ھاشىمزادە : بىر قىسىم سەنئەتكارلارغا ئوچۇق خەت

haximzada

	بىر قىسىم سەنئەتكارلارغا ئوچۇق خەت --- يېڭى بۇرۇت ماجراسى3 ھۆرمەتلىك سەنئەتكارلار، ياخشىمۇسىزلەر! مەن جەنۇبى شىنجاڭنىڭ يىراق بىر يېزىسىدىكى تۇلۇقسىز ئوتتۇرا مەكتەپ مۇدىرى. ج ك پ نىڭ توغرارەھبەرلىكىدە رايونىمىز شىنجاڭنىڭ ئىقتىسادى، ئىجتىمائى، سىياسى ئىشلىرى ئۇچقاندەك تەرەققى قىلىۋاتقان بۈگۈنكى كۈندە مائارىپىمىزدىمۇ ئۇلۇغ ئۆزگىرىشلەر، غايەت زورنەتىجىلەر بارلىققا كەلدى. مۇۋەپپەقىيەت نەتىجىلىرىنى مۇستەھكەملەپ داۋاملىق دادىل ئىزدىنىشىمىز ئۈچۈن ھەردەرىجىلىك رەھبەرلەر مائارىپ سېپىمىزدە ئۇقۇتقۇچىلارنىڭ بۇرۇت ساقال ئۆستۈرىشىنى، ئايال ئوقۇتقۇچىلارنىڭ ياغلىق چىگىشىنى چەكلەۋاتىدۇ. بىر رەھبەر بولۇش سۈپىتىم بىلەن بۇ خىل قارارنىڭ تولىمۇ ۋاقتىدا، تولىمۇ ئاقىلانىلىك بىلەن چىقىرىلغانلىقىنى ئىتراپ قىلماي تۇرالمايمەن. دىمىسىمۇ شۇنچەچىرايلىق، قارا چاچلىرىنى گىلەمدەك يوغان ياغلىقتا ئورىۋالىدىغان خانىملار ئۈچۈن بۇ ئۆز گۈزەللىكىنى نامايان قىلىدىغان پۇرسەت. شۇنداقلا مائارىپىمىزنىڭ كەم بولسا بولمايدىغان زىننىتىنىڭ كاپالىتى ئەمەسمۇ؟ ئەر ئوقۇتقۇچىلار ھۇرۇنلىقىندىنمۇ ئەيتاۋۇر بىرنەچچە كۈنگىچە بۇرۇت-ساقاللىرىنى ئالماي مەكتىپىمىزنىڭ مەكتەپ ھويلا-مەدەنىيەت قۇرۇلىشىغا ئېغىر تەسىر يەتكۈزگەن ئىدى. مانا ئەمدى ئۇلارمۇ كۈندە بۇرۇت ساقاللىرىنى پاكىز قىرىپ خۇددى قاشتېشىدەك پارقىراپ كەلمىسە بولمايدىغان بولدى. «بىر قېتىم ياغلىق چىگىپ كەلگىنىڭنى، بىر كۈن بۇرۇت-ساقاللىرىڭنى ئالماي، قاسساپ چىراي كەلگىنىڭنى كۆرسەم ئۈچ كۈن سەۋەبسىز خىزمەت قالدۇرغان ھېسابىدا بىر تەرەپ قىلىمەن» دېگەن پەرمانىممۇ خېلى ئۈنۈم بەرگەن ئىدى. ئەپسۇس بۈگۈن بىر گەدەنكەش يېڭى كەلداخۇننىڭ(بۇ گۇينىڭغۇ كۆرىدىغان كۈنى بار) سەنئەتكارلارمۇ ياغلىق چىگىپ كىنو، ئېلان ئىشلەيدىكەن، بۇرۇت-ساقاللىرى بىلەن ئىجادىيەت قىلىدىكەن، سەنئەت كېچىلىكى ئاخىرلاشقاندا رەھبەرلەرنىڭ قوبۇل قىلىشىغا ئېرىشىدىكەن، ئەجىبا ئۇلار دۆلەت كادىرى ئەمەسمۇ؟ دەپ كۇسسۇرلاشلىرىنى ساداقەتمەنلىرىم ماڭا يەتكۈزدى.ئەھۋالدىن ئەمدى ئۇلارغا گەپ ئۆتكۈزىشىم تەستەك قىلاتتى. راست، مەن ئەجەب بۇلارنى ئويلاپ باقماپتىمەن دىسە، تېخى بىر قېتىم ئەسقەر رېقىپ بىلەن ئابدۇكېرىم ئابلىزنىڭ ھەقىقى ئۇيغۇرغا خاس تۇرقىنى ماختىغاندەك بىر سۆزنى قىلغانىدىم. (ھېلىمۇ ياخشى بىرەر سىياسى يانجۇقچىغا بولۇپ بەرمەپتۇ.) سىلەردىن جىددى تەرىزدە شۇنى ئۆتۈنىمەنكى، ھۆرمەتلىك سەنئەتكارلار، سىلەرمۇ پارتىيەنىڭ نان-تۇزىنى يېگەن كىشىلەر. بەلكىم ئاراڭلاردا پارتىيىۋىلىك كادىرلارمۇ ئاز ئەمەس. شۇنداق بولغاندىكىن، ياغلىقىڭلارنى تاشلىۋېتىپ، بۇرۇت-ساقىلىڭلارنى چۈشۈرۋەتسەڭلار قانداق؟ كەسىپ ئىھتىياجى بولغاندا يالغان چاچ، بۇرۇت-ساقال ئىشلەتسەڭلار بۇلاتتى ئەمەسمۇ؟... سەنئەت خەلقنى مەنىۋى جەھەتتىن يېتەكلىگۈچى، مائارىپمۇ شۇنداق. نىيىتىمىز بىر بولغاندىكىن ھەممەيلەن بىرلىشىپ، پارتىيىنىڭ ئاۋازىغا ئاكتىپ ئاۋاز قوشۇپ، ئۈستىمىزدىكى ئارتۇقچە يۈكنى تاشلىۋەتسسەك، كاللىمىزنى ئىچى تېشىمىزدىن ئازاد قىلىپ، بىر بىرىمىزنىڭ خىزمىتىنى قوللاپ خەلقنى ياخشى تەربىيلىسەك دېگەن ئۈمىدتىمەن. ئاخىردا سىلەرنىڭمۇ ماڭا ئوخشاش مۇدىردەك ئويدا بولىشىڭلارنى، دەرىجە ئاتلاپ ئۇچۇق خەت يېزىشقا مەجبۇر قىلماسلىقىڭلارنى تۆۋەنچىلىك بىلەن ئۆتۈنۈپ: XX يېزىلىق ئوتتۇرا مەكتەپ مۇدىرىدىن. مەنبە: ھاشىمزادە

