توخۇنى قانداق بوغۇزلىسا «شەك»سىز بولىدۇ؟

yfkopjfn

	توخۇنى قانداق بوغۇزلىسا «شەك»سىز بولىدۇ؟      ئەسسالامۇ ئەلەيكۇم قېرىنداشلار،كونىلاردا «بىلگىنىڭنى ئەلدىن ئايىما»دىگەن ماقال بار.يېقىنقى يىللاردىن بېرى خەلقىمىزنىڭ تۇرمۇش سەۋىيىسىنىڭ مەلۇم دەرىجىدە ياخشىلىنىشى ۋە قېرىنداش مىللەتلەرنىڭ تائام مەدەنىيىتىنى قوبۇل قىلىش سۈرئىتىنىڭ تېزلىشىشى  نەتىجىسىدە توخۇ گۆشىنى ئىستىمال قىلىش ئۇسۇلىمىز بۇرۇنقى ئائىلىلەردە ئۆزىمىز بوغۇزلاپ ئىستىمال قىلىشتىن بازاردىكى تەييار توخۇ گۆشىنى ئىستىمال قىلىشقا  يۈزلەندى ۋە بارغانسېرى ئومۇملىشىپ بېرىۋاتىدۇ،تېلېۋىزىيە ئېلانلىرىدىمۇ «پاكلان»،«قاسىمجان» ماركىسىدىكى توخۇ گۆشلىرىنى ئېلان قىلغاندا «ئۆزىمىزنىڭ ئۆرپ-ئادىتى بويىچە بوغۇزلانغان شەكسىز توخۇ گۆشىنى ئىستىمال قىلغايسىز»دېگەن سۆزلەرنى داۋاملىق ئاڭلاپ تۇرىمىز،ئۇنداقتا بىزنىڭ «مۇسۇلمانلار قائىدىسى» بويىچە توخۇ بوغۇزلاش ئۇسۇلىمىز زادى قانداق؟توخۇ،كەپتەر،قۇچقاچ قاتارلىقلارنى قانداق ئۇسۇلدا بوغۇزلىغاندا ئاندىن« ھالال»لاپ ئىستىمال قىلغىلى بولىدۇ؟بۇ مەسىلىگە قارىتا بىر قىسىم پېشقەدەملەر بىلەن ھەمسۆھبەت بولغاندا بىر قىسىم پېشقەدەملىرىمىزنىڭ بۇ تەرەپلىرىنى تازا بىلىپ كەتمەيدىغانلىقىنى بىلىپ يەتتىم،      شۇ سەۋەپ تۈپەيلى بارلىق تورداشلارغا بۇ تېمىنى سۇندۇم،ياشلىرىمىزغا توغرا بولغان، «شەك»سىز ئىستىمال ئادىتىنى يېتىلدۈرۈشكە پايدىسى تېگىپ قالار دىگەن ئۈمۈدتىمەن.      يۇرتىمىزدىكى ئاقساقاللارنىڭ ئېيتىپ بېرىشىچە:        ئادەتتە توخۇ،كەپتەر،قۇچقاچ قاتارلىق «تىلى» قىسقا قۇشلارنى بوغۇزلىغاندا ئالدى بىلەن ئۇلارنىڭ تۇمشۇقىنى قايرىپ «تىلى»نى تارتىپ چىقىرىپ تۇمشۇقىغا توغرا چىشلەتكۈزۈپ،تۇمشۇقىنى چىڭ قىسىپ تۇرۇپ،«تۇمشۇقىغا چىشلەتكۈزگەن تىلى ئىچىگە كىرىپ كەتسە بولمايدۇ»،ئاندىن «بىسمىللا ئاللاھۇ ئەكبەر» دەپ تەگبىر ئېيتىپ بوغۇزلىساق ئاندىن ئۇلارنىڭ گۆشى «شەك»سىز(ھالال) بولىدىكەن،مۇسۇلمانلار بۇنىڭدىن باشقا ئۇسۇللار بىلەن بوغۇزلانغان توخۇ،كەپتەر،قۇچقاچ قاتارلىقلارنىڭ گۆشىنى ئىستمال قىلسا بولمايدىكەن،ئۇنىڭدىن باشقا بىزنىڭ ئىستىمال ئادىتىمىزدە جانلىقلار(ئەلۋەتتە بىز گۆشىنى ئىستىمال قىلىشقا بولىدىغان جانلىقلار) نىڭ باش قىسمىنى تېنىدىن ئايرىمىغان(پۈتۈن) ھالەتتىكى گۆشىنى ئىستىمال قىلىش «ھارام»ھېساپلىنىدىكەن. http://bbs.xjtsnews.com/forum.php?mod=viewthread&tid=20416 manba:

rahatmakan

	بىسمىللاھىىررەھمانىررەھىم  ئاللاھ ھالال قىپ بەرگەيلا  دەپ   بوغۇزلىسا  بولىدۇ   ئەمدى  ئۇنىڭغا  بەك  كۆپ  پەتىۋا  پىچىپ كەتسەك  خەلىق ئاندىن  بىراقلا ھىشنىمىگە ئىرەنشىمەيدىغان  بوپ  قالىدۇ

qog

	مەنچە مۇشۇ تېمىدا دىيىلگىنى بويىچە قىلساق توغرىمۇ نىمە،راستىنى ئىيتسام مەن قۇش بوغۇزلاشنىڭمۇ ئايرىم قائىدىللىرى بارلىقىنى بىلمەيدىكەنمەن،ئەمدى بىلىۋالدىم.

uygurjan09

	ھەقىقى پايدىلىنىش قىممىتى يۇقىرى تىما

kvkbvra

	تىلىنى ئاشۇنداق قىلمىسا بولمامدىكەن .............مەن بوغۇزلىغاندا ئۇنداق قىلماپتىمەن........

