ئابدۇقادىر مۇھەممەت:رىئاللىقتىكى چۈشلەر(توپلام )

saba01

	رىئاللىقتىكى چۈشلەر ئابدۇقادىر مۇھەمەتئىمىن كىرىش سۆز ئەسسالامۇ ئەلەيكۇم دوستلار : بەزىدە ئويغاق يۈرۈپمۇ چۈش كۆ رگندەك بولىمەن . چۈشىمدە رىئاللىق بىلەن غايە ، شادلىق بىلەن قايغۇ ،مۇھەببەت بىلەن نەپرەت ئوتتۇرىسىدا تىنەيمەن. يەنە تۇرۇپ  شۇ چۈشلىرىمدىن ئويغانمىسامكەن ، مەڭگۈ شۇ چۈشلەر ئارىسىدا ياشىسامكەن دەپمۇ ئارزۇ قىلىپ قالىمەن . ئەپسۇس ،تۇرمۇش چۈش ئەمەسكەن  ، ئۇ سىنى ئۆز قايناملىرىدا ئېقىتىپ ،دولقۇنلىرىدا تاۋلايدىكەن . شۇڭا بۇ چۈشلىرىم پەقەت شۇ قايناملاردىن ئۈزۈپ چىقىش ئۈچۈن ئىنتىلىشلىرىمنىڭ بىرقىسمى بولۇپ ماڭا ئۆتمۈش بەتلىرىمنى ئەسلىتىدۇ . مۇنبەر بىلەن تۇنۇشقان مۇشۇ كۈنلەردە مىنىڭ بۇ چۈشلىرىمنى دوستلار بىلەن ئورتاقلاشقۇم ، ھايات دولقۇنلىرىدىكى گاڭگىراشلىرىمنى دوستلارغا سۆزلەپ بەرگۈم ، ھەسرەتلىرىمنى بايان قىلغۇم كەلدى . شۇڭا بۇ توپلامنى رەتلەپ ھوزۇرىڭلارغا سۇندۇم . بۇنىڭدا مۇنبەردە ئىلگىرى ئىلان قىلىنىپ بولغان ،دوستلار بىلەن يۈز كۆرۈشىپ بولغانلىرىمۇ ، تېخى سىلەرگە سۇنۇشقا ئۈلگۈرمىگەنلىرىمۇ بار ، شۇڭا دوستلارنىڭ قوللاپ قۇۋۋەتلىشىنى ، خاتالىقلارنى كۆرسىتىپ ، يىتەرسىزلىكلەرنى تۈزىتىشكە ياردەم بىرىشىنى سورايمەن . ھۆرمەت بىلەن :                          ئابدۇقادىر مۇھەممەتئىمىن    (1) ئۇستاز ،ئەدىب ئا.جالالىدىننىڭ«قەلەم ۋە شائىر»ناملىقشىئىرىنى ئوقۇغاندىن كىيىن   قانلىرىم سىياھ ،تىرنىقىم قەلەم ، ئارزۇيۇم ۋەزىن ، چۈشۈم قاپىيە ، ياشلىرىم تۇراق ، يۈرىگىم مىسرا؛ ھېسسىيات كىمىسى ئۈزىدۇ ئالغا ، دولقۇن ئىچىدە ۋىجدان يەلكىنى ، تۇرىدۇ مەغرۇر كىرىپ كۆكسىنى ؛ كۆزدىكى ئۈمىد ،دىلدىكى ئىشەنچ، سۇنماس جاسارەت ئۇلۇغ ئارزۇلار ، شىرىن چۈشلەردەك تۇغىدۇ شىئېر ؛ 2009.5.13 بالام دېمە ئابدۇقادىرمۇھەممەت ئىمىن (ئانام ئادالەتقىزنىڭ 2012-يىللىق مەۋلۇت كۈنىگە تەقدىم ) بالام دېمە جان ئانا، گەر ئوبدان باقالمىسام، كۆيۈپ ھامان ئوتۇڭدا، سۈيۈڭدە ئاقالمىسام، چېچەكلىتىپ چىن ئارزۇ-ئارمانىڭنى ھەر قاچان، گۈلگە ئوراپ بويۇڭنى، خۇش پۇراق چاچالمىسام. بالام دېمە بۈركۈتتەك كۆكتە پەر قاقمىسام، تەر-ئەجرىمدىن باغ ياساپ شان-نۇسرەت قۇچالمىسام، خىرىس قىلسا ياۋ ساڭا پەرھاتتەك كېرىپ كۆكرەك، تىغ ئوينىتىپ، ئات چېپىپ ئالدىغا چىقالمىسام. بالام دېمە دۇلدۇلدەك داۋاندىن ئاشالمىسام، ئىلىم-ئىرپان كۆكىدە بۈركۈتتەك ئۇچالمىسام، شاھ مەشرەپتەك بەل باغلاپ چۆللەرنى كېزىپھەردەم، سۇبات تىغى ـــ ئۈچكەمدە زەر بۇلاق قازالمىسام. بالام دېمە جاپاغا تىك بېقىپ، قۇچالمىسام، «ۋاقىت» ئاتلىق تۇلپارنى يۈگەنلەپ تۇتالمىسام، بارغۇ بىزدە مۇنداق گەپ: «ئانا رازى ــ خۇدارازى» نەتىجەمدىن ئەل- يۇرتنىڭ كۆڭلىنى ئۇتالمىسام. بالام دىمە قەسىمىم، ۋەدەمدە تۇرالمىسام، زەپەر قۇچۇپ، گۈل تاقاپ ئالدىڭغا بارالمىسام، رازى بولما جان ئانا، ماڭا بەرگەن سۈتۈڭگە، يۇرت خەلقى جامائەتنى خۇش، رازى قىلالمىسام. ئەسكەرتىش : بەزى ئەسەرلەر تېخى رەتلەپ -تۈزىتىلىپ بولۇنمىغاچقا ۋاقتىدا يوللىنالمىدى ،ئاللا خالىسا داۋامىنى ئىنكاس شەكلىدە داۋاملىق يوللايمەن . دوستلارنىڭ توغرا چۈشىنىشىنى سورايمەن .

