ئېيتقىنا بارمۇ مەن يادىڭدا دۇنيا

ardamay

	ئەسسالامۇ ئەلەيكۇم ھەممىڭىزلەرگە خاتىرجەملىك نېسىپ بولسۇن!~~~ ئېيتقىنا بارمۇ مەن يادىڭدا دۇنيا بىر مەھزۇن يۈرەكنىڭ كۈيلىرى ئاڭا، سىرغىيدۇ تېۋىشسىز ئېلىپ مىڭ نىدا، كۆيىدۇ بىر ھەسرەت تۆكەي مەن ساڭا، ئېيتقىنا بارمۇ مەن يادىڭدا دۇنيا. قوياشنىڭ قېنىدا بويالغان زىمىن، ئوتلۇق شۇ مېھرىڭدىن تاپىدۇ ئەمىن، زۇلمەتكە يۈز تۇتۇپ بولغاندا غەمكىن، ئېيتقىنا بارمۇ مەن يادىڭدا دۇنيا. يامانلار بەزىدە ياشنار سايىدا، ياخشىنىڭ كۈنلىرى ئۆچەر گاھىدا، ئاق تۇرۇپ گەر كېتىپ قالسام قارىغا، ئېيتقىنا بارمۇ مەن يادىڭدا دۇنيا. ئۇرۇلسا قەلبىمگە نەزەر خەنجىرى، بوغسا گەر روھىمنى قىسمەت زەنجىرى، رەڭگارەڭ كەچمىشكە بولسام مۇشتەرى، ئېيتقىنا بارمۇ مەن يادىڭدا دۇنيا. ھۇۋلىسا بورانلار ھايات يولۇمدا، بولمىسا ماياك يا قالقان قولۇمدا، غەمخان يوق مەن ئۈچۈن ئوڭ ھەم سولۇمدا، ئېيتقىنا بارمۇ مەن يادىڭدا دۇنيا. كى گۈلخان گۈرۈلدەپ كۆيگەن ھاياتىم، بىر سىرلىق نىدادا سۇنسا قاناتىم، يىتەرمۇ يىراققا نالەم،ئاۋازىم، ئېيتقىنا بارمۇ مەن يادىڭدا دۇنيا. دىلىمنى چۇلغىسا بىر گۈزەل ئارمان، ۋە لېكىن يېتىشكە يوقتۇر ھېچ دەرمان، نىچۈنكى بەرمىدىڭ سەن بىرەر ئىمكان، ئېيتقىنا بارمۇ مەن يادىڭدا دۇنيا. مەنبەسى:ئۆز قەلىمىم(ئەردەمئاي)

سۈمەييە

	يامانلار بەزىدە ياشنار سايىدا، ياخشىنىڭ كۈنلىرى ئۆچەر گاھىدا، ئاق تۇرۇپ گەر كېتىپ قالسام قارىغا، ئېيتقىنا بارمۇ مەن يادىڭدا دۇنياي ماۋۇ كۇبلىتى بەك يارىدى ساقلىۋالدىم ظۇزاق بولدى كۆرۈنمەيسىز ,يوقاپ كەتمەڭ ھە

ئايچىن

	دىلىمنى چۇلغىسا بىر گۈزەل ئارمان، ۋە لېكىن يېتىشكە يوقتۇر ھېچ دەرمان، نىچۈنكى بەرمىدىڭ سەن بىرەر ئىمكان، ئېيتقىنا بارمۇ مەن يادىڭدا دۇنيا. _____________________________________________________ دىللاردا  ئەشۇنداق چەكسىز چۇقانلار، تىنىچ ھەم قويمىغاچ تەگسىز  ئارمانلار، تىرماشتۇق ياشاشچۇن بىز ئەنە شۇنداق، نىچۇن بىز يەنە ھەم ئۇنتۇلغان ئىنسانلار.... ئەردەمئاينىڭ ئىلھاملىرى زىيادە بولسون....

qog

	ئەردەمئاينىڭ مۇزىكىق شىئىرلىرى ئادەمنى مەس قىلىدۇ جۇمۇ!

سۇمەييا

	ئاللا ئەجىرىڭىزنى بەرسۇن.

oygak11111

	ماڭا بەك ياقتى .                                                                 رەخمەت .

oygak11111

	كورۇنمەيسىز  ئۇزۇن بولدى ؟

saba01

	ئېيتقىنغا يادىڭدا بارمۇ مەن دۇنيا ، جانانىنڭ چۆلىگە تاشلىغان ئاشىق ، مۆجىزە ياراتقان كىزىپ جاھاننى ، جاپادا ئىزلىگەن سۆيگۈ ۋە ئىشىق .

kaynam999

	بەكلا بەلەن بوپتۇ ماڭا بەكلا ياردى رەىمات ھارماڭ  تىخمۇ تىرشىڭ .

ZERO903

	بار ئىكەنمەن يادىڭدا دۇنيا