مەن ئوقۇتقۇچى(نەسىر)

angar

	مەن ئوقۇتقۇچى (نەسىر) مەن- ئوقۇتقۇچى! قۇياش ئەمەسمەن،پۈتكۈل كائىناتقا ھارارەت بېرىدىغان،ئەمما  مەن بىر مەشئەلدۇرمەنكى ئىلىم- ئېرپان نۇرلىرى چاچرىتىپ ،قاراڭغۇلۇقتا قالغانلارنى يورۇق دۇنياغا يېتەكلەيدىغان.   مەن- ئوقۇتقۇچى!ئاي ئەمەسمەن،قاراڭغۇ تۈنلەرگە ئاپپاق نۇرلىرىنى بېرەلەيدىغان،ئەمما مەن بىر شامدۇرمەنكى ، شام روھى ئارقىلىق ،قاراڭغۇ دىللارغا نۇر بېرەلەيدىغان.   مەن- ئوقۇتقۇچى! بەقۇۋۋەت پالۋان ئەمەسمەن،جەڭلەردە ،چېلىشلاردا زور كۈچ كۆرسىتىپ پالۋان ئاتالغان،ۋەياكى جىسمىمدىن كۈچلۈكلۈك  بىلىنىپ تۇرىدىغان،ئەمما مەن  شۇنداق بىر كۈرەش قىلغۇچىكى كەلگۈسى ئەۋلادلارنى پالۋان سۈپەت ئادەم قىلىپ، روھىنى ئىلىم قۇراللىرى بىلەن قۇراللاندۈرۈپ،نادانلىق ئىللەتلىرى بىلەن جەڭ قىلىشقا يىتەكلەيدىغان.   مەن- ئوقۇتقۇچى! يامغۇر ئەمەسمەن،تەبىئەتتىكى بارلىق مەۋجۇدادلارنى يۇيۇپ،چاڭقىغان زىمىنغا ھاياتلىق بېرەلەيدىغان ،ئەمما مەن شۇنداق بىر تامچىدۇرمەنكى مېھنەت -تەرلىرىم ئارقىلىق بىلىمگە تەشنا ،چاڭقىغان قەلبلەرنى شادلاندۇرىدىغان.   مەن- ئوقۇتقۇچى! دېڭىز -ئوكيان ئەمەسمەن،ھەيۋەتلىك دولقۇن ياساپ،شىددەت بىلەن ئاقىدىغان.ئەمما مەن كىچىك بىر بىلىم بۇلۇقىدۇرمەنكى ھەر ئېقىشىمدا كۆڭۈللەرنى  ئېلىم شەربەتلىرى بىلەن تويۇندۇرىدىغان.   مەن- ئوقۇتقۇچى!ئەۋلىيا ئەمەسمەن،ئاجايىپ كارامەتلىرىم بىلەن ئالەمشۇمۇل  مۇجىزىلەرنى يارىتالايدىغان.ئەمما مەن شۇنداق بىر ئاددىي ئىنسانمەنكى  ئەجىر ۋە مېھنىتىم ئارقىلىق كىشىلەرنىڭ قەلب تۆرىدىن ئورۇن ئالىدىغان .   مەن- ئوقۇتقۇچى! ھارماس تۇلپار ئەمەسمەن،ھەرقانداق بەيگىلەردە ئۇتۇپ چىقىدىغان.ئەمما مەن شۇنداق بىر جەۋەندازدۇرمەنكى ئويغاق تەپەككۇرلىرىمنى چاپتۇرۇپ ،پۈتكۈل ئالەمنى كېزىپ چىقىدىغان. ئۆزۈم يازغان

saparbay

	ياخشى يېزىلغان نەسرىي شىئېر بوپتۇ ! ئوقۇتقۇچى ئەمگىكىنىڭ ئۇلۇغلۇقى ھەققىدە ھېكمەتكە تويۇنغان ياخشى پىكىرلەرنى ئوتتۇرىغا قويۇپسىز ،  ئىجادىيىتڭىز بەرىكەتلىك بولسۇن !

qvxtabiri

	قىزغىنلىقىڭىزغا سوغۇق سۇ سەپكىنىم ئەمەس، ئاۋۋال سىز مەدھىيەلەۋاتقان ئوقۇتقۇچىلار قانداق بولۇۋاتىدۇ، قانداق بولۇشى كېرەك دېگەننى ئويلىنىپ ئاندىن مەدھىيەلىسىڭىزمۇ كېچىكمەيسىز.

