نەزىرگە ئاتىغان پۇلنى سەدىقە قىلسام بولامدۇ ؟

bugaltir

	نەزىرگە  ئاتىغان پۇلنى سەدىقە قىلسام بولامدۇ   ؟ ئەسسالامۇ ئەلەيكۇم مىسرانىم جامائىتى !  ھەممىڭلارنىڭ  تېنىڭلارنىڭ  سالامەت  ، ئائىلەڭلارنىڭ  بەخىتلىك  ، ئىشلىرىڭلارنىڭ  ئۇتۇقلۇق  بولۇشىنى ، ئۇلۇغ ئاللاھتىن  تىلەيمەن  . مەخسەتكە  كەلسەم   ،  دادام  2012 - يىلى  5 - ئاينىڭ 25  - كۈنى  ( جۈمە )  تۇيۇقسىز  نەپەستىن قالدى . شۇ كۈنى ئەسىر نامىزىدىن كېيىن ، خوتەن شەھەر تەيۋىزىم مازىرىغا دەپنە قىلدۇق  . دادامنىڭ نەزىر - چىراقلىرىنى بىرىپ كەلدۇق  .  خوتەندە مۇنداق بىر ئادەت بار  ، يەنى  ، تۈگەپ كەتكەنلەرگە ئاتاپ  ، ھېيت كۈنى قازان ئېسىپ ، ھېيت نامىزىندىن يانغان جامائەتنى نەزىرگە چاقىرىش  . بىزنىڭ مەھەللىدە  ، بۇ يىل 8  كىشى  ئالەمدىن ئۆتۈپتۇ  ، ئۇقۇشۇپ باقسام ھەممەيلەن  ،  ئەتىكى يېڭى ھېيت نەزىرىسىگە  تەيرارلىق قىلىۋىتىپتۇ  . ئويلاپ قالدىم  ، جامائەت ھېيت نامىزىدىن يېنىپ  ،   ئاۋۋال تۇپراق بېشىنى يوقلاش ،  ئاتا -ئانىلارنى يوقلاش ....  ئاندىن نەزىرگە  بېرىش  ، بۇنىڭغا قانچىلىك ۋاقىت  كېتىدۇ ؟ قايسى بىر  ئۆيلەرگە  بېرىپ نەزىرگە قاتنىشىپ بولۇدۇ  ؟ ئۇنىڭ ئۈستىگە  رامىزاندا  ، كۆپ تاماق يىمەسلىككە كۆنگەن ئاشقازانلار   ھېيت كۈنىدىكى پولولارنى يەپ  بولالامدۇ  ؟ ئەڭ مۇھىم بولغىنى  ھېيت كۈنىدىكى جامائەت سانىنى مۆلچەرلىگىلى بولمايدۇ  ، شۇ سەۋەپلىك قانچىلىك ماتىريال چىقىرىپ  تاماق ئېتىمىز  ؟   تاماق يەتمەي قالسا  قانداق قىلارمىز  ؟ ئېشىپ قالسا  قانداق بىر تەرەپ قىلارمىز  ؟ بۇنىڭ ئىسراپچىلىقىدىن گۇناھكار بوپ قالارمىزمۇ  ؟  دىگەندەك كۆپلىگەن سۇئاللار كاللامنى چىرمىۋالدى  . ئاخىرى ئانام ۋە  ئىنى  - سىڭىللىرىم بىلەن مەسلىھەتلىشىپ ، نەزىرگە ئاتىغان پۇلنى سەدىقە قىلىۋىتىشنى ئويلاشقان  ، بىر  ئىنىمدىن باشقىلار  سەدىقە قىلىۋىتىشكە قوشۇلدى  .  شۇنىڭ بىلەن بىرگە ئائىلىمىزدە ،  بۇنداق قىلساق مۇۋاپىق بولارمۇ  ؟  ئەل -جامائەت نىمە دەر  ؟  باشقىلار جامائەتنى چاقىرسا بىز چاقىرمىساق  ، گەپ سۆز بوپ قالارمىكىن  ؟ دىگەن يېڭى بىر سۇئال كېلىپ چىقتى  . يۇقارقى مەسىلىگە  قارىتا  ، مىسرانىم مۇنبىرىدىكى دوسلارنىڭ   نەسىھىتىنى ئاڭلاش   ھەم بۇ خىل ئەھۋالنىڭ باشقا يۇرتلاردا قانداق بولىۋاتقانلىقىنى  ھەممەيلەن بىلىۋالساق   .

