كەشتە توقۇپ ئولتۇرغان قىزغا

kok-sultan

	كەشتە توقۇپ ئولتۇرغان قىزغا كەشتە توقۇپ ئولتۇرغان قىزغا، تۈمەن قۇياش كۆرسىتەر جامال. قاراپ قالار نازلىنىپ گۈللەر، چىمەن باغدا قوغلىشىپ شامال. كەشتە توقۇپ ئولتۇرغان قىزغا، سالام يوللار گۈلشەندىن بۇلبۇل. مەپتۇن بولۇپ ھەۋەستە چەكسىز، توختاپ قالار سەپەردىن دۇلدۇل. كەشتە توقۇپ ئولتۇرغان قىزغا، چاچقۇ چاچار ئويناقلاپ دەريا. كۈمۈش دولقۇن ساماغا چۈشەر، ھالقا نۇردەك پىرقىرىپ گويا. كەشتە توقۇپ ئولتۇرغان قىزغا، سۆيگۈ بېرەر پايانسىز دالا. يېشىل ھايات جۇلالاپ تۇرار، ناخشا ئېيتىپ كۈيخۇمار بالا. كەشتە توقۇپ ئولتۇرغان قىزغا، ئوردا ياسار ئاسماندا يۇلتۇز. شېرىن پۇراق قاپلىغان ئالەم، سالقىن تۈندە سېغىنار يالپۇز. كەشتە توقۇپ ئولتۇرغان قىزغا، نەزمە پۈتەر ھاياجان شائىر. ئايان بولغان  گۈزەللىك ئارا، قىلىپ ئەلگە ئۆزىنى زاھىر. مەنبە: ئىجادىيىتىم

ئۆل

	كەشتىنى مەنمۇ تىكىپ  قويىمەن ..ماڭا يېزىغان شېئركەن بۇ

saparbay

	شىئېرىڭىز بەك ياخشى چىقىپتۇ !پىكىرنى شۇنداق يارقىن، لېرىكىلىق، ئوبرازلىق ئىپادىلەپسىز !

qiqakkiz

	كەشتە توقۇپ ئەمەس ، كەشتە تىكىپ يېزىلغان بولسا توغرا بۇلاتتى . مەنمۇ  كەشتە تىكىمەن ، بالىلارغا پوپايكا توقۇيمەن .

kaLGundi

	ياخشى چىقىپتۇ ماۋۇ شېئىر

AYGUZAL007

	مەنمۇ   كەشتە     تۇقۇسام    بولامدۇ   نىمە   بۇگۈندىن   باشلاپ

bayhenim

	مەن پەقەت بىلمەيمەن مۇشۇ كەشتە توقۇشنى كاللام ئىشلىمەيدۇ دىسە مۇشۇ ئىشقا .بەك ئەقىل بوپ كەتسە شۇنداق بۇلامدۇ يا

aptuwa

	ۋاي ۋۇۇۇۇۇۇۇۇۇۇۇۇۇۇي ، كەشتە تىكىپ ئولتۇرغان قىز بەلكىم يىپ يىڭنە بىلەن بۇلۇپ كىتىپ پۈتۈن كائىناتتىكى ئۆزىگە مەدھىيە ئوقۇۋاتقان بۇنداق كۈي سادالاردىن بىخەۋەر ھەقىچان . كەشتە توقۇپ ئولتۇرغان قىزغا، سالام يوللار گۈلشەندىن بۇلبۇل. مەپتۇن بولۇپ ھەۋەستە چەكسىز، توختاپ قالار سەپەردىن دۇلدۇل. ئوبرازلىق ئوخشىتىش ، شېئىرىڭىز بەك ياخشى چىقىپتۇ  ،

qiqak1219

	كەشتە توقۇپ ئولتۇرغان قىزغا، ئوردا ياسار ئاسماندا يۇلتۇز. شېرىن پۇراق قاپلىغان ئالەم، سالقىن تۈندە سېغىنار يالپۇز. بەك ياخشى يېزىلغان شېئىرلاركەن بۇ ، مەنمۇ شۇنداق ئۇستا كەشتە تىكىشكە .

KARWAN731