باش سۈرەت ماجىراسى(ئەپچىلەم)

ap~qilam

	ئەسسالامۇ-ئەلەيكۇم سۆيۇملۇك مۇنبەر ئەھلى،كەمىنە ئەپچىلەمدىن ھەرقايسىڭلارغا ئوتلۇق سالام.مۇنبەرگە كىرسەملا نىمىشقىكىن تېما يوللىغىم كەپلا تۇرىدۇ،بۈگۈن كىرىپلا يەنە شۇ ئىلھام قۇشلىرىم قانات قېقىشقا باشلىدى، شۇڭا كومپىيۇتىر ئالدىدا ئولتۇرۇپ تۆۋەنكى ماجىرا بىلەن سىزلەر بىلەن دەرقەمدە تۇرۇپ بەھىر ئېلىشنى لايىق تاپتىم،ئەلۋەتتە،بۇ مۇنبەرگە يېڭى تىزىملاتقاندا پەيدا بولغان ماجىرا ئىدى، نەچچە ۋاقىتتىن بېرى سىلەرگە دېمەي يۇشۇرۇپ يۈرگەن.ئەمدى ئويلاپ باقسام مەنمۇ بۇ مۇنبەرگە خېلى كۆنۈپ قالدىم شۇڭا ،بۇ ماجىرانى يەنىلا سىلەرگە سۆزلەپ بېرىشنى لايىق تاپتىم. مۇنبەرگە يېڭىدىن كىرگەن چاغلىرىم ئىدى،راست گەپنى قىلسام مۇنبەرگە كىرىپلا سېستىمىدىن تەمىنلىگەن باش سۈرىتىمگە نەزەر تاشلىغان ئىدىم ،گەرچە بۇ سۈرەت خېلى بوپ قويغاندەك قىلسىمۇ بىراق كاللامدا تۇيۇقسىز ئۆزەم باشقا بىر سۈرەتنى باش سۈرەت قىلايچۇ دېگەن ئىدىيە كاللامدا شەكىللىنىپ قالدى. چۈنكى ئۆزىمىز بەلگىلىگەن باش سۈرەت خاسلىقىمىزنى ئىپادىلەپ تۇرىدۇ ئەمەسمۇ؟ قانداق سۈرەتنى باش رەسىم قىلىش كېرەك؟ئاخىرى ئۇيان ئويلىنىپ ،بۇيان ئويلىنىپ ئابدۇرىھىم راخمان ئاكىنىڭ سۈرىتىنى لاھىيەلەپ باش سۈرەت قىلىۋېلىشنى لايىق تاپتىن چۇنكى مەن ئۇنىڭ ئوخخو-پوخخو دېگەندەك ئاخسا گەپلىرىگە ،رول ئىلىش تالانتىغا قىزىقاتتىم ،ئۆزەمنىڭ خايىشى بويىچە مۇشۇ ئاكىنىڭ رەسىمىنى مۇنبەردىكى باش سۈرىتىم قىلىۋالدىم . ئىشقىلىپ بۇرەسىم ماڭا راستىنلا بەك يارىغان ئىدى،ئۆزەمچە رەسىمدىن بەھرى ئېلىپ ئولتۇراتتىم .تۇيۇقسىز سېستىمىدىن <سىزگە ئۇچۇركەلدى> دېگەن ياڭراق ئاۋاز سايراپ دېققىتىمنى بۆلۈۋەتتى، ئەمدىلا ئەزا بولسام مۇنبەرگە ئۇچۇر يوللىغان كىمدۇ؟ گادىرماچ خىياللار بىلەن ئۇچۇرنى چىكىپ ئوقۇدۇميۇ،كۆزلىرىمگە ھەيران قالدىم ،ۇچۇر مەزمۇنى مۇنداق ئىدى. -<< ئوخخو ،بالاڭزا نىمە بۇيەرگە كىرىۋالدىڭ ،باياتىن بېرى تاپالماي سەت جىلە بولدۇڭ جۇمۇ ، كىم بۇ ئەپچىلەم دېگەن بىر ئوبدان رېھىم قان دەپ نامىڭ چىقىۋاتسا يەنە بۇ ئەپچىلەم دېگەن نامنىمۇ زاپاس قۇشۇۋالدىڭما ئەمدى،بولدى ،كەچتە ئايپاتەم بىلەن كۈنپاتەم ئىككىسى بىلەن بىرلىشىپ ئىتوتنى رەپىتىس قىلىمىز،تېز بىكار بول جۇمۇ بالاڭزا،بولمىسا پىيىڭنى قىرقىۋىتىمەن...