يىگىت يىغلىمىسۇن~~

loituma

	يىگىتلەر  ئەتراپىدىكى  ئادەملەر ئارىسىدا  ئۆزىنى چۈشىندىغان  ئادەملەردىن  بىرنىمۇ  تاپالمىغاندا يىغلايدۇ..... كۆزى  ئەمەس  يۈركىدىن يىغلايدۇ. ئۇ ئاشۇ ئۆزىنى چۈشەنمەيدىغانلار ئارىسدا ئۆزى بىلەن ئۆزى ئىچىدىكى مۇناسىۋەت ئىچىدە ئاچچىق كەچمىشلەرگە ھەمرا بولۇپ ئۆز يۈركىنى بەزلەيدۇ. يىگىت تەنھالىقتىن يىغلايدۇ ....... يېندا ئادەم يوقلىقى ياكى سۆيگۈندىن ئايرىلغانغا ئەمەس، ئەتراپىدىكى شۇنچە ئادەملەر ئىچدە تەنھالىق، سىڭمەسلىك، ئۆزىگە قىلىنغان ياتسىراش ۋە قەلبىدىكى ناتۇنۇشلىققا يىغلايدۇ.......                                                       ********** يىگىت قەلبىدىكى  قارشىنى ئىپادىلەشكە ئامالسىز قالغاندا يىغلايدۇ...ئۆزى ئويلىغان ھەقىقەت ۋە تۇرمۇش قاراشلىرىنى ئىپادىلەشكە، ئورتاقلىشىشقا ، پىكىرلىشىشكە ئامالسىز قالغاندا ئۈنسىز سۈكۈت بىلەن  ياشسىز يىغا  ئۇنىڭغا ھەمرا بولىدۇ.....                                                   ********** يىگىت قېرىنداشلىرىدىن  مېھىرگە ئېرىشەلمىگەن ، توغرىسى خاتا مۇئامىلىگە  ئۇچرىغان، يۈرىكى زىمىستاندىكى شىۋىرغان كەبى  ئازارغا ئۇچرىغاندا  يىغلايدۇ. يىگىت قارشىلىق كۆرسەتمىگىنگە ئەمەس كۆرسىتەلمىگىنگە، ناھەقچىلىققا كۆكرەك كېرىپ چىقالمىغىنغا ئەمەس.  ئۈستىدىن بېسىپ تۇرغان زۇلمەت تېغنى بىرگە ئاغدۇرۇشقا ئادەم تاپالمىغاندا يىغلايدۇ.....                                               ********** يىگىت سۆيگۈسدىن ۋاقىتسىز ، سەۋەپسىز ، مەجبۇرلاچە  ئايرىلغاندا ياش تۆكىدۇ. قەلبىدىكى  مەشۇقىنىڭ  ئۆزىنىڭ مەقسەتسىز  سۆيگۈسنى قۇبۇل قىلمىغىنغا ئەمەس، بەلكى كەمسىتىلگەنلىكىگە ياش تۆكىدۇ. سۆيگۈسدىن ئايرىلغانغا ئەمەس. ئۆز قەلبىنىڭ دەپسەندە قىلىنغانلىقىغا ياش تۆكىدۇ...                                                   ********** يىگىت بىرەر ئىشتا ئامالسىز قالغانلىقغا ئەمەس  بەلكى ئامال تاپالىغاندىمۇ ، ياردەم قىلالمىغانلىقتىن مەجبۇرلانغانلىقتىن  ئەمەس ئالدانغانلىقتىن، بېسىمغا  قاشى تۇرغانلىقتىن ئەمەس ، قارشى تۇرغىلى بولمايدىغان  بېسىمغا ئۇچرىغانلىقتىن  يىغلايدۇ.......                                                 ********** يىگىت دىگەن ئاددى بىر سۆز ،ئەمما بۇنىڭدىكى مەنا ئىنتايىن چوڭقۇر  شۇنچىلىك يېقىملىق، ئەمىليەتتە يىگىت   دىگن سۆز  مەسئۇليەت دىمەكتۇر. يىگىت دىگەن سۆز ۋىجدان  دەۋىتىدۇر     يىگىت دىگەن سۆز غۇرۇر دەرسىدۇر........                                                 ********** لېكىن نۇرغۇن كىشلەر شۇنى بىلمەيدۇكى  ھەقىقى يىگىت ئۆزى ئۈچۈن ئەمەس  مىللەت ئۈچۈن ياش تۆكىدۇ...ئۆزى ئۈچۈن ئەمەس خەلقى ئۈچۈن باش قاتۇردۇ. ئۆزى ئۈچۈن ئەمەس  ئائىلىسى ئۈچۈن جاپا چىكدۇ......                                                ********** ئەنە شۇنداق يۈكسەك مەسئۇليەتچانلىق، قاتتىق تەلەپچانلىق ،چوڭقۇر مېھىر مۇجەسسەملەنگەن ‹يىگىت›مۇ ياش تۆكىدۇ.......                                                 ********** ئەمما  ساپلىق ئۈچۈن ،پاكلىق ئۈچۈن، مىللەت ئۈچۈن، ئائىلە ئۈچۈن، تۆكۈلگەن يۈرەك ياشلىرى بىكارغا  كەتمەيدۇ.                                                ********** مانا مۇشۇنداق يىغىنى ئۆز بېشىدىن ئۆتكۈزۈپ باققان  ئادەمدىن باشقىلار چۈشەنمەسلىگى  مۇمكىن، ئەمما ‹يىگىت› ھەر جايدا يۈكسەك سۆيگۈگە تەشنا، چوڭقۇر مېھىرگە  مۇھتاج .  يىگىت  كۆزى بىلەن ئەمەس  ،   مانا مۇشۇنداق    يۈركى بىلەن   يىغلايدۇ....!!!!!!!!!! مەنبە : مەرىپەت يولى مۇنبىرى:خالىق

