ئەي ئادەملەر، ئەجەب ئىكەنمىز

nazar

	ئەي ئادەملەر، ئەجەب ئىكەنمىز ئاپتۇرى : نەزەردىن جامالىدىن >><<>><<>><<>><<>><< ئەي ئادەملەر، ئەجەب ئىكەنمىز ، بەزىدە گۈل ، بەزەن تىكەنمىز . بىراۋلارغا خۇشپۇراق چاچساق ، بىراۋلارغا سانجىلدىكەنمىز . ئەي ئادەملەر، ئەجەب ئىكەنمىز ،    تىنىم تاپماي ئىشلەيدىكەنمىز . ھوقۇق تۇتسا بىرەرسى، توۋۋا ، كۆرەلمەستىن چىشلەيدىكەنمىز . ئەي ئادەملەر، ئەجەب ئىكەنمىز ، ئۆزىمىزنى ئويلايدىكەنمىز . ئەجەب ئېقىن شەخسىيەتچىلىك ، شۇ ئېقىننى بويلايدىكەنمىز . ئەي ئادەملەر، ئەجەب ئىكەنمىز ، غەيۋەت قىلىپ تويمايدىكەنمىز . باشلىقلارغا سويغان شۇ قوينى ، ئانىمىزغا سويمايدىكەنمىز . ئەي ئادەملەر، ئەجەب ئىكەنمىز ، ئويۇن بىلەن ئۆتىدىكەنمىز . پۇشايمانغا قالغاندا بىركۈن ، ئامال قانچە ، ئۆكىندىكەنمىز . ئەي ئادەملەر، ئەجەب ئىكەنمىز ، سورۇننى بوش قويمايدىكەنمىز . ناخشا ـ ئۇسۇل نىم بەردى بىزگە ؟ ئېيتىپ ، ئويناپ تويمايدىكەنمىز . ئەي ئادەملەر، ئەجەب ئىكەنمىز ، نېمىنىدۇر كۆزلەيدىكەنمىز . خويمۇ ئوبدان تىلىمىز تۇرۇپ ، ئارلاشتۇرۇپ سۆزلەيدىكەنمىز . ئەي ئادەملەر، ئەجەب ئىكەنمىز ، كۆرمىگەننى كۆرىدىكەنمىز . ئەرلىرىمىز ئايالدەك گويا ، ياسىنۋىلىپ يۈرىدىكەنمىز . ئەي ئادەملەر، ئەجەب ئىكەنمىز ، بەزەن ئالغا باسىدىكەنمىز . قىزلىرىمىز قۇلاققا توۋۋا ، نەچچە ھالقا ئاسىدىكەنمىز . ئەي ئادەملەر، ئەجەب ئىكەنمىز ، تالاي ئېشنى بىلىدىكەنمىز . ئاخىرەتنى بىلىپ تۇرۇپمۇ ، ئەسكىلىكنى قىلىدىكەنمىز . ئەي ئادەملەر، ئەجەب ئىكەنمىز ، بەزەن چېكىپ ، ئىچىدىكەنمىز . ئىچىۋىلىپ جىدەلنى تېرىپ ، قېرىنداشتىن كېچىدىكەنمىز . ئەي ئادەملەر، ئەجەب ئىكەنمىز ، پۇلنى جاندەك كۆرىدىكەنمىز . شۇ پۇلنى دەپ بەزىدە ھەتتا ، دوستتىن يۈزنى ئۆرىدىكەنمىز . ئەي ئادەملەر، ئەجەب ئىكەنمىز ، ئورا كولاپ قەسلىشىدىكەنمىز ، بىلىم بىلەن بەسلەشمەي ئەجەپ . ھەشەمەتتە بەسلىشىدىكەنمىز . ئەي ئادەملەر، ئەجەب ئىكەنمىز ، بالام دەپلا ئۆتىدىكەنمىز . شۇ بالىنىڭ غېمىنى يەپلا ، ئاخىر بىركۈن ئۆچىدىكەنمىز . ئەي ئادەملەر، ئەجەب ئىكەنمىز ، ئۇنى - بۇنى دەپ قويدىكەنمىز . سۈرۈشتۈرمەي ھالالمۇ - ھارام ، ئانچە - مۇنچە يەپ قويدىكەنمىز . ئەي ئادەملەر، ئەجەب ئىكەنمىز ، تىرىشقانلار ئۇزىدىكەنمىز . تىرىشمىغان ئارقىدا قېلىپ ، جەمئىيەتنى بۇزىدىكەنمىز . ئەي ئادەملەر، ئەجەب ئىكەنمىز ، ھامان بىر كۈن ئۆلىدىكەنمىز . شۇ تۆت كۈنلۈك ئالەمدە يەنە ، يۇرت ئايرىشىپ، بۆلىدىكەنمىز . ئەي ئادەملەر، ئەجەب ئىكەنمىز ، بىر ناخشىنى ئېيتىدىكەنمىز . ‹‹ھايات›› ناملىق ئەشۇ ناخشىمىز ، تۈگىگەندە كېتىدىكەنمىز . . . .............................. 2010 ـ يىلى 11 ـ ئۆكتەبىر

