تېلېۋىزور

KARWAN731

	ئۆيىمىزنىڭ تۆرىدىن ئورۇن ئالدىڭ تېلېۋىزور ، سېتىۋالغاچ<<مەركەزنىڭ ساداسىنى ئاڭلاي >>دەپ ؛ <<ئايلىنىدۇ قاپاققا دەۋىر چاقى توختىماي ، بۇ يەر شارى كەنتىدە نە ئىش بولدى ، بىلەي ...>>دەپ. ئويلىغانتىم مەن يەنە :كىنو پەسلى كەتكەچكە ، كۆرەي ئۆيدە ئولتۇرۇپ تۈرلۈك سەرخىل نۇمۇرنى ؛ تىنىچلانسۇن بۇ كۆڭۈل ئېلىپ روھى ئوزۇقلار ، ئارام تاپسۇن ۋۇجۇدۇم ، سۈرەي ساغلام ھۇزۇرنى... بەربات بولدى بىردەمدە ، ئەپسۇس ، شېرىن چۈشلىرىم ، سەن سۆزلىگەن ئالامەت سالغاچ مېنى تەشۋىشكە . قالمىدىمۇ دۇنيادا ساغلام-تېمەن ، ساق ئادەم، ياكى شۇنداق قورقۇتۇپ كەلتۈرەمسەن ئەيۋەشكە؟ <<داۋالايمىز تۇغماسنى ، قوچقار تۇغار ساغلىق >>دەپ ، گەپ باشلىساڭ ،توختايسەن كېلىپ <<مەزى بېزى...>> دە. <<شاگىرت بولغاچ بۈركۈتكە ئېشەك ئۇچتى ئاسماندا >>، دەپ جۆيلۈيسەن تارتىنماي شەيتان كەبى بەزىدە . چاقىرىسەن توختىماي <<...ئورنىمىزغا بىر كېلىڭ ، ئۆلەر ئادەم ھايالسىز پاشا چاقسا ئەگەردە ... تەكلىپ قىلدۇق سىز ئۈچۈن داڭلىق دوختۇر - ھەكىمنى ، تېز ئالدىنى ئالمىساق ، ھاياتىڭىز خەتەردە . چىرايىڭىز بەك سۇلغۇن ، چاتاق بارغۇ جىگەردە ! قان بېسىمى يۇقىرى ، بۆرەككە تاش چۈشۈپتۇ ؛ ئاجىزلاپتۇ تېنىڭىز ، ئىچىڭ <ئابى زەمزەم >...نى، زەمبۇرۇغ بار ئۈچەيدە ، ئۆپكە سۇلۇق ئىشىشىپتۇ. چېچىڭىز بەك شالاڭكەن ، بۇ خەتەردىن بىشارەت ، ئۈنلۈك تىنسا ئىش چاتاق،جان ئالىدۇ خورەكمۇ ؛ <شىپالىق چىش پاستىسى >ھەل قىلىدۇ ھەممىنى ، <كۇمىلاچ >بار ، يېسىلا تىرىلىدۇ ئۆلۈكمۇ ! تىك تۇرالماس ئادەملەر ئەگەر سۆڭەك بوشىسا ، كېسەل باردۇر تېرىدە ئانچە-مۇنچە قىچىشسا ؛ بۇ كاپسۇلنى يېسىڭىز ، ھەل بۇلىدۇ ئىشىڭىز ، ئىچىپ بېرىڭ داۋاملىق قورساق مۇجۇپ ئېچىشسا . چۈشۈرىدۇ بۇ <مەلھەم>داغ ،سەپكۈننى ،تۈكلەرنى... سىناپ كۆرۈڭ خاتىرجەم پىنھان جايدا بولسىمۇ ؛ ياۋا ئوت-چۆپ ، گىياھنىڭ جەۋھىرىنى ئىلغاشتا ، شۇنچە ئالىم نەچچە يىل جاپا تارتتى ئەجەپمۇ ... ئالەمدىكى خوشاللىق پەقەت سىزگە مەنسۇپتۇر ، بۇ دورىنى يېسىڭىز ئايلىنىسىز بۇقىغا ؛ بوز يىگىتلەر كۆزىنى ئۈزەلمەيدۇ مەڭگۈگە ، چاپلىما بار شىپالىق ياندۇرىدۇ < قىزلىق>قا ... دەپ ئاشۇنداق جار سېلىپ ، تاپتىڭ نۇرغۇن كېسەلنى ، ئارقىدىنلا دورىسى تەييار يەنە سېنىڭدە ؛ كۆردۈڭ بۇرنۇڭ ئۇچىنى <<پۇل!>>بولغاچقا مەقسىتىڭ ، يوقان ساڭا ئىشەنچمۇ ، گۇمان-شەك كۆپ ھەممىدە. داڭلىمىغان باغىرداق،كۇسار ،مايكاڭ ... قالمىدى، ھە دېگەندە بۇرايسەن گەپنى ئشتان ئىچىگە ! ئولتۇرالماس خاتىرجەم بىر ئائىلە ئادىمى ، توپا چاچقاچ دائىما سەن ھايانىڭ كۆزىگە . ياخشى نومۇر بولسىلا ھەر مىنۇتتا نەچچە رەت ، ئارىلىشىدۇ تېتىقسىز ، قېلىن-بېزەڭ ئېلانلار . بۇ قىلمىشى گوياكى رادىيوسى چەت ئەلنىڭ ، خام كېكىردى ئېلانغا نۇرغۇن گېزىت-ژۇرناللار . دېمەك ، ھەر خىل يول بىلەن تاڭدىڭ <<ئۆتمەس ماتا >>نى ، ئالدى نۇرغۇن ئادەملەر زورلاپ ساتار تاناڭنى . قالمىدىكى ھېچنەرسە سەن بازارغا سالمىغان ، قويۇپ بەرسەك يانمايسەن ئالداشتىن ئۆز ئاناڭنى ! ھېچبىر شۈكۈر قىلمىدىڭ ياكى ئىزا تارتمىدىڭ ، ماختاش-داڭلاش كېتەمدۇ راستنى شۇنداق توختىماي ؟ ئاۋام رايى قەيەردە ، سادىغاڭ كېتەي سېنىڭدىن ، ئاچ كۆزۈڭنى تېلېۋىزور، سەن غەپلەتتە ئۇخلىماي ! <<يەتسۇن تېزدىن ئاۋامغا ئەمىر ،پەرمان ،سىياسەت...>> شۇ مەقسەتتە كىرگۈزدى مەركەز سېنى ئۆي-ئۆيگە . پۇلنى ئويلاپ،ئۇنتۇدۇڭ ۋەزىپەڭنى ، رولۇڭنى ، ئەل -ئاۋامنى بەزدۈردۈڭ ، پىلتە بولدۇڭ دەيدەيگە . مەنبە : جۇڭگو مىللەتلىرى دىن ئېلىندى .

