7 ئەجدادىڭىزنى بىلەمسىز ؟

möljarli

	ئۇيغۇر تور دۇنياسىغا ئەتىياز بولغاندىن بۇيان مۇنبەردىكى كۆپلىگەن قىممەتلىك تېمىلاردىن ھەممەمىز بىردەك بەھىر ئېلىپ، بىلمىگەنلىرىمىزنى ئۈگۈنۈپ، ئاڭلىمىغانلىرىمىزدىن خەۋەردار بۇلاپ، كۆرمىگەنلىرىمىز بىلەن يېرىم دىدارلىشىپ، غەمكىن قەلبىمىزگە ئاز بولسىمۇ تەسەللى بېرىپ، چەكسىز ھۇزۇرلىنىپ كېلىۋاتىمىز. شۇڭا تېخىمىۇ قىززىقىشىمىز ۋە پايدىلىنىشىمىز ئۈچۈن ئوخشىمىغان مەزمۇندىكى تېمىلارنىڭ ئوتتۇرغا قۇيۇلىشى لازىمدەك قىلىدۇ. ئويلاپ قارىسام توردا ئوتتۇرغا تاشلانمىغان، ياكى “بۇرۇن تاشلانغان بولسىمۇ“ مەن كۆرمىگەن مۇنداق بىر مەسىلە ئېسىمگە كەلدى. بۇندىن بىرقانچە يىل ئىلگىرى ئوتتۇرا ئاسىيادىكى قېرنداش مىللەتلەردىن بولغان بىر دوستۇم ماڭا مۇنداق بىر سۇئالنى قويغانلىقى ئېسىمگە كەلدى. ئۇيغۇرلار ئېسىل-مەدىنىيەتلىك مىللەت، ئەجداتلىرىدىن چەكسىز پەخىرلىنىدۇ، ئالاھىدە ھۆرمەتلەيدۇ، ئۇلاردىن قالغان مىراسلىرىنى قەدىرلەپ ساقلايدۇ. ئەمما ئۇلارنىڭ نام-شەرىپىنى سۆيمەيدۇ، ئۇنىڭغا ۋارىس بۇلۇشنى ۋە ئەۋلاتلىرىغا مىراس قالدۇرۇشنى خالىمايدۇ !!!. بۇ سۆزنى تۇنجى ئاڭلىغىنىمدا غەزىپىم ئۆرلەپ، ۋۇجۇدۇم تىترەپ، شۇنداق بىئارام بولدۇم. بۇ كەيپىياتىمنى كۆرگەن دوستۇمنىڭ ئىزاھات بېرىشىچە،  بىز ئۇيغۇرلار ئەجدادىمىزنىڭ تەخەللۇسىنى قوللانمايدىكەنمىز، ئەگەر دادىمىز دۇنيادىن كەتسىلا، ئارىدىن ئۇزۇن يىل ئۆتمەيلا باللىرىمىز ئۇلارنى، بىز دۇنيادىن كەتسەك نەۋرىلىرىمىز بىزنى ئۇنتۇلۇپ، ھەتتا ئائىلىۋى تارىخىمىزنى ئۇنتۇلۇپ كېتىدىكەن.  بۇ سۆزنى ئاڭلاپ يۇقارقى پىكىرنىڭ خېلىلا جېنى بارلىقىنى ھىسقىلدىم. ئەنە شۇ كۈندىن باشلاپ ئۆزۈمگە يېڭىبىر تەخەللۇسمۇ قويدۇم، بىراق ئۇ ئاجدادىمنىڭ ئەمەس. بۈگۈن مۇشۇ پىكىر ھەققىدە مۇلاھىزە قىلىپ كۆرۈشنى ئويلاپ، تورداشلارغا ئۆز كۆزقارىشىمنى سۇندۇم. ئەگەر يۇقارقى پىكىرنىڭ ئۇرۇنلۇق ئىكەنلىكىگە قۇشۇلسىڭىز، قېنى سىزمۇ ئۆز ئاتا ئەجدادىڭىزدىن(دادا تەرەپتىن)  يەتتە كىشىنى، ئۇلارنىڭ قاچان تۇغۇلغان ۋە قاچان ۋاپات بولغانلىقىنى، تەپسىلى يېزىپ بېقىڭ !!!. ئالدى بىلەن ئۆزەمدىن باشلاي— مېنىڭ ئەجدادىم — —دادامنىڭ تۇغۇلغان ۋاقتى— 1936-يىلى. — ۋاپات بولغان ۋاقتى 1988-يىلى 4-ئاينىڭ 12-كۈنى. —بوۋامنىڭ (دادامنىڭ دادىسى) تۇغۇلغان ۋقتى، بىلمەيمەن. — ۋاپات بولغان ۋاقتى 1970 - يىلى (ئاي كۈنلىرىنى بىلمەيمەن). دادامنىڭ بوۋىسىنىڭ (بوۋامنىڭ دادىسى) تۇغۇلغان ۋاقتى، بىلمەيمەن. دادام رەھمەتلىك كىچىك چېغامىزدا بۇلارنى بىزگە سۆزلەپ بەرگەن، بىراق يادىمدا قالماپتۇ. مانا مىنىڭ ئەجدادىمنىڭ تارىخنى بىلىشىم !!!. نىمە دىمەكچى بولغىنىم چۈشۈنىشلىك بولغاندۇ؟ ئېتىبارىڭىزلارغا رەھمەت مۆلجەرلى 2012-09-07

