ھېيت كۈنى(نازارەتچى)

nazaratqi

	ھېيت كۇنى قىز-يىگىتلەر تۈزۈشەر قامەت-سۇبات ھېيت كۈنى، ئۆي-ئۆيلەردە  دەملىنەي چاي ۋە ناۋات ھېيت كۈنى، كوچا-رەستە،مەيدانلار شۇنچە ئاۋات ھېيت كۈنى. دىيارىمدا باشقىچە كۈلەر ھايات ھېيت كۈنى! قۇتلۇق سەھەر،شەرقتىن سۈبھى كۈلۈپ باقىدۇ، مەزىن ياڭراق ئاۋازدا،توۋلاپ قۇلاق قاقىدۇ، چوڭ-كىچىك ھەم قېرى-ياش مەسچىت تامان ئاقىدۇ، دەبدەبىلىك-ئۆزگىچە، ناماز-سالات،ھېيت كۈنى! پارىغ بولۇپ نامازدىن چىقسا بارچە جامائەت، مەسچىت ئالدى قىزىيدۇ ۋاھ باشقىچە-ئالامەت، باشلىنىدۇ چوڭ كىچىك،كۆرۈشۈش،سالام-سائەت، بىر ھاياجان دىللارغا بولار قانات، ھېيت كۈنى. سەبىيلەرگە -ئاجىزغا ھېيتلىق بېرىش باشلىنار، تۈمەن-تۈمەن ئاقچىلار ئوتتۇرىغا تاشلىنار، ئاجىزلارنىڭ شادلىقتىن قارا كۆزى ياشلىنار، باراۋەردۇر بۇيەردە، باي-نامرات ھېيت كۈنى. تۇشمۇ-تۇشتىن ئاتلىنار زاراتگاھقا-مازارغا، مەرھۇملارنىڭ بېشىدا قول كۆتۈرۈپ دۇئاغا، ئۇلۇغ كۈننىڭ ھۆرمىتى،دەر يېلىنىپ خۇداغا، نالىلەردىن تىترەيدۇ  بۇ كائىنات، ھېيت كۇنى! قول بېرىشەر، ئۇزلىشار،قىلىشقانلار مالامەت، يۇيۇلىدۇ بۇ كۈندە بارچە گىنە-ئاداۋەت، ئۇلۇغ كۈنگە ئۇلاشتۇق،قىلاي-شۈكرى قانائەت- دىبان چۆرۈپ تاشلىنار ، پىتنە-پاسات،ھيت كۈنى! كۈلەر ھويلا ئاراملار، گۈل ھىدىدىن خۇش پۇراق، قىز-كېلىنلەر بەك تېتىك،كۆرۈنىدۇ ھەم ئۇماق، يارىشىملىق ئۈستىباش،تەبەسسۈمدە گۈل زىناق، كۈلكىسىگە دۇنيامۇ جۆر بولار شات، ھېيت كۈنى! پەتە بېشى،بىسمىللا، چوڭ ئۆيلەرنى يوقلايدۇ، چوڭ ئانىلار نەۋرىگە تاتلىق تۈرۈم ساقلايدۇ، نەۋرە-چەۋرە جەم بولۇپ،خوشال كۈلۈپ تاقلايدۇ، خۇددى باھار كەلگەندەك تال چىۋىق ئات، ھېيت كۈنى! بارچە ئەل شاد كۈلىدۇ، قۇتلۇق كۈندە-ئايەمدە، تەڭ كەلمەيدۇ ھېچنىمە، بۇ شادلىققا،ئالەمدە، تەرىپلىدى مۇھەممەت چولتا-ئاجىز قەلەمدە، قۇتلۇق دەملەر مەن ئۈچۈن زور ئىلتىپات،ھېيت كۇنى! مەنبە: ئىجادىيىتىم.

hekmat110

	مەن مەكتەپتە ھېيت كۈن.

pasibaneli

	ياخشى يېزىلىپتۇ، لىكىن خەت نۇسخسى ئۆلچەملىك ئەمەسقۇ؟

aptuwa

	ھېيت خۇشاللىقى ھەممىمىزگە ئورتاق بولسۇن .

azrat705

	5 يىل بوپتىكەن ئۆيدە ھېيىت دېگەننى ئوينىمغىلى ، مانا ئەمدى ئۆيدە ھېتىي ئۆتكۈزدىغان بولدۇم.

سۇمەييا

	ئەپسۇس مەن بار يەدە ھىتمۇ بولمايدىكەن شۇنداق كوەلۇم يىرىم يۇرتۇمدىكى ھىت خوشاللىقىنى سىغىندىم.

.forever

	مەن روزى ھىيتنىلا ئۆيدە ئۆتكۈزەلەيمەن ... بۇنڭغىمۇ  شۈكرى...

jasuryigit929

	ياخشى يېزىپسىز!!  سىز نىڭ ھەم بارلىق مۇسۇلمان قېرىنداشلارنىڭ ھېيتىغا مۇبارەك بولسۇن!!!

kigiz

	ھېيىت بولسىلا كۆڭلۇم يېرىم بۇلدۇ

yuzbixi

	پاھ، پاھ، پاھ... تېما ئىگىسى، رەھمەت جۇمۇ سىزگە! كارامەت ئىسىل شىئىر ئارقىلىق كۆڭلۈمنى يەنىمۇ ئىچىۋەتتىڭىز، ماڭا خۇددى ھىيىت بۈگۈندەك بىلىنىپ كەتتى، خى خى خ ..