>> بۇسۆزلەردىن سەل تېڭىرقاپ بىرمەھەل سۈكۈت ئىچىدە تۇرۇپ قالدىم راست گەپنى قىلسام پىيىمنى راستىنلا بىېسى قىرقىۋىتىدىغاندەك تۇيغۇغا كىلىپ قالدىم ۋە ئابدۇرېھىم راخماننىڭ رەسىمنىڭ ئورنىغا باشقىچە بىر رەسىمنى باش سۈرەت قىلىش قارارىغا كەلدىم،ئەگەر دېگەندەكلا قېنى قىزىقلىق قىلىپ قويسا قانداق قىلىمەن .    نەچچە كۈنلەرباش قاتتۇرۇپ  ئاخىرى  بىرسىنىڭ رەسىمىنى باش سۈرەت قىلىش قارارىغا كەلدىم .مەن باش سۈرەت قىلماقچى بولغان سۈرەت ئەسلى ئاتاقلىق كۈلدۇرگە چولپىنىمىز ئابدۇكېرەم ئابلىز ئاكىنىڭ ھەجىۋىلەشتۈرۈلگەن رەسىمى ئىدى ،ئازراق ئىش قۇشۇپ قويۇۋىدىم ،كۆزۈمگە بۇ سۈرەت بەك ئىسسىق كۆرۈندى.شۇنىڭ بىلەن مۇشۇنى ئۆزەمنىڭ مۇنبەردىكى باش سۈرىتى قىلىۋالدىم .نەچچە كۈنلەر ئۆتۈپ كەتتى.مۇنبەردە پائالىيەتلىرىم شۇنداق جايىدا كېتىپ باراتتى ،بىر كۈنى تۇيۇقسىز يەنە ماڭا قىسقا ئۇچۇر كەلدى. <<ۋىيەي ،ما ئەدەمنى ،نەگە كەتتىكى دېسەم مايەگە مۈكۈنىۋاپسىزغۇ، سودا -سانائەتنى باشقۇرىدىغان خېنىمدىن قورقۇپ كېتىپسىزدە، كىم بۇ ئەپچىلەم دېگەن ؟توۋا خۇدايىم،بىر ئوبدان بالۇن قاپىيە دەپ ئۆزىڭىزگە ئۆزىڭىز تەخەللۇس قۇيۇۋالغانغۇ ؟...بولدى بۇ گەپنى كىيىن  دېيىشمەيلى.  ماڭاقاراڭ،نەدە بولسىڭىز تېزدىن ھازىرلا ئۆيگە ئۈنۈڭ.كىيىنكى قېتىم ئوينايدىغان ئىتوت توغرىلىق سىز بىلەن مەسلىھەتلىشىدىغان ئىش با... ۋاي ئاللا ،بۇ نىمە بوپكەتتى ئەمدى.كەينى كەينىدىن كەلگەن بۇ ئىككى ئۇچۇردىن سەل گۇمانلىنىپ قالدىم لىكىن نىمىشقا ماڭا بۇنداق ئۇچۇر يازىدىغانلىقىغا ئەقلىم ھەيران ئىدى.خەيىر يەنە بىر قېتىم ئۆزگەرتەي رەسىمنى . بۇ ئىشلاردىن خېلى تىرىكىپ قالغانىدىم، نىمانداق ئەخمەق قىلىدۇ بۇلار ئادەمنى؟ئۆزەمگە ئۆزەم سۇئال قۇيۇپ قايسى رەسىمنى باش سۈرەت قىلىش توغرىلىق ئويلاندىم ،ئاخىرى يەنىلا ئەل سۆيگەن سەنئەتكار ،ئاتاقلىق ناخشىچى ئابدۇللا ئابدۇرېھىم ئاكىنىڭ رەسىمىنى لاھىيلەشنى لايىق تاپتىم بىراق يەنىلا شۇ بولمىغۇر ئۇچۇرلارنىڭ كېلىشىدىن تەشۋىشلىنىپ تۇراتتىم.  -بوپتۇلا ،مەرتەم -مەرتەم ئۈچ مەرتەم،يەنە بىر قېتىم ئۆزگەرتىپ كۆرۈپ باقاي... شۇ كۈنى ئادىتىم بويىچە مۇنبەرنى ئاچتىم ،تىزىملىتىپ كىرىشىمگىلا ....   