ئۇيغۇردىن نىمىشقا ئىقتىسادشۇناسلار چىقمايدۇ ؟

sargarda

	كىتاب  ـ  ئىنسان يولىنى  يۇرۇتقۇچى مەشئەل . كىتاب  ـ  ئىنسان  نەزەر دائىرىسىنى  كېڭەيتىپ  يېڭى  ئىددىيە ، ئىلھام  ، كۆرەش قىلىش روھىي ئاتا  قىلىپ  روھنى  ئۇرغۇتقۇچى   مەلھەم . كىتاب ـ ئىنساننى  مۇكەممەللەشتۈرۈپ  يۈكسەكلىككە ، بۈيۈكلىككە يېتەكلەيدىغان بىلىم بۇلىقىدۇر . ناۋادا   يۇقىرىدا  ئېيىتقانلىرىم  يالغان ـ قۇرۇق  گەپ بولسا ،  كىتاب ئوقۇپ ئۆگىنىش   بىلىم ئىگەللىشىمىزنىڭ  ھاجىتى   قالمايدۇ . كىتاب  ئوقۇشمۇ   چاكىنا  كىنو  كۆرۈپ  ۋاقىت ئىسراپ قىلغاندەك  ئىش  بولۇپ  قالىدۇ . گەرچە  بىر  مىللەت  يا  شەخىسنىڭ  ئېرىشىدىغان  بەخىت  ـ  خۇشاللىقى ، ئىقتىساد ( پۇل ) بىلەن ئۆلچەنمىسىمۇ  ، ئەمما    تەرەققىيات  ،  ساپا  ،  ئالاقە  جەريانىدا   ئىقتىساد كۆۋرۈكلۈك رول  ئوينايدۇ  .  نوپۇسى  بىزدىن  ئانچە  كۆپ  پەرىقلەنمەيدىغان  گىرمان ، يەھۇدىلارنىڭ دۇنياغا   خۇجا   بولۇپ  ئۆزىنى  قودرەت  تاپقۇزالىشى  ئىقتىساد  بىلەن  زىچ مۇناسىۋەتلىك . بۇنداق  دىسەم  بىر  قىسىم  تورداشلارنىڭ  :  <<  خۇدا  ،  مۇسۇلمانلارنىڭ  بۇ  دۇنيالىقىنى بەرمىگەن  ، ئۇ  دۇنيالىقىنى  بەرگەن  >>  دەپ  رەددىيە   بېرىشى  تۇرغان  گەپ . ئەمما  ،  خۇدا   بىزنىڭ   بۇ  دۇنيانىلا  ئويلاپ ئۇ  دۇنيانى  ئۇنتۇپ  قېلىشىمىز ئۇ  دۇنيانىلا  ئويلاپ  بۇ  دۇنيادىن  پەرۋاسىز  ئۆتۈپ  كېتىشىمىز  توغرۇلۇق  يوليۇرۇق بەرمىگەن  .  بىزنى   دۇنيادىكى   باشقا  قوۋملاردىن مۇكەممەل   قىلىپ  ياراتقان . بىزنىڭ  بۇ  دۇنيادىكى   ئورنىمىز   ، كىشىلىك  ھوقۇقىمىزنى  تېپىپ  قەددىمىزنى تىك تۇتۇپ ياشىشىمىز  ،  بىز   يارىلىشتىن   باشلاپلا  بولغان  ھوقۇقىمىز  . ناۋادا  راستىنلا  بىر  قىسىم كىشىلەر  ئېيىتقاندەك  بولسا  :  ئارىمىزدىن چىققان ئابدۇقادىر داموللام  ،  ئابدۇخالىق  ئۇيغۇر   ،  مەمتىئىلى ئەپەندىدەك  ئالىم  ، يازغۇچىللىرىمىز   <<  بۇ  زامان  غەپلەت  ـ  بىپەرۋالىق  زامانىي  ئەمەس  ، ئىزدىنىش ـ كۆرەش قىلىش  زامانىدۇر  . باشقا  مىللەتلەر   ئىلىم ـ  پەن  ،  ئىقتىساد   ساھەسىدە چاقنىماقتا  . سۇدا   قۇرۇقلۇقتا  ئۈزگەندەك  ئەركىن  ئۈزۈشمەكتە  ،  سامادا  پەرۋاز قىلماقتا .