بىر ئانىنىڭ نىداسى

دصلرابا

	مەن بىر ئاددىي ئانا ، مەن ھەر قېتىم ئوغلۇمنىڭ << دادا ، دادا >> دىگەنلىرىنى ئاڭلىغىنىمدا ، يۈرەكلىرىم پارە پارە بولۇپ ، ئۆزۈمىنى خۇددى ئوتتا كۆيۈۋاتقاندەك ، يۈرۈكىمنى بىر نەرسە غاجىلاۋاتقاندەك ، شۇنداق بىئارام بولۇپ كېتىمەن . چۈنكى ئوغلۇم دادا مېھرىدىن مەھرۇم بولۇپ قالغىلى ئىككى يىل بولدى.    بۇندىن دەل ئىككى يىل بۇرۇن ، مەن بالامنىڭ دادىسى بىلەن ئامالسىز ئاجىرىشىپ كەتكەن ئىدىم، ئۇنىڭغا يالۋۇرۇپ يېلىنىشلىرىم ھەممىسى بىكا بولدى، بۇ تەقدىر نىمانچە كاجدۇر.....      مەن بىر يالغۇز قىز ، تۆت ئوغۇلنىڭ ئارىسىدا چوڭ بولغان، يەنە كېلىپ ، ئاتا ئانام مېنى بەكلا قاتتىق باشقۇرغاچقا ، مېنىڭ ۋاي دىگۈدەك بىرەر يېقىن دوستۇممۇ يوق، دوستۇم دەپ يۈرگەنلىرىمنىڭ ھەممىسى ، دائىم مېنىڭ رەقىبىمگە ئايلىنىپ قالىدۇ. شۇڭلاشقىمىكىن ، مەن شۇنچىلىك غەمكىن ، مەن ئەززەلدىن ئىقتىسادىي جەھەتتىن قىيىنچىلىق تارتىپ باقمىغان، ئەمما مېنىڭ روھى دۇنيارىم قۇپقۇرۇق، مەن دائىم ئۆزۈمنى شۇنچىلىك يالغۇز ، شۇنچىلىك غېرىپ ھېس قىلىمەن، مېنىڭ پاراڭلاشقۇدەك مۇڭداشقۇدەك بىرەر دوستۇممۇ يوق، ئاپامغا دىسەم ، گەپنى قىلىپ بولغۇچە مېنى ئەيىپلىگىلى تۇرىدۇ، شۇ سەۋەپتىنمۇ مەن شۇنداق قورقۇنچاق.    ئالىي مەكتەپتە ئوقۇۋاتقان ۋاقتىمىمۇ مېنىڭ ئەڭ يېقىن سىردىشىم كىتاپ. دەم ئېلىش كۈنلىرىدە ساۋاقداشلىرىم ھەر خىل كۆڭۈل ئېچىش سورۇنلىرىغا بېرىپ ئويناپ كەلسە ، مېنىڭ بىردىنبىر بارىدىغان جايىم كۈتۈپخانا ، كىتابخانا ، مېنى ئىزدىگەن ھەر قانداق بىر ئادەم مېنى شۇ جايلاردىن تاپاللايدۇ، ئالىي مەكتەپتىكى ئۈچ يىللىق ھاياتىممۇ ئەنە شۇنداق يالغۇزلۇق ، تەنھالىق بىلەن ئۆتتى.     ئالىي مەكتەپنى پۈتتۈرۈپ كېلىپ يېزىمىزدىكى بىر پونكىتقا خىزمەتكە چۈشتۈم، كۈنلىرىم يەنىلا بۇرۇنقىدەك بىر خىل رېتىمدا ئۆتىۋاتاتتى، خىزمىتىم جاپالىق ، دەم ئېلىش ۋاقتىم ئاز ،يەنە كېلىپ يېڭىلا خىزمەتكە چۈشكەچكە ،ئائىلەمدىكىلەر بىلەن ئاسانلا ئازارلىشىپ قالاتتىم، بەزىدە يوقىلاڭ ئىشلار بىلەن مېنى ئەيىپلەيتتى، شۇنداق يۈرگەن كۈنلەردە مەن ئۇنىڭ بىلەن تونۇشۇپ قالدىم، مەن شۇنداق بىر روھى يۆلەنچۈككە ، مەن بىلەن مۇڭدىشىدىغان ، مېنىڭ گەپلىرىمنى ئاڭلايدىغان، مەن يالغۇز قاكغان چاغلاردا  ماڭا ھەمرا بولىدىغان بىرىگە مۇھتاق بولغاچقا ، شۇنداقلا بۇرۇقتۇرما تۇرمۇشتىن قۇتۇلۇش ئۈچۈن ،تونۇشۇپ ئۇزاق ئۆتمەي ئۇنىڭ بىلەن توي قىدىم، مەن ئۆزۈمىنى شۇنداق بەختلىك چاغلايتتىم، بىر يىلدىن كىيىن بىز بىر ئوغۇل پەرزەنتلىك بولدۇق، بىزنىڭ بۇ چاغدىكى خوشاللىقىمىز......مەن ئۆزۈمنى تېخىمۇ بەخىتلىك ھېس قىلدىم، ئانا بولغاندىكى خۇشاللىقىمنى دىمەيلا قوياي، ئوغلۇمغا تويماي قارايتتىم، ئۇمۇ ئوغلۇمغا شۇنداق ئامىراق ئىدى، دوستلىرىمىز بىزگە شۇنداق ھەۋەس قىلىشاتىى، لىكىن نىمە سەۋەبتىنكىنتاڭ ، مەن بىر ئىشنى پەقەتلا چۈشەنمەي كېلىۋاتاتتىم، چۈنكى ، ئىككىمىز  ئىناق ئۆتسەك قىيىنئانام بىلەن قىيىنئاتام  خاپا بولۇپ قالاتتى، لىكىن مەن بۇ ئىشلارنى خىيالىمغا كەلتۈرمەي ، قۇربىمنىڭ يېتىشىچە ئۇلارنىڭ خىزمىتىنى قىلىپ يۈرۈۋەردىم، شۇنداق يۈرگەن كۈنلەرنىڭ بىرىدە ، ئاغرىپ قېلىپ دوختۇرخانىغا بارسام ، دوختۇرلار بالىياتقۇدا ئۆسمە بارلىقىنى ، ئوپىراتسىيە قىلىدىغانلىقىنى ئېيتتى ، ئوپىراتسىيەدىن كىيىن ، مېنىڭ قايتا بالىلىق بولالمايدىغانلىقىمنى ئېيتقىنىدا ، ئۆزۈمنىڭ قانداق بولۇپ كەتكەنلىمنى بىر ئۆزۈم بىلىمەن، شۇنىڭدىن كىيىن ئۇنىڭ مۇئامىلىسى ئۆزگەردى، بەزىدە قېيىنئانام ، تۇغماس دەپ تىللايدىغان بولۇۋالدى، ئوغلۇم بارا بارا  چوڭ بولۇۋاتاتتى، ئۇنىڭغا قارىسام كۆڭلۈم خېلىلا  تەسەللىي تېپىپ قالاتتى، ئۇ شۇنىڭدىن كىيىن تولا ئۇرۇشىدىغان ، قىلغان ئىشلىرىمدىن قۇسۇر تاپىدىغان ، ئۇرىدىغان بولۇۋالدى، ھەتتا خىزمەت ئورۇنۇمدىنمۇ  قالدۇرۋەتتى،بوپتۇلا ، تۇرمۇشۇم خاتىرجەم ئۆتسىلا مەيلىغۇ دەپ بىر مەزگىل ئۆيدىمۇ يۈردۈم، ئەمما ئۇ  ئارانلا قىلسا ئاجىرىشىمەن  دەيدىغان بولۇۋالدى، مەن گەرچە ھەممە ئىشتا ئۇنىڭ رايىغا باققىنىم بىلەن ، ئۇنىڭ ھامان ئاجىرىشىپ كېتىدىغانلىقىغا كۆزۈم يېتىپ ، مىڭ تەسلىكتە خىزمەت ئورۇنۇمنى ئەسلىگە كەلتۈردۈم، ئارىمىزدىكى زىددىيەت بارغانچە كۈچىيىپ كەتتى، مەن مەمۇرلۇققا ئىمتاھان بەرمەكچى بولغاندا ئۇ قارىشى تۇردى، شۇنىڭ بىلەن قاتتىق ئۇرۇشۇپ قېلىپ مەن ئىمتاھان بەرگىلى كەتتىم، ئوغلۇمنى ئاپام بېقىپ قالدى، ئىمتاھان بېرىپ قايتىپ كەلسەم ، ئۇ مېنى ئىزدەپ كېلىپ ، ئاجىرىشىمەن ، خېتىڭنى ئال دەپلا ئاپامنىڭ ئالدىدا ئۇرۇپ كەتتى، لىكىن مەن ئىزچىل رەت قىلىپ تۇرۇۋالدىم، ئاپامنىڭ ئۆيىگە كېلىپ 3ئاي بولغاندا يەنە ئاغرىپ قېلىپ بىر قانچە دوختۇرخانىغا باردىم، نەتىنجىسى ئوخشاش ، ساقايمايسىز ، شۇ چاغدا قانچىلىك ئازابلانغانلىقىمنى ھىچ كىم بىلمەيدۇ، ئاخىرى ئۈرۈمچىدىكى ئۆسمە كېسەللىكلىرى دوختۇرخانىسىسدا بىر ئايدىن ئۇزاق داۋالىنىپ ئاخىرى ساقىيىپ قايتىپ كەلدىم، كاللام گاراڭ ھالەتتە ،ئۈزۈمدىن سورايمەن، مەن نىمىنى خاتا قىلدىم...........ئارىدىن بىر يىل ئۆتۈپ كەتتى، ئەمما ئارىمىزدىكى زىددىيەت بارغانچە كۈچىيىپ كەتتى ، ئاخىرى ئامال يوق ، ئاجىرىشىپ كەتتۇق،لىكىن تا ھازىرغىچە ئىدىيەمدىن ئۆتمەيدۇ، ئۇنى ياخشى كۆرگىنىم گۇناھمۇ ؟بىر بالا تۇغققان ئايالمۇ تۇغماس ھېسابلىنامدۇ؟ ئەجىبا قېيىنئاتا ، قېيىنئانىنى ھۆرمەتلىگەن ، خىزمىتىنى قىلغان ئادەم شۇنچە گۇناھكارمۇ؟       مانا ئىككى يىل بولدى، ئوغلۇم، دادا، دادا ....دەپ يىغلاپ يۈرگىلى ،  ئۇ ھەرقېتىم ، ئاپا ، ماڭا دادا لازىم، مېنىڭ نىمىشقا دادام يوق دىگەندە ، ئۈزۈمنى خۇددى بىر جىنايەتچىدەك ، كەچۈرگۈسىز گۇناھ ئۆتكۈزۈپ قويغاندەك ، ئوغلۇمنىڭ مۇڭلانغان كۆزلىرىگە قاراشتىنمۇ قورقىمەن........       قەدىرلىك ، مېھرىبان ئاتا - ئانىلار ، سىلەردىن ئۆتۈنەي ، ئاجىراشماڭلار ، ئەشۇ نارسىدە ، گۆدەك سەبىيلەرنى  تىرىك يىتىم قىلماڭلار ، ئەشۇ سۆيۈملۈك پەزەنتىڭلار <<دادا >> ، <<ئاپا >> دەپ يىغلاپ قالمىسۇن،      ئۇ؛لۇغ ئاللاھ ، ھەممىڭلارنىڭ ئائىلىسىگە بەخىت  ئاتا قىلغاي ، نارسىدە سەبىيلەرنى تىرىك يىتىم قىلمىغاي............... مەنبەسى:دىلرەبا

