خاتىرەمدىن ئۈزۈندە ...

yultuzi

	بۇلار پەقەت راست ۋەقە ، مېنىڭ باشقا مەقسىدىم يوق ، مىسرانىم مۇنبىرىدە ئوقۇتقۇچىلار بولۇپ قالسا مۇشۇنداق قىلمىغايسىلەر دەپلا ئويلىدىم خالاس ... ئۈلۈشكۈن مېنىڭ باشلانغۇچ مەكتەپتە بىللە ئوقۇغان بىر دوستۇم بۇ دۇنيادىن خوشلاشتى ، مەن ئۈلۈشكۈن كەچلەردە بۇ ئىشتىن خەۋەر تېپىپتىمەن ، ئاندىن تۈنۈگۈن ئۇ دوستۇمنىڭ ئۆيىگە بىر پەتىلەپ بېرىش ئويى بىلەن تۈنۈگۈن ئەتتىگەندە دوپپىنى كىيىپ مۇئەللىمىنڭ ئىشخانىسىغا كىردىم ۋە مۇئەللىمگە : مۇئەللىم مېنىڭ بىر دوستۇم تۈنۈگۈن تۈگەپ كېتىپتىكەن ، شۇڭا ...  دەپ  تۇرۇشۇغىلا مۇئەللىمىم گەپ باشلاپ كەتتى ... مۇئەللىم : سەن مەندىن رۇخسەت سورىماقچىمۇ ؟ مەن : شۇنداق مۇئەللىم مۇئەللىم : ماڭا قارا ، سەن قايسى يۈزۈڭ بىلەن مەندىن رۇخسەت سوراۋاتىسەن؟ مەن :( داڭقېتىپ تۇرۇپلا قالدىم) مۇئەللىم : ئالدىنقى مەۋسۇمدىكى نەتىجەڭگە قاراپ باق ، 3پەندىن ئۆتەلمەپسەن قارا ، ئەسلى سېنى بۇ قېتىم 留级قالدۇرىۋېتەي دەپتىم ، شۇ تولۇقسىزدا ياخشىراق ئوقۇپ قالغانلا يېرىڭ بار ئىكەن ، سەن ئۇ قاتارغا كىرمەي قالدىڭ ... مەن : مۇئەللىم ئۇ مېنىڭ بەك يېقىن دوستۇم ئىدى مۇئەللىم : ماڭا قارا ، كومپىيۇتېردا ئارتۇقچىلىقىڭ بارلىقىنى بىلىمەن ، سەن ئەڭ ياخشىسى ئۆگىنىشىڭنى قىل ماڭە سىنىپقا ! مەن 2يىلدىن بېرى سېنىڭ 1سائەت ئۆگىنىش قىلغىنىڭنى كۆرۈپ باقمىدىم ... مۇئەللىمىمنىڭ بۇنداق دېيىشى خىيالىمغىمۇ كىرىپ چىقمىغانىدى ، 7-8يىللىق خىزمەت ئىستاجىغا ئىگە شەھىرىمىزدىكى ئەڭ داڭلىق مىللىي ئوقۇغۇچىلار ئورۇنلاشقان بۇ مەكتەپتىكى ئوقۇتقۇچۇم كۆزۈمگە نېمە كۆرۈنۈپ كەتتى ئىشقىلىپ سىلەر تەسەۋۋۇر قىلالمايسىلەر ... توۋا  مۇئەللىم دېگەنمۇ شۇنداق بولامدۇ ؟ بىر ئۇيغۇر ئوقۇتقۇچى تۇرۇپ ئۆز تىلىدىمۇ سۆزلىمىسە ، بىر ئادەمنىڭ ئۆلۈمى 2سائەتكە ئەرزىمىسە بۇ جاھان نېمە بوپ كەتتىكىن دەيمەن ، يەنە كېلىپ بىر ساپالىق ئوقۇتقۇچىنىڭ بۇ سۆزلىرى مېنىڭ «ئوقۇتقۇچى« دېگەن بۇ كەسىپ ئەھلىگە بولغان چۈشەنچەم ۋە تونۇشۇمنى ئىنتايىن پەس ئورۇنغا چۈشۈرىۋەتتى ، مەيلى بوپتۇ مېنىغۇ نېمە قىلسا قىلسۇن ئۆزىنىڭ ئىشى ، مەن سىنىپقا مەيۈس ھالدا كىرىپ كەلدىم ، سىنىپتىكى دەرستە ياخشى بىر دوستۇم : دەرس پەقەت خوشياقمايدىيا دەپلا سىنىپتىن چىقتى ، بۇ ۋاقتتا سىنىپ مەسئۇلىمىز سىنىپنىڭ ئالدىدا ئىدى ، مەن سىنىپ دىجورنىسى بولغاچقا ئەتتىگەنلىك مۇزاكىرىدە سىنىپ تازىلىقى قىلىۋاتاتتىم ، ئۇ مۇئەللىمگە : مۇئەللىم بۈگۈن ئازراق ئىشىم چىقىپ قالغانىدى ، چۈشتىن بۇرۇن رۇخسەت بەرسىلىرى بوپتىكەن دېدى ، مۇئەللىممۇ كۈلۈپ ھىجاراپ تۇرۇپ : بولىدۇ  دېدى ... دوستۇم ئۆيىگە ئەمەس تورخانىغا كەتتى ، مەن بادام دوپپامنى تارتمامغا سېلىپ مەيۈس ھالدا بۈگۈنكى دەرسنى ئاڭلاشقا كىرىشكەن بولدۇم . راستىنى دېسەم ئالدىنقى مەۋسۈم بىر دوستۇم يەنى سىنىپ باشلىقىمىزنىڭ چوڭ دادىسى ئۆلۈپ كەتكەندە پۈتۈن سىنىپتىكى ئوغۇل ئوقۇغۇچىلارغا جۈمە كۈنى چۈشتىن كېيىن يېرىم كۈن رۇخسەت بەردى ، ھەممەيلەن ئۆلۈمنى ئۇزىتىپ دۈشەنبە كۈنى مەكتەپكە كەلدۇق ، كېيىنكى پەيشەنبە كۈنى يەنە 5ساۋاقداشقا نەزىرىسىگە ياردەملىشىشكە رۇخسەت بەردى ، ئۇ دوستۇم قەبرە قاتۇرىمەن دەپ 3ساۋاقداشنى مۇئەللىمنىڭ ئىشخانىسىغا ئاچىقىپ بىر كۈنلۈك رۇخسەت ئالدى ، مۇئەللىم گەپ- سۆزسىز رۇخسەتنى بېرىۋردى ، دەرستە سەل ناچار بولۇپ قېلىش گۇناھمۇ ؟ مېنىڭ ئاشۇ كىچىكىمدىن بىللە ئوقۇغان  دوستۇمنىڭ ھاياتى 2سائەتلىك رۇخسەتكە ئەرزىمىدىمۇ ؟ كاللامدا مۇشۇ ئويلارلا بار ... پەقەت سىلەرگە ئېيتقۇم كەلدى ، مۇشۇنداق ئوقۇتقۇچىلىق خىزمىتىنىڭ نېمىلەرگە ئوخشاپ قېلىۋاتقانلىقى توغرىسىدا تەگسىز سۇئاللار كاللامدا لەيلەپلا قالدى ، توۋا دەيمەن ، مەن مۇشۇ مۇنبەردە ئاشۇ مۇئەللىمىمگە بىر ۋەدە بېرىۋېتەي :   مۇئەللىم ، بۇندى كېيىن مەن ياخشى ئوقۇيمەن ، يەنە بىرەر ئۆلۈم-يېتىم بولۇپ قالسا ماڭىمۇ رۇخسەت بېرىڭ !   مۇشۇ مىسرانىم مۇنبىرىدىكى ئوقۇتقۇچى-ئۇستازلار سىلەر مۇشۇنداق ئىشقا يولۇقساڭلار ئوقۇغۇچۇڭلارغا رۇخسەت بەرگەيسىلەر ، ئادەم بىر قېتىم تۇغۇلۇپ بىر قېتىملا  ئۆلىدىكەن بۇ دۇنيادا ...