ھېچقانداق ئىشنى ئۆزلۈكىدىن  مەيدانغا  چىقرىشنى  ئاللاھ  ئادەت   قىلمىغاندۇر  . ھەر قانداق  ئىش   تىرىشچانلىق  ، ئىجتىھاد  بىلەن  بەرپا  بولىدۇ  >> دەپ نادانلىق  ،  جاھالەتكە خۇراپى   قاراشلارغا   رەددىيە  بەرمىگەن  بولاتتى  . تېخى  ئۇلۇغ  كىتابىمىز << قۇرئان >> دىكى  <<   ئىنساننىڭ  تىرىشچانلىقىغا   لايىق  نەتىجە  باردۇر>>،<<ھەر قانداق  قوۋم ئۆز  تەقدىرىنى  ئۆزگەرىتمىگۈچە ئاللاھ  ئۇنى  ئۆزگەرتمەيدۇ  >>  دەپ ئېيتىلغان مۇقەدەس  ئايەتلەرنى  بىزگە يەتكۈزۈپ  بىزنى  ئىزدىنىشكە  ،  تېرىشىشقا  يىتەكلەپ ئىلھاملاندۇرمىغان   بولاتتى ، تېمىغا  كەلسەك  :   ئانچە   ـ مۇنچە كىتابخۇمارلىق  تۈپەيلى  ، قايسى يۇرىت ـ شەھەرگە بارسام  كىتابخانىلارغا كىرىپ  قالىمەن  .  ئەمما   مىنى  ئەپسۇسلاندۇرغىنى ؛ ئۇيغۇر   يازغۇچىللىرىمىز   يازغان  ئىقتىسادشۇناسلىققا  ئائىت  بىرەر پارچە  كىتابنىڭ يوق بولۇپ چىقىشى  بولدى . بۇ  دېگىنىم  باشقا  ئىستىداتلىق   يازغۇچىللىرىمىز  ۋە باشقا ئىسىل كىتابلىرىمىزنى  چەتكە  قاققىنىم  ئەمەس  .   نېمىشقا   ئۇيغۇر  يازغۇچىلاردىن   ئىقتىسادشۇناسلار  ،  كىشىگە  ئىلھام  ـ ئۈمىد ، ئىشەنىچ بېغىشلايدىغان  ، يېڭىلىق  يارىتىش  ،  ئىگىلىك  تىكلەش  ،  تىجارەت ـ   سودا ، ئىنسان  يۇشۇرۇن كۈچىنى  بايقاپ   ،  ئىرادە   ـ ئىلھام  بېغىشلايدىغان  كىتاب يازىدىغانلار  چىقمايدۇ  ؟ مىنى  ئويلاندۇرغىنى   تور  ۋە  كىتاب  يازغۇچىلارنىڭ  كۆپىنچە  ھالدا  ئەھمىيىتى بولمىغان جەمىيئەتتىكى   بۇزۇقچىلىق  ،  بىرەر باي  ئەمەلدارنىڭ  ئاشنا  ئويناشلىرى ، تېخى ئەيمىنمەي كارىۋات  ئۈستىدە  بولىدىغان  ئىشلارغىچە  تەپسىيلىي  يازىدىكەنيۇ  ؟ يا   ئائىلىدىكى  تىراگىدىيە ،  بىرەر سىتودىنىتنىڭ  قانداقتۇر  كەچۈرمىشى  توغۇرلۇق   ئىشلارنى  قىزغىنلىق  بىلەن  بايان  قىلىدىكەن  .  بۇنداق  گەپلەرنى  ئالايىتەن  كىتاب تورغا چىقىپ  ئوقۇمىساقمۇ   ھەممىمىزنىڭ   ئاز  ـ  تۇلا   ئاچچىق قىسمەتلىرى  بارغۇ  ؟ ئۇنداقتا  ھەممە كىشى  شۇلارنى  يېزىپ  يۈرسە  قانداق  بۇلار  ؟  