xohsanam886

	نەزىر دىمەك سەدىقە دىمەكتۇر،نەزىرنى يوقسىز ئاجىز مۇساپىرلارغا بىرىمىز،ئەممە ھەقاچان ھىييتا ئۆيىڭىزگە كىلدىغىنى قول ئىلىكىدە بار بايلار ياكى ھىچ بولمىغاندا ئاچ قالمايدىغان كىشىلەر،تەكلىۋىم پۇلنى سەدىقە قىلىڭ چۈنكى شۇ پۇل دادىڭىزنىڭ گۇناھلىرىنىڭ كاپارىتى بولدۇ،ئۇنى ھەققىقى كەمبەغەل يوقسۇزلارغا قەرىزدارلارغا بىرىڭ،اللە سىزدىن رازى بولسۇن؛ ئۇنىڭ ئۈستىگە بۇ سىلەرنىڭ يۇرتنىڭ قائىدىسىكەن،مۇنداقچى قىلىپ ئىيتقاندا بىتئەت دەمدۇق،نەزىرنىچۇ بىر قىتىم بىرىمىز،مىنىڭچە نەزىر پۇلنى سەدىقە قىلىشنى ئويلىغىنىڭىز بەكلا ياخشى بوپتۇ؛ ئەسكەرتىش،سەدىقىنى ئاۋال ئۆيدىكىلەرگە ئاندىن كەمبەغەل ئۇرۇق تۇققانلارغا ئانىڭدىن كىيىن قوشنىلارغا بىرىلىدۇ،بۇلارنىڭ ئىچىدىن نامراتلارنى تاپالمىسىڭىز ئاندىن ئۇقۇشۇپ سىرتلارغا بەرسىڭىز بولدۇ،داداىڭىز تۈگەپ كەتتى دىگەنلىك سىزلەرنى يىتىم بولدى دىگەن گەپ،ئۆيىڭىزدە توي قىلمىغان كىچىكلەر بولسا شۇلارغىمۇ ئازراق بىرىشىڭىز كىرەك،چۈنكى يىتىملەر سەدىقە ئىلىشقا ئەڭ ھەقلىق،ئۇلارغا بەرسىڭىزمۇ ئوخشاشلا سەدىقىغە ماڭىدۇ،مىنىڭچە ھازىر پەۋقۇلاتتە قىيىنچىلىقى بار كىشلەر ئاز،يەنە ياخشى ئامال يۇرتىڭىزدىكى ئاجىز كىسەل كىشلىلەرگە بىرىڭ،بىراۋنىڭ كىسىلىنى يوقلاش ئۇلارغا خەيىرسانلىق قىلىش ،باشقىلارنىڭ ھاجىتىدىن چىقىش ياخشىدۇر. ئۇلۇغ اللە دادىڭىزنىڭ شۇنداقلا بىزدىن ۋاقىتسىز خوشلاشقان بارلىق مەۋھۇملارنىڭ ياتقان يىرى جەننەتتىن بولسۇن،بىز ھەممىمىز ئۆلۈم تەمىنى تىتىغۇچىدۇرمىز اللە دەرگاھى ئەڭ ياخشى جايدۇر. ئايەم كەلدى،زىمىن كۈلدى،ئايەم مۇبارەك،بارچە مۇسۇلمان قىرىنداشلىرىمىزنىڭ ئايىمىنى قۇتلۇقلايمەن،خۇشاللىق ئامەت،اللەنىڭ سالامى ۋە رەھمىتى،بەرىكەتى مەڭگۈ يار بولسۇن؛

subat_kari998

	يىزىلاردىكى مەكـتەپلەرگە ياردەم قىلىڭ شۇ پۇل بىلەن. كىتاپ سىتىۋىلىپ ئاپىرىپ بەرسىڭىزمۇ، ياكى بالىلار ئۈچۈن باشقا پايدىلنىش قىممىتى بار ئوقۇش ماتىرياللىرىنى ئىئانە قىلسىڭىز بولىدۇ.

mahatjan

	بولىدۇ چۈنكى؛سەدىقىنى يوقسۇل، قىيىنچىلىقى بارلارغا بىرىدىغان گەپ.

