ئازغۇنغا سوئال (ئوكيان)

okyan

	ئازغۇنغا  سۇئال ئاتا بۇ دۇنياغا كۆز ئاچقىنىمدا، سەن جىنايەت ئۆتكۈزۈپ تۈرمىگە كىرىپ كېتىپتىكەنسەن. چوڭ بولۇپ ئانامدىن سىنى سورىغىنىمدا ئۇ مىنى ئالداپ، سەپەرگە چىقىپ كەتكەنلىكىڭنى ،خېلى ئۇزاققىچە كىلەلمەيدىغانلىقىڭنى  ئېيتقانىدى. ئارىدىن ئۇزاق يىللار ئوتتى، سەبىيلىكتە تىزرەك قايتىپ كېلىشىڭنى كۈتتۈم. لېكىن ئەمدىلىكتە تۈرمىدە ئىكەنلىكىڭنى بىلىپمۇ يەتتىم ،ئانامغا يېلىنىپ سىنى كۈرۈش ئۈچۈن بىر نەچچە قېتىم تۈرمىگىمۇ باردىم .شۇ چاغدا ۋاقتىڭنىڭ بىرەر يىلچە قالغانلىقنى، ياخشى ئىشلەپ، جازا ئۆتەش مۇددىتىنى قىسقارتقاندىلا پات ئاردا بىز بىلەن جەم بولىدىغانلىقىڭنى ئېيتقان ئىدىڭ. مانا ھازىر ئارىدىن بىر يىل ئوتتى ،ئەمما يەنە تۈرمىدىن چىقالمىدىڭ ،ئاڭلىسام يەنە خاتالىق سادىر قىلىپ،جازا مۇددىتى قوشۇۋاپسەن .    ئاتا ،ئاتىسى بار بالا تۇرۇپ ئاتىسىز ياشىسام سەبىيلىك كۈنلىرىم نەلەرگىدۇر يىتىپ، كۆزلىرىمنى سېغىنىش ياشلىرى چىرمىسا،تارتىشقا تىگىشلىك بولمىغان جاپالارنى تارتسام، يۈرۈكىڭ قانداق چىدايدۇ؟ ئاتىلىق مەجبۇرىيىتىڭ مۇشۇلارغا يۇل قۇيامدۇ؟ سەن ئائىلىنىڭ تۈۋرۈكى، پاسىبانى ئىدىڭغۇ؟ ھەدىسىلا خاتالىق سادىر قىلىش،جىنايەت ئۆتكۈزۈپ  تۈرمىدە يېتىش سەن ئۈچۈن شەرەپمۇ؟ تۈرمىدە ياتقىنىمدا ئايالىم ،بالىلىرىم نېمە كۈنلەرنى كۆرۈۋاتقاندۇر؟ شۇنىڭ ئۈچۈن بولسىمۇ تىزرەك تۈرمىدىن چىقىشقا تىرىشاي دىگەنلەرنى بىرەر قېتىم بولسىمۇ ئويلاپ باقتىڭمۇ؟ سوخۇ تۇرىدىن ئېلىندى.

tamkin147

	تەسىرلىككەن،  ئەپسۇس ،  بۇ تېمىنى تۈرمىدىكىلەر ئوقۇيالمايدۇ-دە،،

bugaltir

	تۈرمىدىكىلەر  ئوقىيالمىسىمۇ   ،  جەمىيىتىمىزدە  تۈرمىگە  كىرىش  يولىنى تاللاپ  يۈرگەنلەر  ئازمۇ  ؟ ئاتا  - ئانىنى قاخشىتىپ  ، ئۇرۇق  - تۇققانلارنى بىزار قىلىپ  ، ئەل - يۇرتنى  غەزەپكە قويۇپ  ،  ھالال  - ھارام   ، گۇناھ   - ساۋابنى  ئايرىماي   لەنەت  ئىچىدە  ياشاۋاتقانلارغا  كېلىشتۈرۈپ بىر  قامچا  سالىدىغان  تېما  ئىكەن   .