بىزدە   يازغۇچىلار نېمدىگەن  تۇلا  ؟ بىز   زادى قانداق  يازغۇچىلارغا مۇھتاج  ؟ نېمىشقا   شۇلار   بىز  ئاڭلىمىساقمۇ  بولىدىغان  ئەھمىيەتسىز  ئەسەر ،غەيۋەت ـ شىكايەت قۇرۇق   ۋەزخانلىق  يەنە قانداقتۇر بىر  نېمىلەرنى  يېزىشقا ئىشلەتكەن  كاللىسىنى ئۇقۇرمەنلەرگە  يېڭىچە   ئىددىيە   زوق  ، ئىرادە  ، كۆرەش  روھىي ، يېڭىلىق بېغىشلايدىغان ئەسەرلەرنى  يېزىشقا  ئىشلەتسە  نىمە  بۇلار  ؟ بۇغۇ  مەيلى  ،  ئەمما ئوقۇغان   كىشىگە    پۇل  ـ  ئىقتىساد  ، ھوقۇق  رەزىللىك  ، يامانلىق ،پەشكەشلىكنىڭ  مەنبەسى  دەيدىغان  سەلبىي  قاراشنى  شەكىللەندۈرۈپ ، ئوقۇرمەنلەرنىڭ  ئىددىيسىنى بۇرايدىغان  خاھىشلار  يوق  ئەمەس  ئەلۋەتتە  ... بىز   ،  پۇل  ـ  ئىقتىسادتىن  نەپرەتلەنمەسلىكىمىز  ، ئۇنى  توغرا  تەپەككۇرىمىز بۇيىنچە تەھلىل  قىلىشىمىز  زۆرۈردۇر  . پۇل   بىر  جانسىز  نەرسە  :  ئۇ ھېچقانداق  ھەرىكەت  ،  يامان  ئىشلارنى قىلالمايدۇ . مۇھىمى ـ ئۇنى  قانداق  تېپىش  ،  قانداق ئىشلارغا  ئىشلىتىش  مەسلىسىدۇر  . گەرچە   نامراتلىققا   شۈكرى  قىلىش  ،  توغرا  بولغان  ئىقتىساد  قارىشىنى ئىنكار قىلىش خاتالىقتۇر  .    گەپنى  يىغايلى  !  ئىقتىساد  تەرەققىي  قىلغان رەھىمسىز رىئاللىق  ئالدىدا  ، ئاھ ـ پاھ دەپ   شىرىن  ۋەدىلەرنى  بەرگەن   سۆيگەن  يارىڭىز  ،  بىر قۇرساقتا  ياتقان ، بىر ئەمچەكنى  ئەمگەن  قېرىنداشلىرىڭىزمۇ   بېشىڭىزغا  كۈن  چۈشسە  سىزگە ئەسقاتماسلىقى مۇمكىن  .  ئەمما   ئىككى   نەرسىلا   سىزگە   يۈزسىزلىك  قىلمايدۇ  .  بىرى   ئىتىقادىڭىز يەنە بىرى يانچۇقىڭىزدىكى   نەق  پۇل  . شۇنداق  ئىكەن   ،  توغرا بولغان  ئىقتىساد  ئىڭىمىزنى  يېتىلدۈرۈپ  ئەلنى  بېيىتىشقا يىتەكلەيدىغان   يازغۇچى  ، كىتابلىرىمىزنىڭ  چىقىشىنى  ئۈمىد  قىلىمەن . پارچە   ئەسىرىم   بىۋاستە  مۇنبەرگە  يوللانغاچقا  سۆز ـ جۈملىلەر  باغلاشمىغان ، ئىملادا خاتالىق  بولۇشى  مۇمكىن  .  قاملاشمىغان  بولسىمۇ  قاملاشتۇرۇپ  ،  پۇتۇڭلارنى ئالماشتۇرۇپ  ئولتۇرۇپ  كۆرگەچ  قىممەتلىك  تەنقىد ـ   پىكىرىڭلارنى بەرگەيسىلەر !