nurmuhammat

	نەگەبەرسىڭىزمەيلى مەكتەپ تى كىباللارغاكىتاپ.ىپ بىردىغان ئىشنى قىلماڭ.خۇتەندەدوختۇرخانداكىسەل داۋالىتى دىغان نۇرغۇن ئادەملەرمۇ با ھەقچان شۇلارغىمۇبۇلدۇ؟ دادىڭىزغا ئاللاھ رەخمەتقىلسۇن؟

patkak

	yahxi oylapsiz sadika  kiliweting

بۇغداي

	نەزىر، سەدىقە دىگەنلەر ئەسلىدىنمۇ يىتىم -يىسىر ،غىرىپ - غۇرۋالارنىڭ ھەققى مەسچىتتىكى جامائەتكە بەرمەي جايىنى تىپىپ بىرىڭ.كىشى كەمبەغەل، ئائىلىسى مۇھتاج ۋە قەرزىدار تۇرۇپ سەدىقە بىرىشكە بولمايدۇ. ھەكىم ئىبنى ھىزام رەزىيەللاھۇ ئەنھۇدىن رىۋايەت قىلىنىدۇكى ،پەيغەمبەر ئەلەيھىسالام مۇنداق دىگەن: بەرگۈچى قول تىلىگۈچى قولدىن ياخشى،سەدىقىنى ئالدى بىلەن سەن تەمىنلەشكە تىگىشلىك ئادەملىرىڭگە بەرگىن ،بايلىقتا بىرىلگەن سەدىقە ئەۋزەل سەدىقىدۇر. كىمكى ئاللادىن كىشىلەردىن نەرسە تىلەشتىن ساقلاشنى تەلەپ قىلسا، ئاللا ئۇنىڭغا تىلىگىنىنى بىرىدۇ. كىمكى ئاللادىن بايلىقنى تىلىسە، ئاللا ئۇنى باي قىلىدۇ.

aysiman

	پۇلى يوق توي قىللانماي ئۆمۈرى ئۈتۈپ كەتكەن ياشلىرمىز  بار شۇلارنىنىڭ توينى قىلىپ قۇيىڭلار  ئەڭ چوڭ ساۋاپ ..............

taltograk

	تورداشلارنىڭ بەرگىنى ياخشى تەكلىپ بوپتۇ . نەزىرىنىڭ ئۆزىمۇ دەل سەدىقىدۇر . سەدىقە بىرىشتە ئائىلە ئەزالىرى ئىچىدە قورامىغا يەتمىگەنلەر ، ئۆيلۈك بولمىغانلار بولسا ، ئائىلە ئەزالىرىنىڭ قەرزى بولسا سەدىقە بىرىش دۇرۇس بولمايدۇ . ئادەم چاقىرىپ نەزىرە بىرىش بۇرۇنقى ئومۇمىيۈزلۈك كەمبىغەللىك دەۋرىدىكى ئىشلار . نەزىرە بىرىشتە داغدۇغا قىلىش ئەمەس بەلكى «ئوڭ قول بەرگەننى سول قول بىلمىگىدەك» (كۆز - كۆز قىلماي) دەرىجىدە مەخپى تۇتۇش لازىمدۇر . كۆپ ئادەمنى چاقىرساق نەزىرە يىيىش دۇرۇس بولمىغانلارنى خىجىل قىلىپمۇ قويىمىز ، تۆردىكىلەرگە چوڭ ، پەگادىكىلەرگە كىچىك قويۇپ ؛ ئەمەلدارلارغا قوينى ئۇچا قىلىپ ، پۇخرالارغا كالا گۆشى قويۇپ ، گۇناھمۇ ئارتىۋالىمىز ...... شۇڭا ئاز بولسىمۇ دەل جايىغا تەگكەن نەزىرە ئەڭ ياخشىسىدۇر . مىنىڭ شەخسى تەكلىۋىم . ئىمانى دۇرۇس ، نومۇسنى بىلىدىغان (سەدىقە تىلەپ چىقالمايدىغان) ، تۇل خۇتۇن يىتىم ئوغۇللارغا ، توي قىلالمايۋاتقان ، خەتنىسىنى قىلدۇرالمايۋاتقانلارغا ، مىيىپلارغا ، مۇساپىرلارغا (ئەلۋەتتە ئاۋال ئۇرۇق تۇغقان ، ئاندىن ئەللە مەھەللە ، ئاندىن سىرتقا) سەدىقە قىلغىنىڭىز ئەڭ مۇۋاپىقمىكىن .

hekmat110

	نامرات ئۇيغۇر ئوقۇغۇچىلىرىغا ئىئانە قىلىڭ!