مۇھەممەتئېلى زۇنۇن تەشنايى ۋاپات بولدى

marya

	بۈگۈنكى دەۋىر ئۇيغۇر ئەدەبىياتىمىزنىڭ مۇھىم ۋەكىللىرىدىن بىرى، ئاتاقلىق شائىر، دىرامماتورۇگ، ئۇستاز ئەدىب مۇھەممەتئېلى زۇنۇن تەشنايى 2012-يىلى 9-ئاينىڭ 6-كۈنى كېچە سائەت 1 دە ئۈرۈمچىدە كېسەللىك سەۋەبىدىن ۋاپات بولدى. ئۇنىڭ ۋاپاتى ئۇيغۇر ئەدەبىياتى، جۈملىدىن ئۇيغۇر ئاپتونوم رايۇنىمىزنىڭ سوتسىيالىستىك كۆپ مىللەتلىك ئەدەبىيات ئىشلىرىنىڭ تەرەققىياتى ئۈچۈن زور يوقىتىش بولۇپ ھېساپلىنىدۇ. بىز بۇنىڭغا قايغۇرىدىغانلىقىمىزنى ۋە چوڭقۇر تەزىيەدە ئىكەنلىكىمىزنى بىلدۈرىمىز. مەرھۇمنىڭ ئائىلە تەۋەلىرى، ئۇرۇق – تۇققان، دوست – بۇرادەرلىرىگە سەبرە تىلەيمىز.   مەرھۇم مۇھەممەتئېلى زۇنۇن تەشنايى 1939-يىلى قەشقەردە تۇغۇلغان. 1958-يىلى شىنجاڭ ئۇنۋېرستىتىنىڭ ئەدەبىيات پاكۇلتىتىنى پۈتتۈرگەن. ئۈرۈمچى، يېڭىشەھەر قاتارلىق جايلاردا ئوقۇتقۇچى، قەشقەر ۋىلايەتلىك سەنئەت ئۆمىكى، شىنجاڭ  ئۇيغۇر ئاپتۇنۇم رايۇنلۇق ناخشا - ئۇسۇل ئۆمىكى قاتارلىق جايلاردا كەسپىي ئىجادىيەتچى بولۇپ ئىشلىگەن. 1955-يىلى ئەسەرلىرى ئېلان قىلىنىشقا باشلىغان. 1982-يىلى جۇڭگو يازغۇچىلار جەمىئىيىتىگە ئەزا بولۇپ كىرگەن.    ئاساسلىق ئەسەرلىرىدىن:«گۈلمېھرى»، «سەھەردىكى ئۇچىرىشىش»، «ئاچا - سىڭىل»، «جەنۇپتىكى جەڭ مارىشى» قاتارلىق شىئېر، ھېكايە، دىرامما توپلاملىرى بار بولۇپ، ئۇنىڭ «قۇچاقلا ئۇ سېنىڭ داداڭ» ناملىق شىئېرى تۇنجى نۆۋەتلىك مەملىكەتلىك ئاز سانلىق مىللەت ئەسەرلىرىنى باھالاشتا 1-دەرىجىلىك مۇكاپاتقا، «گۈلمېھرى» داستانى ئاپتۇنۇم رايۇن بويىچە 2-دەرىجىلىك ئىجادىيەت مۇكاپاتىغا، «ئۈچ دوست» غەربىي شىمال بويىچە مۇنەۋۋەر تېلۋىزىيە تىياتىرى سىناريىسى مۇكاپاتىغا ئېرىشكەن. مەنبە: http://bbs.xjzjxh.com/forum.php?mod=viewthread&tid=6227

