مەن قانداق قىلاي

.tuz.

	ھەر بىر تېمامدا بىردىن ئارتۇق ئەقىل بار،ئەقىل توپلاي دىسىڭىز كۆرۈپ بىقىڭ ~~~                                                              ئانا ، ئۇقۇپ بېرىڭ ، مەن قانداق قىلاي بالام ، بۇ دۇنيادا ھەرقانداق ھاياتلىق ھەمكارلىق ئاساسىدا تەرەققى قىلىدۇ . مەيلى سەن باشقىلار بىلەن تونۇشقىن ياكى تونۇشمىغىن ، ئۇلارنى ھەرگىز مەنسىتمەيدىغان ئىشنى قىلما . ئۇلارغا كولۇڭدىن كىلىشىچە ياردەم قىل ، ياردەمگە مۆھتاجلاردىن ،ياردىمىنى ئاياپ ياشايدىغانلار ياخشى ئادەم بولالمايدۇ . سەن بېلىپ - بىلمەي باشقىلاردىن ئايىغان ياردىمىڭنىڭ جازاسىنى ھامان بىر كۈنى تارتىپ قالىسەن . مۇنى ھېكايەتكە قارا : سودىگەر قېچىر بىلەن ئاتقا ئۆزىنىڭ ماللىرنى ئارتىپ بازارغا مىڭىپتۇ . ئەسلىدى قېچىر بىلەن ئاتقا ئارتقان ماللار ئوخشاش ئىكەن . قېچىر بىلەن ئات بىر ھازا ماڭغاندىن كېيىن ، قېچىر ماغدۇرسىزلىنىپ ئارقىدا قاپتۇ . ____ ئوبدان ئات ، ماڭا ياردەم قىلىپ يۈكلىرىمدىن ئازراق كۆتۈرشۈپ بەرسەڭچۇ ؟ مەن ھەقىقەتەن بولالماي قالدىم ،___ دەپ يالۋۇرۇپتۇ قېچىر ئاتقا ئىڭراپ تۇرۇپ . _____ كىم سىنى مۇشۇنداق يارىماس بولسۇن دەپتۇ ، سودىگەر خوجايىنىمىز بىزنى ئوخشاش ئىشلىتىدۇ ، ئوخشاش يۈك ئارتىدۇ ، بۇ ئادىللىق ئەمەسمۇ ، مەن ساڭا نمىشقا ياردەم قىلغۇدەكمەن . بىر ئاز ئۆتۈپ سودىگەر قېچىرنىڭ پەقەت بولالمىغىننى كۆرۈپ ، قېچېرنىڭ ئۈستىدىكى ھەممە مالنى ئاتقا ئاتىپتۇ . بىردەمنىڭ ئىچىدە ئات ھاسىراپ - ھۆمۈدەپ بولالماي نەپسىنى ئالالماي قاپتۇ . ئات ئىڭراپ تۇرۇپ مەن ھەقىقەتەنمۇ دۆت ئىكەنمەن ، بايام قېچىرغا ياردەم قىلغان بولسام ئەمدىلىكتە يۈكنىڭ ھەممىسىنى كۆتۈرمىگەن بولاتتىم ، ____ دەپتۇ . بالام ، باشقىلارغا ياردەم قىلغانلىق ئۆزىگە ياردەم قىلغانلىقتۇر . باشقىلارنىڭ يۈكىنى يەڭگىللەتكەنلىك ئۆزىنىڭ يۈكىنى يەڭگىللەتكەنلىكتۇر . باشقىلارغا ھەمكارلىشىپ ئاراملىق بەرگەنلىك ئۆزىگە ئاراملىق بەرگەنلىكتۇر . ئەگەر سەن ئۆزىڭگىلام   كۆڭۈل بۆلسەڭ ، بىردەملىك ئاراملىققا ئىرىشكىنىڭ بىلەن داۋاملىق ئىرشەلمەيسەن . شۇڭا بالام ، داۋاملىق باشقىلاردىن ياردىمىڭنى ئايىمىغىن . بىراۋ يولدا يىقىلىپ چۈشسە ئۇنى يۆلەپ قويغىن ، بىراۋ بىرەر نەرسىنى كۆتەرەلمىگەننى كۆرسەڭ كۆتۈرشىپ بەرگىن . يەنى ساڭا كىم بولىشىدىن قەتتى نەزەر قارا - قويۇق ياردەم بىرىۋەر دىمەكچى ئەمەسمەن . زالىمغا ، يامانغا ، دۈشمەنگە ..... ياردەم بەرسەڭ ئۇنى كۈچلەندۈرۈپ قويسەن شۇنداقلا يامانغا يان تاياق بولۇپ قالىسەن . ئەقلى تەپەكۇرۇڭنى ئىشلىتىپ تەدبىركار ھەم سەزگۈر بولۇپ ئويلىنىپ ئىش قىل ! بىر بۆرە قوي قوتۇنىغا ھۇجۇم قىلىپ قويلارنى يىمەكچى بولغاندا ، پادا ئىتى تەرپىدىن ئېغىر يارلىنىپتۇ . بۆرىنىڭ يارىسى ئىغىر بولغاچقا بەدەر قىچىپتۇ ۋە پىنھان يەرنى تىپىپ يارىسىنى يالاپتۇ . بىر كىچە ئۆتۈپتۇ . بۆرە قىمىرلىيالماي ئاغرىق ئازاۋىدا نالا - پەرياد چىكىپ ئىڭراپ يىتىپتۇ . ئەگەر مۇشۇنداق كىتىۋەرسە ئاچ قىلىپ ئكلمىسىمۇ ئۇسساپ ئۆلىدىكەن . دەل شۇ چاغدا بىر قوزا بۆرىنىڭ ئىڭرىغان ئاۋازىنى ئاڭلاپ قۇلىقنى دىڭ تۇتۇپ قاچىقىنى تەمشىلىپتۇ . ____ بۆرە ناھايتى بىچچارە قىياپەتتە ئىڭراپ قوزىغا يالۋۇرۇپتۇ . ______ ئوبدان قوزچاق ،ماڭا ياردەم قىلىپ دەريادىن ئازراق سۇ ئەكىلىپ بەرگىن ، مېنى قۇتقۇزۇپ قالساڭ تەشەككۈر ئىيتىمەن . مەن بىلىمەن قوزا دىگەن دۇنيادىكى ئەڭ ۋىجدانلىق مۇلايىم ، شۇ خىسلىتىڭنىڭ ھەق ھۆرمىتى ئۈچۈن بولسىمۇ ماڭا ئۇسسۇزلۇق ئەكىلىپ بەرگىن ، دەپ يىلنىپ يالۋۇرۇپتۇ . قوزا بۇرلۇپلا قىچىپتۇ ۋە بۆرىگە ؛ ئەگەر مەن ساڭا ياردەم قىلسام ، ئەڭ ئاۋال مىنى ئوزۇق قىلىسەن ئۇنىڭدىن كيىن باشقىلارنى ! سەن دىگەن بىر يىرتقۇچ مەلئۇن ! -- دەپتۇ . بۇزۇقلارغا ياردەم قىلغانلىق ، ئۇلار بىلەن بىرگە يامان ئىش قىلغانلىق ، ئۆزىگە بالا تاپقانلىق بىلەن باراۋەر . سېنىڭ باشقىلارغا ياردەم قىلىشىڭنى ، ئەمما ياردەمنى ياردەمگە ئەرزۈگىدەك ياخشى كىشىلەرگە قىلىشىڭنى ئۈمۈت قىلىمەن . مەنبە : ئەڭ چىرايلىق سۆزلىرىمدىن ئېلىدى .

