ماڭا تىگەمسەن،دۇنياغىمۇ؟

abduwali7303

	ماڭا تىگەمسەن،دۇنياغىمۇ؟ توي تەييارلىقى ئالدىراشچىلىقى بىلەن بۇ كۇنلەر بەك تېزلا ئۇتۇپ كەتتى،توۋا مەن بۇگۇنقىزىل قەغەز گە بېرىشنى ئۇنتۇپ قالغىلى تاسلا قاپتىمەن،مەن ئايگۇلگە دەرھال تېلىفۇن قىلاي .ئۇ بەلكىم مىنى يەتكۇچە تىللاۋاتقاندۇ؟-مەن شۇنداق تېزلىكتە ئۇنىڭغا تېلىفۇن قىلدىم.ئاپلا!ماۋۇ قېيىشقاندەك تېلفۇنۇم توختاپ قاپتۇ يا! نەدە ماگزىن باردۇ؟ئەمدى مەن ماشىنىغا دەرھال ئولتۇرۇپ ئايگۇلنىڭ يىنىغا ماڭاي.تاكسي..ھەي تاكسي... مەن ئالدىمغا قاراپ يۇگۇردۇم.مانا ئەمدى بىرى چىقتى تاكسىدىن.مەن ماشىنىغا چىقىپ ئۇدۇل ،قىزىل قەغەز كىسىش ئورنىغا قاراپ ماڭدىم.ئىچىمدە مۇنۇلارنى ئويلاپ بىرخىل بوپ قالدىم.ئەمدى خەتنى ئالسام ،بىراقلا چوڭلا ئادەم بوپ قالغۇدەكمەن،ئايگۇل بىلەن سوغۇقلاردا كۆرۇشۇپ بىر-بىرىمىزگە تويماي خوشلۇشۇپ كىرىپ كىتىدىغان كۇنگە خاتىمە بىرىلىدىغان بولدى.بولدىلا خىيال قىلماي،مۇھەببەتنىڭ ئاخىرى نىكاھقا تۇتىشىدىغان گەپكەن.مەن شۇ خىيال بىلەن ئۇ يەرگىمۇ كەپ قالدىم.تاكسي شوپۇرنىڭ پۇلىنى بېرىۋىتىپ ،ئۇيەرگە كىردىم. ھۇي ،ئايگۇل مەندىن بۇرۇن كىلىپ بۇلىشى كېرەكتىغۇ؟نەگە كەتكەندۇ؟مەن قىزىل قەغەز كېسىش ئورنىدىكى ئايالدىن سورىدىم. -ھەدە بايام بىر قىز كەلگەنمىتى؟مەن سەل ھايال بوپ قاپتىمەن.ماۋۇ سۇرەتتىكى قىزچاق-دەپ قۇلۇمدىكى قەغەزگە چاپلايدىغان ئايگۇلنىڭ رەسىمىنى ئۇ ئايالغا سۇندۇم. -ياق،بۇنداق قىز كەلمىدى.كەلگەنلەرمۇ كۆپ ئەمەس،سىز تېلفۇن قىلىپ بىقىڭ.بىزمۇ يەنە بىرسائەتتىن كىيىن ئىشتىن چۇشىمىز ئۇكام.-دەپ ماڭا ئۇستەل ئۇستىدىكى تېلىفۇننى ئىتتىرىپ بەردى.مەن رەھمەت ئېيتىپ ئايگۇلگە تېلفۇن قىلدىم.ئەمما تېلفۇننى ئۇ ئەمەس ،باشقا بىر ئايال ئالدى. -ۋەي،كىمنى ئىزلەيسىز؟ -ئەسسالامۇ-ئەلەيكۇم،مەن ئايگۇلنى ئىزلەيتىم-چاقىرىپ قۇيارسىزمۇ؟ -بۇلىدۇ،ئايگۇل.....ھۇي ئايگۇل.....بۇلىڭە خان، سىزنىڭ تېلفۇنىڭىز ئىكەن.