شۇنداق بىر قىز بار

مىژگان

	شۇنداق بىر قىز بار يات كىشىلەر ئالدىدا  جىمغۇر ھەم سوغۇق. لېكىن تونۇشلار يېنىدا شۇنچىلىك ئوچۇق-يورۇق، گەپدان.  دوسىتلىرى بىلەن چاقچاقلىشىپ،  ئويناشقاندا قاقاھلاپ كۈلگەندىكى ھالىتى بىلەن ھېسابلاشمايدۇ،  «سەن ئۇنداق، مەن مۇنداق» دەپ ئايرىپمۇ ئولتۇرمايدۇ. لېكىن بۇنىڭغا قاراپ ئۇنى قوپالكەن دەپ،  ئويلاپ قالماڭ، ئەمەلىيەتتە ئۇ بەكمۇ  ساددا خالاس.    بۇ قىز بەزىدە غەمكىنلىشىپمۇ قالىدۇ، دوسىتلىرى نېمە بولغانلىقىنى سورىسا: «ھېچنىمە بولمىدى» دەپ  جاۋاب بېرىدۇ. ئەسلىدە ئۇ  ھارغان، ئەسلىدە ئۇ ئىللىقىنە بىر كۆيۈنۈشكە مۇھتاج بولغان.    بۇ قىز ئاسانلىقچە مۇھەببەتلەشمەيدۇ، ئەمما مۇھەببەتلەشسە ئۇنى چوقۇم قەدىرلەيدۇ. ئۇ مۇھەببىتىنىمۇ دوسىتلىرىدەك شوخلۇقى بىلەن كۈلدۈرسە «ھەددىدىن ئاشتىغۇ» دېمەڭ. ئۇ پەقەت ئۆز خۇشاللىقىنى، بەختىنى باشقىلار بىلەن ئورتاق بەھىرلىىشنىلا ئويلىغان، تۈز كۆڭۈللىكىدىن ئۇنىڭدىن ئارتۇقىنى ئويلىمايدۇ.    بۇ قىز مۇھەببىتنىڭ ئۆزىگە ۋاپاسىزلىق قىلىشىغا ھەرگىز يول قويمايدۇ. ئەگەر ئوغۇل دوستى ھەقىقەتەن يۈزسىزلىك قىلسا شۇ زامان ئۇنىڭدىن ئايرىلىدۇ. بۇنىڭدىن ئۇنى «باغرى تاش» دەپ ئەيىبلىمەڭ. چۈنكى ئۇنىڭ پاك ، گۈزەل قەلبى پەسلىك بىلەن چىقىشالمايدۇ. ئۇندىن باشقا قارشى تەرەپنى چوڭقۇر سۆيگەنلىكتىن ئۆزىنىڭ كۆز يېشىنى كۆرۈپ قېلىشىنىمۇ خالىمايدۇ.    بۇ قىز مۇھەببىتىدىن ئايرىلىپ كەتكەندە دوسىتلىرى ئالدىدا توختىماستىن كۈلۈپ، تېخىمۇ شوخلۇق قىلىدۇ. ئەگەر  بىرسى:« قانداقراق تۇرىسەن» دەپ سورىسا  ئۇنى قۇچاقلاپ تۇرۇپ ئازاب بىلەن يىغلايدۇيۇ، بىر ئازدىن كېيىن ئاچچىق كۈلۈپ تۇرۇپ:« ئۆزۈمنىڭ بىر ئوغۇل بالا ئۈچۈن يىغلىشىمنى ئويلاپ باقماپتىكەنمەن» دەيدۇ.    