ئېغىر كېسەللىكلەر سۇغۇرتىسى ئومۇميۈزلۈك يولغا قويۇلىدىكەن

ihtiram

	ئېلىمىز بۇ يىل ئېغىر كېسەللىكلەرنىڭ داۋالىنىش سۇغۇرتىسىنى ئومۇميۈزلۈك يولغا قويىدىكەن، سۈيدۈكتىن زەھەرلىنىش كېسىلى قاتارلىقلارغا %90 تولۇقلىما بېرىلىدىكەن. سەھىيە مىنىستىرلىقى يېقىندا ماۋۇلارنى بىلدۈرگەن، بۇ يىل سۈيدۈكتىن زەھەرلىنىش كېسىلى قاتارلىق 8 تۈرلۈك ئېغىر كېسەللىك كاپالىتىنى ئومۇميۈزلۈك يولغا قويۇلىدىكەن، 1/3 ئەتراپىدىكى بىر تۇتاش پىلانلانغان رايوندا ئۆپكە راكى قاتارلىق 12 تۈرلۈك ئېغىر كېسەللىك كاپالەت بېرىش ۋە قۇتقۇزۇش، ياردەم بېرىش سىناق نۇقتىسىغا كىرگۈزۈلىدىكەن. يېڭىچە يېزا ھەمكارلىق ۋە داۋالىنىش قۇتقۇزۇش ياردىمى بىلەن تۇتاشتۇرۇش ئارقىلىق، ئېغىر كېسەللىكلەرگە تولۇقلىما بېرىش سەۋىيەسى %90 ئەتراپىغا يەتكۈزۈلىدىكەن. ئىستاتسىتىكا قىلىنىشچە، نۆۋەتتە ئېلىمىز بويىچە شەھەر-بازارلاردىكى ئىشچى-خىزمەتچىلەرنىڭ داۋالىنىش سۇغۇرتىسى، ئاھالىلەرنىڭ داۋالىنىش سۇغۇرتىسى ۋە يېڭىچە يېزا ھەمكارلىق داۋالىنىشتىن ئىبارەت ئۈچ تۈرلۈك ئاساسىي داۋالىنىش سۇغۇرتىسى 1 مىليارد 300 مىليون نوپوسنى قاپلىغان بولۇپ، قاپلىنىش دائىرىسى %95  تىن ئاشقان، ئاساسىي دورا تۈزۈمى ھۆكۈمەت قۇرغان ئاساسىي قاتلامدىكى داۋالىنىش سەھىيە ئاپپاراتلىرىدا ئومۇميۈزلۈك يولغا قويۇلغان. ھالبۇكى، يەنە 50 نەچچە خىل كېسەللىك قىسمەن ئائىلىنى كېسەللىك سەۋەبىدىن نامراتلاشتۇرۋېتىشى مۇمكىن. بۇ خىل ئەھۋالنى ھەل قىلىش ئۈچۈن، ئېلىمىز ئېغىر كېسەللىكلەرگە قارىتا داۋالىنىش سۇغۇرتىسى سىياسىتى يولغا قويغان. تونۇشتۇرۇلۇشچە، 2010-يىلى، ئېلىمىز بالىلارنىڭ ئاق قان كېسىلى، تۇغما يۈرەك كېسىلى كاپالىتى سەۋىيەسى ئۆستۈرۈش بويىچە سىناق نۇقتا خىزمىتىنى باشلىغان. 2011-يىلىنىڭ ئاخىرغىچە، ئېلىمىز بىر تۇتاش پىلانلانغان %93 رايوندا ئېغىر كېسەللىك كاپالىتى سىناق نۇقتىسىنى يولغا قويغان. بىر قىسىم رايونلار ئېغىر دەرىجىدىكى روھى كېسەللىك، تۇبېر كۇليوز كېسىلى، ئاياللارنىڭ ماتكا بوينى راكى، سۈت بېزى راكى، ئاخىرقى باسقۇچلۇق بۆرەك كېسىلى (سۈيدكتىن زەھەرلىنىش كېسىلى)، ئەيدىز كېسىلىنىڭ يۇقۇملىنىشى قاتارلىق 6 خىل ئېغىر كېسەللىك كاپالەت دائىرىسىگە كىرگۈزگەن بولۇپ، 200 مىڭدىن ئارتۇق بىمار تولۇقلىمىغا ئېرىشكەن. سۈيدۈكتىن يۇقۇملىنىش قاتارلىق 8 تۈرلۈك ئېغىر كېسەلنىڭ داۋالىنىش سۇغۇرتىسى ئومۇميۈزلۈك يولغا قويۇلىدىكەن. سەھىيە مىنىستىرلىقى ماۋۇلارنى بىلدۈرگەن، بۇ يىل ئېلىمىز بۇ 8 تۈرلۈك كېسەللىكنىڭ ئېغىر كېسەل داۋالىنىش سۇغۇرتىسىنى ئومۇميۈزلۈك يولغا قويىدىكەن. 2015-يىلى، شەھەر-بازار ئاھاللىرىنىڭ داۋالىنىش سۇغۇرتىسى ۋە يېڭىچە يېزا ھەمكارلىق بويىچە ھۆكۈمەت بېرىدىغان تولۇقلىما ياردەم ئۆلچىمى ھەر بىر ئادەمگە يىلىغا 360 يۈەندىن ئارتۇققا ئۆستۈرۈلىدىكەن، شەھەر-بازارلاردىكى ئىشچى-خىزمەتچىلەرنىڭ داۋالىنىش سۇغۇرتىسى، ئاھالىلەرنىڭ داۋالىنىش سۇغۇرتىسى ۋە يېڭىچە يېزا ھەمكارلىقتىن ئىبارەت ئۈچ تۈرلۈك ئاساسىي داۋالىنىش سۇغۇرتىسى سىياسىتى دائىرىسىدىكى بالنىستتا يېتىش راسخوتى تاپشۇرۇش نىسبىتى %75 ئەتراپىغا يەتكۈزۈلۈپ، ئاھالىلەرنىڭ شەخسىي تېببىي دورا راسخوت يۈكى داۋاملىق تۆۋەنلىتىلىدىكەن. قوشۇمچە: سۈيدۈكتىن زەھەرلىنىش قاتارلىق 8 تۈرلۈك ئېغىر كېسەللىك: بالىلار ئاق قان كېسىلى، بالىلار تۇغما يۈرەك كېسىلى، ئاخىرقى باسقۇچلۇق بۆرەك كېسىلى (سۈيدۈكتىن زەھەرلىنىش كېسىلى)، سۈت بېزى راكى، ئېغىر دەرىجىدىكى روھى كېسەللىك، دورىغا چىداشلىق ئۆپكە تۇبېر كۇليوز كېسىلى، ماتكا بوينى راكى، ئەيدىز كېسىلىنىڭ يۇقۇملىنىشىدىن ئىبارەت.　　 ئۆپكە راكى قاتارلىق 12 تۈرلۈك ئېغىر كېسەللىك: ئۆپكە راكى، قىزىلئۆڭگەچ راكى، ئاشقازان راكى، بوغما ئۈچەي راكى، توغرا ئۈچەي راكى، ئاستا خاراكتېرلىك دانچىلىك ھۈجەيرە خاراكتېرلىك ئاق قان كېسىلى، جىددىي خاراكتېرلىك يۈرەك تىقىلمىسى، مېڭە توقۇلمىلىرىغا قان يېتىشمەي ئۆلۈش، قاناشقا مايىللىق كېسىلى، Ⅰ تىپلىق دېئابىت كېسىلى، قالقانسىمان بەزنىڭ فونكىسىيەسى كۈچىيىپ كېتىش كېسىلى، كالپۇك يېرىلىش كېسىلىدىن ئىبارەت.    مەنبە: تېڭشۈن تورى خەۋىرى