abdulahad

	تۇلىمۇ پاساھەتلىك ئېيتىلغان ھېكمەتلەركەن،! رەھمەت !

xaripa2011

	بەك مەنىسى چۇڭقۇر ھىكايىلەركەن رەھمەت سىزگە!!!

sihriger

	ھەقىقەتەن  ئويلىنىشقا  تېگىشلىك  !!!

musilina

	ئوقۇپ ئويلۇنۇشقا،تۇرمۇش يوللىرىدا ئۆرنەك قىلىشقا تېگىشلىك مۇھىم نەسىھەتلەر ئىكەن.......

خۇش

	باشلانغۇچتا ئوقۇۋاتقان چىغىم ئىدى،بىر كۈنى مۇئەللىم بورە بىلەن قوزا دىگەن مەسەلنى ئوقۇپ بولۇپ بىزدىن سىلەر كەلگۈسىدە بۆرە بولامسىلەر ياكى قوزىمۇ دەپ سورىغان ئىدى ،ساۋاقداشلىرىم ھەممىسى بىز ئاق كۆڭۈل قوزا بولىمىز دەپ جاۋاپ بىرىشتى،پەقەت مەنلا مۇئەللىم مەن كەلگۈسىدە چوقۇم ھەممىنى قۇرقۇتالايدىغان بىر ياۋۇز بكرە بولىمەن دەپ جاۋاپ بەرگەنتىم. ھەر قىتىم مۇشۇ مەسەلنى ئوقۇساملا ھايات يولۇمدىكى نىشانىم يەنە بىر قىتىم چىڭىيدۇ، شۇ ئەمەسمۇ!  قوزا گەرچە ساددىلىقنىڭ سىموۋولى بولسىمۇ ئۇ بەرىبىر بورىگە يەم بولىدۇ،بورە ياۋۇزلۇقنىڭ سىموۋولى بولسىمۇ ئۇ ھامان ئوماق قوزىچاقلارنى قىلچە رەھىم قىلمايلا يالمىۋىتىدۇ. شۇڭا دەيمەنكى ساددىلىق بۇ مەغلۇبىيەتنىڭ ئانىسى ،ئەكىسچە ياۋۇزلۇق  مۇۋاپىقىيەتنىڭ دادىسى.

alma123

	ياخشىلىق يەردە قالماس

orhunogli

	يۈرەك كىسىلىنى داۋالايدىغان بەز تۈرلۈك ئىش بار،ئۇنى قىلغان ئادەم يۈرەك كىسىلىدىن خالى بولىدۇ.سالىھلار بىلەن ئالاقا قىلىش،كىتابۇللانى تەجۋىد بىلەن ئۇقۇش،ئاز يىيىش،كىچىدە ئىبادەت قىلىش،سەھەر سۈبىھىدە دۇھا قىلىش.

nadira

	باشقىلارغا غەمخورلۇق قىلىش، باشقىلارنىڭ ھىممىتىگە مىننەتدارلىق بىلدۈرۈش گۈزەل كىشىلىك پەزىلەت. بۇ پەزىلەتنى ھەركىم مەنىۋىيىتىگە سىڭدۈرەلىسە، كىشىلىك كامالىتىگە يېتىنىپ، ئىززەت – ھۆرمەت تاپالايدۇ. تەربىيىۋى ئەھمىيىتى  بار تېما يوللاپسىز .... رەھمەت.