TOPQI0998

	مەن  بوغۇزلىغاندا  بىسمىللا ئاللاھۇ ئەكبەر  دەيدىكەنمەن

tewelgha

	توڭگانلارنىڭ موللىلىرىنىڭ شۇنداق بوغۇزلىغىنىنى كۆرگەن ئىدىم ،چۈنكى ئۇلاردا موللىلىرىدىن باشقىسى مال بوغۇزلىمايدۇ .لىكىن توخۇ قاتارلىق قوشلارنىڭ تېلىنى تارتىپ چىقارغان ۋاقىتتا قانچىلىك ئاغرىدىغىنى سىز ۋە بىز ھېس قىلالمايمىز ،ھەممىمىزگە ئايانكى ، ئۇلارنىڭ تېلى بەك قىسقا ،بەزىلەر تېلىنى تارتىپ چىقىرىمەن دەپ ھەتتا تومشۇقلىرىنىمۇ ژىرىۋالىدۇ .  ئۇنىڭدىن كۆرە بىر پىچاق بىلەن تۇيدۇرمايلا جېنىنى ئالغان ياخشى . يەنە بىر گەپ توخو ،غاز ،ئوردەك ،كەپتەر يىيىش يات مىللەتلەردىن بىزگە كىرگەن ئادەت ئەمەس ،بۇرۇن -بۇرۇنلاردىنلا ئۇيغۇرلار توخۇ كەپتەر يەيدۇ (خىرىستىيان ،كاتولىكلار كەپتەر يىمەيدۇ ،سەۋەبى كەپتەر نوھ ئەلەييىكسالامغا خەۋەر يەتكۈزگەن قوش، قۇرئاندىمۇ بۇ ھەقتە قىسسە بار. يېقىندا بىر ئامىرىكىلىقتىن ئاڭلىسام ئۇلار توخونىڭ پوكىنىدىن باشقا قىسمىنىڭ گۆشىنى يىمەيدىكەن، شەرىقلىكلەر توخو ،ئۆردەك،  غازلارنىڭ گۆشىنى يىگەندىن سىرت يەنە  قېنىدىن شورپا ياساپ ئىچىدۇ ) .ئاتا-بوۋىلىرىمىز توخونى 3كۈن باغلاپ بېقىپ ئاندىن بوغۇزلايتتى ،سەۋەبى ئۇ پوق يەيدۇ ،شۇڭا 3 كۈنگىچە ئىچ-قارنى تازىلىنىدۇ دەپ قارايدۇ .ئاخىرقى دېمەكچى بولغىنىم پەتىۋانى توقىۋىرېپ مۇسۇلماندارچىلىقنىڭ يوللىرىنى تارلاشتۇرۋەتمەيلى ،مېنىڭچە ئاللا يېيىشنى راۋا كۆرگەن جانلىقلارنى «بىسمىللا ،ئاللاھۇ ئەھبەر »دەپ پىچاق سۈرۈپ قېنىنى پاك-پاكىزە ئېقىتىۋىتىپ يېسەكلا بولدى ئەمەسمۇ .

bugaltir

	http://www.kasimjan.com/article/2012/0328/article_42.html

bugaltir

	پىچاقنى ئىتتىك قىلىپ بىلەش. بۇنداق قىلغاندا مالنىڭ قېنىنى تىز ئېقىتىپ قىينىۋەتمەيدۇ. رەسۇلۇللاھ ساللەللاھۇ ئەلەيھى ۋەسەللەم: «ئۆلتۈرگىنىڭلاردا چىرايلىق ئۆلتۈرۈڭلار، پىچىقىڭلارنى بىلەپ، بوغۇزلىماقچى بولغان مالنى ئازابتىن خالاس قىلىڭلار» دېگەن.(سەھىھۇ مۇسلىم 1955-ھەدىس) چىرايلىق ئۆلتۈرۈشكە مۇناسىپ كەلمەيدىغان بارلىق قىلىقلاردىن ساقلىنىش لازىم، مەسىلەن: مالنىڭ كۆز ئالدىدا پىچاق بىلىمەسلىك، بىرىنىڭ كۆز ئالدىدا يەنە بىرىنى بوغۇزلىماسلىق، بوغۇزلايدىغان جايغا قوپاللىق بىلەن سۆرەپ ئېلىپ بارماسلىق، دېگەندەك. پىچاقنى كۈچ بىلەن بېسىپ تۇرۇپ ئالدى-كەينىگە تىز سۈرۈش. بۇنداق قىلغاندا جېنى تىز چىقىپ، ئازابلانمايدۇ، ھەم قانلار تولۇق ئېقىپ چىقىپ كېتىدۇ. بوغۇزلاپ بولۇپلا سويۇشقا ياكى بىرەر يېرىنى كېسىش ياكى سۇندۇرۇشقا تۇتۇش قىلماي، سەل سوۋۇپ روھى بەدىنىدىن تولۇق ئايرىلىپ جىمىپ بولغاندىن كېيىن ئاندىن سويۇش.

jula0997

	kvkbvra يوللىغان ۋاقتى  2012-8-24 10:31 PM تىلىنى ئاشۇنداق قىلمىسا بولمامدىكەن .............مەن بوغۇزل ... بۆرىمۇ بۇغۇزلاپ يەمدا ؟ ھى ھى ھى چاقچاق ھە .