ھەققانىي: ‹‹ چاكارمەن ›› ( ساتىرا )

akkani

	<<چاكارمەن>> (چىرىك ئەمەلدار تىلىدىن) ساتىرا ئەل-ئاۋامنى يەپ-شىلىپ تويمايدىغان<< چاكارمەن>>، ئۆز نەپسىمگە چوغ تارتىپ كۆيمەيدىغان<<چاكارمەن>>، نازۇ-نىممەت بار جايدىن قوپمايدىغان<<چاكارمەن>>، كېچە-كۈندۈز نەپ ئويلاپ ياتمايدىغان<<چاكارمەن>>، نەپ يوق يەرگە بىر ماڭدام ماڭمايدىغان<<چاكارمەن>>. دەردى بارغا دەرت قوشۇپ سۈرەن سېلىپ يىغلىتىپ، ھاجەتمەننى پەيت تاپسام شەخسى ئىشقا ئىشلىتىپ، تاپسام يۇۋاش-يۇمشاقنى يەر-بېغىمنى قىغلىتىپ، مۇز ياغدۇرۇپ قاپاقتىن گاھى ئالداپ-ئىرىتىپ، قايسى مۆمىن قايسى كاج ئىلغايدىغان<<چاكارمەن>>. ئۆزۈمگە كەڭ ئۆزگە تار چىڭ پىرىنسىپ يۈرگۈزۈپ، تەكلىپ قىلىپ چوڭامنى رېستۇراندا يىگۈزۈپ، تەخسە بىلەن مەي تۇتسام زەپ شورايدۇ سۈمۈرۈپ، سوغات يۆگەپ ياناردا<< ۋاي-ۋاي رەخمەت!>> دىگۈزۈپ، پەسنى بېسىپ ئىگىزنى گوللايدىغان<<چاكارمەن>>. ئىنتىزامدىن گەپ ئېچىپ ھەرقېتىمقى يىغىندا، دەيمەن:<<مەنچە پاك يوقتۇر بۇ دىياردا-زىمىندا>>، ( يىگەنلىرىم سىڭگەي دەپ تىلەپ ئەمما دىلىمدا)، كىرگەن پۇلنىڭ سانى جىق بانكا كارتام يېنىمدا، ماتىريالنى<<پاكمەن>>دەپ يوللايدىغان<<چاكارمەن>>. *********** مەنبە: ئۆز قەلىمىم (ئابدۇۋەلى راخمان ھەققانىي)

ap~qilam

	ساتىرانىڭ تىلى راستىنلا ئۆتكۈر بوپتۇ جۇمۇ ،ئاپىرىن  ئاكا

arkanaz

	ۋاھ نىمدا پەيزى يىزىلغان شئربۇ ....تىلى راستىنلا ئۆتكۈر بوپتۇ

ئايچىن

	ماتىريالنى<<پاكمەن>>دەپ يوللايدىغان<<چاكارمەن>>. راۋرۇس چاكاركەن ماۋۇ... ساتىرانىڭ تىلى ئۆتكۈر چىقىپتۇ ، ئىجادىيىتىڭىزگە بەرىكە تىلەيمەن.

HAKANXUKUR

	ناھايىتى ياخشى چىقىپتۇ،،،بولسا لوزۇنكىغا ئىلىپ يوغون قىلىپ ئىسىپ قويساق !!!!! ئۇندالار بەك كۆپىيىپ كەتتى ھازىر،،،،

!UYGHURJAN

	پاھ ! پاھ ! پاھ ! تىلى نېمدىگەن ئۆتكۈر .

vmidyar

	HAKANXUKUR يوللىغان ۋاقتى  2012-8-28 12:19 AM ناھايىتى ياخشى چىقىپتۇ،،،بولسا لوزۇنكىغا ئىلىپ يوغون  ... ۋاي، ھەممە ئىدارە- جەمئىيەتلەرگە يوغان قىلىپ : «خەلق ئۈچۈن خىزمەت قىلايلى» دەپ ئېسىپ قويۇغلۇق!!! شۇ «خەلق ئۈچۈن خىزمەت قىلىمىز» دەپ خەتنى ھۆسىن خەتتە چىرايلىق يېزىپ قويۇپ، ئاسىتدا خەلقنى شۈپۈپ يەۋاتمامدۇ شۇنداق  «خەلقنىڭ چاكارلىرى»...... بۇنى يېزىپ ئېسىپ قويۇش ئەمەس، پېشانىسىگە چاپلاپ قويساقمۇ، ئۇنداق ئىش قىلىدىغانلار ئۆزىنىڭ ئىشىنى قىلىۋېرىدۇ....

hekmat110

	خەلىقنىڭ چاكارلىرىنى تازا سۈكۈپسىز!

xaxyax

	شۇنداق ‹چاكار›لارنىڭ كۆزىگە بىر تىققىلىمۇ بولارمۇ ، نېمە دېگەن ئۆزىنى بىلمىگەن خەق ئۇ.

国民党

	كىچىك قەلەمتىراچ ( ئۇيغۇرلار قولى بىلەن ياسىغان، تۇرمۇشتا داۋاملىق ئۆز ئىھتىياجى ئۈچۈن ئىشلىتىمىز) پىچاقنى، يىنىدا ئىلىپ يۈرۈش قانۇنغا خىلاپمۇ؟ بۈگۈن ئەتىگەندە گاڭچى قەستەن ئاچقۇچلىرىم بىلەن قوشۇپ، كىچىك پىچىقىمنى  تارتىۋالدى.   مىنىڭ بەك ئاچچىقىم  كەلدى. چىرايىدىن قارىسام ماڭا ئۆزىنىڭ شۇ ھوقوقىنى پەش قىلىپ قويۇشنى ئويلىغاندەك تۇيۇلدى.   ( بىر توپ غالجىر ئىتلار ) ھەر كۈنى، نەچچە قىتىم، ھەر يىلدا نەچچە مىڭ قىتىم ئۇچرىشىپ تۇرىدىغان كىشىلەردىن ئىدۇق. تۇرغان ئارىلىقىمىز 50 مىتىرلا كىلىدۇ. مىنى دوختورخانىنىڭ بىر گاڭچىسى، قەستەن بوزەك قىلىشقا ئۇرۇنىۋاتىدۇ.  دۇكىنىم دوختورخانا ئىچىدە ئىدى.  مال ئەكەلسەم، دۇكانغا ئەكىرگىلى قويمايدۇ ياكى ئاچقۇچ يوق دەپ ۋاقىتنى كەينىگە سۆرەيدۇ. ئەتىگەندە دۇكانغا كەلسەم، پۈتۈن تەكشۈرەيدۇ، چۈشتە ئۆيگە چىقىپ كىرسەممۇ، يەنە تەكشۈرۈەيدۇ. قەستەنلىك بارمۇ - يوق؟ ئايالىم ئۆيدىن دۇكانغا كىرىشكە توغرا كەلسە، سالاھىيەت كىنىشكىسىنى ئىلىۋالمىغان بولسا، كىرگىلى قويمايۋاتىدۇ. ئۆيۆم بىلەن دوختورخانىنىڭ ئىچىدىكى دۇكاننىڭ ئارلىقى 100 مىتىرلا كىلىدۇ. بەك ئۇۋالچىلىققا قالغاندەك ھىس قىلدىم مەن. غەزىپىم تىشىپ كىتىۋاتىدۇ.