ئەستاغپۇرۇلللا ،زادى قۇتۇلالمىدىمغۇ ماۋۇ نەس باستى ئۇچۇردىن،شۇنچە ئىھتىيات قىلساممۇ ماڭا يەنىلا ئۈچۈر كەلگەنىدى،ئۇچۇر ساندۇقۇمنى ئېچىپ ئۇچۇرنى كۆرۈشكە باشلىدىم ،قىزىق ئىش بۇ قېتىملىق ئۇچۇر ئېنگىلىزچە يېزىلغان ئىدى ،مەن ئېنگىلىزچىنى ئۇقمىغاچقا بۇنى بىر دوستۇمغا تەرجىمە قىلدۇرغۇزدۇم،دوستۇم ئاددىيلا تىل بىلەن تەرجىمە قىلپ بەردى. <<ياخشىمۇسىز ،ئابدۇللا گەرچە كانادادىن كەتكىنىڭىزگە خېلى كۈنلەر بولسىمۇ لېكىن بىز سىزنىڭ يەنە بىر قېتىم كېلىشىڭىزنى ئۈمۈت قىلىمىز، سىزنى تاپالماي ئاخىرى بۇ يەردە ئۇچىراپ قالدىڭىز شۇڭا سىزگە ئۇچۇر قالدۇرۇپ قويدۇم،ئوۋ،ماۋۇ ئەپچىلەم دېگەن ئىسىمكەن بۇ يەردىكى ئۇيغۇر دوستلار ئۇقۇپ بەردى، بولۇپمۇ ئەپچىلەمنڭ چۆچىكى بەك  قىزىقارلىقكەن،لېكىن سىزنىڭ نېمىشقا بۇ ئىسىمنى كىرگۈزىۋالغانلىقىڭىزنى بىلەلمىدىم...>> بۇ ئۇچۇرنى كۆرۈپ بۇ مۇنبەرگە بولغان گۇمانىم تېخىمۇ ئاشتى ، ئۇچ مەرتەم دېگەن گەپ ئۈچ يۈز مەرتەمگە تەكرارلاندى، قايسى ئۇيغۇر چولپانلىرىنىڭ رەسىمىنى باش سۈرەت قىلسام ،ھەرخىل ئۇچۇرلار كېلىپ ئىچىمنى تولىمۇ سىقىۋەتتى.چەتئەل ئارتىسلىرىنى قىلايمۇ يا؟توغرا ،شۇنداق قىلاي ئۇلارغۇ ئاۋارە قىلىپ يۈرمەس؟ چەتئەل ئارتىسلىرى دېسە كۆز ئالدىمغا تۇنجى بولۇپ مايكول سىكوفىيوت كېلەتتى شۇڭا ئۇنىڭ رەسىمىنى باش سۈرەت قىلىشقا تۇتۇش قىلدىم.  توختا! تويۇقسىز بۇنىڭدىنمۇ ھېيىقىپ قالدىم ،كانادالىقلار ئابدۇللا ئاكامنى بايقىۋالغان يەردە،ئامىركىلىقلار مايكولنى بايقىيالماسمۇ؟شۇلارنى ئويلاپ كاللامنىڭ ئىچىمۇ -تېشىمۇ قېتىپ كەتتى ،زادى مەسىلە نەدىن چىقىۋاتىدۇ؟ تۇيۇقسىز بىر جۈملە سۆز ئېسىپگە كەپ قالدى <<تور دۇنياسىدىكى ئەڭ ياخشى باشلامچىڭىز مىسرانىم>> توغرا ،ئەمدى مەسىلە سەل ئايدىڭلاشقاندەك قىلاتتى،مىسرانىم مۇنبىرى ئەزاسى ئەڭ كۆپ مۇنبەر شۇڭا ئۇ چولپانلارنىڭ بۇ مۇنبەردە بولماسلىقى مۇمكىنمۇ؟ شۇڭا مېنى ئاشۇ چولپانلارغا ئوخشىتىپ قالغان گەپ، قانداق قىلىش كېرەك، مەنمۇ چولپانغا ئايلىنايمۇ يا؟ بۇ مۇمكىن بولمايدىغان ئىش ، ئامالسىز باش سۈرەت ئۆزگەرتىشتىن ۋاز كەچتىم، كۆڭلۈم راستىنلا غەش بولدى، بىراق باش سۈرەتنى يەنىلا  ئۆزگەرتكىم بار ئىدى،ئويلىنا-ئويلىنا ئاخىرى ئۆزەمنىڭ سۈرىتىنى مۇنبەر باش سۈرىتىم قىلىشنى لايىق تاپتىم ،بۇ ئامالىمدىن ئۆزەممۇ بۆلەكچە سۆيۈنۈپ كەتكەنىدىم،چۈنكى ئەمدى ئادەمنى بىزار قىلىدىغان ئۇچۇرلار كەلمەيدۇدە؟مۇنبەرگە جۇشقۇن ھىسيات بىلەن تىزىملىتىپ كىردىم،        -    ئەسسالامۇ -ئەلەيكۇم سىزگە ئۇچۇر كەلدى. مېڭەمدىن ئىس چىكەتتى ، ئەجىبا ؟ قورقۇش ۋە تەشۋىش ئىلكىدە كەلگەن ئۇچۇرنى ئوقۇشقا باشلىدىم... قېنى دەپ بېقىڭلار ماڭا زادى كىم قانداق ئۇچۇر ئەۋەتكەندۇ؟                                            مەنبەسى:ئەپچىلەم

