ھەققانىي بولاي

.tuz.

	ھەر تېمامدا ئەقىل بار ، ئەقىل تاپاي دىسىڭىز كۆرۈپ چىقىڭ .                             ئانا ئوقۇپ بېرىڭ ، ھەققانىي بولاي بالام ، ھەر قاچان ، ھەر زامان ھەققانىي ، توغرا ئادىل بول ، ھەرگىز ناھەقچىلىق ئىشنى قىلما ، ناھەق تەرەپتە تۇرما ، قەيەردە ھەقىقەت ، ھاققانىيەت بولسا قوللا ھەم قوغدا . ناھەقچىلىق ، ئادالەتسىزلىك بولسا مەردانىلىك بىلەن قارشى تۇرغىن . ھەقىقەت بىلەن ناھەقچىلىق شۇنداق ئايرۇلىدۇكى ، ھەقىقەت ۋە توغرا ئىش تۈز بولىدۇ . ئادالەتسىزلىك ۋە ناھەقچىلىق ئەگرى مايماق بولىدۇ . تۈز نەرسىلەر ئۆز بولىدۇ ، نىمىكى تۈز بولسا ئۇ تۈز بولىدۇ . نېمىكى ئەگرى ،قىڭغىر بولسا ئۇ سەت كۆرۈمسىز بولىدۇ ، چۈنكى پۈتۈن ئەگرىلىك يامانلىقنىڭ بەلگىسى . تۈز نەرسە ئۇ ئۆز بولغاچقا قىممەتلىكتۇر . ھېكايەت قىلنىشىچە : بىر پادىشاھ تۈۋرۈكلۈك ساراي سالماقچى بولۇپ ، تۈز بىر ياغاچقا قاتتىق ھاجىتى چۈپ قاپتۇ . ئۆز تەۋەلىكىنى ئاختۇرۇش ئارقىلىق تۈز بىجىرىم ياغاچتىن بىرنى تىپىپتۇ . لېكىن ئۇ ياغاچنىڭ ئىگىسى ئاجىز بىر قېرى كىشىكەن . شاھ ياغاچنى يۇقۇرى باھادا سېتىۋالماقچى بولسىمۇ قېرى رازى بولماي ئۇنىماپتۇ . شاھ ياغاچنىڭ باھاسىنى نەچچە ھەسسە ئۈستۈن باھا قويۇپ ئاخىرى سىتىۋاپتۇ . شاھ ساراينى ياسىتىپ گۆھەر بىلەن بىزەپتۇ . ھېلىقى تۈز ياغاچنى تۈۋرۈك قىلىپ ئالتۇن بىلەن زىننەتلەپتۇ . ھېلىقى ياغاچنىڭ ئىگىسى ساراينى كۆرگىلى كېلىپ ياغاچنى قۇچاقلاپ سۆيۈپ تۇرۇپ مۇنداق دەپتۇ : ____ ئۆزۈڭ تۈز يارالغانلىقىڭ ئۈچۈن مېنىمۇ ئۆزۈڭنىمۇ ئالتۇنغا كۆمىۋەتتىڭ ! شۇنداق بالام ، تۈزلۈك ، توغرىلىق ياغاچقا شۇنداق ياراشقان يەردە ، ئىنسانغا قانچىلىك قىممەت بېغىشلايدىغانلىقىنى ئويلا . ھەققانىيلىقىڭ ئىنسانىي پەزىلىتىڭنى مۇكەمەللەشتۈردۇ ! بالام ، ھەرقانداق ئاددى ئىشلاردىمۇ ھەققانىي بول ! ئادالەتنىڭ ھېمايچىسى بول ! ھەقىقەت تەرەپدارى بول !!! ھەقىقەت ھامان خەلىق تەرەپتە بولىدۇ . كىم ئادالەتلىك بولسا ھەقىقەت شۇ تەرەپتە بولىدۇ . جاھالەت بار يەردە ھەقىقەت بولمايدۇ . ئەگەر سەن خەلىقتىن ئۆزۈڭنى ئەيىپلەش سۆزلىرىنى ئاڭلىغان بولساڭ ، ئۆزۈڭنى ھەقىقەتكە خىيانەت قىپتىمەن دەپ بىل . ئادالەت ، ھەققانىيەت قوغداپ قىلىنمىغان جايدا ئۆز قەدىر - قىممىتىڭنى قوغداپ قالالۇغۇدەك ھېچنىمىگە ئىگە بولالمايسەن ، ئىنساننىڭ ئەڭ مۇھىم ئىنتىلىشى ھەقىقەت ئىزدەش ، ئادالەتكە تەلپۈنۈش تۇرسا ، ئادالەت ۋە ھەققانىيەتكە بولغان مەسئۇلىيەتسىزلىك ئەڭ چوڭ ۋىجدانسىزلىق بولىدۇ ، بالام ! ئەمدى مەردلىككىمۇ ھەققانىيەتنى سۆيۈش كىتىدۇ ، بالام . ئىسىڭدە تۇتقىنكى ، مەردلىك بولسا ساڭا ئېغىر كۈنلەردىمۇ يول ئىچىپ بىردىغان كارۋان . مەردلىك رەزىللىكنى كۈمپەيكۇم قىلۋىتىدۇ . قورقۇنچاقلىق مەردلىكنى خاراپ قىلۋىتىدىغان جاراھەت . قورقۇش بىلەن بۇ دۇنيادا  ھېچقانداق بىر ئىشنى باشقا ئېلىپ چىقالمايسەن . ھاياتتا ھېچقانداق قورقۇنچاق جۈرئەتسىز  ئادەم نىجاتلىق يولى تاپقان ئەمەس ، مەرد ئوغلان ھەر قاچان يولىدىن قايتقان ئەمەس . بۇ ھېكايەتكە قۇلاق سال : بەھرام بىر كۈنى شىكارغا چىقىپ بىر كېيىكنى ئۇچراتتى ، ئۇنى جەھلى بىلەن قوغلىدى ، كۈن چۈش بولدى ، ھاۋا ئىسسىق ئىدى . قەبزە ئاتلىق بىر ئەرەبى بار ئىدى ، كېيىك ئاخىرى قىچىپ بىتاقەت بولۇپ ئۇنىڭ قىشىغا كەلدى . قەبزە ئۇنى تۇتۇپ باغلاپ قويدى . شۇ ئارىدا بەھرام يېتىپ كەلدى ، بەھرام قۇرال تەڭلەپ قەبزىگە ھەيۋە قىلدى : ____ ھەي ئەرەبى ، مېنىڭ ئولقامنى چىقىرىپ بەر ! قەبزى ئۇنىڭ بەھرام ئىكەنلىكىنىمۇ بىلمەيتى . ئۇ : _____ ئەي ئاتلىق ، بۇ خۇدانىڭ مەخلۇقاتىدۇر ، مېنىڭ قىشىمغا پاناھلىق ئىزدەپ كەپتۇ . مېنى ئاتساڭمۇ ئۇنى ساڭا بەرمەيمەن . چۈنكى بۇ مەردلىك ئەمەس ! ___ دەپتۇ . بەھرام بۇ سۆزنى ئاڭلاپ تەھدىت سالدى . قەبزە : ______ ھەي ئاللاھنىڭ بەندىسى ، بىھۇدە ئاۋارە بولما ! مىنى ئىتىپ ئۆلتۈرمىسەڭ بۇ جانۋارنى ئالالمايسەن ! ئەگەر خالىساڭ بىر شاش دۇلدۇلۇم بار ، ساڭا بېرەي ، كەلگەن يولۇڭغا قايتقىن .____ دەپتۇ . بەھرام قەبزىنىڭ مەردلىكىدىن سۆيۈندى ، دەرھال ئارقىسىغا ياندى . كېيىن بەھرام شاھلىق تەختىگە چىقتى . بەھرام قەبزىنى چاقىرتىپ كىلىپ نۇرغۇن ئىنھام بىلەن خاس مەرھەملىردىن قىلۋالدى . بالام ، بۇ دۇنيادا مەردلىك خىسلىتىگە ئىگە كىشىلەر ئاشۇنداق ئەزىزلىنىدۇ . مەرد ئادەملەرنىڭ خىسلىتىدىن ئۈگەن . مەردلىك ئىنسانغا ئاجايىپ قىممەتلىك سوۋغىلارنى تەقدىم قىلىدۇ . بالام ئۆزىنىلام ئويلايدىغان پەقەت جان باقتى ئادەم مەردلىكتىن بەكمۇ يىراقتۇر .مەرد كىشى ئۆزىنىڭ بارلىقىنى ئەل - ۋەتەن ئۈچۈن تەقدىم قىلالايدۇ . بالام ، شۇنىمۇ بىلگىنكى ئادەمنىڭ ئۆزىنى - ئۆزى ئىتىراپ قىلىشىمۇ مەردلىك جۈملىسىدىندۇر . سىنى كۆپتۈرۈپ ماختايدىغان خوشامەتچى ئادەمدىن ،كەمچىلىكىڭنى كۆرسىتىپ تەنقىتلەيدىغان ئادەمنى ئۆزۈڭگە ھەقىقىي كۆڭۈل بولدىغان ئەدەمكەن بۇ دەپ بىل . سەن ئۆزەڭنى ئىتىراپ قىلىپ ۋىجدانىڭغا غۇرۇرڭغا خىلاپلىق ئىش قىلىپ قويۇپ توۋا قىلالۇغۇدەك ئىرادىگە ئىگە بولالىغان چاغدا ئۆزۈڭدىكى ئىللەتلەرگە شىپا تاپالايسەن . مەنبە : ئەڭ چىرايلىق سۆزلۈرۈمدىن ئېلىدى .