mayir321

	قارا  قورساق

basut

	بۇ ئىجادىيىتىڭېز خېلى قاملىشىپتۇ ھاشىمزادە ،رەھمەت سىزگە.

zapar

	ھەي قامىلشپتۇ، تىلغا گەپكە ئۇستا جۇمۇ بىز.

AYGUZAL007

	بىر قېتىم ياغلىق چىگىپ كەلگىنىڭنى، بىر كۈن بۇرۇت-ساقاللىرىڭنى ئالماي، قاسساپ چىراي كەلگىنىڭنى كۆرسەم ئۈچ كۈن سەۋەبسىز خىزمەت قالدۇرغان ھېسابىدا بىر تەرەپ قىلىمەن» دېگەن پەرمانىممۇ خېلى ئۈنۈم بەرگەن ئىدى

DILKASH

	يازمىڭىزدىكى ئىپادىلىمەكچى بولغان پىكىرنى قوللايمەن. ئەپسۇس، بىر نۇقتىى مۇۋاپىق تاپمىدىم، ساقال -بۇرۇت قويۇش بىلەن ساقال بۇرۇتىنى ئالماي يەنى ۋاقتىدا ئالماي ئۆستۈرۈۋىلىش ئىككىسى ئىككى خىل ئىش. ساقال بۇرۇت قويۇش دېگەنلىك ساقال بۇرۇتنى  ئۆستۈرۈپ، ئارتۇقچە دەپ قارىغان قىسمىنى ئۇستىرىدا ئېلىپ، ئۆزى ياقتۇرغان شەكىلدە  قويۇۋىتىش دېگەن گەپ، بۇ خىل كىشىلەر ساقال قويدۇم دەپ سۇن مايمۇندەك چۇپپۇر يۈز بولىۋالماي نەچچە كۈندە بىر قېتىم ساقال بۇرۇتنىڭ ئەتراپىدىكى ئارتۇقچە تۈكلەرنى ئېلىپ، قايچا بىلەن قىرقىپ، قويۇپ بېرىلگەن قىسمىنىڭ كۆركەملىكىنى ساقلاش لازىم. ساقال بۇرىتىنى ئالماسلىق ساقال بۇرۇت قويغانلىق ئەمەس. ھورۇنلۇق، تازىلىققا رۇئايە قىلمىغانلىق. قويمىغان ئىكەن چوقۇم ۋاقتىدا ئېلىپ تۇرۇش كېرەك. بولۇپمۇ ئوقۇتقۇچىلار.

AYGUZAL007

	يازمىڭىزدىكى ئىپادىلىمەكچى بولغان پىكىرنى قوللايمەن. ئەپسۇس، بىر نۇقتىى مۇۋاپىق تاپمىدىم، ساقال -بۇرۇت قويۇش جڭ گەپ قىپسىز  جۇمۇ

yar318

	يو ئاللا ئەمدى ساقال بۇرۇتنىمۇ سوراپ قويامدۇق؟؟؟ ما ئادەمنىڭ گىپىنى...ئەمسە سىلنىڭ ئۆيدە ئايال كىشى يوقكەندە ...مۇشۇ ياغلىقنى ئىلۋەت دەپ ئاپاڭلىغا دەپ بىقىڭلار نىم دەيدۇ

kqalmayman

	سىز نىمە دىمەكچى مۇدىر، ساقال-بۇرۇت قۇيۇش،ياغلىق چىگىشكە بىر قىسىم قارا قوساق باشلىقلار بىلەن بىر نىيەتتە قارشى چىقماقچىمۇ ياكى................................... ئۇچۇق خېتىڭىزنىڭ مەركىزى ئىدىيەسىنى چۇشنەلمىدىم.

kqalmayman

	yar318 يوللىغان ۋاقتى  2012-9-7 10:23 AM يو ئاللا ئەمدى ساقال بۇرۇتنىمۇ سوراپ قويامدۇق؟؟؟ ما ئا ... خېلى بولدى قىز-ئاياللىرىمىزنىڭ بېشىدىكى ياغلىقلىرىنى ئالدۇرۇپ مەدىنىي پۇخرا قىلغىلى.ئەرلەرنىڭ ساقا-بۇرۇتلىرىنى ئالدۇرۇپ يات ئەللىك قىلغىلى.