ئەگەر بۇنداق قىزغا ئۇچراپ قالسىڭىز ، ئۇنىڭ دوستى بولسىڭىز ئۇنىڭدىن «دوسىتلرىنى بەك ئىزدىمەيدۇ،  بىپەرۋا» دەپ ئاغرىنماڭ. ئەمەلىيەتتە ئۇ يەنە تۈز كۆڭۈل، ئاقكۆڭۈللۈكى تۈپەيلى كىشىلەر بىلەن مۇناسىۋەت ئورنىتىشقا ماھىر ئەمەس. بىراق، ئۇ ھەقىقەتەن دوسىتلىققا يارايدۇ.    ئەگەر ئۇنى ياخشى كۆرۈپ قالغان بولسىڭىز  ئۇنىڭغا ئېيىتماڭ، ئۇ خۇددى كىچىك بالىدەك گۆدەك بولغاچقا ئۆزىمۇ ئېيتىپ بېرەلمەيدىغان بىر سەۋەب بىلەن سىزدىن قېچىشى ھەتتا سىزگە ئۆچ بولۇپ قېلىشى مۇمكىن.    ئەگەر ئۇ سىزنى ياخشى كۆرۈپ قالغان بولسا ئۇنىڭدىن قاچماڭ، بىزار بولماڭ.  بولمىسا ئۇنى ئازابلاپلا  قالماستىن يەنە  غۇرۇرىنى دەپسەندە قىلغان بولىسىز. خاتىرجەم بولۇڭ، ئۇ ھەرگىز تورمۇشىڭىزغا دەخلى يەتكۈزمەيدۇ. پەقەت سىزنى يىراقتىن كۆرۈپ تۇرسا شۇنىڭدىن كۇپايىلىنىپ، سىزنىڭ خۇشال بولۇشىڭىزنى ئۈمىد قىلىدۇ ،  سىزگە بەخىت تىلەيدۇ.    ئەگەر ئۇنىڭ  بىلەن ھايات يولىڭىزنى بىرگە بېسىشنى تاللىغان بولسىڭىز ئۇنداقتا ئۇنى چوقۇم قەدىرلەڭ، ئۇنىڭغا يول قويۇڭ. چۈنكى ئۇ كىچىك ئىشلاردا ئۆزىنىڭ دېگىنىنى قىلىپ بەڭباشلىق قىغاندەك قىلىسىمۇ لېكىن چوڭ ئىشلاردا ھامان ئاغزىڭىزغا قارايدۇ.  ئۇنى «دۆت، ئىش ئۇقمايدۇ» دەپ تىللىسڭىز ئۇ  ئاغزىنى ئۈمچەيتسىمۇ لېكىن سىزدىن رەنجىمەيدۇ. ئۇ ھامان بىر ئاقكۆڭۈل، ياخشى بالا بولۇشتەك گۈزەل ئارزۇ-ئارمانلىرى ئىچىدە ياشاۋېرىدۇ.    شۇنداق بىر قىز بار، ئۇ ئەتراپىدىكى ھەممە ئادەمنىڭ خۇشاللىقىنى، بەختىنى تىلەيدۇ. ھېچكىمنىڭ ئازابلىنىپ، ئۆزئارا ئازارلىشىپ قېلىشىنى خالىمايدۇ. مەيلى ئۇنىڭ سۆيگەن، ياخشى كۆرگەن ئادىمى ياكى نەپرەتلەنگەن كىشىسى بولسۇن.      تەرجىمە قىلغۇچى: مىژگان

