شىنجاڭ 1:0 نەتىجە بىلەن بېيجىڭ كوماندىسىغا ئۇتتۇرۇۋەتتى

Azizim

	جۇڭگو Bدەرىجىكلەر پۇتبول مۇسابىقىسىنىڭ 19-ئايلانمىسى بۈگۈن چۈشتىن كېيىن ئېلىپ بېرىلدى. شىنجاڭ غەربىي دىيار تاشئالما كوماندىسى مېھمان كوماندا بولۇپ، بېيجىڭدا بېيجىڭ سەنگاۋ كوماندىسى بىلەن مۇسابىقىگە چۈشتى.     مۇسابىقىنىڭ ئالدىنقى يېرىم مەيدانىدا بېيجىڭ سەنگاۋ كوماندىسى شىنجاڭ كوماندىسىنىڭ بېكىنىڭ خاتالىقىنى چىڭ تۇتۇپ، ۋارتادىن ئۆتۈپ، شىنجاڭ كوماندىسىغا ئاۋۋال بىر توپ كىرگۈزدى. مۇسابىقىنىڭ ئالدىنقى يېرىم مەيدانى شۇنداق قىلىپ 1:0 نەتىجە بىلەن ئاخىرلاشتى. كېيىنكى يېرىم مەيدان مۇسابىقىدە شىنجاڭ كوماندىسى قايتىدىن جانلىنىپ، بېيجىڭ كوماندىسىغا ھۇجۇم قوزغاپ، قارشى تەرەپنى بېسىپ ئوينىغان بولسىمۇ، نۇرغۇن بۇلۇڭ توپ ۋە ئىختىيارىي توپلارنى كەتكۈزۈپ قويدى.     بۇ مەيدان مۇسابىقە يېپىق ھالەتتە ئېلىپ بېرىلغان بولۇپ، ئېيتىلىشلارچە مەيداندا بېيجىڭ كوماندىسىنىڭ تەخمىنەن 20 چە مەستانىسى، شىنجاڭ كوماندىسىنىڭ ئۈچ مەستانىسى بار ئىكەن. بېيجىڭ سەنگاۋ كوماندىسى 18-ئايلانمىدا يەنى ئالدىنقى ئايلانما مۇسابىقىدە قۇرۇق ئايلانغان كوماندا بولغاچقا، ئەزالىرىنىڭ بەدەن قۇۋۋىتىمۇ تولۇق ئەسلىگە كېلىپ بولدى، شۇنداقلا بېيجىڭ سەنگاۋ كوماندىسى بۈگۈن ساھىپخان كوماندا بولغاچقا، ھەر جەھەتتىن ئەۋزەللىككە ئىگە بولدى دېيىشكە بولىدۇ. مۇشۇنداق بىر شارائىتتا بېيجىڭ سەنگاۋ كوماندىسى شىنجاڭ كوماندىسىنىڭ مۇداپىئە سېپىدىكى بىر خاتالىقىنى چىڭ تۇتۇپ، بىر توپ كىرگۈزۈپ، 0 گە قارشى 1 نەتىجە بىلەن شىنجاڭ كوماندىسىنى ئۇتىۋالدى، شۇنداقلا شىنجاڭ كوماندىسىنىڭ ئۇدا ئالتە قېتىم غەلىبە قىلىش پۇرسىتىنى تارتىۋالدى.     بۇ ئايلانمىدا شىمالىي رايوندىكى شىنجاڭ كوماندىسىنىڭ كەينىدىكى يەنى 5-ئورۇندىكى شاڭخەي جۇڭباڭ كوماندىسىمۇ رەقىبىگە ئۇتتۇرۇپ قويغاچقا، شىنجاڭ شىمالىي رايون بويىچە يەنىلا 4-لىك ئورنىنى ساقلاپ قالدى.     كېيىنكى ئايلانمىدا يەنى 20-ئايلانمىدا شىنجاڭ كوماندىسى قۇرۇق ئايلىنىدۇ، 21-ئايلانمىدىكى يەنى 2-سىنتەبر ئۈرۈمچىدە ئۆتكۈزىلىدىغان بېيجىڭ ياشلار كوماندىسى بىلەن بولغان مۇسابىقىسى ياۋرو-ئاسىيا يەرمەنكىسى سەۋەبلىك بېيجىڭغا يۆتكىۋىتىلدى. شۇڭا شىنجاڭ كوماندىسىنىڭ كېيىنكى مەيدان ساھىپخان كوماندا مۇسابىقىسى 9-ئاينىڭ 23-كۈنى ئېلىپ بېرىلىدۇ.

dilbar

	كېرەك يوق،نەتىجىنىڭ قانداق بولىشىدىن قەتئىنەزەر بىز سىلەرنى داۋاملىق قوللايمىز..سىلەر ھامىنى غالىپ كەلگۈچىلەردۇر..

قۇيۇن

	ئالدىمىزغا قارايمىز ئەمدى ئامال يوق، داۋاملىق تىرىشىڭلار يىگىتلەر بولمىغاندا ئاخىرغىچە ئالدىنقى 4-لىك ئورنىمىزنىمۇ بولسا ساقلاپ   قايتا مۇسابىقىلىشىشكە تەييارلىنايلى. ھۇررا شىنجاڭ !!!

iksan1

	ھەي بوپتۇلا ئۇلارمۇ بىرە مەيدان ئۇتۇپ باقسۇن.

pakzat0992

	ئىسىت!!!!

qog

	ھەي بۇ مۇسابىقىنىڭ يىپىق ھالەتتە ئۆتكۈزلىشى ئادەمنى ئويغا سالىدۇ

ataman26

	2-چىسلادىكى مۇسابىقىنى نەق مەيداندىن كۆرىمەن دەپ تۇرسام يوق بوپتىغۇ بۇ مۇسابىقە ئادەمنىڭ ئىچىنى سىقىپ.

rahmansaykin

	ئەسلى  دىمەي  دىگەن .  لىكىن يەنىلا دىيىش قارارىغا كىلىپ قالدىم . ئالدىنقى قېتىم بىز سىتىپتىكى باللار بىلەن  بۇلارنىڭ مۇسابىقىسنى كۆرگىلى باردۇق . ئوتتۇردىكى دەم ئېلىشتا  سىنىپتىكى  قىزلار 微信 ئېچىپتۇ. قارىسا مەيداندا  توپ تەپكەن مەلۇم  توپچىمىز  باكەن . قىزلار  قىزىقسىنىپ  ئۇنى قاچىلاپتۇ . (باش رەسىمى  ئارقىلىق  تۇنۇپتۇ ). كىيىنكى مەيدان مۇسابىقە باشلانغىچە بولغان پۇرسەتنىمۇ  قولدىن  بەرمەي قىزلاغا گەپ  قىپتۇ .مۇسابىقە ئاخىرلاشقان كۈنى كەچتە  توپچىمىز  تەشەببۇسكارلىق بىلەن قىز ساۋاقدىشىمىزغا  ‹سالام › يوللاپتۇ.  ئىككى  ئېغىز  پاراڭ  قىلمايلا  چاكىنا  گەپكە  چۈشۈپتۇ .  ساۋاقدىشىم  ئۈزىڭىزنى  بىلىڭ  دىسە، مەندەك  توپچى  بىلەن ........بۇلىدىغىنىڭىزدىن خوش بۇلۇڭ دەپتۇ . (قىزلار ياتاقتا  ھەممىسى  شۇنىڭ  ئۇچۇرىغا قاراپ  تۇرۇپتىكەن ) ئەتىسى   سىنىپقا  چىقىپ  قىزلار  بەس  بەستە  ئۇ تاماشىنى  يايغىلى  تۇردى .  مەن  شەخسەن  ئۈزۈم  پۇتبولغا  ئامراق . پۇتبولچىنى  ھۆرمەتلەيمەن . لىكىن بۇنداق پۇتبولچىنى  مەن قانداق  ھۆرمەتلىيەلەيمەن . ئۇلار  نىمىشقا  ئۈزىنى   ئايىمايدۇ  دەيمەن . مىللەتكە   يۈز  كەلگۈدەك  ئىش  قىلمامدۇ  دەيمەن !!!!!!!!