izdinish

	پاھ ! ھەقەقەتەن بولىدىغان كىشىلەركەن ، بولۇپمۇ ، قەبزە !

izdinish

	قىيامەتتە _ «رەھىم» قىلغۇچىغا «رەھىم» قىلىنىدۇ ! قەبزىنىڭ شۇ كىيىككە قىلغان«رەھىمى» ئۈچۈنلا جانابى ئاللاھ ئۇنىڭغا قىيامەتتە «رەھىم» قىلسا ئەجەب ئەمەس ، ئامىن!!!

ئەنسار

	بەك ياخشى ھىكايىلەركەن لىكىن  سىز باشقۇرغۇچى بولغاندىكىن ئىملاغا دىققەت قىلىڭ. ، دەرسال ئارقىسىغا ياندى        .    ، كغن چۈش بولدى

OTYAK

	جاپا چېكىپسىز رەھمەت !

سۇمەييا

	تىما ئىگىسىگە كۆپ رەخمەت ياخشى ھىكايىكەن.

سېرداش

	ھەقىقەتەن ياخشى يېزىپ سىز

.tuz.

	ئەنسار يوللىغان ۋاقتى  2012-8-23 01:11 PM بەك ياخشى ھىكايىلەركەن لىكىن  سىز باشقۇرغۇچى بولغاندى ... سىزمۇ دىققەت قىلىڭ ھىكايە ئەمەس، ھېكايە ، لىكىن ئەمەس ، لېكىن ..... مەنمۇ قاتتىق دىققەت قىلمەن ~~~~

mehriban

	ھىكايىنىڭ  مەزمۇنى ياخشىكەن !! ئەجرىڭڭىزگە كۆپ تەشەككۈر ..

نەشتەر22

	ئەسسالامۇ ئەلەيكۇم! ھەقىقەتەن ئەقىل تاپىدىغان ھېكايىلەر ئىكەن. تېما يوللىغۇچىغا رەھمەت.