diyarm

	ھەي تىلىۋىزىردا نىمە گۇناھ ؟ گەپ يەنلا تىلىۋزىيە ئىستانسىلىردا ، مۇشۇ نونى نىڭ ئىلانمۇ شۇ ، بۇلار دىمگەن بىر گەپ قالدى ، ئۇبولسا . بۇنى يىسڭز ياكى ئىچسىڭز ئولمەيسىز ، ئولگەن ئولوككە ئىچۈرسىڭسز تىرىلدۇ ، مۇشۇ گەپ قالدمىكى مىنىڭچە . باشقىسىنى دەپ بولدى بۇلار ،

bulak83

	بېزنىڭ بۇ يەردە بېز ئۇخلاپ بولغاندا بېردۇ تېلۋېزىيە تىياتىرى دېگەن نەرسنى.

qiqakkiz

	تېلىۋۇزۇردىن ئاغرىماي ، ئۆيدىن يوقاتساڭلا بولىدۇ .

bugaltir

	ھېچبىر شۈكۈر قىلمىدىڭ ياكى ئىزا تارتمىدىڭ ، ماختاش-داڭلاش كېتەمدۇ راستنى شۇنداق توختىماي ؟ ئاۋام رايى قەيەردە ، سادىغاڭ كېتەي سېنىڭدىن ، ئاچ كۆزۈڭنى تېلېۋىزور، سەن غەپلەتتە ئۇخلىماي !

sargarda

	qiqakkiz يوللىغان ۋاقتى  2012-9-6 11:40 AM تېلىۋۇزۇردىن ئاغرىماي ، ئۆيدىن يوقاتساڭلا بولىدۇ . قاۋاقخانىغا   كىرىۋېلىپ ،  ھاراقنى   تىللىغاندەك   بىر  ئىش...

kqalmayman

	ئاپتۇرى كىمكىنە بۇ ئەسەرنىڭ،ئوبدانلا يېزىپ قۇيۇپتۇ.

huxqiray

	تېلىۋېزور ھەققىدە قارىدىم مۇسۇلمان ئىش-ئىزلىرىڭغا ، ئۈلۈكسىز قارىدىم ئۆي-جايلىرىڭغا. نەزىرىم كەتتى بەكمۇ ئىچكىرلەپ ، ھەتتا دەججالنىڭ جازىلىرىغا . قويۇپسەن ئۆيۈڭدە دەججالغا جازا، قارايسەن ئۇنىڭغا ھەتتا بىرھازا . كەلدىمۇ ئۇنىڭغا ئۇزاق قاراشتىن ، ئۆزۈڭگە خەلىققە يوغان بىرپايدا . ئېلىپسەن ئۇنى ئېگىز تەكچىگە ، دىلىڭدىن چىقمايدۇ ھەپتە-ھەپتىگە. ئازدۇردۇڭ كۆرسەتتىڭ ئەمدى بولدىمۇ ، ئايالىڭ باللىرىڭ نەۋرە-نەۋرىگە . ئېگىز ئالغىلى قۇرئانىڭمۇ ئۇ ، دىلىڭدىن چىقمايدۇ ئىمانىڭمۇ ئۇ . خۇدىڭنى بىلمىدىڭ ئەي نادان دوستۇم ، يېتىشكە ئىنتىلگەن ئارمانىڭمۇ ئۇ . ھەقىقەت كۆزۈڭنى ئاچقىنا دەستۇم ، ياغدىمۇ زەھەر بار بىلىپ قوي دوستۇم . قۇرئاننى جازىغا يەڭگۈشلەپ قويۇپ ، ئاللاھتىن(بۇيەرنى ئوقۇيالمىدىم)دوستۇم . مەنبە ؛ دوستۇمنىڭ خاتىرىسىدىن

uyghur05

	تىلىۋىزورنى خېلى ئوبدان تەسۋىرلىتىپسىزغۇ . مېنىڭمۇ قەتئىي خوشام قالمىدى مۇشۇ تېلۋوزور بلەن .