پۇتىن ستالىننىڭ ھەربىي تەرەققىيات ئۇسۇلىنى قوللانماقچى بولدى

orkixi

	بىز چوقۇم 20-ئەسىرىنىڭ 30-يىللىرىدىكى ۋاقىتقا ئوخشاش پۈتۈن كۈچىمىز بىلەن ھەربىي ئىشلارنى تەرەققىي قىلدۇرىمىز ۋە كېڭەيتىمىز.(فاڭجېن) — رۇسىيە زۇڭتۇڭى ۋىلادىمىر پۇتىن: ئۇ ھەربىي ئىشلارغا ئاجرىتىدىغان چىقىمىنى ئاشۇرۇش توغرىسىدا ۋەدە بەرگەن.       رۇسىيە زۇڭتۇڭى پۇتىننىڭ 8-ئاينىڭ 31-كۈنى ئېچىلغان فېدېراتسىيە بىخەتەرلىك يىغىندا دېيىشىچە، رۇسىيە ھەربىي سانائەت ساھەسى «ئۇچقاندەك  ئىلگىرىلەش» كە موھتاج ئىكەن. رۇسىيە ھەربىي سانائەت كارخانىلىرى پۇتىنى قوللايدۇ   پۇتىن شۇ كۈنى مۇئاۋىن زۇڭلى لوگلى ۋە رۇسىيە فېدېراتسىيە ئاۋىئاتسىيە ئىشلىرى باشلىقى ۋىلادىمىرغا رۇسىيىنىڭ ئاۋىئاتسىيە سانائىتىنى يۇقىرى كۆتۈرۈش ۋە ئاۋىئاتسىيە ئالەم قاتنىشىدىكى چوڭ دۆلەتلىك ئوبرازىنى تىكلەش توغرىلىق مۇھىم تەكلىپ بەردى.پۇتىن نۆۋەتتىكى رۇسىيە ھەربىي سانائىتىنىڭ كۆپ ئارقىدا قالغانلىقىنى ئېتىراپ قىلغان. ئۇ «ناھايىتى ناچار بولغىنى شۇكى، بىزنىڭ نۇرغۇن كارخانىلىرىمىزنىڭ سەۋىيىسى ناچارلاپ ئالدىنقى ئەسىرىنىڭ ئاخىرىدىكى ھالىتىنى ساقلاپ قالغان» دېگەن. پۇتىن بۇ يىل 5-ئايدا ۋەزىپىگە ئولتۇرغان بولۇپ، ئۇ بۇ قېتىم 3-قېتىملىق زۇڭتۇڭلۇق ۋەزىپىسىنى تاپشۇرۇۋالغان، ھەمدە بۇ قېتىم ئۇ سانائەت تەرەققىياتنى ئاساسى ئورۇنغا قويغان. ئۇ بۇنىڭدىن كېيىنكى 10 يىلنىڭ ئىچىدە تەخمىنەن 720 مىليارد ئامېرىكا دوللىرى مەبلەغ سېلىپ، رۇسىيىنىڭ ھەربىي سانائىتىنى زور كۈچ بىلەن تەرەققىي قىلدۇرىدىكەن ھەمدە بۇ نۆۋەتتىكى رۇسىيە سانائىتىنىڭ ئاساسى نىشانى ئىكەن. رۇسىيىدە نۆۋەتتە 1350 دىن ئارتۇق ھەربىي قورال-ياراق كارخانىلىرى بار بولۇپ، بۇ كارخانىلارغا ياللانغان خادىملارنىڭ ئومۇمى سانى تەخمىنەن 2 مىليون ئادەمدىن ئاشىدىكەن، بۇنىڭ ئىچىدە نۇرغۇن ئادەم بۇ قېتىمقى زۇڭتۇڭ سايلىمىدا پۇتىنغا بېلەت تاشلىغان.    ئىستالىننىڭ تەرەققىيات فاڭجېنىنى قوللىنىش پۇتىن ھەر قايسى ھۆكۈمەت ئەمەلدارلىرىغا «ھەربىي ئىشلار سانائىتى ئۈچۈن ئېيتقاندا، بىز چوقۇم پۈتۈن كۈچىمىز بىلەن 20-ئەسىرىنىڭ 30-يىللىرىدىكى تەرەققىيات ئۇسۇلىنى قوللىنىشىمىز كېرەك» دەپ دوكلات بەردى. ئالدىنقى ئەسىرىنىڭ 30-يىللىرى، سوۋېت ئىتتىپاقىنىڭ يول باشچىسى ئىستالىن كۆپ ۋاسىتىلىك ئۇسۇللارنى قوللىنىش ئارقىلىق، سانائەتنى زور كۈچ بىلەن قانات يايدۇرغان. ھەربىي ئىشلار كارخانىسىغا مەسئۇل مۇئاۋىن زۇڭلى لوگلىمۇ بۇ قېتىمقى يىغىنغا قاتناشقان. ئۇ بىر ئىجتىمائىي تورغا رەسىمنى ئېلان قىلغان، ئۇنىڭ ئاساسلىق مەزمۇنى بولسا ئىستالىننىڭ قورال-ياراق زاۋۇتىغا بەرگەن خېتىنىڭ مەزمۇنى بىلەن ئوخشاش ئىكەن. ئىستالىن خېتىدە : «مەن سىلەرنىڭ كۆپ مىقداردا زەمبىرەككە قارشى تانكا ياساپ چىقىشىڭلار ئۈچۈن ئىككى كۈن ۋاقىت بەردىم.....ئەگەر بەلگىلەنگەن ۋاقىت ئىچىدە ياساش تاماملانمىسا، ئۇ ھالدا ھۆكۈمەت كەينى-كەينىدىن بارلىق قانۇنغا بويسۇنمىغان زاۋۇتتىكى ئۇنسۇرلارنى ئېتىپ تاشلايدۇ» دەپ تەھدىت سالغان. لوگلى يىغىن ئاخىرلاشقاندىن كېيىن بارلىق ئاخبارات ۋاستىلىرىغا بۇ رەسىمىنىڭ ئەۋەتىلىشىدىكى ئۇسۇلىنى چۈشەندۈرگەن. ئۇ: «بۇ بولسا بىر چاقچاق» ئەمما، ھۆكۈمەت ئەلۋەتتە مەغلۇپ بولۇشقا قاراپ تۇرمايدۇ-دە. مەسىلەن، بىزنىڭ نۇرغۇن سۈنئىي ھەمراھىمىز چۈشۈپ كەتتى ، پاراخوتلىرىمىز چۆكۈپ كەتتى. ئۆتۈپ كەتكەن 18 ئايدا، يەتتە قېتىملىق ئالەم قاتناش ئىشىدا مەغلۇبىيەت كۆرۈلدى، ئەمما ھېچقانداق بىر زاۋۇت كارخانا بۇنىڭ ئاقىۋىتىگە ئىگە بولمىدى.........ئەمەلىيەت جەھەتتىن چىقىش قىلغاندا، خەلق زادى قايسى تەرەپنىڭ توغرا ياكى خاتا ئىكەنلىكىنى بىلىدۇ، دەپ تونۇشتۇرغان مەنبە _ . news.qq.com

