ئۇيغۇر ئالىملىرى

nomu

	ئۇيغۇر ئالىملىرى ئەكرەم ئابدۇمېجىت ئىلمۇ – ئىرپان ئاسمىنىدىن بالقىغان ئالىملىرىم ، ئۈشبۇ ئىقلىم سىرلىرىنى بايقىغان ئالىملىرىم. پىكرى قانچە قەرنىلەردىن ھالقىغان ئالىملىرىم ، قانچە دەۋران دولقۇنىنى چايقىغان ئالىملىرىم . ھەر تەرەپكە نام – نىشانە تارقىغان ئالىملىرىم . بىزمۇ تۆت زاتنى ئاۋۋال بىلگەن ئېقىلنىڭ شامىدا ، سۇ ، ھاۋا ، ئوت ، يەرنى جەم قىلغان تەپەككۇر جامىدا ، قانچە مىڭ مۆجىزىلەر تۇرماقتا ئۇيغۇر نامىدا ، گاھى بۇددا نوملىرى ، گاھى شامان گۇلخانىدا ، بار گۈزەل سەنئەتكە رىشتىن باغلىغان ئالىملىرىم . تۇنيۇقۇق يوللۇق تېكىندەك ئەزىمەتلەر بىر زامان ، چىقتى بىزدىن تارىخىن تاشلارغا ئويغانلار ھامان ، بىزدىكى مىڭ ئۆي بىلەن كارىزنى كۆرسە گەر جاھان ، ‹قانچە دانىش ئەجرى بۇ › دەپ داڭقېتىپ قالغان شۇئان ، ۋەلىكىن ھەرگىز ئاتاق ، نام ئالمىغان ئالىملىرىم . تۇغۇلۇپ كۆسەندە ئەسلى يول ئېلىپ چاڭئەن ئارا ، نەچچە مىڭ تالىپنى جۇپ تىز ئەيلىگەن كومراجىۋا ، ئەركە چىڭگىزخانغا ئۇستاز بولغىنى تاتاتۇڭا ، يەرنى يۇپيۇمىلاق قىلىپ بەرگەن سىزىپ مەھمۇت بوۋا ، شۇ ئۇزاق تارىخ بىتىدە چاقنىغان ئالىملىرىم . ئەل فارابى قانچە يىل يەشمەككە ئالەم سىرلىرىن ، شۇنچە تەنھا ئۆتكۈزۈپ كەلگەن كېچە – كۈندۈزلىرىن ، بىر ئۆمۈر ھىكمەت بىلەن ئايرىپ ئىلىمنىڭ تۈرلىرىن ، ئۈشبۇ ئالەم لەززىتىگە سالمىغان كۆزنىڭ قىرىن ، رۇم ، بەدەخشان ، مەككە ، شامدا قاتنىغان ئالىملىرىم . شۆھرىتىنى قايسى ئەل بىلمەيدۇ خاس ھاجىپ دېسەك ، ئۇ يېزىپ چىققان ‹بىلىك› بەرگەچ جېمى پەندىن دېرەك ، قانچە سۇلتانلار ئۇنى بىلگەن ئۇلۇق دەستۈرىدەك ، ئالمىغان كىملەر ئۇنىڭدىن مەنىۋىي لەززەت دېمەك ، يازمىلاردا نامى كۈندەك پارلىغان ئالىملىرىم . قانچە ئەل- يۇرتنى كېزىپ ئېرپان ئۈچۈن قىلغان سەپەر ، شۇ ئۇلۇق زاتلار ئارا بار ھەم تەجەللى مۆتىۋەر ، ئەل جامائەت ساقلىغىچۈن ئەجرى قىپ شامۇ ـ سەھەر ، خېمىيە ، مېدىتسىنانىڭ كانىدىن قازغان گۈھەر ، بولسىمۇ دىندار ، ئىلىمدىن تايمىغان ئالىملىرىم . بىر زامان تەتۈر قۇيۇنلار توختىماي چىققاندىمۇ ، نەسلى ئالۋاستى خاقانلار ئەلنى چىڭ سىققاندىمۇ ، قانچە دەستۈر يازمىلارنى ئۆيمۇ – ئۆي يىققاندىمۇ ، شۇ مىراسلارنى پۈتۈنلەي كۆيدۈرۈپ ، چاققاندىمۇ ، ئىلىم – ھېكمەت مەنزىلىدىن يانمىغان ئالىملىرىم . قانچە تارىخ بەتلىرىنى ئەجرىدە كەلگەن يۈدۈپ ، ئا . مۇھەممەت ھەمدە ئۆتكۈر ئاكىلار كەتتى ئۆتۈپ ، مۇندا ھېكمەت ئىزلىرى قالغان ئەمەس ھەرگىز ئۆچۈپ ، دەۋرىمىزدە خالمۇرات ھەمدە زەپەركاملارمۇ كۆپ ، ئۈزۈلۈپ ھېچ بىر زاماندا قالمىغان ئالىملىرىم .       تۈركىيە ، ئىستانبۇل 2012.2.19

bahadir102

	خەت نورمال كۈرۈنمەيدا ، قايتا تەھرىرلەپ قويامسىز.....

aptap104

	ئۇيغۇر ئالىملىرىنى مىللى زالىملار تۈپەيلى بىسىلىپ  قالدى .

soygualqise

	راسلا قالتىس يىزىلىپتۇ!

keliq

	بۇ شېئر تولمۇ ياخشى يىزىلىپتۇ ..... پىكرىڭىز ئۆتكۈركەن.

kigiz

mosajan0997

	بەك ياخشى يىزىلىپتۇ... بىر باشتىن ھەممىسىنى تۆھپىسى بىلەن ئەسكە سالغىنىڭىزغا كۆپ رەھمەت... مەنغۇ ھىچ قايسىسىنى ئۇنتۇپ قالمىدىم ،ئەمما تولىمۇ ياخشى شەرھىيلىنىپتۇ... قەلەم قۇۋۋەتلەرگە ھەقىقەتەنمۇ قايىل بولدۇم....

barquk8

	شېئىرىڭىز ھەقىقەتەن ئىسىل چىقىپتۇ ھارماڭ قېرىندىشىم …

ap~qilam

	بىر كىشلىك يېزىلىپتۇ ئەممازە ماۋۇ شېئىر ئاپىرىن جۇمۇ

kaynam999

	بۇ شىېرڭىز بەك بەك بەكلا ياخشى يىزلىپتۇ.ئاپىرىن سىزگە ھارماڭ .