تىرىشچان ئوقۇغۇچىلارغا ياردەم بېرىش پىلانى

atayar

	ئەسسالامۇ ئەلەيكۇم ‹سالام ئۈرۈمچى›ساخاۋەتچىلەر توپىدىكى قېرىنداشلار: 2012-يىلدىكى تومۇز ئىسسىقلار ئاخىرلىشىپ سالقىن كۈز شامىلى بىلەن دىيارىمىز ئالتۇن رەڭلىك گۈزەل كۈز پەسلىنى كۈتىۋېلىش ئالدىدا تۇرىۋاتقان مۇشۇ ۋاقىتلاردا ئەتراپىمىزدىكى بىرقىسىم ئائىلىلەردە بىلىمگە تەشنا ، ئەمما ئائىلە قېيىنچىلىقى تۈپەيلى ئوقۇش پۇلىنى قانداق تۆلەش مەسىلىسى ئۈستىدە قىينىلىۋاتقان بىلىم خۇمار پەرزەنتلىرىمىزنى ئېسىڭىز گە ئېلىپ باقتىڭىزمۇ؟ ... ‹سالام ئۈرۈمچى›ساخاۋەتچىلەر توپىدىكى قېرىنداشلار مەسلىھەتلىشىپ بىر ئادەم بىر باشلانغۇچ مەكتەپ ئوقۇغۇچىسىغا ياردەم بېرىش پىلانىنى ئويلاشتۇق، (ھازىر باشلانغۇچ مەكتەپ ئوقۇغۇچىسىنىڭ بىر مەۋسۈملۈك ئوقۇش پۇلى 200 يۈەنگە بارمايدىكەن ،بىريۈز ئاتمىش يۈەن ئەتراپىدا، شۇڭا شارائىتى ياربەرگەن قېرىنداشلىرىمىز بىر ئادەم بىرئوقۇغۇچىغا مەسئۇل بولۇپ، بىر مەۋسۈملۈك ئوقۇش پۇلىنى تاپشۇرۇپ بەرسىلا بولىدۇ. )قوشۇلۇشنى خالايدىغان قېرىنداشلار مۇشۇ تېمىنىڭ ئاستىغا ئىنكاس شەكلىدە ئۆز پىكىرىڭلارنى قالدۇرىشىڭلارنى ئۈمۈت قىلىمىز. پائالىيىتىمىزگە قاتناشقان ياردەم بەرگۈچىلارنىڭ سانىغا ئاساسەن بىز شەرتىمىزگە ماس كېلىدىغان ئوقۇغۇچىلارنى ئىزدەيمىز. ئەگەر قېرىنداشلىرىمىز ئەتراپىدا مۇشۇنداق قىيىنچىلىغى بار بالىلارنى بىلىدىغان تورداشلار بولسا ئىنكاس شەكلىدە ياكى بىزبىلەن بىۋاستە ئالاقىلاشساڭلارمۇ بولىدۇ. ئالاقىلاشقۇچى : ئابدۇۋەلى ئابدۇۋارىس ئالاقە تېلفۇن : 13999138713 تور ئالاقە ئۇسۇلى: مۇڭداشقۇ 303057717 ئېلخەت ئادىرىسى : atayar@qq.com

57gulyar

	ياخشى ئىش باشلاپسىلەر  ئۇتۇق تىلەيمەن ئاللا ئىگەم مەدەت قىلسۇن

boraoghli

	ياخشى ئويلاپسىلەر...ئىنشائاللاھ ھەمدەمدە بولىمىز. يىراقتىكىلەر ئۈچۈن مۇقۇم بانكا كارتىسى تەسىس قىلساڭلار بىز شۇنىڭغا كۆڭلىمىزنى بىلدۈرسەك.

kaisar

	باشلانغۇچ مەكتەپ تۇلۇقسىز ئوتتۇرا مەكتەپتە ھازىر ئۈرۈمچىدىمۇ شۇ  ئوقۇش پۇلى ئىلىنمايدۇ .  ئىلىنسا ماتىريال پۇلى ئىلىنىدۇ .     ھازىر سىياسەت جىق تەرەپلەردە نىمىش  قىلىۋاتىدۇ دەيمەن !! تېخى ماتىريال پۇلىنىمۇ كۈتۈرگەن يېزا قىشلاقلاردا . ...

bulak83

	ھازىر ھەققى قېينچىلقى بار دېگەنلەر تۆۋەن تۇرمۇش پۇلى ئالدىغان يەرگە ئالماي ئۆچۆرۇپ تاشلانماقتا،ئەكسچە كادىرلارنىڭ ئۇرۇق-تۇغقنى ئالدى بېلەن تېزملنۋاتدۇ،بولسا مۇشۇ مەكتەپتە ئۇقۇۋاتقان باللار يېزلسا ،شۇلارمۇ مەكتەپ قوينىدا خاتىرجەم ئۇقۇسادەيمەن.