Xaparang

	دۆلەت رەھپەرلىرى ۋەزىپىدىن ئاشۇرۇپ ھوقوق تۇتقاندىن كېيىن ئۆزى بىلىپ بىلمەيلا سىتالىنغا ئوخشاپ قالىدۇ .

izqi.mardan

	قېرى مۇستەبىت سىتالىن!!!!! تاپقان پۇلغا قورال ياساپ قورساق ئاچ........

aptap104

	بۇلار نىمىگە قۇرال ياساشقا زۆرۈردۇ ، ھازىر تىنچلىق دەۋرى ياراشماپتىدە ، بۇ كۈچۈكلەرگە . ناتسىت گىرمانيەسى ئەينى ۋاقىتتا خەرىتىدىن نىمىشقا ئۆچۈرمىگەن ..؟ تى قۇراللار تەرەققىي قىلسا ، ھەممە كەلگۈلۈك يەنىلا پۇقراغا بولىدۇ ..

sargarda

	يەر  تېرىش  ئۈچۈن   دېھقانچىلىق   سايمانلىرىغا  مۇھتاجمىز  .  ئەگەر  سايمان بولمىسا  قانداقمۇ  ھوسۇل  ئالغىلى  بولىدۇ  ؟   دۆلەتنى  ئىدارە  قىلىش  ،  باشقىلارغا  بۇزەك  بولمايمەن  دەيدىكەنمىز  ،  چۇقۇم ئىلغار ھەربىي  قۇراللارغا  ئىگە  بولۇشىمىز  كېرەك  !   ھەقىقەت   ئاجىزلارنىڭ  كۆز يېشىدا ئەمەس ،كۈچلۈكلەرنىڭ  مۇشتى  بىلەن  ئۆزىنى تاپىدۇ .

xukrat116

	ياخشىمۇ دوستلار،،،،ئالدىنقى كۈنى مىسرانىمدا سىتالىن ئاتوم پىلانى ۋە ئۇيغۇرلارغا مۇناسىۋەتلىك بىر تىما كۆرگەن ئىدىم ،بىراق بۈگۈن ئىزدەپ تاپالمىدىم ،مۇمكىن بولسا شۇ تېمىنى تېپشىپ بەرگەن بولساگلار .رەخمەت~~~~

kaynam999

	سىتالىننى دورايمەن دەپمۇ دوراپ بولامايدۇ پوتىن .چۇنكى ھازىرقى روسيە  بۇنداق قىرغىنچىلىققا ھەرگىز يول قويمايدۇ.

