مەرھۇم ئالىم ئابدۈشكۈر مۇھەممەتئىمىننى ئەسلەپ

ئۇيغۇرى

	‹‹ئۇلۇغ ئالىم ئابدۈشكۈر مۇھەممەتئىمىننى ئەسلەپ›› قەدىمى ئاستانە ئۇلۇغلار توپى،      ئەۋلادتىن ئەۋلادقا ئەتمەكتە داۋام.   گاھىدا ئالقىشلاپ گاھىدا نوقۇپ، باغرىدا ئۆستۈرگەن ئۇلارنى ئاۋام.                                   قاراخان دەۋرىدە گۈللىنىپ بۇ جاي،                                                 ئەجدادلار جاھانغا تونۇلغان قەۋەت.                                                        قالدۇرۇپ‹‹دىۋانى››ۋە‹‹قۇتادغۇبىلىك››،                                   ئەۋلادلار بەختىچۈن قىلغان كۆپ سەۋەپ. شۇ تارىخ ئىزىنى يوقاتماي يەنە،                      داموللام①خەلقنى باشلىغان پەنگە. تەۋپىقمۇ②جاننى ئېلىپ ئالقانغا، مەرىپەت ئۇرۇقى تېرىغان ئەلگە.                                   بۈگۈنمۇ بىر ئۇلۇغ ئىنساننى بىزچۈن،                                                                               ③تەۋەللۇت قىلغانتى بۇ قەدىم زېمىن.                                       تولۇن ئاي جىمىرلاپ يۇلتۇزلار كۈلۈپ،                                   ئەجدادلار روھىمۇ تاپقانتى ئەمىن.   ئۇ سۆيگەن خەلقنى سۆيگەن ئېلىنى، جىسمىدا ياندۇرغان ئەجداد روھىنى.          قوغلىماي شان-شەرەپ قوغلىماي دۇنيا، بىزلەرچۈن تىكلىگەن شۆھرەت ئۇلىنى.                                   كىيىنىپ ئىلىمدىن غەۋۋاس كىيىمى،                                   شۇڭغۇدى تارىخنىڭ چوڭقۇر بېتىگە.                                   سۈزۈپ شۇ دېڭىزدىن ئالتۇن-جەۋاھىر،                                   تىزدى رەت-رېتىدە دەپتەر بېتىگە. (ھە!مانا ئوغۇزخان كۆرۈندى ئاڭا، كۆك بۆرە ئالىمغا كۆرسىتىپتۇ يول.) قانائەت ئەيلىمەي شۇنىڭغا يەنە، ④ئارىيانلارغىمۇ سوزۇلۇپتۇ قول .                                 باشلىنىپ ‹‹ئىنقىلاپ››⑤بۇ دىياردىمۇ،                                 ئالىممۇ كىيىنىپتۇ بىر ئۈلۈش قالپاق،                                 ياۋىلار قۇترىدى ئېتىلماق بولۇپ ،                                 ھەسەتخور،پەسكەشلەر بولۇپ يانتاياق. زېمىستان قوغلىنىپ كېلىپتۇ كۆكلەم، 〞قالپاقمۇ〝غىپپىدە تىكىپتۇ بەدەر.            يايراپتۇ كۆڭۈللەر ياڭراپتۇ بەزمە، تۆلەنگەن بولسىمۇ گەرچە كۆپ بەدەل.                                                                                         ئالىممۇ كۈلۈپتۇ ئەمما يۈرىكى ،                                 ياش تۆكۈپ بىھۇدە ئۆتكەن ۋاقىتقا.                                   تولۇقلاش ئۈچۈن بوش كەتكەن ئۆمرىنى،                                                                          باش چۆكۈپ كېچىنى ئۇلاپتۇ تاڭغا. قول ئۈزۈپ بارچىدىن ئەۋلادلار ئۈچۈن، بېكىندى بىر ئادديھۇجرىغا ئالىم. ئۆتۈپتۇ قارىسى كۆرۈنمەي ئەسلا، ئالىمنى چىللىغان سانسىز مۇراسىم.                                 خەق ساناپ ئۆتكۈزسەكۈنلەپ-ھەپتىلەپ،                                 ئالىم ئۇ سانىدى مىنۇت-سىكۇنىتنى.                                 ئىزدەندى،تىرىشتى،قىلمىدى ساقىت،                                 نەزەردىن ئۆتمۈشنىڭ ھەر چېكىتىنى. ئەنە شۇ مىللەتنىڭ نۇرلۇق چېرىغى ، بىر كېچە ئۈستەلدە ئۆچتى ۋاقىتسىز . گاھىلار يىغلىدى، كۈلگەنلەرمۇ بار ، ئاھ ھايات سەن نېچۈن بۇنچە رەھىمسىز. ①داموللام:ئابدۇقادىر داموللام ②تەۋپىق:مەمتىلى تەۋپىق ③تەۋەللۇت؛دۇنياععغا كىلىش(ئۇلۇغ كىشىلەر) ④ئارىيانلار:تارىخى ئاتالغۇ ⑤ئىنقىلاب:مەدەنىيەت زور ئىنقىلابى                                                                          ئارافات ئابدۇمىجىت ئۇيغۇرى

