پارچىلار (ئۆڭمەس)

ongmas

	پارچىلار مەخمۇت ئاۋۇت (ئۆڭمەس) ھاياتتۇر شاۋقۇنلۇق بىر ئەزىم دەريا، توختىماي ئاقىدۇ يۈگەنسىز گويا؛ قۇيۇلار ھامىنى كەڭرى دېڭىزغا، قىممەتتۇر ئىنسانغا بۇ يورۇق دۇنيا. ھورمەتكە سازاۋەر ئۇلۇقدۇر دېھقان، ھالاللىق نىمەتچۈن تۆكىدۇ تەر-قان؛ تارتسىمۇ مىڭ جاپا چەكمەيدۇ پىغان، ھۆرمىتى ئاۋامنىڭ كۆڭلىدە گۈلخان. بىرەر ۋاق ئاش-نېنىڭ بولسىمۇ كەمچىل، پەرزەنىتكە تەربىيەڭ بولمىسۇن كەمچىل؛ نەسىھەت-ساۋاقنى ئاشتىن ئەزىز بىل، شۇندىلا ئەۋلادىڭ ئۆتۈدۇ ئىجىل. ئاناڭنى ئىززەتلە، كۆتۈر بېشىڭدا، بارىدا بېقىۋال ئۇنى قېشىڭدا؛ كەلمەيدۇ ئورنىغا ئۇ كەتكەنچاغدا، ئۆرتەيدۇ پۇشايمان ئىچى-تېشىڭدا. ئاتاڭنى ئۆزۈڭگە يۆلەنچۈك چاغلا، بارىدا بوستاندۇر باياۋان، تاغلار؛ ئۇ كەتسە قۇرۇيدۇ،توزۇيدۇ باغلار، كۆپۈيەر دەردىڭمۇ يىقىلىپ تاغلار. توغرىنى ھۆرمەتلە ئاڭا قۇلاق سال، خاتانى توغرىلا، ئاڭا ئۇلاق سال؛ چۈشەنمەي ئەگەشسەڭ بولىسەن ئوسال، يوللىرىڭ داۋاندۇر، كۆز ئاچماس ئىقبال. ئۆز يارىڭ-ئايالىڭ يېتەر ھالىڭغا، شىرىكتۇر ئۇ سېنىڭ ئاھۇ-زارىڭغا؛ كۆڭلۈڭنى ئوۋلىغان ئەشۇ بايقۇشلار، چۈشكەندە باشقا كۈن قاچار يىراققا. يوقسىزلىق ھاياتتا قىينىسىمۇ گەر، قالمىغىن ھارامغا قول سۇنۇپلا زەر؛ شەيتانغا باش ئېگىپ ئازساڭ يولۇڭدىن، ئەل-ئاۋام ئالدىدا بولۇر يۈزۈڭ يەر. مەنبە: ئۆز ئىجادىيىتىم.

kaynam999

	بولدىغان پارچىلاركەن . يەنىمۇ يىرشىڭ ياىشى يازالايسىز مەن ئىشنىمەن.

rizwangul0995

	ناھايتى ياخشى يېزىپسىز،مەن بەك ياختۇردۇم رەھمەت.

arkanaz

	ئۆز يارىڭ-ئايالىڭ يېتەر ھالىڭغا، شىرىكتۇر ئۇ سېنىڭ ئاھۇ-زارىڭغا؛ كۆڭلۈڭنى ئوۋلىغان ئەشۇ بايقۇشلار، چۈشكەندە باشقا كۈن قاچار يىراققا. ناھايتى ياخشى يېزىپسىز،

teneklerem

	تىنىمنى ئورىدى بىر شۇملۇق كىلىپ، ئىچىمگە شەيتەننىڭ ۋەسۋەسى كىرىپ. ئەجەل سۇرىسە قىشىڭدىن ئىلىپ، ئاھ ئۇرما ئۆلۈم بار ھەربىر بەندىدە.