izqel

	70-يىللاردا سوۋىت ئىتىپاقىنىڭ كىلەڭسىز ھەربى سانائىتى ئاخىردا بىر پاي ئۇقمۇ ئاتالماي يىقىلىپ پارچىلانغان ئىدى.ئۇ چاغدا نوپۇس بايلىقى ياخشى ئىدى. ھازىرقى روسىيەنىڭ زىمىن تىرتۇرىيەسى ماجىرالىرى، ئازلاۋاتقان نوپۇسىنىڭ تەھدىتى،ئەر ئاياللىق نىسبەتنىڭ تەڭپۇڭلۇقتىن ئىشىپ كىتىشى،دۆلەت ئىچىدىكى مىللەتچىلىك،مۇسكۇۋانى نىشان قىلغان كىرمىل ساريىىدىكى چىرىكلىك،پات پات پارتىلاش ساداسى ئىچىدە قالغان كونا قۇرال ياراغ ئىسكىلاتلىرى قاتارلىق ئىجتىمائىي ۋە رەزىل سىياسى مەسىلىلەر روسىيەنىڭ بۇ ئەلباشىنىڭ چۈشىنى چۈش پىتى قالدۇرىشى مۇمكىن. ئالدىنقى ئەلباش مىدىۋىدىۋ تەخىتتە ئوتۇرغاندا روسىيەنىڭ خەلىقئارادىكى ئىناۋىتى خىلىلا يۇقىرى كۆتۈرۈلگەن ئىدى. بۇ ئەلباش سىتالىننى دۇرايمەن دىسە تارىخى قىساسىنى ئالىمەن دەپ يەنە ئوتتۇرا ئاسىيادىكى مەدىنىيەتلىك مىللەتلەرنى سۈرگۈن قىلماس.قىسقىسى پۇتىن روسىيەنى ئىلگىركى سوۋىت ئىتىپاقى قىلىش ئۈچۈن ئەتىراپتىكى قازاقىستان ،ئۆزبىكىستان قاتارلىق دۆلەتلەر بىلەن ئىتىپاقلىشىۋاتىدۇ.ئىخدىساد ۋە چىگرا مەسىلىسىدە كەلسەك شاڭخەي ھەمكارلىق تەشكىلاتىغا،جۈملىدىن دۆلىتىمىزگە تايىنىپ ھەل قىلىش ئارزۇسى نامايەن بولدى.لىكىن ھازىرقى ياپۇنىيە بىلەن دەتالاشتا قالغان شىمالدىكى تۆت ئارال مەسىلىسى بىلەن ياپۇنىيە  جۇڭگۇ ئۇتتۇرسىدىكى زىمىن ماجىراسىدا روسىيەنىڭ مەيدانى مۈجىمەل. قىسقىسى روسىيە سىتالىننى دۇرايمەن دىسە دۆلىتىمىزگە زىيانلىق دەپ قارايمەن.

yawaat0998

	ئەينى ۋاقىتتا سوۋىت ئۆزىنى چاغلىماي ھەربىي ھازىرلىقلار مۇسابىقىسىگە كۈچەپ قاتناشقان. نەتىجىدە قۇدرەتلىك ئامرىكا ئالدىدا بەرداشلىق بىرەلمەي گۇمران بولغان. بۇ قېتىممۇ چىچىنىيە قاتارلىق ئازاب ئوقۇبەت ئىچىدىكى دۆلەتلەر مۇستەقىللىققا ئېرىشىپ قالسا ئەجەب ئەمەس.

minglak0999

	پۇتىن ھەربى ھازىرلىقلارنى تەرەققى قىلدۇرسا بىرىنجى بولۇپ دۆلىتىمىز ھوشيارلىقىنى ئۆسىتىرىدۇ .چۈنكى يېقىندا پۇتىن روسىيەنىڭ يىراق شەرىق رايونىغا ئەڭ ئىلغار ھەربى كۈچىنى ئورۇنلاشتۇرۇپ جوڭگۇغا كۆچمەنلەرنى ئەكىلىپ باقە ئەمدى دېگەندەك سىگنال بەردى .جوڭگۇ فىلىپپىن بىلەن ئارال جىدىلى قىلىۋاتقاندا فىلىپپىنگە ئىلغار قوراللارنى سېتىپ بەردى ...مانا بۇلار جوڭگۇ روسىيە دوستلۇق شەرتنامىسنىڭ قانچىلىك ۋاقتى قالغانلىقىنى ئىسپاتلاپ بەردى .