izdinish

	شېئىر ـ قوشاق 1400 يىل ئاۋۋال ئەڭ يۇقىرى پەللىگە ئۆرلىگەن بولۇپ ، پەيغەمبىرىمىز مۇشرىكلار بىلەن مۇشائىرە قىلىشىپ دائىم يېڭىۋالغان ، قۇرئانى كەرىمنىڭ پاساھەتلىك ، شېئىرى شەكىلدە قاپىيىلىك ، تولىمۇ يېقىملىق بولۇشىنى ، بىرىنچىدىن ئاللاھقا باغلاپ ، ئاللاھنىڭ كىتابى بولغانلىقى ئۈچۈن دېسەك ، ئىككىنچىدىن ، شۇ دەۋر ئېھتىياجىغا باغلاپ چۈشىنىشىمىز مۇمكىن . مۇسا ئەلەيھىسسالام دەۋرى جىنخورلۇق ، پېرخونلۇق  ، سېھرى جادۇلۇقنىڭ ئەڭ يۇقىرى پەللىسى دەۋرى بولغاچقا ، مۇسا ئەلەيھىسالامغا سېھىرگەرلىك ئاتا قىلىنغان . ئەيسا ئەلەيھىسالام دەۋرى تىبابەت يۇقىرى دەرىجىدە يۈكسەلگەن دەۋر بولغاچقا ، ئاللاھ ئەيسا ئەلەيھىسالامنى كاپىرلاردىن ئەزىز قىلىپ ، ئۇنىڭغا ئەڭ يۇقىرى تىبابەت ماھارىتى ئاتا قىلغان بولۇپ ، ئاق كېسەلنى ، قارغۇنى ساقايتالايدىغان ۋە ئۆلۈكنىمۇ تىرىلدۈرەلىگەن . پەيغەمبىرىمىزنىڭ دەۋرى بولسا ، ئەرەپلەر بىردەمدىلا بىر قانچە كۇپلىت شېئىر توقالايدىغان ، ئۆزـ ئارا شېئىرى شەكىلدە سۆزلىشەلەيدىغان دەۋر بولغاچقا ، ئاللاھ ـ تائاللا پەيغەمبىرىمىزگە شېئىر جەھەتتە ئالاھىدە تالانتقا ئىگە قىلغان ، قۇرئاننىمۇ پاساھەتلىك تىلدا چۈشۈرۈپ بەرگەن . شېئىر تىلنىڭ گىرىم قىلغان ھالىتى ، شېئىر تىلنىڭ پاساھىتىنى نامايان قىلىدىغان كوزېر ، بۇ جەھەتتە مۇھەممەت سالېھ داموللا بىزگە ياخشى ئۈلگە.

sabira11

	ياخشى چۈش ئاللاھ  يامان چۈش شەيتان تەرەپتىن .