bulak83

	بۇ سۇغۇرتنى بېر تۇتاش تەشۋېق قېلامدىغاندۇ؟بولسا قاتنشىپ قويغۇلۇق ،كممۇ مەن كېسەل بولمايمە دېيەلەيدۇ.

baydadam

	ئەسلى بالدۇرلا قىلىشقا تىگىشلىك ئىش ئىدى ، شۇنداقتىمۇ ھازىر بولسىمۇ بولغىنى ياخشى بۇلۇپتۇ .

57gulyar

	ياخشى ئىشكەن

nahila

	ناھايتى ئەتراپلىق ياخىشى  ئىش بوپتۇ ،دولتىمىزنىڭ سىياسىتى بارغانسىرى مۇكەممەللىشىپ ياخىشى بوپ كېتۋاتدۇ .

ئۆل

	ياخشى ئىش بوپتۇ مانا ؟ زادى ئومۇملاشتۇرغۇلۇق ...ئۇنداق كېسەللەرىنىڭ دەۋاللىنش خىراجىتىمۇ  تۆۋەن ئەمەسكەن ئەمەسمۇ

poyuz

	ياخشى بوپتۇ، ئادەم بىرئۆمۈر كېسەل بولمايمەن دىيەلمەيدۇ، بولۇپمۇ ھازىرقىدەك مۇھىت بۇلغانغان، يىمەكلىكلەرنىمۇ بۇرۇنقىدەك  خاتىرجەم يىگىلى بولمايۋاتقان، قېرى-ياش دىمەي، ھەر خىل كېسەللىكلەر كۆپىيىپ بېرىۋاتقان بۇ دەۋردە كاپالىتى ياخشىراق سوغۇرتىلارغا چوقۇم قاتنىشىپ قويۇش كېرەككەن. تېما ئىگىسىگە رەخمەت.

GULPARI417

	ياخشى بوپتۇ اللاھنىڭ قولىدىكى جاندە بۇ !!!!ئاغرىپ قالمايمەن دىگىلى بولمايدۇ.............

kaynam999

	بەكلا بەلەن ئىش بوپتۇ ھازىرقى سۇغۇرتىلار بەكلا ئازلىق قىلۋاتاتتى  دىسە.