ئەنسار

	ئاشۇ نارىسىدىلەردە نىم گۇناھ

xaripa2011

	ئەجەپ تەسىرلىك ھىكايىكەن !

abdulahad

	ئاددى بولغىنى بىلەن تۇلىمۇ تەسىرلىككەن.

白绿光

	بىر جۈپ ئاشىق-مەشۇق ئۇزۇن ئۆتمەي توي قىپتۇ . توي قىلىپ ، بىر قىز فەرزەنت كۆرۈپتۇ . ئەپسۇس ، كۆز تەككەندەكلا قىزنىڭ ئانىسى ۋاپات بوپتۇ . بۇ ۋاقىتتا قىز 4 ياشتا ئىكەن .       قىزنىڭ دادىسى بۇنى سەبى قىزىغا بىلىندۈرمەسلىككە تىرىشىپتۇ ۋە قىزغا بىلىندۈرمەيلا ئانىسىنى يەرلىككە قويۇپلا قىزىغا ئانىسىنىڭ يىراق سەفەرگە كەتكەنلىكىنى ، تەخمىنەن 6-7 ئايلاردىن كىيىن كىلىدىغانلىقىنى ئىيتىپتۇ .      شۇنداق قىلىپ يىرىم يىل ئۆتكەندە دادىسى ئۆيگە بىر ئايال خىزمەتچى ئەكەپتۇ ۋە ئۇ ئايالغا : « قىزىم ئانىسىنىڭ ۋاپات بولغانلىقىنى ئۇقمايدۇ ، سىز قىزىمنىڭ ئاپىسى ئورنىدا ئۇنىڭغا قارايسىز ۋە ئاپىسىنىڭ قازا قىلغانلىقىنى چاندۇرمايسىز » دەپ ئەسكەرتىپتۇ .      ئارىدىن بىر ئاي ئۆتكەندە قىز ھۇجرا ئۆيىدە بىر رەسىمگە قاراپ يىغلاۋاتقۇدەك . رەسىمدىكى ئايال قىزنىڭ ئۆلۈپ كەتكەن ئانىسى ئىكەن . دەل شۇ ۋاقىتتا ھۇجرىغا ھىلىقى ئايال خىزمەتچى كىرىپ قاپتۇ قىزنىڭ نىمىشقا يىغلىغانلىقىنى سوراپتۇ . قىز :   __ ئانامنى سىغىندىم ، سىز مىنىڭ ھەقىقىي ئانام ئەمەس ئەلۋەتتە ، ئەمما بۇنى دادامغا دىمەڭ ، چۈنكى دادام ئانامنىڭ ئۆلۈپ كەتكەنلىكىنى بىلسە قاتتىق ئازابلىنىدۇ . مەن دادامنىڭ ئازابلىنىشىنى خالىمايمەن __ . دەپتۇ ۋە يەنە ئۇ ئايالغا چىمچىلاق بارمىقىنى چىقىرىپ ، __ دادامغا ئانامنىڭ قازا قىلغانلىقىنى مەڭگۈ بىلىندۈرمەسلىككە ماڭا ۋەدە بىرىڭ . __ دەپتۇ .     بۇ ۋاقىتتا دادا ئىشكنىڭ يىنىدا تۇرۇپ كۆز يىشى قىلغىنىچە بۇ ئىشلارنى ئاڭلاۋاتقان ئىكەن .

okyan

	ھەي يامان يۇلغا ماڭغانلار پۇشايمان قىكسا بۇلاتتىدە.

marziyya

	راستىنلا تەسىرلىك ئىكەن ، بىر بالىغا ئاتا - ئانا بولغان ئىكەن ئۇلارنىڭ كىيىنكى تۇرمۇشىنىمۇ ئويلىنىشى كىرەك