delim

	ما تىراگىدىيە ياراپ قويدى جۇما لىكىن ! خو بالاڭزا

qog

	ئۇ ئۇچۇرنى ئەپچىلەم يوللىغان ئۇچۇرنىڭ مەزمۇنى مۇنداق:ئوخخو ئەپچىلەم قاسىم قوشۇقنى مىسرانىمغا ئەكىرىپ قويۇپ ئەمدى ئىگىز پەس جۆيلىگىلى تۇرۇپسىلىغۇ(100%چاخچاق)

AYGUZAL007

	باغانسىرى  سەۋىيىسى ئۆسۈۋاتىدۇ ما مۇنبەردىكى باللانىڭ

ap~qilam

	AYGUZAL007 يوللىغان ۋاقتى  2012-9-5 01:16 AM باغانسىرى  سەۋىيىسى ئۆسۈۋاتىدۇ ما مۇنبەردىكى باللانىڭ ... شۇ سەۋىيە ئۆستۈرىمىز دەپ كىرىمىز بۇ مۇنبەرگە

مىژگان

	بەك ياخشى يېزىپسىز، ماڭا شۇنداق يارىدى.     بىراق ئارمانغا چۇشلۇق دەرمان يوق دېگەندەك،  بۇنداق بەلەن نەرسىلەرنى يېزىش بۇ ئۆمرۈمدە ماڭا نىسىپ بولمايدىغان ئوخشايدۇ.

ap~qilam

	مىژگان يوللىغان ۋاقتى  2012-9-5 01:42 AM بەك ياخشى يېزىپسىز، ماڭا شۇنداق يارىدى.     بىراق ئ ... ياش تۆكمەڭ دەيمەن ، ئەتىگىچە سىزنىمۇ ئىزدەپ ئۇچۇر يېزىشى مۇمكىن ، باش سۈرىتىڭىزنى ئالماشتۇرىۋەتمەڭ ھە.....

ئېمپىراتور

	تىمىڭىزنىڭ ئەڭ ئاخرىدا كەلگەن ئۇچۇر دەل (ئادىمن) مىسرانمدىن كەلگەن ئۇچۇر

kaynam999

	دەل مۇشۇنداق بولماقتا بۇ باش سۇرئەتنىزە .ئادەمنىڭ بىشنى بەكلا قاتتۇردۇ.