بىر يىگىتتىن كەپتۇ،ئۇنىڭ چاقىرىشىدىن يەڭگىسى ئىكەنلىكىنى بىلدىم.   -ئەسسالامۇ-ئەلەيكۇم. -ۋەئەلەيكۇم ئەسسالام!ئايگۇل -بۇ ،مەن. نىمىشقا دىيىشكەن جايغا بارمىدىڭىز؟ -بارمىدىم،سىز مىنى شۇنداق ئالداي دىگەنما؟-ئۇنىڭ بۇگەپلىرىدىن رەنجىگەنلىكى چىقىپ تۇراتتى. -نىمە بولدى؟سىزنى قانداق ئالدايمەن.مەن مۇشۇ يەردە سىزنى ساقلاۋاتىمەنغۇ.تېز كىلىڭ! -ياق .بارمايمەن،سىز مىنىڭ گۇدەكلىگىمدىن پايدىلىنىپ، خەتنى بالدۇر ئالايلى دەپ ئويلاپتىكەنسىز.مەنچۇ تويلۇقنى كۆرۇپ بۇلۇپ ئالساممۇ ئۇلگۇرىمەن.قىز بالا تويلۇق مىلى بىلەن كىشلەر ئالدىدا ئابرويلۇق ئۇيىدىن چىقىدۇ،سىز مىنى سەھرالىق دەپ ياراتماپسىزدە؟سەھرالىق بولساممۇ ،مىنىڭ بىر كىشلىك شەھەردە مۇقۇم خىزمىتىم بار، خىلى تەربىيە كۆرگەن قىزمەن.ئانام-داداملارمۇ،يېزا كادىرلىرى .باشتا تويلۇقنى كۆرەي ئاندىن ئالايلى.خوش.-ئۇ شۇنداق دەپلا تېلفۇننى بىسىۋەتتى. مەن ئارتۇق گەپ قىلالمىدىم،ئارقىدىن ئۇلاپ ئۇراي دىسەم ئۆزۇمنىڭ تېلفۇنى بولمىغاچقا ئامالسىز قالدىم. شۇنىڭ بىلەن سالپىيىپ قايتىپ چىقتىم.ئۇ يەردىكى ئايالمۇ چۇشەندى بولغاي بىرئېغىزمۇ سۆز قىلمىدى. مەن بىردەسسەپ ئىككى دەسسەپ،مۇشۇ ئورۇن ئەتىراپىدىكى،ئاممىۋى تېلىفۇنخانىگە كەلدىم.ئۇ يەردىن يانفۇنۇمغا پۇل قاچىلاپ بۇلۇپ خالىيراق جاينى تاپتىم-دە يەنە تېلفۇن قىلدىم. -ۋەي ،يەنە ئىش بارمۇ؟بەك چاققانكەنسىز ھە؟بىردەمدىلا ئىچىپسىز يانفۇنىڭىزنى... -ھەئە،ئايگۇل ئەتىراپىڭىزدا ئادەم بارمۇ؟بولمىسا خالىيراق جايغا ئۇتۇڭە،گىپىم بار سىزگە. -ۋاي قىشىمدا ھىچكىم يوق.دەۋىرىڭ قۇلقۇم سىزدە،-ئايگۇل ھىچقاچان بۇنداق تەلەپپۇزدا گەپ قىلمايتى. -ئەمسە ياخىشى،دىدىم-نىمانداق گەپ قىلىسىز؟سىزنى كىم ئالداپتۇ؟تويلۇق دىگەننى چايدا ئاپىرىپ كۆرسىتەمىز.سىزگە بەرگەن 15000يۇەن يەتمەمدۇ؟شۇنىڭ ئىچىدە ھەممە جابدۇقلارنى ئالىمەن دىگەنتىڭىز،چوڭلارنىڭكىنى چايدا ئاپارمامدۇ؟نىمانداق قىلىسىز بۇگۇن!