ماقال-تەمسىللەر

mahatjan

	ماقال-تەمسىللەر          @    تامنىڭ يىقىلىشى زەيدىن،ئادەمنىڭ يىقىلىشى مەيدىن.            @   ئىسراپچىلىق نەدە، پىشانىسى تەرلىمىگەن يەردە.            @   چاينىمىغان غىزانىڭ لەززىتى يوق،چىللىمىغان مىھماننىڭ ئىززىتى يوق.           @   ئاتاڭنىڭ نەسىھىتىدە تاغ كۆكلەيدۇ،ئاناڭنىڭ نەسىھىتىدە باغ كۆكلەيدۇ.            @   يالغان گۇۋاھچى قاتىلدىن يامان.            @   يىغلىغاندىن ھال سورا،كۈلگەندىن پۇل سورا.           @   كۆڭۈلنىڭ تۈۋرۈكى-سەۋىر-قانائەت.            @   كۆڭلى بۇزۇق ھەمىشە باشقىلاردىن ئەيىپ ئىزدەر.            @   ھەسرەت سۆزدىن بىلىنەر،مۇھەببەت كۆزدىن.           @   ئۇزارتقىڭ كەلسە ئۆمرۈڭنى،ئورمانغا چۈمكە ئۆيۈڭنى.             @   ئاتا سۆزى پەرز،ئانا سۆزى قەرز.             @   تۇنجى ئىسمىڭنى ئاتا-ئاناڭ قويىدۇ،يامان ئىسمىڭنى ئۆزۈڭ.             @   تاغ يېنىڭدا بولسا ئوتۇندىن غەم قىلما،يار يېنىڭدا بولسا خوتۇندىن.             @   ھەق سۆزلىگەن ئالىمدۇر، خوشامەتچى زالىمدۇر.             @   سەپەردە ئۆزۈڭنى تۈز، سورۇندا سۆزۈڭنى.             @   پۇلۇڭ ئاز بولسىمۇ،تىلىڭ ساز بولسۇن.             @   ئادەمنىڭ ئەسكىسىدىن قاچ،ئىتنىڭ كاسكىسىدىن قاچ.             @   باغنىڭ زىننىتى گۈل، يانچۇقنىڭ زىننىتى پۇل.             @   ئەسكى تامدا قۇچقاچ تولا،يوقسۇلغا پۇتلاش تولا.             @ھاڭگاتېرەك نوغا يارىماس، قەلەندەر ئوۋغا يارىماس.                 مەنبە؛ مىللەتلەر ژورنىلى.