xaxyax

	ئا شېئىر بىريەدە قېلىپ، ئىنكاس قايناپ كەتمىسۇن! شېئىرغىمۇ پىكىر بېرىلى، ماۋۇ يېرى ياخشى، ماۋۇ يېرىنى مانداقراق قىلساق دەيدىغان قېنى شائىر، شائىرەلىرىمىز؟ ئادەمنىڭ مېڭىسى كېيىن قوبۇل قىلغان ئۇچۇرغا بەكرەك ئالدىراپ ئىنكاس قايتۇرىدىغان چېغىۋا  شۇڭا ساھىپخاننى بىريەرگە قويۇپ، سورۇنغا كېيىن كەلگەن مېھمان بىلەن ھال-مۇڭ بولاپ كېتىپ قاپتۇق، ئۈستىدىكىلەر.

jawzaa

	ئابدۇرھىم ئۆتكۈر بىلەن ئابدۇشكۈر مۇھەممەت ئىمىننىڭ ئەسەرلىرىنى بەكلا ياقتقۇرۇپ ئوقۇيمەن بۇ ئىككىسىنىڭ ئەسەرلىرى چىنلىق بىلەن تولغان...............

abaytarim

	ئابدۇشۈكۈر مۇھەممەتئىمىن خەلقىمىز ئارىسىدىن يېتىشىپ چىققان ئەڭ ئۇلۇغ ئالىمىمىزدۇر . ئالىمىمىزنى ئەسلەپ تۇرغىنىڭىزغا ، ئەسلەتكىنىڭىزگە كۆپ رەھمەت . ئالىمىمىز ھەقىقەتەن ھەر كۈنى ئەسلەپ تۇرۇشىمىزغا ئەرزىيدىغان ئەزىمەت ئالىمىمىزدۇر . نۇرغۇنلىرىمىز تېخى تولۇق تونۇپ يېتەلمىدۇق .

uyghur05

	بىز بۇ ئالىمنىڭ قەدرىنى بەكلا كېچىكىپ ھېس قىلدۇق . رەھمەتلىك ئالىلىمىزنىڭ ياتقان يېرى جەننەتتە بولغاي

سۇمەييا

	ئاللا  ئۇلارنىڭ ياتقان يىرىنى جەننەتتە قىلسۇن.

hasalharisi

	ئالىملىرىمىز مەڭگۈ قەدىرلىنىشى كېرەك.ئۇلار ئىچىدىكى تۆھپىسى ئۆچمەس مەرھۇملار قەلبىمىزدە مەڭگۈ ھايات!

kaynam69

	مۇشۇ پۇرسەتتە ئالىمنىڭ 2پارچە رۇبائىيسىنى دوسلارغا سۇناي ئىلىم باشقا ، تالانت  باشقا ، غورور-ئىمان  يەنە  باشقا ، بۇلۇر ساھىبقىرانلىق بۇ  ئۈچ  پەزىلەت  كەلسە بىر باشقا . بۇنىڭ بىرلەن بەخت پۈتمەس،ئۇنىڭسىز كۆپتۈر ئامەتلەر، بەخت  بابىدا  قۇر  ئاچساڭ  يېزىلمىش  قىسمىتىڭ  باشقا .                                                     _ ئا.  مۇھەممەتئىمىن قىسمىتى  قامۇس  ھاياتنىڭ ، ھەر  بېتى راھەت ماڭا ، مەيلى قايغۇ ،مەيلى شادلىق ،كەلگىنى ئامەت ماڭا. بولسا  گەر قەلبىڭدە  ھېكمەت قىلغۇسى  قۇتنى باھار، بولمىسا گەر قەلبىمدە ھېكمەت ئامىتىم ئاپەت ماڭا.                                                 _ئا . مۇھەممەتئېمىن

tolganay

	ھەي مۇشۇ كۈنلەردە ئالىمىمىزنىڭ قەدرى كۈنسېرى ئۆتىلىۋاتىدۇ . بۇ ئالىمىمىزدىكى تىرىشچانلىقنى ، ئۆزىنى بېغىشلاش روھى قانچىلىكىمىزدە ئازراق باردۇ؟ - ھە !