-بەك ئاچچىغىمدا سۆزلەپ كەتتىم. -قەيسەر ئۇنداق دەپ كەتمەڭ،ھەممە يەردە بار قائىدە ئۇ!شۇ پۇلغا ماڭا تىگىدۇ دىگەنما؟ھازىر ئالتۇننىڭ باھاسى قانچە بىلەمسىز؟سىز بىلەن ياخشى يۇرگەننىڭ يۇزىنى قىلمىسام يۇزۇڭىزگە ئىتىپلا بىرەتتىم. -نىمە؟نىم دەيسىز!يۇزۇمگە ئاتقۇدەك بوپ كەتتىڭىزمۇ؟مەن نىمە قىلغان سىزگە.توينىڭ ئىشىنى ئۆزىڭىز ئالدىراتقان.ئەمدى ماڭا نىمىشقا بۇنچە قاتتىقلىق قىلىسز؟ياخشى گەپ قىلدىڭىز ئايگۇل.ئەمدىچۇ بىرىپ زۇڭتۇڭنىڭ ئوغلىغا تىگىڭ! -قەيسەر تۇلا ھەددىڭىزدىن ئاشماڭ!زۇڭتۇڭنىڭ ئوغلىغا تەككۇچىلىگىم بار،گەپ قىلمىسام نىمە دەيدۇ ماۋۇ! ئايگۇل شۇگەپنى قىلىپلا تېلفۇننى قۇيىۋەتتى،مىنىڭ مىڭەم زىڭىلداپلا كەتتى.بىرھازا تاماكىنى بۇلىشىغا زورلاپ شوراپ ئولتۇرۇپ كەتتىم.ھەي..نىمە قىلارمەن توي قىلىمەن دەپ!ئەمدى ئۆيدىكىلەرگە نىمە دەرمەن؟كىچىك چاينى ئەكىرىپ بولغان تۇرساق.ئايگۇلنىڭ بۇگۇن كەيپىياتى ياخشى ئەمەسمىدۇ-يا؟ يەنە بىر ئۇرۇپ باقايچۇ؟ئۇغۇل بالا بولغان گۇنامۇ نىمە؟قىزلارنىڭ رايىغا بىقىپ يالۋۇرۇپ .توۋا! بۇ قىتىم ئايگۇل تېلفۇننى بەك تەستە ئالدى. -ۋەي،يەنە نىمە گەپ!مىنىچۇ زۇڭتۇڭنىڭ ئوغلىغا تەگ دەۋاتقانغۇ؟ -ئايگۇل تەتۇرلۇك قىلماڭ!سىز ماڭا تىگەمسىز ياكى دۇنياغىمۇ؟دەڭە شۇنى.. -مەنچۇ سىزگىمۇ دۇنياغىمۇ تىگىمەن،ھازىر پۇل بولسا جاڭگالدا شورپا دەپتىكەن. مەن بۇگەپنىڭ ئۇنىڭ ئاغزىدىن چىقىۋاتقانلىقىغا ئىشەنمەيلا قالدىم.بوپتۇ دۇنياغا تويغۇزۇپ قۇياي.تويدىن كىيىن مىنىڭ بۇلارسەن -خەپ!دەپ،ئىچىمدە ئېغىر تىنىۋەتتىم. -ئايگۇل ئەمسە بايامقى گەپلەردىن رەنجىمەڭ!مەندىن ئۆتتى...چوڭ چايدىن كىيىن قەغەزنى ئالايلى... -بۇلىدۇ،چاي كىرىپ بولغاندا دىيىشەيلى،خوش ئەمسە. مەن ئۇنىڭ بۇ قىلىقلىرىنى پەقەت كۇتۇرەلمىسەممۇ،ئامالىم قانچە؟بىردەمدىلا قىزغىن مۇھەببىتىم ،نەپىرەتكە ئايلانغاندەك بولدى. ئۆيگە قايتىپ كەلدىم.ئانام مىنىڭ پەرىشان ھالىمنى كۆرۇپ ھەيران بولغان ھالدا يىنىمغا كەلدى. -ئوغلۇم نىمە بولدى؟نەگە باردىڭ؟ھەراس خەت ئالدىڭلارمۇ؟