنجاڭ ئۇيغۇر ئاپتونوم رايونلۇق پارتكوم ۋە خەلق ھۆكۈمىتىگە:    يېقىنقى ئون يىللاردىن بۇيان،كورلا شەھىرىنى ئىقتىسادىي شەھەر قىلىپ  قۇرۇپ چىقىش،تەرەققىيات شەكلىنى ئۆزگەرتىش ھازىرقى تەكىتلىنىۋاتقان مۇھىم قارارلارنىڭ بىرى بولۇپ قالدى، تېرىقچىلىقتىن بوشىتىلغان يەرلەردە ئورمان بىنا قىلىش ، بەختىيار،باياشادلىققا تولغان نەشپۈت شەھىرىنى قۇرۇپ چىقىش شەھەردىكى رەھبەر ۋە ھەر قايسى خەلقنىڭ ئورتاق ئارزۇسى بولۇپ قالدى، دۆلەتنىڭ كۆپلەپ مەبلەغ سېلىشى،قوللىشى ئاساسىدا، كورلىدىكى يېزا-ئىگىلىك، چارۋىچىلىق، باغۋەنچىلىك قاتارلىق مۇھىم كەسىپلەر بارا-بارا ئۆز قىممىتىنى تېپىشقا باشلىدى، ئەتراپىمىزغا قارايدىغان بولساق، بۇرۇنقى ئۆلچەملەشتۈرۈپ مەيدانغا بۆلۈپ تېرىش ئۇسۇلى ئەمەلدىن قالدۇرۇلدى، بۇرۇنقى ئالۋان-سېلىقلار تۈگەشكە باشلىدى، تېرىقچىلىقتىن بوشىتىلغان يەرلەردە نەشپۈتلۈك باغ بەرپا قىلىش قىزغىنلىقى كۆتۈرۈلدى ھەم كورلا دېھقانلىرى ئارىسىدا ھازىر نەشپۈت، كېۋەزنى ئاساس، چارۋىچىلىقنى قوشۇمچە قىلىپ، ھاللىق سەۋىيەگە يېتىش ئۈچۈن ئۈزلۈكسىز تىرىشماقتا.      نەشپۈتنىڭ يېقىنقى يىللاردىن بۇيانقى باھاسى ياخشى باھالاردا كېتىپ بارماقتا ئىدى.2010 -يىلى كورلا شەھىرىدە كۆپ يەرلەردە نەشپۈتلۈك باغلاردا مېغىز قۇرت ئاپىتى يامراپ كېتىپ،نۇرغۇن باغۋەنلىرىمىزنىڭ نەشپۈتى كارانتىن قىلىش ئۆلچىمىگە يەتمەي،يەر ئاستىغا كۆمۈلۈپ كەتكەن ئىدى،شۇ چاغدىكى دېھقانلارنىڭ بېشىغا كەلگەن ئىقتىسادىي زىيان زور بولۇپ، دېھقانلار ئالدىنقى يىلى ۋە بۇيىل نەشپۈتلۈك باغلارنى پەن-تېخنىكا بىلەن ئەنئەنىۋىي دېھقانچىلىقنى بىرلەشتۈرۈپ،نەشپۈتنى پاكىز، سۈپەتلىك چىقىرىش ئۈچۈن نۇرغۇن جاپالارنى تارتقان.ئالدىنقى يىلى،يەنى2011-يىلى كورلا نەشپۈتىنىڭ باھاسى يۇقىرى باھادا ماڭدى،دېھقانلىرىمىز مول-ھوسۇل شادلىقىدىن تولىمۇ خوشال بولغان.نۇرغۇن دېھقانلىرىمىزنىڭ شۇ يىلدىكى ئىقتىسادىي كىرىمى يۇقىرى بولغاچقا،كۆڭلىدە ئىگىلىك تىكلەش، پارتىيە-ھۆكۈمەتنىڭ تۆۋەن نىسبەتلىك ئۆسۈمسىز قەرزنى ئېلىپ،چارۋىچىلىقنى تەرەققىي قىلدۇرۇش،باغۋەنچىلىكنى ئاساس،قوشۇمچە كەسىپنى جانلاندۇرۇش ئۈچۈن نۇرغۇن قەرزلەرنى ئالغان ئىدى.     