مەۋھۇم لېرىكا (ئايچىن)

ئايچىن

	سىرلىق تۇيغۇ كۆمۈپ قويدۇم سۆيگۈمنى يۈرەك قېتىمغا، ئەركە بۇلۇت قوياشنى يۇشۇرغان كەبى. شۇ سەۋەپ قەلبىمدە ئاچچىق شىۋىرغان، بولوپ قالدىم دالىدىكى بىر گىياھ ئۆزى.. بولسىمۇ ئۇ شۇنچىلىك گۈزەل ھەم جۇشقۇن، ئاشكارە ئەمەس سىرلىرى ھىچكىمگە تېخى، بەلكىم ئۇنى ئىزلەپ تاپارسەن بىركۈن، شۇ چاغ قەلبىم سۆزلەر ھەممە سىرىنى... ئۆزۇڭ يوق ، سۆزۇك يوق ، تىۋىشلىرىڭ يوق، ھىجرانلىق تۈنلىرىم چۇشەيدۇ سېنى... ئېزىققان ھىسلىرىم غۇۋا چۇش كەبى، كىرپىكلەر ئىلىنماي يورۇيدۇ سۇبھى... ئىشەنچىم بار، تەنھالىق مىسكىن كۆز يېشى، بولالماس ھەم قەلبىلەرگە مەڭگۈ ھۆكۈمران... جۇش ئۇرسا ھەرقەلبتە چىن سۆيگۈ ۋاپاسى... مەۋجۇت بولوپ تۇرالماس مەڭگۈلۈك ھىجران.. نىچۇن؟... ئېسىمدىدۇر تۇنجى رەت بەرگەن گۈلدەستەڭ، نىچۇن ئەمدى شۇ قولوڭدا سۇنىسەن تىكەن، خۇددى ئازغۇن قامغاقتەك يۈتتى ھەم ۋەدەڭ، شۇنداقمىتى مەڭگۈلۈك دەپ ئىيتقان ئەقىدەڭ.. قىيناق كەبى چىرمىۋالغاچ ۋۇجۇدنى خىيال، ئۆكسۈشلەرگە ھەمرا بولوپ ئۆتىدۇ تۈنلەر، نىچۇن شۇنداق بۇ سوئالغا جاۋاپ تاپالماي، ئايغا قاراپ پىچىرلاپ ھەم يورۇيدۇ تۈنلەر.. سەنچە بولسا ئاسانكەن ھەم ۋاز كەچمەك شۇنداق، قول سىلكىپلا كېتىپ قالسا تۇگەرمىش بارچە... بىلگىن قىزنىڭ قەلبى ئەمەس ئاددى ئويونچۇق، ئەزەلدىنلا ۋاپاسىزنى نامەرت دەر ھەممە.... سۆيگۈ بەلكى جاۋابى يوق تېپىشماق، ھىچكىم يەتمەس  بەلكى ئۇنىڭ تىگى تەكتىگە، لېكىن سۆيگۈ ئەمەس ئاددى تۇرمۇش ئويونى... چىن مىھىر ھەم ۋاپانى كۈيلەيدۇ ھەممە... مەنبە: ئايچىن يازمىلىرى

yuzbixi

	بۇ شىئىر ناھايتى تەبىئى چىقىپتۇ، ھىسيات چىن ئىپادە قىلىنىپتۇ، بارىكاللا!

qirakpay

	لىرىكىڭىز ناھايىتى پاسائەتلىك ھەم جۇشقۇن چىقىپتۇ...

natik

	يەنە شۇ مۇھەببەتنىڭ گىپى ...............

zulayha

	دىلىڭغا ئېيتىپ قوي ئايچىن گۈل جېنىم، مىھرىڭدىن سۇ ئىچسۇن دوسلۇق بۇ  تېنىم. سۆيگۈنى خار بىلسە تىترەر بۇ تېنىم، كۈلدۈرەي بىر كەلگىن دوستۇم سەن يېنىم.

nap~rat

	zulayha يوللىغان ۋاقتى  2012-8-25 03:58 AM دىلىڭغا ئېيتىپ قوي ئايچىن گۈل جېنىم، مىھرىڭدىن سۇ ئىچس ... زۇلەيخا ھەدە بۇ شېئىرنى بەك ياخشى يېزىپ سىز جۇمۇ . لىكىن سەل خامدەك قىلىدۇ ، شۇڭا مەن ئازراق ئىجادىيەتلىرىمنى قوشۇپ پىششىقلاپ باقسام قانداق ؟ مەسىلەن مۇنداق ھە ..........؟؟؟ دىلىڭغا ئېيتمىغىن ئايچىن گۈل جېنىم ، مىھرىڭدىن سۇ ئىچمىسۇن دوسلۇق بۇ تېنىم . سۆيگۈنى خار بىلسەڭ ياشىرار بۇ  تېنىم ، يىغلىتاي بىر كەلگىن دوستۇم سەن يېنىم . .............................................................................