مەن ئۇ خانغا ئۇزۇك تەييارلاپ قويغانتىم.خەتكە ئۇزۇك سالىسەن ئەمەسمۇ بالام. -ئانا بولدى،گەپ قىلماڭ.چايدىن كىيىن ئالىدىغان بولدۇم. ئاناممۇ چۇشەندىمۇ ياكى كەيپىياتىمنىڭ، ناچارلىقىنى بىلىپ قالدىمۇ ئارتۇق گەپ قىلمىدى.مەن ھۇجىرامغا كىرىپ كەتتىم.كارۋىتىمغا ئولتۇرۇپ ئويلاندىم،توۋا !ئايگۇل ھەجەب ئۆزگىرىپ كىتىپتۇ يا-بىرنەچچە كۇن كۆرمىسەم.ئۇنىڭغا بىرەر توي قىلغان دوسلىرى بىرنىمە دىدىمۇ-يا؟مەن شۇ خىيال بىلەن ئولتۇرغاندا دوستۇم كامىل كىرىپ كەلدى.ئۇ ناھايىتى خۇشال كۆرۇنەتتى. -ئاداش مۇبارەك بولسۇن!خەت ئالدىڭمۇ؟بۇگۇن ئولتۇرامىز-ھە؟ -ياق ئالمىدىم.چايدىن كىيىن ئالىدىغان بولدۇق. -نىمە؟نىمىشقا ئەمدى،تۆنۇگۇن دەۋاتقانتىڭغۇ؟ مەن ئۇنىڭغا بىرەر قۇرسۆزلەپ بەردىم،ئۇ ھەيرانلا قالدى. مەنمۇ ئارتۇق سۆزلىمەي گەپنىڭ پوسكاللىسىنىلا دىدىم. -ئاداش ،بوپتۇ چايدىن كىيىن ئالغىن.قاچان ئالساڭ ئوخشاشقۇ؟ئەمسە ،مەن چىقاي ئارام ئالغىن-ئۇ شۇنداق دەپ كەيپىياتىمنى توغرا چۇشەنگەندەك چىقىپ كەتتى. مانا بىر ھەپتە ئۆتتى،ئۇمۇ تېلفۇن قىلمىدى-مەنمۇ ئۇرمىدىم.بۇرۇن مەن ئۇرمىساممۇ ئۇ ماڭا نەچچەرەت ئۇرۇپ بۇلاتتى. بۇ قىتىم ھەقىقەتەن ئۆزگىرىپتۇ. ئانام ماڭا ئەتە چاي ئاپىرىدىغانلىقمىزنى ئۇقتۇرۇپ قۇيۇشنى تاپىلىدى.مەن مىڭ تەستە ئۆزەمگە تەسەللىي بىرىپ ئۇنىڭغا تېلفۇن قىلدىم. -ئايگۇلمۇ؟ئۆيدىكىلەر ئەتە چاي ئىلىپ كىرىدىغان بوپتىكەنغۇ؟شۇنى دەپ قۇياي دىگەنتىم،ئۆزىڭىز ياخىشى تۇرغانسىز؟ئۇزۇن بوپتۇ، ئالدىراشچىلىقتا پاراڭلاشمىغىلى. -ھە.ئومدان تۇردۇم.بىزمۇ بىلەتتۇق ،ئۇيىڭىزدىكىلەرنىڭ ئەتە كىرىدىغىنىنى.كىچىك چايدا پۇتۇشۇپتىكەن. مەنمۇ ئالدىراش بوپ كەتتىم،تويلارنىڭ كۆپلىگىدە.بۇلىدۇ-ئەمسە،ئەتە كەچتە پاراڭلىشارمىز،خوش. مەن تىلىفۇننى تۇتۇپلا قالدىم. ئۇنىڭ بۇ گىپىگە قاراپ ئاچچىغىمدا ،بولدىلا دەپ چاينى قايتۇرۋالايلىمكىن دەپ ئويلىدىم -دە،ئانامنىڭ يىنىغا چىقتىم. قارىسام يىراقتىكى تۇققانلار جەم بۇلۇپ داستىخان رەتلەۋىتىپتۇ.