نازىخان

	تىما ئىگىسىگە رەخمەت جاپا چىكىپسىز شۇ  يىگىتلىرىىزمۇ يىغلىمىسۇن ،،،،،،،،،،،شەرمىي -ھايالىق قىزلىرىمىزنىڭمۇ كۆزىدىن ياش ئاقىمىسۇن ،

سۇمەييا

	يىگىت دىگەن سۆز ۋىجدان  دەۋىتىدۇر  ،   يىگىت دىگەن سۆز غۇرۇر دەرسىدۇر. تىما ئىگىسىگە رەخمەت.

rahmansaykin

	ئادەمنى ئويلاندۇردىكەن . ياخشى ئەسەركەن .

ئەنسار

	يىگىت قەلبىدىكى  قارشىنى ئىپادىلەشكە ئامالسىز قالغاندا يىغلايدۇ...ئۆزى ئويلىغان ھەقىقەت ۋە تۇرمۇش قاراشلىرىنى ئىپادىلەشكە، ئورتاقلىشىشقا ، پىكىرلىشىشكە ئامالسىز قالغاندا ئۈنسىز سۈكۈت بىلەن  ياشسىز يىغا  ئۇنىڭغا ھەمرا بولىدۇ..... ماڭا مۇشۇ بەك يارىدى ،  تېما ئىگىسىگە رەخمەت

asrari

	ئوغۇل بالىمۇ ۋاقتى سائىتى كەلگەندە يىغلاش كىرەك .يىغلاش گەرچە ئاجىزلارنىڭ قورالى بولسىمۇ لېكىن ھەرگىز ئاجىزلىقنى ئىپادىسى ئەمەس. ‹‹ تاشقا ئايلانغان كۆز يېشى›› رومانى. ئۆمەر ئابدۇللا ئەرقۇت.

ardamay

	شۇنداق،ھەقىقىي يىگىت ۋىجدان ۋە غۇرۇرنىڭ مۇجەسسەمى،ھەقىقىي يىگىت ئەلنىڭ يۈلىكى،ئائىلىنىڭ تۈۋرىكى!~~~

ئىپارە

	يىگىتلەرنىڭ قانداق ۋاقىتتا يىغلايدىغانلىغىنى بىلىۋالدۇق، رەھمەت. مەنىسى چوڭقۇركەن.

akax520

	مەنىسى ھەقىقەتەن چوڭقۇركەن......

oygak11111

	يىگىت قېرىنداشلىرىدىن  مېھىرگە ئېرىشەلمىگەن ، توغرىسى خاتا مۇئامىلىگە  ئۇچرىغان، يۈرىكى زىمىستاندىكى شىۋىرغان كەبى  ئازارغا ئۇچرىغاندا  يىغلايدۇ. يىگىت قارشىلىق كۆرسەتمىگىنگە ئەمەس كۆرسىتەلمىگىنگە، ناھەقچىلىققا كۆكرەك كېرىپ چىقالمىغىنغا ئەمەس.  ئۈستىدىن بېسىپ تۇرغان زۇلمەت تېغنى بىرگە ئاغدۇرۇشقا ئادەم تاپالمىغاندا يىغلايدۇ..... ]                              ماڭا  بەك ياقتى .                       مەن ئۇچۇنلا يىزىلغاندەكلا .