!UYGHURJAN

	سىزگە رۇخسەت بەرمىگەن ئۇقۇتقۇچى بىلەن باشقىلارغا رۇخسەت بەرگەن ئۇقۇتقۇچى بىر ئادەممۇ يا ؟

kaynam999

	مەسىلىلەرگە ئورتاق قاراش لازىم .ھەر بىر ئوقۇغۇچىنى تەڭ كۇرۇش بۇ ئەۋزەلدۇر.

xaxyax

	بىزنىڭ باشلىقتەكمۇ نېمە. ئاغرىپ قالساڭ، بېشىڭ يا گېلىڭ ئاغرىسىمۇ چوقۇم دوختۇردىن ئىسپات ئەكىلىسەن، پۇتۇڭدىن باشقا يېرىڭ ئاغرىسا، پۇتۇڭ ساق بولغاندىكېن مېڭىپ ئىدارىغا كېلىپ ئاندىن رۇخسەت سورايسەن دەيدىغان.

saba01

	ھازىر شەكىلۋازلىق كۆپىيىپ كەتتى ئەمەسمۇ ؟ كالتە چاپاننىڭ پىشى تىگىپ قالسا ئۆزىنىڭ كىملىكىنى بىلەلمەي قالىدىغانلار كۆپ ھازىر .

