دېھقان ئوبرازى ھەققىدە ئىككى كەلىمە سۆز

dilqin0998

	سۆيۈملۈك دوستلار، ئۇزۇندىن بىرى ئىچىم ئاچچىق بولغان بىر ئىش بار ئىدى، بۈگۈن ئاخىرى تىشىپ چىقتى. شۇڭا ھەققانىي مۇلاھىزەڭلەرگە سۇندۇم. ھەممىمىزگە ئايان ھازىرقى بەزى مەتبۇئاتلاردا ئېلان قىلىنىۋاتقان ھېكايە، پوۋېسىت، رومانلاردا، سەھنىلەردە ئوينىلىۋاتقان ئىتوت-كۈلدۈرگە قاتارلىقلاردا دېھقان ئوبرازى تولىمۇ كۈلكىلىك، گەپ -سۆزلىرى قاملاشمىغان، شۇنچىلىك قاتمال قىلىپ تەسۋىرلىنىپ جەمئىيەتتە ئالقىشقا ئىرىشىپ كىلىۋاتىدۇ. بۇ نادىر ئەسەرلەردىن زوق ئالىدىغانلارنىڭ كۆپىنچىسى ئۆزىنى ئالى مەلۇماتلىق، پاكىز، ئىلمىي چاغلايدىغان كىشىلەرنى تەشكىل قىلىدۇ. ئۇنداقتا يېزىلاردىكى دېھقانلار راسلا شۇنچىلىك كالۋا، كۈلكىلىك، مەتۇمىدۇ؟. دۆلىتىمىز نوپۇسىنىڭ 80 پىرسەنىت ئەتراپى يېزا نوپۇسنى تەشكىل قىلىدۇ.ئۇنداقتا 1مىلياردقا يېقىن ئادەم راسلا بۇ ئاتالمىش ئىجادكارلرىمىزنىڭ ئىجادىيىتىدىكى ئوبرازلاردەك بولسا دۆلىتىمىز قانداق دۆلەت بوپ قالار؟ يا شەھەرلەردىكى ئىلغار زىيالىيلار رلا دۆلەتنىڭ راۋان تەرەققىياتىنىڭ ۋەكىللىرى بولالامدىكەن.؟ پارتىيە -ھۆكۈمەت ۋە ھەر دەرىجىلىك ئورۇنلار دىھقانلارنىڭ ئارتۇقچىلىقىنى كەڭ تۈردە تەشۋىق قىلىپ دىھقانلارنىڭ دۆلىتىمىز تەرەققىياتىدا .بولۇپمۇ ئىنسانىيەت ھاياتلىقىدا قوشۇۋاتقان تۆھپىلىرى تەكىتلىنىۋاتقان مۇشۇنداق كۈنلەردە بەزى ئاتالمىش مەدەنىيەتچىلىرىمىز،ئىجادىيەتچىلىرىمىز دېھقانلارنى مەسخىرە قىلىپ ھەجۋىيلەشتۈرۈپ مەتبۇئاتلارغا،سەھنىلەرگە سۆرەپ ئاچىقماقتا . نۇرغۇن ئىلغار پىكىرلىك زىيالىيلىرىمىزمۇ  دېھقانلارنى ئەنە شۇنداق ھالەتتە چۈشىنىشتى.بەزى چەتئەللىك ئوقۇرمەن ياكى تاماشىبىنلارمۇ  جۇڭگو دېھقانلىرىنى ئەنە شۇنداق چۈشەندى. دېھقانلارنى چۈشۈرىدىغان ئۇنداق مەسخىرە خارەكتىرلىك ئەسەرلەرگە ھېچقانداق توختىتىش تەدبىرىمۇ قوللىنىلمىدى. بىرەرسى ئاشكارا بىر نەرسىمۇ دىمىدى. ئەمەلىيەتتە بۇ بىر كىشىنىڭ ئەمەس بىر دۆلەت خەلقىنىڭ كەمسىتىلىشى، قورسىقىنى بىقىۋاتقانلارنىڭ ئىززەت-ھۆرمىتىنى سىتىپ مەتبۇئاتلاردا، سەھنىلەردە تىرىكچىلىك قىلغانلىقتىن باشقا نەرسە ئەمەس.... بۇ يەردە ئالاھىدە تەكىتلىمەكچى بولغىنىم دۆلىتىمىز دېھقانلىرىنىڭ كىشىلىك ئىززەت -ھۆرمىتى مىھنەتكەش جۇڭگو دېھقانلىرى قورسىقىنى بىقىپ كىلىۋاتقان ئاز بىر قىسىم ئاق نانچىلار تەرىپىدىن دەپسەندە قىلىندى، جەمىيەتتە دېھقان ئوبرازىغا بولغان خاتا ئۇقۇم كىلىپ چىقتى. بەزى شاش ئىجادىيەتچىلىرىمىز دېھقانلارنى ھەرخىل ياساپ قوراشتۇرۇپ  يېزىپ بەرسە، خىلى ئوقۇپ بىلىم ئالغان خەلق تەرىپىدىن  ئېتىراپ قىلىنغان بەزى چولپانلىرىمىزمۇ  ئەتىگەندە ئۆيدىن چىقىشتىن بۇرۇن ناشتا قىلغان ئاق ئاشنىڭ نەدىن، كىمنىڭ مېھنىتىدىن كەلگىنىنى خىيالىغا كەلتۈرۈپمۇ قويماي سەھنىدە ئىتوت، كۈلدۈرگە دەپ ئېلان قىلىپ بەرسە پوچى ئويناپ، رەھمەت خەلقىم، دەپلا سەھنىدىن مەغرۇر چۈشۈپ كىتىشىدۇ. ئۇلارنىڭ خەلقى پەقەت شۇ زالغا بىلەتنى پۇلغا سېتىۋىلىپ ئۆزىنى قوللاۋاتقان كۆز ئالدىدىكى تاماشىبىنلىرى. بۇنداق چولپانلار ئەلۋەتتە ھەممىسى ئەمەس، مەن دېھقانلارنى ئىجادى ئەسەر، سەھنىلەردە مەسخىرە قىلىۋاتقانلارنى دىمەكچى، ئەمىلىيەتتە ئۇلار خەلىقنىڭ ئەمەس، پۇلنىڭ، نام -شۆھرەتنىڭ  چولپىنى. ئاساسى قاتلامدىكى كۆپ سانلىق ئەمگەكچى خەلق ھەرگىز ئۇلارنىڭ خەلقى ئەمەس. شۇنى ئېنىق ئەسكەرتىپ قويماقچىمەن ؛ئنسانىيەت ئارىسىدا ئەنە شۇ كۆرۈمسىز كىشىلەر دۇنيانى بىقىپ كىلىۋاتىدۇ. دۆلىتىمىزدە تېخى يىقىنقى يىللاردا شەھەرلىشىش ئۇچقاندەك تەرەققى قىلىۋاتىدۇ . بىز ئىنسانىيەتتىن تېخى يىراقلاپ تەرەققى قىلىپ كەتكىنىمىز يوق. ئۇزۇن يىللىق تەرەققىيات ۋە كۈندىلىك تۇرمۇشتىكى ھاي دەپ يالۋۇرسىمۇ ئۇنىماي ئاچىدىغان قورساق مەسىلىسىدە دىھقانلارنىڭ مىننەتسىز مېھنىتىدىن ئايرىلىشىمىز مۇمكىن ئەمەس. شۇڭا ھىچكىمنىڭ  ئەشۇ ساددا، سۆيۈملۈك كىشىلىرىمىزنىڭ ئىززەت ھۆرمىتىگە دەخلى قىلىش، قوپالراق ئىيتقاندا   دەپسەندە قىلىش ھوقوقى يوق. ئەمەلىيەتتە دېھقانلىرىمىز ئۇنچىلىك ھەجۋېيمۇ، مەتۇ، كالامپايمۇ  ئەمەس، نى نى ئىختىساسلىق خادىملار شۇ دېھقانلاردىن چىقىۋاتىدۇ. بەزىلەر ياراتقان ئوبراز قىسمەن نېرۋىسى ئاجىز كىسەللەرنىڭ قىياپىتى. نەچچە مىڭدىن بىر ئىدى .بۇنداقلار شەھەرلەردىمۇ ماڭدامدا بىر ئۇچرايدۇ، لېكىن ئۇلارنىڭ ئوبرازىنى  سەھنىدە ،مەتبۇئاتلاردا  ئۇچرىتىش تەس. مېنىڭچە دېھقانلارنى شۇنداق ئوبرازدا ياراتقان ئاتالمىش ئىجادىيەتچىلەر، چولپانلار  تىكىنى كۆرسە قوچقار دەيدىغان، ئېشەكنى كۆرسە تۇلپار دەيدىغان ۋىجدانىغا ئېشەك تىپىۋەتكەن جان باقارلار. گېپىم جەمئىيەتتىكى بەزى شەخىسلىرىمىزگە ئۆتۈپ كىتىشى مۇمكىن، لېكىن ھېچقىسى يوق، مۇندىن كېيىن <<ئويناپ سۆزلىسەڭمۇ، ئويلاپ سۆزلە>> دېگەن ھېكمەتنى چۈشىنىپراق سۆزلەر. يەنە بىر جەھەتتىن ئىلىپ ئىيتقاندا شۇلارنىڭ ياراتقان ئوبرازلىرى ماڭىمۇ ئۆتتى. چۈنكى مەنمۇ دېھقان ئىدىم .                                                                                      2010.يىلى ئاۋغۇست  [چىڭداۋ]                                    ئاپتورى؛ دىلچىن

