«جۇڭگو» ماركىسىنىڭ قىممىتى دۇنيادا 2- ئورۇنغا ئۆتتى

1miskal

	شىنخۇا ئاگېنتلىقىنىڭ تېلېگراممىسىغا ئاساسلانغاندا، گوللاندىيە تاراتقۇسىنىڭ 28-ئاۋغۇست ئامېرىكا ماركا قىممەت باھالاش ئورگىنىنىڭ دوكلاتىدىن نەقىل كەلتۈرۈپ خەۋەر قىلىشىچە، 2012-يىلى «جۇڭگو» دىن ئىبارەت بۇ ماركىنىڭ قىممىتى تۆت تىرىليون 847 مىليارد ئامېرىكا دوللىرىغا يېتىپ، يەر شارى بويىچە ئالدىنقى يىلىدىكى 3-ئورۇندىن بۇ يىل 2- ئورۇنغا ئۆتۈپ، قىممىتى ئۈچ تىرىليون 903 مىليارد ئامېرىكا دوللىرىغا يارايدىغان «گېرمانىيە» ماركىسىدىن ئېشىپ كەتكەن. ئامېرىكىدىكى «ماركا مالىيەسى» ناملىق باھالاش ئورگىنى ئېلان قىلغان «ئەڭ قىممەتكە ئىگە 20 خەلقئارا ماركا» ناملىق بۇ دوكلاتتا مۇنداق كۆرسىتىلدى: 2012- يىلى ئامېرىكىنىڭ دۆلەت ماركىسى يەر شارى بويىچە 1- ئورۇندا بولۇپ، ئۇنىڭ قىممىتى 14 تىرىليون 641 مىليارد ئامېرىكا دوللىرىغا يەتتى، جۇڭگو بىلەن گېرمانىيەدىن ئىبارەت بۇ  ئىككى دۆلەتنىڭ ماركا قىممىتى ئامېرىكىنىڭ كەينىدىلا تۇردى. ياپونىيە (ئىككى تىرىليون 552 مىليارد ئامېرىكا دوللىرى)، ئەنگلىيە (ئىككى تىرىليون 189 مىليارد ئامېرىكا دوللىرى)، فرانسىيە (بىر تىرىليون 963 مىليارد ئامېرىكا دوللىرى) 4- ئورۇندىن 6- ئورۇنغىچە تۇردى. گوللاندىيە بولسا ئالدىنقى يىلدىكى 12- ئورۇندىن بۇ يىل 15- ئورۇنغا چۈشۈپ قالدى. مەزكۇر دوكلاتتا مۇنداق دېيىلدى: دۆلەتلەرنىڭ ماركا قىممىتى رەت تەرتىپى مەبلەغ سېلىش، ساياھەت، مەھسۇلات ۋە ئىختىساسلىقلاردىن ئىبارەت تۆت ئاساسلىق ئامىلنىڭ ئىقتىسادقا كۆرسىتىدىغان تەسىرى ئاساسىدا باھالاش ئارقىلىق چىقىرىلغان. بۇ تۆت ئامىل بىر دۆلەت ماركىسىنىڭ قىممىتىنى ئۆستۈرۈپ، ئىچكى ئىشلەپچىقىرىش ئومۇمىي قىممىتىنى ئاشۇرۇشنى ئەمەلگە ئاشۇرۇشتا ئىنتايىن مۇھىم رول ئوينايدۇ. ئۇنىڭدىن باشقا، مەزكۇر دوكلاتتىكى سانلىق مەلۇماتلاردىن كۆرسىتىلىشچە، دۆلەت ماركىسىنىڭ قىممىتى ئەڭ تېز ئېشىۋاتقان دۆلەتلەر ئىچىدە پولشا 1-ئورۇندا تۇرغان، ئوكرائىنا ۋە شۋېتسارىيە ئۇنىڭ كەينىدە تۇرغان، جۇڭگو 4-ئورۇندا تۇرغان. مەنبەسى:جۇڭگو ئۇيغۇرچە رادىيو تورى

adj

	دىۋاندا ئولتۇپ ئوقۇي ..ئاندىن ئېنكاس يازوي .

sargarda

	ساختا   مەھسۇلات  ئىشلەپچىقىرىشتا   ئالدىنقى  قاتارغا  ئۆتۈپتىمۇ  يا  ؟ مەن  خاتا  ئوقۇۋالدىممۇ  ؟

kaLGundi

	ئىنتايىن ياخشى بوپتۇ.

Suchi

	قىممىتى بىلەن ئابرويى بىر گەپ بولىشى،ياكى ماس ھالدا بولىشى كېرەكتى.

bzkm

	جوڭگونىڭ ماركا قىممىتى ياپۇنيىدىنمۇ يۇقىرمىكەن ئىشىنەلمەي قالدىم جۇمۇ مەن، ساختا مال دىگەننىغۇ تىزىۋىتدۇ

bzkm

	ھە راست ماۋۇ قىزغا قايسى ئورۇن ياكى شەخىس ياردەم قىلىدۇدىگەن تېمىنى قايسى باشقۇرغۇچى يۇيۋەتتى ئۈزۈڭلارنى مەلۇم قىلىڭلار بولمىسا مەن باشقۇرغۇچىلارنىڭ ھەممىسىنى تىللاپ ۋەتۋەرىگىڭلارنى چىقىرۋىتىمەن، قانداق ساراڭ نېمە ئۇ دەيمەن ھە، ئەجىبا سەن قىيىنچىلىققا يۇلۇقمامسەن شۇلارغا ياردەم قىلمايسەن ئاكىسچە باشقىلارنىڭ تېمىسىنى ئۈچۈرۋېتەمسەن تېزدىن ئۈزۈڭنى مەلۇم قىل

ئېمپىراتور

	ساختا ئەرزان  بولغانلىقى ئۈچۈن ياپۇنيەنىڭ ئالدىدا دە ئەلۋەتتە!

ataman0008

	بەك خۇشال بولدۇم جۇمۇ مەن بۇ بىزنڭ دولەت نىڭ ماركىسى

uyghur05

	دۆلىتىمىز ياماندە