كېچىكىپ كەشپ قىلىنغان نام-‹‹ئۈندىدار››

Hidayet

	زامانىۋى ئالاقە ئىختىرالىرى كۈنسايىن تېز راۋاجلىنىۋاتقان بۈگۈنكى كۈندە يېڭىلىقنى ئەڭ تېز قۇبۇل قىلىدىغان خەلق بولغان-ئۇيغۇر مىللىتىمۇ بۇ تەرەققىياتلاردىن ئۆز ۋاقتىدا پايدىلىنىشنى ئۇنتۇپ قالمىدى-ئەلۋەتتە!    微信دىن ئىبارەت بۇ ئالاقىلىشىش ۋاستىسى-ئىقتىدارىنىڭ مۇكەممەللىكى،ئەمەلىي قوللىنىشچانلىقىنىڭ يۇقىرى بولۇشى،ھەر قانداق ئەقلىي ئىقتىدارلىق قول تېلىفونلىرىدا بىمالال پايدىلىنىشچانلىقى،سۈرەت ھەم ۋىدىيولارنى تېز سۈرئەتتە يوللىيالايدىغان بولۇشچانلىقى،سىمسىز تور سىگنالى بولسىلا دۇنيانىڭ ھەر قانداق يېرىدىكى كىشىلەرنىڭ ئۆز-ئارا سۈزۈك تىلدا پاراڭلىشىش سۈپىتىنىڭ يۇقىرى بولۇشچانلىقى...قاتارلىق ئالاھىدىلىكلىرى بىلەن ئۆز نۆۋىتىدە ئىلگىرى تور ھەم قول تېلىفون ساھەسىدە قوللىنىلىۋاتقان ھەر قانداق ئالاقە ۋاستىسىنى مەغلۇپ قىلىپ ئابونتچىلارنىڭ كەم بولسا بولمايدىغان قورالىغا ئايلاندى.    خەنزۇچە قويۇلغان微信دىگەن نام بۇ دېتالنىڭ ئەمەلىي خۇسۇسىيىتىنى تولۇق گەۋدىلەندۈرگەن بولۇپ،بۇ سۆزنى يېشىپ تەھلىل قىلغاندا微دىگىنى-<<مىكرو>> دىگەن مەنىنى،信دىگىنى<<مەكتۈپ>>دىگەن مەنىنى بىلدۈرەتتى.چۈنكى بۇ ھۆججەتتە بىر قېتىمدا60سىكونتتىن ئارتۇق سۆزلەشكىلى بولمايتتى ھەم يېزىلغان خەتمۇ مەلۇم چەكتە توختايتتى. 微信دىن ئىبارەت بۇ دېتال يېڭى پەيدا بولغاندا ئاددى ھالدا سۆزلەشكىلى بولاتتى ياكى چەكلىك دائىرىدە خەت يېزىشقىلى بولاتتى.كېيىنچە بۇ دېتال ئۈزلۈكسىز ئەلالاشتۇرۇلۇپ،سۈرەت ۋىدىيو ئەۋەتكىلى بولىدىغان،شەخسى ئەلبۇم قىلغىلى بولىدىغان،ئەتراپىدىكى شۇ ھۆججەتتىن پايدىلىنىۋاتقان كىشىلەرھەم توپ  بىلەن ئالاقىلىشالايدىغان،كېيىنچە ھەتتا دىدارلىق پاراڭلاشقىلى بولىدىغان قىلىپ مۇكەممەللەشتۈرۈلدى.مۇشۇنداق مۇھىم دېتال ئىشلىتىلىپ بىر يىلدىن ئاشقاندىمۇ ئۇيغۇر جەمئىيىتىدە بۇ ھۆججەت خۇسۇسىدا ئىزدىلىنىلىپ قېلىپلاشقان،ئۇيغۇر جەمئىيىتى تەرىپىدىن بىردەك ئېتىراپ قىلىنغان،ئەڭ مۇھىمى مۇشۇ دېتالنىڭ ھەقىقى ئىقتىدارىغا ماس كەلگۈدەك بىرەر نام قويۇلمىدى.شۇ سەۋەب، تەپەككۈر ئويغاق،ئىزدىنىشچان،ئۆز مىللىي تىلىدىن باشقا نامنى تىلغا ئېلىشقا مەسئۇلىيەت نۇقتىسىدىن ئېھتىيات قىلىدىغان بىر قىسىم ئۇيغۇرلىرىمىز بۇ ھۆججەتكە بىر يىلنىڭ ئالدىدىلا<<مىكرو مەكتۈپ>>دەپ چىرايلىق ھەم ماسلىشىقلىق نامنى قويۇپ بولغان ھەم مەھەللىۋى دائىرىدە ئوموملاشتۇرۇشقا باشلىغان ئىدى.    خوش،ئەمدىلىكتە تورلاردا ۋە تېلىفونلىرىمىزدە كۈچەپ تەشۋىق قىلىنىپ بازارغا سېلىنىۋاتقان<<ئۈندىدار>>دىگەن نامنى قوللىنىش مۇۋاپىقمۇ ياكى بايا كۆرسەتكىنىمىزدەك<<مىكرو مەكتۈپ>>دىگەن نام بەكرەك ئەقىلغا سىغامدۇ؟بۇ خۇسۇستا تورداشلار بىلەن ئازراق ئورتاقلىشىپ باقساق ئارتۇق كەتمەس دىگەن ئويدا بىر قانچە نۇقتىدىن پىكىر يورىتىپ باقتۇق،تورداشلارنىڭ سوغۇققان بولۇپ ئىلمىي مۇنازىرە قىلىشىنى سورايمىز: 1.<<ئۈندىدار>>دىن ئىبارەت بۇ نام نىمە ئۈچۈن ئۇشبۇ ھۆججەت يېڭى ئىشلىتىلىۋاتقاندا قويۇلمىدى؟ قارىشىمىزچە: شۇ چاغلاردىكى دېتال ئىقتىدارىدىن قارىغاندا بۇ نامدىكى<<ئۈن>>غۇ بار بولاتتى،بىراق تېخى<<دىدار>>لىق ئارتۇقچىلىق ھازىرلانمىغان بولغاچقا بۇ ھۆججەت ھەرگىزمۇ<<ئۈندىدار>>بولالمايتتى.2.مەيلى سۆز قالدۇرۇش ياكى خەت يېزىش جەھەتتىكى چەكلىمىنى ھەم ئاساسىي فونكىسىيىسىنى نەزەردە تۇتقاندىمۇ ئۇشبۇ ھۆججەتنىڭ مۇھىم ئالاھىدىكى<<ئۈندىدار>>غا قارىغاندا<<مىكرو مەكتۈپ>>كە بەكرەك چۈشەمدىكىن دىگىسى كېلىدۇ.3.ئۇيغۇر مىللىتىنىڭ تىل قانۇنىيىتىگە تەدبىقلىغاندا<<ئۈندىدار>>دىگەن سۆز سەل تەسراق تەلەپپۇز قىلىنىدۇ ھەم ئاسان ئەستە ساقلىغىلى بولمايدۇ.ئەكسىچە<<مىكرو مەكتۈپ>>دىگەن نام تىلغا ئاسان كېلىدىغان ھەم ئەستە ساقلاشقا قولايلىقراق بولسا كېرەك....    قىسقىسى بىز تورداشلارنىڭ بۇ خۇسۇستىكى ئىزدىنىشلىرىگە ھەم كەشپىياتىغا قارشى ئەمەس.بىراق يېڭى قويۇلماقچى بولغان نام-چوقۇم شۇ نەرسىنىڭ ئومۇمىي ئالاھىدىلىكىگە ماس كېلىشى،قوللىنىشتا سۈرئىتى ۋە ئىنكاسى تېز  بولۇشى كېرەك.ئىمكانىيەت بولسا تورداشلارنىڭ مۇنازىرىسىدىن ئۆتكۈزۈپ،بىر نەچچە خىل لايىھىدىن پايدىلىنىپ ئەڭ ياخشىسىنى تاللاپ بېكىتىپ بولغاندىن كېيىن ئاندىن تەشۋىقات ئارقىلىق ئوموملاشتۇرسا تېخىمۇ ئادىل،دىموكراتىك،نۇقسانسىز بولغان بولار-ئىدى.    مەنبە:ئالما تېلىفون ھەۋەسكارلىرى سۆھبىتىدىن.6-سىنتەبىر شەھرى ئۈرۈمچى.