ANSWER

	راست ھەجەپ بىر ئاجايىپ ئىنسانلار بار

kaynam999

	ھەي بىز ئىنسانلارنىزە .ھەممە ئىشنى قىلۋاتىمىز  يەۋاتىمىز ئىچۋاتىمىز ئويناۋاتىمىز كۇلۋاتىمىز يىغلاۋاتىمىز ئاھ ئۇرۋاتىمىز .بەش ئەزايىمىز ساق تۇرۇپ قەلەندەرلىك قىلۋاتىمىز  شۇنداق بىر مۇسۇلمان تۇرۇپ ئۇزمىزنى تۇتمايۋاتىمىز.

poyuz

	ئەي ئادەملەر، ئەجەب ئىكەنمىز ، داتلاپ يۈرۈپ ھارمايدىكەنمىز. ئامال يوقمۇ زادى تۈزەشكە، غەيۋەتلەرگە قانمايدىكەنمىز. ئەي ئادەملەر، ئەجەب ئىكەنمىز ، بىرنى ئون قىپ سۆزلەيدىكەنمىز. قاچان بولۇپ بىلىمنى قازغان، قىڭغىر-مايماق تۈزلەيدىكەنمىز.

ILIHO

	ئەسسالاممۇ - ئەلەيكۇم! نەزەر ئاداش قانداق ئەھۋالىڭ؟ بۇ يەردە ئېسىل تېمىلىرىڭنى كۆرۈپ خۇرسەن بولدۇم. راس دېمەكچىمۇ بىز ئاجايىپ ئادەملەردىنمىز.   تاشمۇھەممەت باتۇر ئاكىنىڭ <كەلدۇق> دېگەن ناخشىسى ئەجەپ خەق بىز گادايلاشساق، خۇدا بەرمەيدۇ دەپ كەلدۇق. بىراۋلاغا بېرىپ ئېھسان، بىراۋلادىن تىلەپ كەلدۇق. تۈتۈن بولدۇق،ئوچىقىدا، ئەسىرلەدىن جاھالەتنىڭ. ئاسارەت تۈنلىرى ئىچىدە، نادانلىقتا تۈنەپ كەلدۇق. ....................... ........................

abaytarim

	تاشمۇھەممەت ناخشىسىنى ئېيتقان ، «كەلدۇق» مۇھەممەتجان راشىدىننىڭ شېئىرى .  راست ھەممە ئىشنى قىلىپ كەلدۇق ...

لەززەت

	بەك ياخشى يىزىلغان شىئىر ئىكەن تىما ئىگىسىگە رھمەت!!!!!1

nazar

	ILIHO يوللىغان ۋاقتى  2012-8-29 12:51 PM ئەسسالاممۇ - ئەلەيكۇم! نەزەر ئاداش قانداق ئەھۋالىڭ؟ بۇ  ... ۋۇئەلەيكۇم ئەسسالام ، خىزمەتنىڭ ئالدىراشلىقىنى ھېسابقا ئالمىغاندا قالغان ئىشلارنىڭ ھەممىسى ياخشى ، ئۆزۈڭچۇ ؟ ئىشلىرىڭ ئۇتۇقلۇقمۇ ؟ ئاللاھ ئىشلىرىڭنى ئىلگىرى قىلسۇن !

ILIHO

	ئاللاھقا شۈكرى ، يامان ئەمەس كېتىپ بارىدۇ.