zulayha

	nap~rat يوللىغان ۋاقتى  2012-8-25 04:14 AM زۇلەيخا ھەدە بۇ شېئىرنى بەك ياخشى يېزىپ سىز جۇمۇ . لىك ... ھەي قاپاقباش نەپرەتباي، نىمە بولدى تەپتارتماي. كۈلۈپ كەتتىم غەم تارتماي، ئوبامادەك گەپ ئارتماي.

poyuz

	ھىسسىيات ياخشى چىقىپتۇ، قوللانغان بەزى بىر  شېئىرى تىللارمۇ بولىدىكەن، لېكىن سىرلىق تۇيغۇ دىگەن ماۋزۇ ئەسەر مەزمۇنىغا ئانچە ماس كەلمىگەندەك تۇرىدۇ، مەن بۇ شېئىردا ھىجراندا ئۆتىۋاتقان ھالەتنى، ئاخىرىدا ھىجرانمۇ مەڭگۈلۈك ئەمەس دىگەن مەنىلەرنىلا چۈشەندىم. ھىچقانداق سىرلىق تۇيغۇ ھىس قىلمىدىم. پەقەت ھىجران تەسۋىرلىنىپتۇ. شېئىرىڭىزدا باشتا سۈبھىگىچە كىرپىك قاقماي ھىجران ئازابى بىلەن دالادىكى بىر تال گىياھقا ئايلىنىپ قالغان دەرىجىدە چىن ھىسسىياتىڭىزنى ئاشكارىلىغان ئادەم ئاخىرىدا بۇنى ئىنكار قىلىپ، ئەمدى بۇنداق ھىجران مەڭگۈلۈك بولالمايدۇ دەپ يوق قىلىۋېتىپسىز. مەنچە بولسا پەقەت ۋاپاسىزلارنىڭ سالغان ھىجرانىلا مەڭگۈلۈك بولالمايدۇ، دىگەن مەنە چىققان بولسا بولاتتى. نىچۈن دىگەن شېئىر خېلى ياخشى چىقىپتۇ، لېكىن ھەر ئىككىلا شېئىردا بوغۇم سانى بىر خىل چىقماپتۇ. 12 بوغۇملۇق شېئىردا تۇراق 4\4\4 شەكىلدە كېلىدۇ، 13 بوغۇملۇق شېئىردا بولسا، 4\4\5 شەكىلدە كېلىدۇ. لېكىن سىزنىڭ شېئىرىڭىزدا بۇ تۇراقلارغا دىققەت قىلىنمىغان. سىزنىڭ شېئىرلىرىڭىز 11 بوغۇملۇق ، 12 بوغۇملۇق ۋە 13 بوغۇملۇق مىسرالاردىن تۈزۈلگەن ئىكەن، ھەم شېئىردا قاپىيە تەكرارلانمىسا ياخشىتى. مانا مۇشلارغا دىققەت قىلىپ پىششىقلاپ ئىشلىۋەتكەن بولسىڭىز شېئىرىڭىز يامان ئەمەس چىقىدىكەنتۇق. ئاخىرىدا شېئىرىڭىز توغرۇلۇق ئارتۇق سۆزلەپ قويغان بولسام كۆڭلىڭىزگە ئالماسسىز. بۇ مۇنبەردە پەقەت ساناقلىق بىر نەچچە ئەزالارلا شېئىرنى قالتىس ۋايىغا يەتكۈزۈپ يېزىپ قويىدىكەن، شۇڭا تەكلىبىم قايتا-قايتا پىششىقلاپ ئىشلەشتىن ئۆتمىگەن شېئىرلارنى ئالدىراپ مۇنبەر يۈزىگە يوللىماي، جىڭدىن ئۆتكۈزۈپ ئاندىن يوللىساقمۇ ئۈلگۈرىمىز.

Ahsayigit

	zulayha يوللىغان ۋاقتى  2012-8-25 04:20 AM ھەي قاپاقباش نەپرەتباي، نىمە بولدى تەپتارتماي. كۈلۈپ ... شېئىرىڭىز ئالامەت ، ئىنكاسىڭىز كارامەت . ئوقۇپ ئۇشبۇ ئىنكاسنى ، كۈلۈپ كەتتىم بىر سائەت ! ۋاي - ۋۇي زۇلەيخا ھەدە ، شېئىر دېگەننى شاپتۇلنى مىجىغاندەك ۋەتۋەرىكىنى چىقىرىپلاۋېتىدىكەنسىز جۇما !

xaxyax

	natik يوللىغان ۋاقتى  2012-8-25 03:40 AM يەنە شۇ مۇھەببەتنىڭ گىپى ............... a:ۋارقىرايسەن ھەركۈنى شۇنداق، ساراڭمۇسەن ئوڭشالمايدىغان، b:سەنمۇ ئېيتىپ تۈگىتەلمىگەن، شۇنداق ناخشا بۇ تۈگىمەيدىغان...