xaban010

	بەكمۇ  قىممەتلىك تەكلىپلەرنى سۇنۇپسىز  كۆپ رەھمەت سىزگە

abdulahad

	مەن4-ئەجدادىمنىڭ ئىسمىنى بىلىمەن چۈنكى بۇلار ئەجداتلىرىنىڭ ئىسىملىرىنى داۋام ئەتكەن ئىكەن. دادمنىڭ ئىسمى بىلەن دادمنىڭ بوۋىسىنىڭ ئىسمى ئوخشاش بوۋامنىڭ ئىسمى بىلەن بوۋىسىنىڭ ئىسمنى ئوخشاشكەنتۇق بۇنى رەھمەتلىك دادام ماڭا ئېيتىپ بەرگەن. ئەپسۇس  بۇ ئىسىملار تولا تەكرارلانغاچقىمىكىن،بوۋامنىڭ ۋاپاتىدىن كىيىن مەن دۇنياغا كەلگەن بولساممۇ. دادام بۇئىشلارنى داۋام قىلماپتۇ. بوۋامنڭ ئىسمىنى تاغامنىڭ ئوغلىغا قويدۇق. ئاللا خالىسا مەن ئەجداتلىرىمنىڭ ئىسمىنى ئەۋلاتلىرىمغا ئېيتىپ بىرىمەن.

alimjan4000

	دەل جايىغا تەگكەن تېما بوپتۇ !      مەنمۇ  ئۇزاقتىن بۇيان مۇشۇ توغۇرلۇق ئويلىنپ كەلگەن !  بىزلەردە كۆپ سانلىق كىشلەر جەمەت نەسەپدامىسى يىزىپ قالدۇرمايمىز ، ھەتتا يوق دىيەرلىك !  پەقەت كۆپ بىلسەك ئۈچ ئەۋلادىمىزنىلا بىلىمىز (مەنمۇ شۇنىڭ ئېچىدە)  ئۇندىن باشقىسى بىزگە نامەلۇم !!!   بۇنى ھەممىمىز ئويلىنىپ بىقىشقا تېگىشلىك .   تېما ئىگىسى ، تېمىڭىزغا تەشەككۈر !!!

Erk~OghLi

	كروراندىكى ئىزچىلار  دېگەن كىتابنى ئوقۇپ قويۇڭلار

saparbay

	ياخشى پىكىرنى ئوتتۇرىغا قويۇپسىز، مەن بوۋامنىڭ بوۋىسىغىچە بولغان ئەجدادلىرىمنىڭ ئىسمىنى بىلىمەن، ئۇنىڭدىن ئىلگىركىلەرنىڭ تارىخىنى سۈرۈشتە قىلىۋاتىمەن، ئاللاھ بۇيرىسا، بالىلىرىمغا ئۇنىڭدىنمۇ كۆپ تارىخنى بىلدۈرگۈم بار !

سۇئال

	1992-1998   بولغىچە   بولغان  ئارلىقىتا       تارىم  غۇنچىلىرى    ژۇرۇنىلدا  مەخسۇس  سەھىپىلار  بارتى. .  .  تۇلۇق   مۇكەممەل  ئېيتىپ بىرەلىگەنلەرگە          1-2-3       دەرجىلىك    مۇكاپاتلاربولدىغان .  . .

koglvm

	ھەي،مەن نىمە دىيىشىمنىمۇ بىلەلمەيلا قالدىم.....

katran

	شۇنداق بىز نېمىشقا بىلمەيمىز، بىزمۇ ئەسلى قىسقا بولسىمۇ ئائىلە تەزكىرىسى يېزىپ قالدۇرغان بولساق، ئەۋلاتلىرىمىزمۇ يېزىپ قالدۇرسا، شۇنىڭغا قاراپ بىز بىلمىسەكمۇ بىزدىن كېيىنكى ئەۋلاتلىرىمىز بىلەلەيتتىكەن ئەسلى. بىزنىڭ بۇ تەرەپلەردە خېلى ئومۇملاشتى ھازىر ئائىلە تەزكىرى يېزىش.

aixa

	ھەي  مەن  دادامنىڭ  دادىسنىڭلام  ئىسمىنى  بىلىدىكەنمەن. تۇغۇلغان  ۋاختىنى  ئەسلا  بىلمەيدىكەنمەن