guzal~yurtum

	rahmansaykin يوللىغان ۋاقتى  2012-8-25 12:31 AM ئەسلى  دىمەي  دىگەن .  لىكىن يەنىلا دىيىش قارارىغا كىلىپ ... دىمىسىمۇ راس دەيسىز! مۇشۇ پۇتبۇلچىلىرىمىزنىڭ بەزىبىر ئىشلىرى ئادەمنىڭ ئاچچىقىنى كەلتۇرىدۇ.. مۇسابىقە جەريانىدا،  نام قاززىنىمەن، نامىمىنى كۆپرەك چىقىرىمەن، دەپ، شەخسىيەتچىلىك ئامىللىرى بەك كۆپ. قەدىرلىق پۇتبۇلچىلىرىمىز، ئەزىمەتلىرىمىز، چولپانلىرىمىز، قىيىنقى تەغدىرىڭىزنىڭ قانداق بولشىڭىزدىن قەتئىي نەزەر،  ئاشۇ پۇتبۇل مەيدانىدىكى جەڭ مايدانىغا چۇشتىڭىزمۇ، مىللەتلەر ئىتتىپاقلىقنى ئاساس قىلغان ئاساستا، چوقۇم تىرىشىڭ.. غەلبە قازىنىشقا، تىشىڭ، شەخسىيەتچىلىك ئۇرۇقىنى پۇتبۇل مايدانىغا چاچماي، تىرىشىپ غەلبە قازىنىشقا تىرىشىڭ.. ھىلىمۇ كۆپ تىرىشتىڭلار، كۆپ رەخمەت. مۇشۇ مۇسابىقىدە بەزبىر بىسىملار،قوللاشلار، تەنقىدلەر، رەددىيەلەر، بولۇپ تۇردى... بەزىلەر، مۇشۇ مۇسابىقىنى، مەلۇم مىللەت بىلەن مەلۇم مىللەتنىڭ كۈچىنى كۆرسىتىدىغان جەڭ مايدانى ھىس قىلىپ، قالايمىقان بىلجىرلاشلار بولۇپ تۇردى. بۇنىمۇ سىلەر ھىس قىلىسىلەر.. بىزنىڭ كۈتىدىغىنىمىز... 70 مىڭ پۇتبۇل مەستانىسىنىڭ كۈتىدىغىنى،  دولىتىمىز دىكى پۇتكۇل  پۇتبۇل ماستانىسىنىڭ سىلەردىن  كۈتىدىغىنى، جاسارەت بىلەن ئىلگىرلەپ، ھەر خىل بىسىملارغا بەرداشلىق بىرىپ، قولنى قولغا تۇتۇشۇپ، كىلەچەكنى كۆزلىگەن ئاساستا، نەچچە مىليۇنلىغان ئۇمۇدلىك كۆزلەرنىڭ، يۈرەك ساداسىغا مايىل بولۇپ، تىرىشىپ، شەخسىيەتچىلىك يوغانچىلىق، ھاكاۋۇرلىق، قىلماي، مۇشۇ نەتىجىنى ساقلاپ قالغان ئاساستا، تىخىمۇ، زور نەتىجىگە ئىرىشىپ، بىرىنجىلىقكە ئىرىشتۇرۇشىڭلارنى ئۇمۇد قىلىمىز.!!!!!!!! سىلەرنىڭ بۇ نەتىجىڭلار، شىنجاڭ پۇتبۇلچىلقى، دۆلەت پۇتبۇلچىلقىنىڭ يارقىن ئىپادىسى، ئاۋانگىرات بولالايدۇ... دۆلەت ئىچى سىردىكىلەرنىڭ قىزىقىشىنى قوزغاپ، شىنجاڭ پۇتبۇل كۈلۈپلىرىمۇ قۇرىلىشىمۇ مۇمكىن.. غەلبە قازانغايسىلەر

tuntaxvixi

	ئسىت.....