izdinish

	پايدىسىدىن زىيىنى كۆپ ، بۇ ئەپنىڭ !

tuntaxvixi

	مىكىرو دىگەن  غەرىپ ئەللىرىنڭ تىلى ...يەنىلە  ئۈندىدار ماس كىلەمىكىن....ئەسكەرتىش...راس دىگەندەك بۇنىڭ پايدىسىدىن زىيىنى كۆپ ...بۇنى .ئالاقە قۇرالى   دىيىشمۇ بولمايدۇ  ،بۇ پەقەت تىلفۇن پاراڭلاشقاننغا قارغاندا سەل ئاۋارچىلىق شۇ ،شۇڭلاشقا بەك ئازىلامدىكىن تاڭ...

assadulla

	راسلا بۇنىڭ پايدىسىدىن زىيىنى كوپرەك

banggi

	مىنىڭچە مىكرو دالدەك دىسەك مۇۋاپىق بۇلارمىكىن

subihan

	«  ئۈندىدار  » شۇنداق يېقىملىق ئاڭلىنىدىغۇ !؟

Davan_Axkuqi

	مۇشۇ ئۈندىدارنى ئويناپ ھازىر QQغا چىقىش خۇشياقمايدىغان بۇپ قالدى.  دېمىسىمۇ زىيىنى پايدىسىدىن كۆپ بۇنىڭ

Khalifa

	..مۇشۇ ۋېىشىن دېگەن نەرسە نۇرغۇن قىزلارنى كاردىن چىقىرىۋەتتى.نۇرغۇن قىز-يىگىتلەرنى ئادا-جۇدا قىلدى.....ئەسلى،شۇنداق ياخشى ئەپ ئىدى.查找附近的人دېگەن ئىقتىدارى ئادەمنى بەك ئاۋارە قىلىدىكەن ئەمەسمۇ.....

kuy@x

	ئۇندىدار دىسىغۇ بولىدىكە .لىكىن مۇشۇ نەسىنى ئىشلەتسە راستلا زىيانلق ما

albax

	بۇ ئۇدۇللا تەرجىمە بۇلۇپ قھپتۇ . مىنىڭچە يازما ئىگىسىنى تەكلىپى بۇيىچە ھەرقانداق يېڭى شەيئىگە چىققان ھامان ئۇيغۇرچە ئات قۇيۇپ ماڭايلى .