saba01

	بايرامدىكى تەنھالىق بايرام بۈگۈن بارچە بالىغا ، يۈرىشىدۇ خۇشال شادىمان ، بىراق مىنىڭ كۆزۈمدە لىق ياش ، يۈرۈگۈمدە سېغىنىش ھىجران . دادا -بالا كۈلىدۇ خۇشال ، باغچىلاردا قىلشىپ سەيلە ، ئەپسۇس مىنىڭ يېنىمدا سەن يوق ، سەكرىمىدىم شادىمان كۈيگە . خۇشال دەيدۇ بارچە بالىنى ، بىراق قېنى مىنىڭ شادلىقىم ، سەن بولمىغاچ بولمىدى بايرام ، كۈپۈكلىنىپ ئارزۇ –ئارمىنىم . بايرام بۈگۈن بارچە بالىغا ، كۈلەلمىدىم ئەمما ئېچىلىپ ، باغچىلاردا يۈرىمەن تەنھا ، غېرىپلىقتا بوينۇمنى قىسىپ . كۈلەي دەيمەن زورى –زورىغا ، بىراق كۈلكەم قىچىپتۇ يىراق ، ئامال يوقكەن تەقدىرىم مۇشۇ ، بايرامدىمۇ قىينايدۇ پىراق . دادىسىزغا يوق ئىكەن بايرام ، يالغۇزلۇقتا قالدىم مۇڭلىنىپ ، چىنار كەبى ياشنىغان ئىدىم ، سەن يوق بۇلۇپ قالدىم پۈكلىنىپ . 2012.6.1    خېبىي سەنخې شەھىرى

saba01

	كىرىپتۇ مۇھەببەت ئون بەشكە بۈگۈن كىرىپتۇ مۇھەببەت ئون بەشكە بۈگۈن، قەلبىگە تىگىپتۇ سۆيگۈنىڭ ئۇقى، مانا مەن شۇنچىلىك شادلىققا تولدۇم، بىلىنمەس ئەمدى ھەم يارىمنىڭ يوقى؛ كىرىپتۇ مۇھەببەت ئون بەشكە بۈگۈن، ئاشىقلىق ئۇتىدا كۈيۈشكە باشلاپ، يىڭىدىن ئېلىپتۇ قۇلىغا قەلەم، نەزمىلەر پۈتمەككە قونچاقنى تاشلاپ؛ كىرىپتۇ مۇھەببەت ئون بەشكە بۈگۈن، روماللىق چىقىپتۇ ئۆستەڭ بېشىغا ، ئەمدى نە كىرەكتۇر قورقۇپ تارتىنىش، بارىمەن ئۇدۇللا ئۇنىڭ قىشىغا؛ كىرىپتۇ مۇھەببەت ئون بەشكە بۈگۈن، قاش- كۈزى يىتىلىپ بۇلۇپتۇ رەنا، قوللىرى بۇلۇپتۇ ئۈزۈككە لايىق، شۇ قولغا تاقاشقا ئۈزۈكى مانا؛ كىرىپتۇ مۇھەببەت ئون بەشكە بۈگۈن ، ئاشىقلىق يولىدا قالماسمەن يالغۇز، كىچىسى ئۇيقۇدىن قاچقاندا كۈزۈم ، بار بولدى ئاسماندا قاراشقا يۇلتۇز؛ كىرىپتۇ مۇھەببەت ئون بەشكە بۈگۈن، سەيلىگە چىقىشنىڭ كىلىپتۇ پەيتى، شۇ ئايدىڭ ئاخشامدا تۇرسا يېنىمدا، يوق ئۇندىن ئارتۇقچە ھاياتنىڭ پەيزى؛ كىرىپتۇ مۇھەببەت ئون بەشكە بۈگۈن ، بىلمىدىم خالامدۇ ئۈزۈك تاقاشنى ، بىرىمەن ئۈزۈكنى مەيلى ئۈزىدە، ئۈزىلا بىلىدۇ تاقاش  تاشلاشنى؛ كىرىپتۇ مۇھەببەت ئون بەشكە بۈگۈن، ئەلچىلەر كەپتىغۇ داستىخان سېلىپ، «ياق»دىسۇن ئون بەشكە تولغان مۇھەببەت، قالماي مەن ئازاپتا كۆزياشلار تۈكۈپ؛ 2007.10.19 .

izdinish

	saba01 يوللىغان ۋاقتى  2012-8-26 12:37 PM كىرىپتۇ مۇھەببەت ئون بەشكە بۈگۈنكىرىپتۇ مۇھەببەت ئون  ... نېمىدىگەن تاقا ـ تۇقا !

saba01

	izdinish يوللىغان ۋاقتى  2012-8-26 01:50 PM نېمىدىگەن تاقا ـ تۇقا ! مەسىلەن

saba01

	izdinish يوللىغان ۋاقتى  2012-8-26 01:50 PM نېمىدىگەن تاقا ـ تۇقا ! مەسىلەن

kigiz

يالغان

	تېمىڭىزغا كۆپتۈن كۆپ رەھمەت !