شاتئاي

	ئاتنىڭ ياخشىسى جەدە، يەرنىڭ ياخشىسى تەردە. ئارپا يەتمىش كۈندە پىشار، بۇغداي توقسان كۈندە پىشار. ئاشلىق بىر دەستە گۈل، ئوغۇت بىلەن بولدى مول. ئاش قۇلى، ئىش كېسىلى. ئالتۇن _ كولاشتىن، قوي _ بورداشتىن. ئالما تىككەننىڭ ئەمەس، كۈتكەننىڭ. ئالتىنچى ئايدا يەر ھەيدىسەڭ، ساپان ئالدىدىن ياغ تامار. ئامۇت كۆلدە بولۇر، ئانار چۆلدە. ئەتىياز _ كۆكلەم، ئەمگەك بىلەن كۆركەم. ئەل ساراڭدىن قورقىدۇ، ئەنجۈر باراڭدىن قورقىدۇ. باغ بولسا ئانار بولىدۇ. باغنى قىشتا كۆل قىل، يازدا چۆل قىل. بۇرۇن ئەككەن خامان قىلۇر، كېيىن ئەككەن ئارمان قىلۇر. بۇغداي تىغ بىلەن، قوناق قىغ بىلەن. بۇغداي دېگۈدەك:                           _ مېنى مۇزغا قىلىسەڭ، سېنى ئۇنغا مىلەيمەن. تال دەيدىكەن:                         _ ئېشىم يانتاق، ئىگەم جاللات بولسۇن. تالغا تىغ، كۆكتاتقا قىغ. تېرەك ياراتمىغان شورلۇق توغراققا ماڭار. تىكىۋەرسەڭ كۆچەتنى بىكار جايغا، ئايلىنىسەن بىر كۈنى كاتتا بايغا. چۈمۈلە يىغار، چاشقان يەر. تېرىساڭ بىر دانە، ئالىسەن مىڭ دانە. دەرىخى يوق بازاردىن، دەرىخى بار مازار ياخشى. ئەجىر قىلساڭ دەرياغا، مېۋىسى باياۋاندا. دېھقاننىڭ ئىشى پەسىل بىلەن، ھايۋاننىڭ كۆپىيىشى نەسىل بىلەن. زەر بىلەن ماختانما، يەر بىلەن ماختان. سامساق تىكسەڭ باش كۈز تىك. سۇ دېھقاننىڭ قېنى، يەر دېھقاننىڭ جېنى. سۇسىز بېلىق بولماس، قىرسىز تېرىق بولماس. سۇغا قانمىسا چۆل غېرىپ، غاز _ ئۆردەك قونمىسا كۆل غېرىپ. سۇ كېتىدۇ تاش قالىدۇ، سۇ تۇتمىغان ئاچ قالىدۇ. سۇ كېتىدۇ تاش قالىدۇ، ئوسما كېتىدۇ قاش قالىدۇ. سۆگەت سۇغا تويماس. سېغىز يەر _ مېغىز يەر. شور يەر _ پور يەر. قۇم يەر _ شۇم يەر. شاپتۇل بىلەن باغ قىلما، كۈل بىلەن تام قىلما. دوستۇم دەپ سىر ئېيتما، دوستۇڭنىڭمۇ دوستى بار. "دوستۇڭ" پوستۇڭغا ئولتۇرار. دوستۇڭغا باق، ئۆزۈڭدىن كۆر. دوستۇڭغا جاپا قىلما، دۈشمىنىڭگە ۋاپا قىلما. دوستۇڭغا راست سۆزلە، دۈشمەنگە ماختان. دوستۇڭنى بىلمەكچى بولساڭ سەپەرگە چىق. دوستۇڭنى توختاتما، يولىدىن قالار، دۈشمىنىڭنى توختاتما، سىرىڭنى ئالار. دوستۇڭنىڭ كۆڭلىدە قالغۇچە، دۈشمىنىڭنىڭ بوينى سۇنسۇن. دوستۇڭنىڭ ئېشىنى دۈشمەنگە يېگۈزمە. دوستۇڭنى يامانلىغاندىن قاچ. دوستۇڭ يۈزۈڭگە باقىدۇ، دۈشمىنىڭ ئىزىڭگە باقىدۇ. دوست ئېتىنى مىنگەنگە مەنزىل يېقىن. دوستى بارنىڭ بەختى بار. دوستى ياخشىنىڭ قەدىرى تىك. دۈشمەن نېمە دېمەيدۇ، چۈشكە نېمە كىرمەيدۇ. دۈشمەننىڭ ئېشىنى يېگۈچە، تاغنىڭ تېشىنى توشۇ. دۈشمەننىڭ يىراق - يېقىنى يوق. دۈشمەننى يېنىڭغا يولاتما، قارا ياغاچنى يېرىڭگە يولاتما. دۈشمىنىگە ئەركىلەپ، دوستلىرىغا رەنجىپتۇ. زەھەرلىك يىلاننىڭ تېرىسى يۇمشاق. سەھەر تۇرساڭ كەچ قالمايسەن، ياخشى بىلەن يۈرسەڭ ئاچ قالمايسەن. سۇنغان ئەينەك تۈزەلسىمۇ، سۇنغان كۆڭۈل تۈزەلمەس. سۆڭىكىڭ سۇنسىمۇ دۈشمىنىڭگە سىر بەرمە. سىرىنى بىلىپ دوست بول. سىنالمىغان دوست _ چېقىلمىغان ياڭاق. غەيۋەتخورنىڭ دوستى يوق. كونا پاختا بۆز بولماس، ئەسلى دۈشمەن ئۆز بولماس. مەككارغا ئالدانغان مالدىن ئايرىلار، دۈشمەنگە ئالدانغان جاندىن ئايرىلار. مېھمانغا تار بولغان، دوستىغا زار بولار. ئۆزۈڭنى بىر ماختىساڭ، دوستۇڭنى ئىككى ماختا. ئىگىسىنى تاشلاپ ساڭا ئەگەشكەن ئىتنى تاش ئېتىپ قوغلا. ياتنىڭ مېھمانخانىسىدىن، دوستۇڭنىڭ سامانخانىسى ياخشى. ياخشى دوستۇڭ جان دوستۇڭ، يالغان دوستۇڭ مال دوستۇڭ. يالغانچى دوست دۈشمەندىن يامان. يامان دوست سايىگە ئوخشاش. يولۋاسنىڭ بەستى يامان، دۈشمەننىڭ قەستى يامان。

白绿光

	كۆڭۈلنىڭ تۈرىكى سەۋىر قانائەت . مۇشۇ بىرسى ماڭا كۇپايە .