AYGUZAL007

	مەيلى  دېھقان  بولامدۇ   كادىر   بولامدۇ   ھەممىمىزنىڭ  بارار جايىمىز ياتار  جايىمىز ئوخشاش.ھەممىمىز ئاللاھنىڭ بەندىلىرى.   باشلىقلارمۇ    تۇغۇلۇپلا باشلىق بوپ قالغان ئەمەس. ئۇلارمۇ دېھقاننىڭ بالىسى .  ئىككى تۆت تال پۇل تېپىپ ئازرا يۈز تېپىپ  ئەسلى ۋەسلىنى ئۇنتۇپ قېۋاتقانلار ئاز ئەمەس .

hokumran

	ئاپتورنىڭ يازمىسىدىكى ‹‹ئويناپ سۆزلىسەڭمۇ ئويلاپ سۆزلە›› دېگەن گېپى ھەقىقەتەن ئورۇنلۇق. بىراق دېھقان قېرىنداشلىرىمىز كەمسىتىلگەن، مەسخىرە قىلىنغان ئىتوت ياكى مەتبۇئات ئەسەرلىرىدىن قىسقىچە نەقىل ئېلىپ پاكىت ئارقىلىق سۆزلىگەن بولسا تېخىمۇ ياخشى بولاتتى. بولمىغاندا تورداشلار ئارىسىدا قايمۇقۇشنىڭ تەسىرىدە باشقىلارنى قالايمىقان ئەيىپلەش كېلىپ چىقىشى مۇمكىن.

zapar

	ھازىركۆپ ياخشى بولۇپ كەتتىغۇ؟ دېھقانلارنى چۈشۈرىدىغان نۇمۇرلار يوق دېيەرلىك.

saparbay

	مەنغۇ دېھقانلارنىڭ ئوبرازىنى خۇنۇكلەشتۈرىدىغان ئېتوت ياكى ئەسەرلەرنى كۆرۈپ باقمىدىم، باشقا مىللەتلەرنىڭ ئەسەرلىرىدە بارمۇ-يوق بىلمەيمەن، لېكىن شۇنىسى ئېنىقكى، دېھقانلار جەمئىيەتنىڭ ئاساسلىق گەۋدىسىنى تەشكىل قىلىدۇ. دېھقان ئوبرازى دېمەك خەلقنىڭ ئوبرازى دېمەكتۇر، دېھقانلارنى خۇنۇكلەشتۈرۈپ تەسۋېرلىگەن ئەسەرنىڭ ئۆزىنى خۇنۇك دېسە بولىدۇ، ئۇنداق ئەسەر تەبئىي ھالدا شاللىنىپ كىتىدۇ !

tugyan

	دەرۋەقە شۇنداق ! دېھقانلارنى كەمسىتكەنلەرنىڭ ،ھۈنۈكلەشتۈرگەنلەرنىڭ،ياراتمىغانلارنىڭ ئەپتىنىڭ كانچىلىكىنڭ قانچىلىىك ئىكەنلىكىنى سورايدىغان بولساق  نېمەدەركىن تاڭ!  مەنمۇ بىر دېھقاننىڭ پەرزەنتى دادام ئەنەشۇ يىرىكلىشىپ قارداپ كەتكەن قوللىرى بىلەن كوناداتلىشىپ كەتكەن كەتمىنىگە تاينىپ چوڭ ئاكام بىلەن مېنى ئالىي مەكتەپتە ئۇقۇتتى.  ئويلاپ باقايلى دېھقاندا ساپا يوق قالاق دەيمىز  دېھقاندا ساپا بولمىسا ئىككى بالىسىنى ئالىي مەكتەپتە ئۇقىتامۇ دېھقان ھېچبولمىغاندا ياخشى ئىشلىسە،تىرىشىپ ئۇقىسا تۇرمۇشىنىڭ ياخشىلىندىغىنىغا ئىشىنىدۇ ھەم بىلىدۇ. ئەمما بەزى زىيالى ياشلاچۇ؟

tewelgha

	مېنىڭچە بەزى  ئېتوتلاردا دېھقاننى بەكلا ساددا قىلىپ تەسۋىرلەيدۇ .بۇلۇپمۇ دېھقانچىلىق دورىلىرىنىڭ ئېلانلىرىدا بۇ مەسىلە مەكلا گەۋدىلىك . ھەددىدىن ئارتۇق ساددىلىق ئادەمنى دۆت كۆرسىتىپ قويىدۇ . ھازىرقى دېھقانلىرىمىزنىڭ ئالدى مەخسۇس كۇرۇس مەلۇماتلىق . ئۇلار ئۇنچىلىك ساددىمۇ  ئەمەس ...........................

bulak83

	دىھقان ئاكا جاپا چەكتىڭىز دەپ ئاغزىدا شۇئار توۋلاپ ،ئېچدە قانداق قېلسام سەن خەقنى قۇيامان دېگەنلار بەك جېق.  دېھقانلارنىڭ ساددىلقنى ئۇلار دۆت دەپ چۈشنىدۇ،ئاشۇ تېگى پەس -نائەھلى كېشلەر.دەپ كەلسەم بۇنداق گەپلەرنى ئچىم ئاچچىق بۇلۇپ قالدۇ ،توختاپ قالاي ،چۈنكى مەنمۇ دىھقان !!!