izdinish

	«يوغان ئىش ! » دەيدىغان ، خويۇەنجىيا قېنىدۇ ئەمدى ؟؟

musilina

	باشقىلار ئوقۇتقۇچىلارغا قانداق باھالارنى بەرسۇن،مەن ئۆزۈمنىڭ بىر ئوقۇتقۇچى بولغىنىمدىن پەخىرلىنىمەن ۋە كەسپىمگە يۈز كەلگۈدەك ئىشلارنى قىلىش ئۈچۈن تىرىشىمەن.... /thread-61024-1-1.html

bayhenim

	izdinish يوللىغان ۋاقتى  2012-9-7 02:34 PM «يوغان ئىش ! » دەيدىغان ، خويۇەنجىيا قېنىدۇ ئەمدى ؟؟ سىز تىللاپ ھەيدىۋەتتىڭىزغۇ ئىسىڭىزدە يوقما

bayhenim

	مەن دوختۇرلۇق بىلەن ئوقۇتقۇچۇلۇققا بەك قىزىقاتتىم ئەپسۇس ئارمانغا چۇشلۇق دەرمان يوق .بىراق ئايال كىشى ئۈچۈن ئەڭ ياخشى ئىش ئۆيىدە ئولتۇرۇپ ئېرىنىڭ باللىرىنىڭ خىزمىتىنى ياخشى قىلىش شۇ توغرا ئۆزەمنىڭ شەخسىي گېپىنى قىلىپ كىتىپتىمىنا

natik

	ئۇقۇتقۇچى نۇرلۇق شام لىكىن ھازىرچۇ بىرنېمە دىمەك تەس ......

izdinish

	natik يوللىغان ۋاقتى  2012-9-7 03:29 PM ئۇقۇتقۇچى نۇرلۇق شام لىكىن ھازىرچۇ بىرنېمە دىمەك تەس .. ... شام ئۆزى ئېرىش بەدىلىگە يورۇقلۇق چىقىرىدۇ ، «لاكىن» ماۋۇ ئوقۇتقۇچىلار ، مائارىپنى سوتسىيالىزىمغا خىزمەت قىلدۇرۇش ئۈچۈن ئاۋارە ... ئۇلارنى شامغا ئوخشىتىش تۈپتىن خاتا ، چۈنكى ئوقۇتقۇچىلار بىلەن ئوقۇغۇچىلار ئارىسىدا پايدا - مەنپەئەت مۇناسىۋىتى بار ، ئوقۇغۇچىلار پۇل بېرىپ بىلىم ئالىدۇ ، ئوقۇتقۇچىلار بىلىم بېرىپ پۇل تاپىدۇ ، ئۇلار ھەرگىزمۇ شامغا ئوخشاش   _ «مەنپەئەتسىز» بەدەل تۆلىيەلمەيدۇ !!!

hokumran

	ئوقۇتقۇچى ھەققىدە قىلچە ئىنكاس يازغۇم يوق ئىدى. ئەمما يېزىش يەنىلا زۈرۈردەك قىلىدۇ. تېما ئىگىسىنىڭ ئوقۇتقۇچى ياكى ئەمەسلىكىنى بىلمەيمەن. بىراق ئۇنىڭ ئۇيغۇر ئىكەنلىكىنى، ئۇيغۇر تىلىنىڭ ئۇنىڭ ئانا تىلى، ئۇيغۇر يېزىقىنىڭ ئانا يېزىقى ئىكەنلىكىنى كۆڭلۈم يەنىلا تۇيۇپ تۇرىدۇ. ئەمما يازمىسىدىكى ئىملا خاتالىقى مېنىڭ بۇ قارىشىمغا نۇرغۇن گۇمانلارنى قالدۇردى. مۇنبەردىكى نۇرغۇن ئوقۇتقۇچىلارنىڭ يازمىسىدا ئۇيغۇر يېزىقى ئىملا خاتالىقىنىڭ كۆپ كۆرۈلۈشى بالامنىڭ ۋە نۇرغۇن بالىلىرىمىزنىڭ كەلگۈسىدىن ناھايىتى ئەندىشىگە ئەندىشىگە چۈشمەكتىمەن.