ئەپسۇس،2012-يىلى كورلا نەشپۈتى 9-ئاينىڭ 2-كۈنىدىن باشلاپ ئۈزۈلۈشكە باشلىدى،بىرىنچى دەرىجىلىك نەشپۈتنىڭ باھاسى 7.4يۈەن، 2-دەرىجىلىك نەشپۈتنىڭ باھاسى 4.5يۈەن، 3-دەرىجىلىك نەشپۈتنىڭ باھاسى 2.5يۈەن ئەتراپىدا مېڭىۋاتقان ئىدى،نەشپۈت ئۈزۈش بەش كۈنگە يەتمەي تۇرۇپلا، ھازىر نەشپۈتنىڭ باھاسى چۈشۈپ كەتتى، نەشپۈت ئالىدىغان خېرىدارلار بەكلا ئازلاپ كەتتى، تېخى نۇرغۇن دېھقانلىرىمىز نەشپۈت ئۈزۈشنى باشلىمىغان ئىدى، ھازىر نەشپۈت ئۈزۈپ ساتىلى دېسەك، نەشپۈت ئالىدىغان خېرىدارلار بەك ئاز، ئالدىنقى يىلىغا ئوخشاش بەك باس-باس ئەمەس، نەشپۈت ئالىدىغان نۇرغۇن خېرىدارلار ئۈن-تىنسىز غايىپ بولدى، نۇرغۇن دېھقانلىرىمىزنىڭ كاللىسى قاتماقتا، بانكىدىن ئالغان قەرزنى تۆلەش، كېلەر يىلى باغۋەنچىلىكنى قانداق داۋاملاشتۇرۇش كورلا دېھقانلىرىنىڭ بېشىنى قاتۇرماقتا، تۈنۈگۈن نەۋرە ئۇكام، دوست-ئاغىنىلىرىم تېلېفون قىپتۇ،ئۇلار ماڭا ئۆز مەھەللىسىدە نەشپۈت ئالىدىغان خېرىدارلارنىڭ يوقلىقىنى، مەن ئولتۇرۇۋاتقان كەنتتە نەشپۈت ئالىدىغان خېرىدارلارنىڭ بار-يوقلىقىنى سورىدى، بۇ گەپلەرنى ئاڭلاپ كۆڭلۈم تولىمۇ يېرىم بولدى، ئۆزۈممۇ دېھقان بولغاچقا،نەشپۈتنىڭ باھاسىنىڭ 4-5كۈنگە قالمايلا چۈشۈپ كېتىشى، نەشپۈت ئالىدىغان خېرىدارلارنىڭ ئۈن-تىنسىز غايىپ بولۇشى نۇرغۇن سۆيۈملۈك دېھقانلىرىمىزنى ئەنسىرەتمەكتە. ئالدىنقى يىللاردا نەشپۈتنىڭ باھاسى 9-ئاينىڭ 20-كۈنى بولغان چاغدا،چۈشەتتى، چۈنكى،ئۇ چاغدا،كورلا نەشپۈتى سارغىيىپ كېتىدۇ،دېھقانلار بۇرۇن 9-ئاينىڭ 20-كۈنىگىچە ئۈزۈپ بولاتتى.لېكىن،10-چىسلاغا بارا-بارمايلا نەشپۈتنىڭ باھاسى شىددەت بىلەن چۈشۈپ كەتتى ھەمدە نەشپۈت ئالدىغان خېرىدارلار ئازلاپ كەتتى.      مەنمۇ دۆلەتنىڭ گىراژدانلىق پۇقراسى بولۇش سۈپىتىم بىلەن،بۇ ئەھۋاللارنى مۇشۇ يول ئارقىلىق رەھبەرلىرىمىزگە بىلدۈرۈش نىيىتىگە كەلدىم. مېنىڭ كۈتىدىغان ئۈمىدىم، شىنجاڭ ئۇيغۇر ئاپتونوم رايونلۇق پارتكوم ۋە خەلق ھۆكۈمىتىنىڭ كورلا نەشپۈتىگە كۆڭۈل بۆلۈپ قويۇشىنى ھەمدە نەشپۈتنىڭ تۇراقلىق قىممەت بويىچە 9-ئاينىڭ 20-كۈنىگىچە نورمال ئېلىپ بېرىلىشىنى ئۈمىد قىلىمەن.بۇ پۈتۈن كورلا دېھقانلىرىنىڭ ئورتاق ئارزۇسى.دېھقانلارنىڭ ھاللىق سەۋىيەگە يېتىشى ۋە ئىناق سوتىسيالىستىك جەمئىيەتتە بەختىيار،باي-باياشاد ياشىشى ئۈچۈن كورلا نەشپۈتىنىڭ سېتىلىشى ھەممىدىن مۇھىم.ئاپتونوم رايون رەھبەرلىرىنىڭ مەن ئىنكاس قىلغان ئىشلارغا ياخشى جاۋابلارنى قايتۇرىشىغا ئىشىنىمەن. كامالىي ئېھتىرام بىلەن:ئۆزۈم كورلا شەھىرى شاڭخۇ بازار شاڭخۇ 3-كەنتتە ئولتۇرۇشلۇق دېھقان. تېمىنىڭ  ئەسلى كېلىش مەنبەسى:http://bbs.xjtsnews.com/forum.php?mod=viewthread&tid=21623 تەڭرىتاغ مۇنبىرىدىن يۆتكەپ ئەكىلىندى.