ئۇلارنىڭ قېزغىنلىقىغا قاراپ كۆڭلۇم لەسسىدە بولدى مانا چايمۇ تۇگەپ،ئۆيدىكىلەر قاپاقلىرى تۇرۇلگەن پىتى قايتىپ كەلدى.مەن ئۇلارنىڭ بۇ تۇرۇقلىرىنى كۆرۇپ نىمە دىيىشىمنى بىلمەي قاراپ قالدىم.ئارىدىكى جىمجىتلىقنى ئانامنىڭ سىڭلىسى بۇزدى. -بالام قەيسەرجان،سەن شۇنچىلىك قىز تاپالماي قالغانمۇ؟ھەجەپ بىر ئائىلىنىڭ قىزىنى ئالىمەن دەپ قاپسەن! -نىمە بولدى كىچىك ئاپا؟گەپنى ئۇچۇق دەڭە. -نىمە بۇلاتتى،بىچارە تۇل ئاناڭنىڭ تاۋىقى قۇدىلارغا يارىمىدى.كام يەرلىرىنى تۇلۇقلاپ ئەتە ئاپىرىپ بىرىدىغان بۇلۇپ قايتىپ كەلدۇق. -ھە!نىمە دەيسىلەر،بولدى بۇ توينى قىلمايمەن!بۇنداق توينىڭ ئاقىۋىتى قانچىلىك بولماقچىتى. مەن شۇگەپنى قىلدىم يۇ ،ئانامنىڭ يالۋۇرۇشىغا قارىماي،تالاغا يۇگۇرۇپ چىقتىم.ئەمدى ئايگۇلگە تېلفۇن قىلاي دەپ تۇرسام،ئۇنىڭدىن ماڭا كەلدى. -ۋەي،تىچلىقمۇ؟ -بەك تىچلىق!ئەكەلگەن تاۋاق شۇمىتى؟مەنچۇ سىزگە ئالدانغىلى تاسلا قاپتىمەن!خەتنى ئالمىغىنىم ياخشى بوپتىكەن،ئەتە تاۋاقنى ياخشى تۇلۇقلاپ ئەكەلسۇن. -نىمە دەيسز؟مەنچۇ سىزگە تاۋاق توغۇرلۇق مەسلىھەتىم يوق.بۇ توينى قىلمايمەن!خەتنىمۇ ئالمايمەن.ئەمدى كىمگە تەگسىڭىز تىگىڭ!مەن ئانامنى قېيناش بەدىلىگە ئېرىشكەن ،سىزنىڭ ساختا مۇھەببىتىڭىزنى قۇبۇل قىلالمايمەن.مەنمۇ تۇلۇق چۇشەندىم سىزنى،بىز ئايرىلىپ كىتەيلى!ئاپارغان تاۋاق قالسۇن،پۇلنى ياندۇرۋىتىڭ. ئەمدى دۇنياسى كۆپ بايغا تەككىن.ساڭا بەخىت يار بولسۇن! -نىمە دەۋاتىسىز قەيسەر؟ماڭا مۇنداق قىلماڭ،بولدى مەن دىمىگەن بۇلاي-بۇلامدۇ؟ ئۇ مىنىڭ ئەلپازىمدىن چۇچۇدىمۇ ياكى پۇشايمان قىلدىمۇ؟ئىشقىلىپ ماڭا يالۋۇرۇپ يىغلاشقا باشلىدى. بىراق مەندە ئۇنىڭغا نىسبەتەن مۇھەببەت ئەمەس نەپىرەتلا قالدى. مەن ئۇنىڭ يىغلاشلىرىغا ،ئانامنىڭ-دوسلارنىڭ نەسىھەتلىرىگە قۇلاق سالماي ،بۇ رەھمسىز مۇھەببەتنى يۇلىغا سىلىپ قويدۇم. كىيىن ئاڭلىسام ،ئۇ بىر ئەمەلدارنىڭ ئارزۇلۇق ئوغلىغا تىگىپتۇ.