jawzaa

	ئەگەر بۇ تىمىدىكى پىرسوناژ قىز بولماي ئوغۇل بوپ قالغان بولسا مىنىڭ خاراكتىرىم بۇ تىمىدىكى مەزمۇنلارغا چۈشىدىكەنتۇق................

katran

	تىلى بەك راۋان تەرجىمە قىلىنىپتۇ جانىم، ئەسەردىكى قىزنىڭ ئوبرازىنى ياقتۇرۇپ قالدىم........ ھى ھى مېنىڭ بەزى قىلىقىممۇ چۈشۈپ قالىدىكەن لېكىن.

BAHADER1

	ياخشى تىمكەن  مۇنبەرگە كىركىمۇ دەل شۇ

سۈمەييە

	تىمىدىكى ظازراق مەزمۇنلار مىنىڭ خارەكتىرىمگە توغرا كەپ قالىدىكەن جانىم بەك گەۋدىلىك تەرجىمە قىلىپسىز , مۇشۇنداق ظىسىل تىمىلارنى پات-پات تەرجىمە قىلىپ يوللاپ تۇرارسىز

kaLGundi

	شۇنداق بىر قىز باركىن ھىلىيگەرلىك نەيرەڭۋازلىق ھەم  ئاق كۆڭۆللۈك  سەمىمىلىك مىھرىبانلىق  ھەممىسى ئۇنىڭغا   مۇجەسسەملەنگەن

nazila998

	بۇ تىما ئارقىلىق ياخشى قىزلارنىڭ خاراكتىرى ئوبدانلا ئىچىپ بىرلىپتۇ ، قەلىمىڭىز ھارمىسۇن قىرىندىشىم

yawayi-0998

	شۇنداق قىزلار لىكىن ئاللىقانداقتۇر بىر قانداق ئوغۇللار تەرىپىدىن  قەلبى ئازاپلانغان..ئوغۇللارغا نەپرەتتە قارايدۇ....شۇنداق ئوغۇللارمۇ بار  ئاللىقانداقتۇر قىزلار تەرىپىدىن ئازاپلانغان ... قەلبىدە قىزلارغا نەپرەت بار ...شۇنداق...

kaLGundi

	بولسا يىگىتلەرنىڭكىنىمۇ يوللاپ قۇيۇڭ.                                                                      شۇنداق بىر يىگىت بار ئىنتايىن پەرۋاسىز. لىكىن قەلبىدە مۇھەببەت يالقۇنجايدۇ ئۇ بىر  قىزنى شۇنداق ياخشى  كۆرسىمۇ  ئۇنىڭدىن ئايرىلدى. سەۋەبى شۇكى يىگىت قىزنىڭ  ئايرىلىپ كىتەيلى دىگەن سۆزىنى ئاڭلىغان ۋاقىتتا گەرچە ئۇنىڭدىن ئايرىلغۇسى بولمىسىمۇ  قىزنى ھۆرمەتلىگەنلىكى ئۇچۇن قىزنىڭ قارارىنى ھۆرمەت قىلىپ ئۇنىڭدىن ئايرىلدى. يىگىت قىزنىڭ قارارىنى ھۆرمەتلەش بەدىلىگە ئۆزىگە تۈگىمەس بىر دەت ئەلەمنى تېپۋالدى.  يىگىت بۇ ئازاپلارغا چىدىمەي قىز بىلەن بولغان ھۆرمەت پەدىشەپنى بۇزۋەتتى. ...  ئۇ مەڭگۇ مۇشۇنداق پەرۋاسىز. ئۇ قىزنى بەك ياخشى كۆرسىمۇ يەنىلا پەرۋاسىز قىياپەتكە كىرۋالىدۇ.. چۇنكى بۇ پەرۋاسىزلىق يىگىتتىكى ئۆزگەرتكىلى بولمايدىغان بىر ئادەت.

bugaltir

	گۈزەل ئەخلاق ئادەم بالىسىنىڭ قەدر-قىممىتى، ھۆرمىتى ئۇنىڭ ئەخلاقىغا قاراپ بەلگىلىنىدۇ. گۈزەل ئەخلاقلىق ئادەم ئەڭ مۆتىۋەر بولۇپ، ئەخلاقسىزلار بولسا خەلق ئالدىدا قەدرسىز. ئادەم بالىسى ياش چېغىدا ئۆگەنگەن ئادەتلەر ئۇنىڭ بىلەن مەڭگۈ بىللە بولىدۇ. شۇڭا، گۈزەل ئەخلاقنى ياش ۋاقتىدا ئۆگىنىش كېرەك. گۈزەل ئەخلاق ھەربىر ئادەم ئۈچۈن زۆرۈر. ئەخلاقسىز قىزلار ياخشى نام چىقىرالمايدۇ. ئەتىۋارىمۇ بولمايدۇ. گۈزەل خۇلقنىڭ ئانىسى ھايا بىلەن ئىپپەتتۇر. بىر قىزدا ھايا بىلەن ئىپپەت بولسا، گۈزەل خۇلقنىڭ ھەممىسى ئۇنىڭدا بولىدۇ. تەكەببۇرلۇق، يالغان سۆزلەش، گەپ توشۇش، ئارسىز-نومۇسىزلىق، ئەدەپ-قائىدىلەرگە ئېتىبارسىز قاراش − ھاياسىزلىق ۋە ئىپپەتسىزلىكتۇر.