bulak83

	كورلىدا نەشپۈت باھاسى چۈشۈپ كەتسە،جەنۇبى شىنجاڭ تەرەپلەردە كېۋەز باھاسى ياخشى بولمسا، ھەي، بىز ساتىدىغان نەرسە ئەرزان ،ئالدىغان نەرسىمىز قىممەت بولۇپ كېتىپ بارىدۇ.بېزنىڭ ساتىدىغان مەھسۇلاتلىرىمىزنىڭ باھاسنى كونتىرول قىلغان ھۆكۈمەت،زاۋۇت ماللىرىنى كونترول قىلالمامدىغاندۇ ؟

sargarda

	bulak83 يوللىغان ۋاقتى  2012-9-9 12:37 PM كورلىدا نەشپۈت چۈشۈپ كەتسە،جانۇبى شېنجاڭ تەرەپلەردە ك ... قانداق  قىلاتتۇق   ؟   يانچۇقتا   پۇل  بولمىغاندىكىن   ۋاڭ  ئەپەندىنىڭ    قۇرلۇش ئورنىدا جاڭ   ئەپەندىنىڭ  پاختىلىقىدا  ،  لى  خۇجايىننىڭ   زاۋۇت  ئورنىدا ئىشلەيمىز  . بۇمۇ  بولمىسا  ،  ئىچكىرىگە  بېرىپ  يانچۇق  كولايمىز .

adj

	sargarda يوللىغان ۋاقتى  2012-9-9 12:48 PM قانداق  قىلاتتۇق   ؟   يانچۇقتا   پۇل  بولمىغاندىكىن   ۋا ... ئازراق ئوخشاپتۇ ...

kaLGundi

	راس مۇشۇ مەھسۇلاتلارنىڭ باھاسىنى كونتىرول قىلدىغان بىر يەر يوقمۇ؟

YAZR

	نەشپۈت  باھاسىنى  ، پاختا  باھاسىنى  كونتىرول قىلىدىغان  ئۇرۇن  ئەلۋەتتە بار .... بىراق  شۇنىسى  ئەمما  پاختا  تەرگەن  ۋە  نەشپۈت  ئۈزگەنلەرنىڭ  كىلو بېشىغا بولىدىغان ھەققىنى  كونتىرول قىلىدىغان  ئورگان يوقمىكى دەيمە ...... كىۋەز تەرگۈچىلەرنىڭ باھاسى  پاختىكارلارنىڭ بېشىنى ئاغرىتىدىغان  چوڭ مەسلىگە  ئايلاندى ، ئىشىگى بەش تەڭگە  تۇقۇمى  ئون  تەڭگە  بوپ كىتىپ بارىدۇ ھازىر ....

uqkun5

	دىخانلىرىمىزنىڭ ھالىغا يەتكۇدەك بىرەر ئۇرۇن چىقماسمۇ؟

uqkun5

	گۇلچاي تېرىغان دىخانلار مەغلۇپ بولدى ئەمدىلىكتە نەشپۇتچى دىخانلار مەغلۇپ بولمىسۇن؟

arkan

	ئەلنىڭ   غىمىنى    يىگەنلەنىڭ    ئارزۇسى    يەردە    قالمايدۇ     سىزنىڭ   بۇ تىمىڭىزنىڭ      رەھبەرلىرمىزنىڭ     قۇلىقىغا    يىتىپ    دىققانلىرمىزنىڭ      قىيىنچىلىقىنىڭ     ھەل   بولىدىغانلىقىغا      ئىشىنىمەن

KaLGuSi

	نەشمۇتنى سۇغۇق ساقلاش ئىسكىلاتىدا ساقلاپ كىلەريىلى ئەتىيازدا ساتسا بولمدۇ !