تەجەللى

	ھەي ھازىر  ئىماندار لارغا ئەمەس بەلكىم پۇلغا تىگىدىغانلار كوپىپ كەتتى پۇل بولمىسىمۇ بولمايدۇ لىكىن لايىقى دابولسا ياخشى

hokumran

	تاللاش ئەسلى ھەر بىر ئىنسانغا تېگىشلىك بولغان ھوقۇق ئىدى. ئەمما بۇ ھوقۇق ئاللىقاچان مەنپەئەت تەرىپىدىن ئىگىلىۋېلىندى.

xaxyax

	ئۇف! خۇدايىم ساقلىسۇن! مۇشۇنداق كۈنلەردىن...ھازىر قىزۋالا مال بولاپ قالدىمۇ دەيمىنا، ئۆتكەندە بىرسىدىن سورىسام، 35000 كەن دەۋاتقان ‹باھاسى›نى...ئا ئۆي دېگەن بىرنېمىمۇ ئۆسېۋېرىدىكەن...ئۆزىنى بىلمەي... ئۆيلىنەيمۇ، ئۆي ئالايمۇ، ئۆلۈۋالايمۇ؟! كىم دېگەن گەپ بولغىيدى، ھەجەپ توغرا دەپتىكەن.

rivayat1986

	رىسىق پىشانە ئاللا دىن كىلىدۇ . كۆڭلىڭىزنى يىرىم قىلماڭ . ھەرقانداق قىز مۇشۇ خەت ئالغاندا بەك نوچىلىشىپ كىتىدۇ . تومونى تۇتىمەن دەيدۇ . سىزنىڭمۇ رىسقىڭىزنى ئاللا ئۆز رىزالىقى بىلەن بىرىدۇ .  ئاپىڭىز نىڭ گىپىنى ئاڭلاپ ،كىمنى ئىلىپ بىرىمەن دىسە ماقۇل دەڭ . ئاتا-ئانا بولغۇچى ھەرگىزمۇ بالامغا يامان بولسون دىمەيدۇ .

Huma0996

	ھازىرقى زاماندا كۆرمىگەن ئىشلار جىق تېخى.......

تەجەللى

	توۋا مۇشۇ قىزلارنى چۇشەنمەك بەك تەسكەن جۇمۇ مەن مۇ ئاران يۇرۋاتىمەن دىندا ئوقۇغان داپ ھورمىتىنى قىلسام  بولدىلا