atayar

	ھازىر باشلانغۇچ مەكتەپ ئوقۇغۇچىلىرىنىڭ ئوقۇش پۇلى يوق، پەقەت كىتاپ ماتىريال پۇلى ئېلىندىكەن  . بۇيەردە بىز ئاممىباپ تىل بىلەن ئوقۇش پۇلى دەپلا ئاتىدۇق. بۇ پۇل بىر يۈز ئەللىك يۈەندىن ئازىراق ئاشىدىكەن. ھىساپتا بىريۈزئاتمىش يۈەن(160يۈەن)  يىغىشنى پىلانلىدۇق. بۇ پۇلدىن بىرقىسىم ئوقۇغۇچىلارنىڭ شۇپۇلىنى تۆلەپ ئاشقىنىغا ئوقۇش قۇراللىرى ئېلىپ تېخىمۇ قىيىنچىلىغى بار ئوقۇغۇچىلارغا تارقىتىپ بەرمەكچى بىز.(ھازىر ئۈرۈمچىدىكى مۇشۇ باشلانغۇچ مەكتەپلەردىمۇ مۇشۇ پۇلنى تۆلىيەلمەيدىغان ئوقۇغۇچىلار ئازبولسا بىر قاراردا 50 دىن ئارتۇق ئەھۋاللار بار ئىكەن)

bilgeyar

	ھازىر باشلانغۇچ مەكتەپلەردە ئوقۇش پۇلى، ماتېرىيال پۇللىرى ئاساسەن ھەقسىزلەشتى، بولسا ئلىي مەكتەپلەردە ئوقۇۋاتقان قېرىنداشلىرىمىزغا يردەم قولىمىزنى سۇنساق دېگەن ئۈمىدتە مەن.    3يىلدىن بېرى بىز بىر قانچىمىز مەلۇم بىر قېرىندىشىمىزغا ياردەم قىلىپ كېلىۋاتىمىز. زاكات،نەزىر ھەققى دېگەنەكلەرنى سۇنغان نوچى كىشىلىرىمىزدىن ئىپتىخارلاندۇق. بۇ قېرىندىشىمزنىڭ (ئايال،تۇل)3قىزى بىرلا ۋاقىتتا ئالىي مەكتەپلەردە ئوقۇۋاتىدۇ. ئۆزى بولسا ئىشسىز ، ساناتورىيەدىكى كىشىلەرگە تاماق ئېتىپ بېرىپ كىرىم قىلىدۇ. تۆۋە كىرىملىك ئائىلە ، تۇل قالغىلى 15يىل بوپتۇ، مەنمۇ تاساددىپىي تونۇشۇپ قالغان ، شۇندىن بېرى ئاز-تولا تىرىشچانلىق كۆرسىتىپ ئازدۇر - كۆپتۈر ئوقۇش پۇلى غەملەپ كېلىۋاتىمىز. بولسا مۇشۇنداق ئالىي مەكتەپتىكىلەرنى يۆلەيلى .

سۇمەييا

	بۇنىڭدا ئۇرۇمچىدىكى مەكتەپتىكى ئوقۇغۇچىلارغا ياردەم قىلامدۇ؟

atayar

	ئۈرۈمچىدىن باشقا يەردىكىلەر بولسىمۇ بولىدۇ. شۇ تۇرۇشلۇق يېرىڭىزدىكى مەكتەپ ئوقۇغۇچىلىرىنىڭ مۇشۇ خىل ئەھۋالغا چۈشىدىغان ئوقۇغۇچىلاربولسا بىز بىلەن ئالاقىلاشسىڭىز. بىز شۇ مەكتەپ بىلەن ئالقىلىشىپ مەكتەپكە كېرەكلىك خىراجەتنى ئۇرۇپ بېرىمىز.

atayar

	bilgeyar يوللىغان ۋاقتى  2012-9-3 05:27 PM ھازىر باشلانغۇچ مەكتەپلەردە ئوقۇش پۇلى، ماتېرىيال پ ... ‹سالام ئۈرۈمچى›ساخاۋەتچىلار توپىمىز دا ھازىر مۇقىم ئەزا 60دىن ئارتۇق . ئەگەرسىز ئۈرۈمچىدە بولسىڭىز ھەم سىز دىگەن بۇھەدىمىزمۇ ئۈرۈمچىدە بولسا بىز كۆرىشىپ ئەھۋال ئىگەللەپ توپىمىزدىكى قېرىنداشلار ئايرىم ياردەم بەرسەكمۇ بولىدۇ.