روبائىيلار2(تۈركلان)

turklan

	روبائىيلار2(تۈركلان)    ئەسسالاممۇ -ئەلەيكۇم ،ئەزىز مۆھتۈرەملەر،ھەر قايسىڭلارغا گۈزەل ماكان ئاقسۇ دىيارىدىن سالام ئېيتىپ كەلدىم.ھەمدە تۆۋەندىكى مىسرالارنى تۆۋەنچىلىك بىلەن دىل ھۇزۇرۇڭلارغا سۇنۇپ كەلدىم.سەمىمىي تەنقىد -تەكلىپىڭلارغا مۇھتاجمەن.                                     1               ئاي ۋە كۈن قوغلىشىپ ئۆتەر ھەر مەنزىل،               سەنمۇ بىر نىشانغا ئېتىلغىن ئېتىل.               تۇرمىغىن بىر چەتتە قالمىغىن سەپتىن،                جاسارەت ئىشقىغا قېتىلغىن قېتىل                                2                 ئىنساننىڭ تۇرقى ئۇ رەڭگارەڭ دۇنيا،                 چۈشەنمەي قەلبىنى بەرمىگىن باھا.                  تۇرقىدىن گۈزەللىك بالقىغان بىلەن،                  ئېھتىمال كۆڭلى تار ۋە ياكى ئالا.                              3                 دوستلۇق ئۇ مەنپەتتىن يارالغان ئەمەس،                 مەنپەتنى دوست بىلگەن ھايۋان بولدى بەس.                 سەمىمىي دوستلۇققا تەشنا ھەر كۆڭۈل،                  ئۇلۇغلار چىنلىقنى دوستلار ھەر نەپەس.                                4                 ھاياتىم بىر تەنھا سەپەرچى قولۋاق ،                 كۆزلىگەن مەنزىلى يۈكسەك ۋە يىراق.                  گاھىدا كۆك دېڭىز تەۋرىتەر ئاستا،                   گاھىدا دولقۇنلار سالىدۇ پىراق.                                  5                  قايرىلىپ باقساڭ جانان نازىڭ بىلەن ،                  بىمار بوپ ئاھ ئۇردى بۇ قەلبىم تىمەن.                   نە ئۈچۈن يارالغانسەن شۇنچە لىۋەن؟                   پىراقىڭ يۈرەكىمگە پاتتى تىرەن.                                 6                     گۈل جانان يېنىڭغا تارتىۋال مىنى ،                     تەقەززا بۇ يۈرەك سۈيۈشكە سېنى.                     تەشنالىق چۆلىدە چەكتىممەن ئازاب،                    سۈيۈشتىن يايرىسۇن سۆيگۈمنىڭ جېنى.                                   7      بىر گۈزەل لىۋەن دىدىم شۇ جاناننى كۆرگەندە مەن،      قانلىرىم ئۆركەشلىدى ،ئوت  بۇلۇپ كۆيدى بۇ تەن.        ئاشىقىلىق ھارارىتى تەپتىدىن ياندى يۈرەك،        شۇ  جانان  پىراقىدا تولغۇنۇپ مىڭ دەرت بىلەن.                                  8                دوستۇمغا دوستۇمدەك قىلىمەن سالام،                دوست مىنىڭ كۆڭلۈمگە بىرىدۇ ئارام.                دوستقا -دوست بەرسە گەر كۆڭۈل ئاغرىقى،                كۆپىيەر ھەر دوستقا بىر دۇشمەن قارام.                                 9                     مۇھاببەت ئوتىدۇر مىسالى گۈلخان،                      ئاشىقنىڭ قەلبىدە لاۋۇلداپ يانغان.                     كۆيدۇرەر شۇڭا  ئۇ ئوت -پىراقىدا،                     بۇ يولدا بىر ئىزنا قالغىنى قالغان.                                 2012.08.19                             مەنبە:ئۆز ئىجادىيتىم

mahatjan

	رۇبائىيلارنىڭ ۋەزىن ئۆلچىمىنى توغرا ئىپادىلەشكە ئەھمىيەت بىرىڭ.

turklan

	mahatjan يوللىغان ۋاقتى  2012-9-3 01:19 AM رۇبائىيلارنىڭ ۋەزىن ئۆلچىمىنى توغرا ئىپادىلەشكە ئەھم ... مەسىلەن...........................