sargarda

	شۇڭا   ئاھ   ـ  پاھ   دەپ  يۈرگىچە ،  ئىزدىنىپ  تېرىشىپ  پۇلنى  كۆپرەك  تېپىپ غىدىق ـ  پىدىق  قىلسا     خەيىر  ـ خوش  دەپ  يولغا  سېلىپ قويۇپ  خۇتۇن خەخكە  يالۋۇرۇپ ،  ماڭا تېگەمسەن  دۇنياغىمۇ دەپ سوراپ   يۈرمەي ياشاش  كېرەك ! ما   ئىنكاسىمنى   مۇنبەردىكى  ئايال  خەقلەر ،             نىكاھنى  كۆزگە ئىلمايدىكەنسەن   دەپ  نەقىل  ئېلىپ  يۈرمىسەڭلار  ،  سىلەرگە  بىر  ئەقىل پاراسەت - ھېكىمەت  ئېيتىپ بېرىمەن  . دىققەت ،  باشلىدىم  ! بۇرۇنقى   زاماندا   بىر  باينىڭ   ناھايتى ھەشەمەتلىك  ئۆيى ،  نەچچە  خوتۇنى ھىسابسىز  بايلىقى  بار  ئىكەن  .   بىر  كۈنى  باينىڭ كىچىك خوتۇنى  بايدىن   سوراپتۇ . بىزنىڭ  شۇنچە  كۆپ  مال  ـ دۇنيارىمىز  ،  نەچچە  يەردە  ھەشەمەتلىك   داچىللىرىمىز  بار  .  ئەمما  بىزنىڭ خۇشال  ئۆتىدىغان ۋاقىتلىرىمىز بەك ئاز  ئىكەن .  بىرەر قېتىم ئىچىمىزدىن ئېچىلىپ  كۈلەلمەيدىكەنمىز . ئەمما  قوشىنىمىز ئەر  ـ ئايال  نامرات  بولسىمۇ دائىم  خۇشال  ـ  خۇرام كۈلۈپ  يۈرىيدىكەن .  بۇ  نىمە  سەۋەبتىن  دەپ سوراپتۇ  . بۇنى  ئاڭلىغان  باي ، قاراپ تۇر !  ئەتىدىن  باشلاپ  ئۇ  ئەر  ـ ئايالنى كۈلەلمەيدىغان  قىلىپ قويىمەن  دەپتۇ  ۋە   كەچتە  بىر  پارچە  ئالتۇننى نامرات قوشنىسىنىڭ ھويلىسىغا  تاشلىۋېتىپتۇ  . ئەتىسى نامرات  قوشنىسىنىڭ ئايالى ،  ھويلىسىنى  سۈپۈرىۋېتىپ  ھېلىقى باي  تاشلىۋەتكەن  ئالتۇننى  ئۇچرىتىپ  قاپتۇ  . خاتىرجەمسىزلىنىپ ئالتۇننى  ئېرىگە  كۆرسىتىپتۇ  . ئەمما  ،  ئىش  مۇشۇ يەردىن  باشلىنىپتۇ . شۇ كۈندىن  باشلاپ ئۇلارنىڭ  مۇھەببەتلىك  شىرىن  چاخچاقلىرى ئۇنتۇلۇپتۇ  . ئالتۇنننى  قانداق  بىر  تەرەپ  قىلىش  توغرۇلۇق مۇنازىرلىشىدىكەن ئايالى   ،  ئالتۇننى سېتىپ زىبۇ  ـ  زىنەت  ، كېيىم ئالىمەن  دەيدىكەن . ئېرى  ،  بىزدەك  نامراتلار   ئېسىل  كېيىنىپ  يۈرسەك  باشقىلار  بىزنىڭ  نەدىن پۇل  تاپقانلىقىمىزدىن  گۇمانلىنىدۇ .  ياخشى   ئازراق  مال چارۋا ئېلىپ باقايلى   دەپتۇ  .  ئايالى  ئۇنى دېسە ، ئېرى بۇنى   دەيدىكەن  . ئۇلارنىڭ  بىخارامان  كۈلكىلىلىرىمۇ  ئاستا  ـ ئاستا ئۆچۈپتۇ  . ھەتتا بەزىدە   ئۇرۇشۇپمۇ قالدىكەن  . باي  ئۆزىنىڭ   ئاقىلانە تەدبىرىدىن سۆيۈنۈپ   كىچىك خوتۇنىدىن   قانداق   ئەمدى  ئۇلار بۇرۇنقىدەك كۈلمەيدىغان بولدى  دەپتۇ . <<  مەڭگۈلۈك  ئەقىل  ـ پاراسەت >> تىن  .  ئالبىرىت . خ . ئامرىكا . ئىسىمدە  مۇشۇنچىلىك  قاپتۇ ،  قالغىننى  ئۆزۈڭلار  ھىس  قىلىڭلار !

ESIRDIN

	مەن ئويلايمەن، مۇشۇ قىزلارنى ئاتا-ئانىسى مال قىلىپ ساتامدۇ ياكى ئۇلارنىڭ نېمىسىنى شۇنچە قىممەت ساتىدۇ؟

hapjuma

	35000غا 50 كىلۇ كەلگۈدەك خوتوندىن بىرنى ئالسام ھەركىلۇسى 700 يۈۋەندىن توختىغىدەك