bugaltir

	ئاللاھنىڭ ھۆكمىگە رازى بولۇپ سەۋر قىلىش، «ئىننا لىللاھى ۋە ئىننا ئىلەيھى راجىئۇن (بىز چوقۇم ئاللاھنىڭدۇرمىز، بىز چوقۇم ئۇنىڭ ھۇزۇرىغا قايتقۇچى كىشىلەرمىز)» دېيىش ۋە دۇئا قىلىش كېرەك. چۈنكى ئاللاھ تائالا پەيغەمبەر ئەلەيھىسسالامنى مۇسىبەت كەلگەندە يۇقارقى دۇئانى ئوقۇپ سەۋر قىلغۇچىلارغا، پەرۋەردىگارى تەرىپىدىن مەغپىرەتلەر ۋە رەھمەت ياغىدىغانلىقى بىلەن، ئۇلارنىڭ ھىدايەتكە ئېرىشىدىغانلىقى بىلەن خۇش خەۋەر بېرىشىگە بۇيرۇغان  . پەيغەمبەر ئەلەيھىسسالاممۇ مۇنداق دېگەن: «بېشىغا بىرەر مۇسىبەت كەلگەن قانداقلا بىر بەندە: ‹بىز چوقۇم ئاللاھنىڭدۇرمىز، بىز چوقۇم ئۇنىڭ ھۇزۇرىغا قايتقۇچى كىشىلەرمىز. ئى ئاللاھ! مۇسىبىتىمدە ماڭا ساۋاب ئاتا قىلغىن، ماڭا ئۇنىڭ ئورنىغا ئۇنىڭدىنمۇ ياخشىراقىنى ئاتا قىلغىن›، دېسە، ئاللاھ تائالا ئۇ كىشىگە مۇسىبىتىدە ساۋاب ئاتا قىلىدۇ ۋە ئۇ كىشىگە يوقاتقان نەرسىنىڭ ئورنىغا ئۇنىڭدىنمۇ ياخشىراقىنى بېرىدۇ»

hekmat110

	ياتقان يىرى جەننەتتە بولسۇن

kelin

	سەھەر سائەت 1:00دىگەن قايسى ۋاقىتنى كۆرسىتدۇ........؟؟؟

arman312

	قىسقىغىنە بىر نەچچە ئاي ئىچىدە،ھىلى قەشقەردىن،ھىلى ئاتۇشتىن كەلگەن، ھۆرمەتكە سازاۋەر ئۆلىمالىرىمىزنىڭ ئۈلۈم خەۋىرىگە قۇشۇلۇپ....مانا ئەمدى بۇ شائىرىمىزنىڭ مۇسبەت خەۋىرى كەپتۇ.....بىر قەۋمنىڭ نادانلىقتا قېلىشى دەل مۇشۇنداق ئىلىمدار كىشلەرنىڭ كىتىشى بىلەن بۇلىدۇ.....

TaRKiN

	ئىننا لىللاھى ۋە ئىننا ئىلەيھى راجىئۇن .            ياتقان يىرى جەننەتتە بولسۇن!                                          گۇناھلىرىنى اللاھ ئىگىمىز ئۆزى كەچۈرەر.

tang-xamili

	kelin يوللىغان ۋاقتى  2012-9-6 12:08 PM سەھەر سائەت 1:00دىگەن قايسى ۋاقىتنى كۆرسىتدۇ........؟؟؟{ ... كېچە سائەت 1 نى كۆرسىتىدۇ

ihtiram

	مەرھۇمنىڭ ياتقان يېرى جەننەتتە بولغاي. ئامىن!

turkinaz0992

	مەرھۇمنىڭ ياتقان يېرى جەننەتتە بولغاي ! مەرھۇمنىڭ   ئىجاد مېۋىلىرى مەڭگۈ ئۆلمەيدۇ .  نامى قەلبىمىزدە مەڭگۈ ساقلانغۇسى !....

rahatmakan

	ئەلۋىدا  ئۇستاز  شائىرىمىز  ياتقان  يىرىڭىز  جەننەتە  بولغاي  سىز خەلقىمىزنىڭ بەختى ئۈچۈن  نۇرغۇن جاپالىق شەرەپلىك  كۈچ  چىقارغان  ئىدىڭىز  ئەلۋىدا  ئۇستاز