xohsanam886

	سۈكۈت،سۆزلەي دىسەم مۇنبەردىكى ئوبزورچىلاردىن قورقۇپ قالدىم،تىما ئىگىسىگە سەۋىر قىلىڭ؛

anzar333

	توغرا ، چۈنكى بۇ دىگەن ئانىنىڭ نىداسى ئىكەن  ،  ھەممىمىز قۇلاقنى دىڭ تۇتۇپ ئاڭلاپ، كاللىنى قاتتىق سىلكىۋىتىپ  چوڭقۇر ئويلىشىمىز كېرەك...........

rahmansaykin

	قانداق لاتا نىمە بىلەن توي قىلىپ قالغانسىز ئۆتكەن ئىش ئۆتتى ،ئەمدى سەۋىر قىلىڭ .

musilina

	سىزگە سەبرى تىلەيمەن،كۆڭلىڭىزنى يېرىم قىلماڭ،ئىنسان بېشىغا كەلگەننى تارتماي چارە يوق،ئوغلىڭىز بىر كۈنلەردە چوڭ بولغاندا ئۇ ئىشلارنى بارا -بارا چۈشىنىپ قالىدۇ..... قەيسەر بولۇڭ،ھاياتقا كۈلۈپ بېقىڭ...

kaynam999

	بۇ بىر ئىنتايىن كۇيۇمچان ئاننىڭ نىداسى كەن ھەر بىر كىشى ياخشى ئەستە تۇتساق بولغۇدەك..

alrzibag

	ئەسسالامۇ ئەلەيكۇم !!!! بۇ راس ۋەقەمۇ يا !!!!!

KARWAN731

saparbay

	چوڭلارنىڭغۇ كۈنى ئۆتىدۇ، ئاللاھ نىسىپ قىلسا يەنە باشتىن باشلىغىلى بولىدۇ، لېكىنزە، ئۇۋالچىلىق بالىلارغا بولىدۇ ! كۆڭلىڭىزنى يېرىم قىلماڭ، «يىتىمنىڭ ئىگىسى-خۇدا» دەپتىكەن، سىزنىڭمۇ غەم-قايغۇلارنى ئۇنتۇيدىغان كۈنلىرىڭىز كىلىپ قالار ! ئۆزىڭىزگە، بالىڭىزغا يۈز كىلىپ ياشىسىڭىزلا ئاللاھ ئەجرىڭىزنى بېرىدۇ !

AYGUZAL007

	قاندا   نىمە   ئۇ    ۋاپاسىز    ئەجەپمۇ   ئاچچىقىم   كەلدى    ،زادى   ھازىرقى   بەزى   لاتىلاغىغۇ    گپ  كەتمەيدۇ     شۇندا       بوپ   كەتتى