makadur

	ئاتنىڭ ياخشىسى تورۇق قىزنىڭ ياخشىسى ئورۇق

izdinish

	ماۋۇ ئىككىلەمچى « يەھۇدىلار » ئويدۇرۇپ چىققان ماقال - تەمسىللەردىن ھەزەر ئەيلەيلى: «گاھىدا ئاللاھ ۋە رەسۇل ، گاھىدا داپ ۋە ئۇسسۇل » «خۇدايىم بەسە ، پەيغەمبەر غىڭ قىلالماپتەك » «گەپنىڭ زىننىتى ماقال ، قېرىنىڭ زىننىتى ساقال»

tamkin147

	تۈنۈگۈنكى كۈنۈڭدىن بۈگۈنكى كۈنۈڭ، بۈگۈنكى كۈنۈڭدىن ئەتىكى كۈنۈڭ ئۇتۇقلۇق بولسا مۇۋەپپەقىيەت قازانغىنىڭ شۇ.

loituma

	مېنىڭ بىلىدىغانلىرىمنىڭ ھەممسى چىقىپ بوپتۇ......

bayhenim

	نۇرغۇن ماقال تەمسىللەرنى بىلمەيدىكەنمەن

asrari

	سۈتسىز ئېنەك تولا مۆرەيدۇ. ئات ئۆلسە ئىتنىڭ تويى بولار. چاشقاننىڭ ئېشىدا مۈشۈك مېھمان بوپتۇ. قارىغۇ مۈشۈككە ئۆلۈك چاشقان ئۇچراپتۇ. شاتىراق لايغا تاش ئاتما، گىرى قىزغا قاش. ئەتىيازدا قۇيماق يەپ، كەچكۈزدە كېكىرىپتۇ. رودىپاي ئەمەل تۇتسا، ئېغىلغا زەدىۋال تارتار. تولا قاقاخلىغان توخۇ تۇخۇمىنى ئوغرىغا بېرىپتۇ. كىشىگە ئامەت كەلسە، تۆگە مايىقى گۆھەر بولار. پاقا سوزۇلۇپ يىلان بولالماس، موماي ياسىنىپ جۇۋان. غازنىڭ مېڭىشىنى دورايمەن دەپ قاغىنىڭ پۇتى سۇنۇپتۇ. جاپا تارتقانغا توققۇزنى بېرىپتۇ، يېنى ياتقانغا ئوتتۇزنى. دېھقاننىڭ باغرى يەرگە قانماپتۇ، جۇۋاننىڭ باغرى ئەرگە. باخشىنىڭ كۈنى داپ بىلەن، يالغانچىنىڭ كۈنى لاپ بىلەن. زېرەك زىيانغا ئۇچرىسا ھۇشىدىن كېتەر، نادان زىيانغا ئۇچرىسا بېشىدىن

asrari

	تاغدا يۇلۋاس بۇلمىسا،مايمۇن پادىشاھ 山上无老虎，猴子称大王 يېراقتىكى تۇغقاندىن يېقىندىكى خۇشنا ياخشى 远亲不如近邻 ئاچكۆزنىڭ قۇرسىقى تۇيسىمۇ كۆزى تۇيماس 吃着碗里的看着锅里的 ساتىراش باشقا قارايدۇ، مۇزدۇز پۇتقا 庄稼人看天，打鱼人看潮 سانىماي تۇرۇپ سەككىز دېمە 别听风就是雨 سامساق ، ئۇنى يېگەننى تېنى ساق 大蒜是个宝，常吃身体好 ساندا بار، ساپادا يۇق 有量无质 سەت گېرىمگە ئامراق 丑婆娘好搽粉 ياخشى ئاتقا بىر قامچا ، يامان ئاتقا يۈز قامچا 好马一鞭，劣力千鞭 ياخشى بۇلماق مىڭ يىلچە، يامان بۇلماق بىردەمچە 学好前日不足，学坏一日有余 يارىنىڭ ئۈستىگە تۇز سەپمەك 火上浇油 ئۇيناشما ئەرباب بىلەن، ئەرباب سالۇر ھەرباب بىلەن 民不与官斗，鸡蛋碰不过石头 تېلى شېكەر ، دېلى زەھەر 口是心非 بەرمەسنىڭ ئېشى پېشماس 吝啬鬼锅里的肉永远熟不了 بەز يېمەيدىغان مۈشۈك يۇق 没有不吃腥的猫 جان بۇلسا جاھان،ئاش بۇلسا قازان 留的青山在，不愁没柴烧 جان كۈندە چېچەكلىمەس 花无百日红 جاھاندا مىك كىشى،كۆڭۈلدە بىر كىشى 情人眼里出西施 ئارتۇق گەپ ئېشەككە يۈك 话说三遍淡如水 جېننىڭ قەستى شاپتۇلدا 别有用心