albax

	كۆڭلىڭىزنى يېرىم قىلماڭ ، دەرسنى ياخشى ئۈگۈنۈپ ، نۇمۇر دىگەننى قاتۇرۇپ قۇيۇپ تۇرۇپ  ......................  مەردانە ياشاڭ ! چۇقۇم قىلمىسا بولمايدىغان ئىشنى قىلماقچى بولغاندا باشقىلارنىڭ خالاش - خالىماسلىقى بىلەن قىلچە چاتىقىڭىز بولمىسۇن ! ( ئەمما بۇ ئىشنىڭ توغرا بۇلۇشىغا قارىتا چۇقۇم ئىشەنچىڭىز بۇلۇشى كىرەك.) بۇ سۆز بىر ئۆمۈر ئۆلچەم قىلىشقا ئەرزىيدۇ .

mehriya

	زالىم ئۇستازدىن ئالىم چىقىدۇ دېگەن گەپ بار ئۇكام . ئۇقۇتقۇچىڭىز سىزنىڭ ئوقۇش نەتىنجىڭىزگە ئېچىنىپ ، ئازراق بولسىمۇ بىر نەرسە ئۆگۈنۋالسىكەن دەپ روخسەت بەرمەپتۇ . ئەمما ياخشى ئوقۇغان بالىلارغا روخسەت بەردى دەپسىز . سەۋەبى زادى نېمە ؟ بۇنى نىمىشقا ياخشى ئويلاپ باقمايسىز ؟ ئوقۇتقۇچىڭىزنىڭ دەرس ئۆتۈش تېخنىكىسىدا مەسىلە بارمىدۇ ؟ ، نىمىشقا بالىلار ئۇنىڭ دەرسىگە قىزىقمايدۇ ؟ نىمىشقا تورخانىغا قاچىدۇ ؟ سىزچە بۇلارنىڭ ھەممىسىگە ئوقۇتقۇچى سەۋەپلىكما ؟ قوسۇقۇڭىزدا ئۇماچ بولسا ئۇكام ، كېيىن جەمىيەتكە يۈك بۇلۇپ قالمايسىز . ئەمدى ئۆلۈم -يىتىم ئىشلىرىغا كەلسەك  ، سىز دېگەندەك رۇخسەت بەرگىنى ياخشى . لېكىن شەرت ئۇكام ، سىز ئادەتتىكى ۋاقىتلاردا چوقۇم ياخشى ئوقۇشىڭىز ، نەتىنجىڭىز ئوقۇتقۇچىڭىزنى قايىل قىلىشى ، بۇنۇڭلۇق بىلەن ئاتا -ئانىڭىزنىمۇ قايىل قىلىشى كېرەك !!

سېرداش

	خەي بۇجەميەتنى چۇشەنمەك نڭمانچڭۋالا تەستۇ

ئۆل

	شۇڭا دەرسىنى ياخشى ئوقۇپ ،شۇنداق ئوقۇتقۇچلىرىمىزغا جار -جار ۋارقىرغۇلۇق ....بۇ مىنىڭ تەجىربەم ...مەن شۇنداق ئىدىم سىنپىنىڭ ئالدىدا ماڭاتتىم ..ھەم شۇنداق ئايرىم مۇئاملدە قىلدىغان ئوقۇتقۇچلارغا چاتقىم يوق ۋارقرايتىم ....ئۇلار نىمە قىلالايتى ...لىكىن شۇ زىيان تارتقان يېرىم شۇ نەتجەم بىرنچى بولسمۇ مەكتەپ مۇكاپات پۇلىنى پەقەتلا ئالالمايتىم ..چۈنكى مىنىڭ ئوقۇتقۇچلرىم مىنى بىر ئامال قىلپ قالدۇرۇپ قوياتتى بۇلارغا نىمە ئامال دەيسىز ؟ سورمايلا بېرىپ كېلىپ ئىشپلا ئولتۇرۋالماي

yultuzi

	ئۆل يوللىغان ۋاقتى  2012-8-27 05:08 AM شۇڭا دەرسىنى ياخشى ئوقۇپ ،شۇنداق ئوقۇتقۇچلىرىمىزغا جا ... كېيىنكى يىلى ئالىي مەكتەپ ئىمتاھانى بېرىمەن ، يەنە دېپلوم دەيدىغان نەرسە بار ، ئاڭلاشلارغا قارىغاندا مەكتەپ تۈ زۈمىگە خىلاپلىق قىلغانلارنى ئۆيىگە قايتۇرىۋېتىپ ئىمتاھان ۋاقتىدا كەل دېيىشكە ھوقوقلۇقمىش ھازىرقى ئوقۇتقۇچىلار ...