شىنجاڭ كوماندىسى روزا ھېيتتا غەلبە قىلدى

چىمبۇلاق

	ئەسسالامۇ ئەلەيكۇم . بۈگۈنكى روزى ھېيتىڭلارغا مۇبارەك بولسۇن ، ئۇلۇغ ئاي ئۇلۇغ كۈنلەردە كەمىنە چىمبۇلاق بارلىق قېرىنداشلارغا تىنچ ئامانلىق ۋە سالامەتلىك ، چەكسىز خۇشاللىق تىلەيمەن ! بۈگۈنكى ھيېت كۈنلىرىدە خۇشھاللىق ئۈستىگە خۇشھاللىق بولۇپ ھەممىمىز كۆز تىكىۋاتقان شىنجاڭ كوماندىسى بۈگۈنكى مۇسابىقىدىمۇ ئۆزىنىڭ ياخشى روھى ھالىتى بىلەن مۇسابىقىنى ئۇتۇقلۇق تاماملاپ پۇتبۇل سۆيەر قېرىنداشلارنىڭ روزا ھېيتىغا ھېيتلىق سوۋغا سۇندى . كوماندىمىزنىڭ بۈگۈنكى ئىپادىسى ياخشى بولدى ، ماسلىشىش ۋە تېخنىكا جەھەتلەردە ئۆزىنىڭ رولىنى ياخشى جارى قىلدۇردى ، گەرچە ياخشى پۇرسەتلەرنىمۇ ھەم قولدىن بېرىپ قويغان بولسىمۇ ئەمما كوماندىدىكى ماھىرلىرىمىزنىڭ ئىزچىل تىرىشىشى بىلەن بۇندىن كېيىن تېخىمۇ ياخشى نەتىجىلەرنىڭ قولغا كېلىشىگە ئىشىنىمەن ! مۇسابىقە باشلىنىپ ئالدىنقى مەيداندا خېلى ياخشى ئۈنۈملۈك ھۇجۇملار ئېلىپ بېرىلدى ، كوماندىمىزنىڭ ئاساسلىق ھۇجۇمچىلىرىدىن ئەسقەر ۋە ئەخمەتجانلار خەتەرلىك توپلارنى قارشى تەرەپنىڭ ۋاراتاسىغا «سوۋغا قىلدى». مۇستافامۇ ئۆزىنىڭ يۇقىرى ماھارىتى بىلەن ۋاراتارغا خەتەرلىك توپلارنى تەپتى . ئالدىنقى يېرىم مەيدان مۇسابىقىدە 9 - نۇمۇرلۇق ئۈمىدلىك ماھىرىمىز ئەخمەتجان ئۆزى بىر مۇداپىيەچىنى ئالداپ ئۆتۈپ تولىمۇ چىرايلىق بىر توپنى ۋاراتارغا تەپتى ، توپ كىردى ... مەيدان گۈلدىراس ئالقىش سادالىرىغا چۆمدى . مۇسابىقە داۋاملىشىپ كېينكى يېرىم مەيدانغا بارغاندا كوماندا ئەزالىرى خېلى كۆپ ياخشى پۇرسەتلەرنى قولدىن بېرىپ قويدى ، شۇنداق بولسىمۇ 1:0 نەتىجە بىلەن خېبىي ياشلار كوماندىسىنى يېڭىپ قىممەتلىك بولغان 3 نۇمۇرنى ئالدى .

pinhanboy

	باركاللا!!!!

qog

	ماھىرلىرىمىزنىڭ ئايىمىگە مۇبارەك بولغاي،غەلبىسىگىمۇ مۇبارەك بولغاي!

natik

	رۇزى ھىيتلىق ئىسىل سوغا بوپتۇ ، رەخمەت تىمڭىزغا ، شىنجاڭ كۇماندىسنىڭ بۇندىن كىينكى ئىشلىرغا ئامەت تىلەيمەن ، غەيرەت قىلىڭلار قىرنداشلار بىز سىلەردىن پەخرلنىمىز.

tuntaxvixi

	ئۇيغۇر لاغا ھەقىقىى بىر ھىيتلىق بوپتۇغۇ بۇ ، داۋاملىق ھۇررا!!!

Nimjan

	مانا بۇ مەندەك دىلى سۇنۇققا بېرىلگەن كاتتا ھېيتلىق سوۋغا!

uyghur05

	ئەسلى خېلى يۇقىرى پەرى بىلەن يېڭىۋالاتتى ، لېكىن نۇرغۇن پۇرسەتنى ئۆتكۈزۋەتتى. شۇنداقتىمۇ يېڭىۋالدۇق. ھەر ھالدا روزى ھىيتتا كەلگەن قەدەملەر قۇرۇق قايتمىدى. ئەزىمەتلىرىمىزنىڭ ھېيتىغا مۇبارەك بولسۇن.

白绿光

	بىز ئۇلارغا مەدەتلىرىمىز ئارقىلىق ، ئۇلار نەتىجە ئارقىلىق بىر-بىرمىزگە ھىيىتلىق سوۋغات قىلىشتۇق . كارخانانىلىمىزنىڭ مۇشۇنداق پۇرسەتنى چىڭ تۇتۇپ ، ئىلانلارغا سالغان مەبلەغنى مۇشۇلارغا ئاتىغان بولسا ئىشىنىمەنكى ھىچ بولمىسا 60 مىڭ مەستانىنى جەلىپ قىلغان پۇتبول قىزغىنلىقى خۇشاللىقىدا ياشلىرىمىز چوقۇم شۇ كارخانىنىڭ مەھسۇلاتلىرىنى چوقۇم قوللايدۇ .

iksan1

	ياشاڭلا باللا

مىليون

	بەك ياخشى بوپتۇ،ئەزمەتلەر داۋاملىق ھۇررا...!  بەك ئەپسۇس بۈگۈن بېرىپ مەدەت بېرەلمىدىم