سەھرا ئوغلى

	ئەسسلامۇ ئەلەيكۇم قىرىنداشلار ! ئايىمىڭىلارغا مۇبارەك بولسۇن ! بارلىق تىمىغا مۇناسىۋەتسز ئىنكاسلار ئۆچۈرۈلدى ،مۇمكىن بولسا ئۇلۇغ ئاي -ئۇلۇغ كۈنلەردە بىر بىرسىمىزنى رەنجىتمىگەن ئاساستا تىمىنىڭ ئەسلىگە قايتىپ كەلسەك

peyaz

	سەھرا ئوغلى يوللىغان ۋاقتى  2012-8-19 12:16 AM ئەسسلامۇ ئەلەيكۇم قىرىنداشلار ! ئايىمىڭىلارغا مۇبارەك ... ۋەئەلەيكۇم ئەسسالام بىرگە بولسۇن !! سوقۇشماي ئىناق ئۆتەيلى !!!

peyaz

	nap~rat يوللىغان ۋاقتى  2012-8-19 12:23 AM بولىدۇ خەيىر ! بۈگۈن باشقۇرغۇچىلار ئۆزى ئوتتۇرغا چۈشۈپ ... بولدى خوتۇن كىشىدەك رەنجىمەي ،كەچۇرمەيمەن دىگەن گەپنى قىلىپ زىدىيەت ساقلىماي ئۆتەيلى !! ھېيتىڭغا مۇبارەك بولسۇن ،

izqin.com

	ھەرقانداق بىر ساھە ، يا كى كەسىپ شۇ جاينىڭ ئەمەلىي ئەھۋالىغا ماس كەلسە شۇنداق ئادەملەر كۆپلەپ چىقىدۇ ، مەسلەن : ئۇيغۇر مىللىتىمىز ئىنتايىن ناخشا ئۇسۇلغا ئامراق مىللەت شۇڭا ئارىمىزدا ناخشىچى ئۇسۇلچىلار كۆپ ، لېكىن بىزنىڭ نەدىمۇ ئىقتىسادنى تەتقىق قىلغۇدەك شارائىتىمىز بولسۇن . ئارىمىزدا ئىقتىسادشۇناژلا ئەمەس چىقىشقا تېگىشلىك نۇرغۇن كەسىپ ئەھلىلىرى كەم ، بۇمۇ بىر كۈنلەردە تۇلۇقلىنىپ قالغۇسى ، ئەگەر ئايغا چىقىش ئېھتىياجىمىز تۇغۇلسا بەلكىم ئايشارىغا چىقىلايدىغانلارمۇ چىقىدۇ ھەم بۇنىڭغا ئىشىنىمەن .

izdinish

	ﺋﺎﻛﺎ - ﺋﯘﻛﺎ ﻣﯘﺳﺎﺑﺎﻳﻼﺭ ﻧﯘﺭﺗﺎﻱ ﮬﺎﺟﻰﻡ  ﻛﯧﺮﻡ ﺋﺎﺗﯘﺷﻼﺭ ﺋﯘﻳﻐﯘﺭﺩﻯﻛﻰ ﺋﻰﻗﺘﻰﺳﺎﺩﺷﯘﻧﺎﺳﻘﺎ ﺗﻮﺷﻰﺩﯗ.

aziz33

	كەلگۈسىدە ،بىزدىنمۇ چۇقۇم ئىخساد شۇناشلار چىقىدۇ