ئۆچ ئالىمەن

ئا.ئا

	ئۆچ ئالىمەن ئالاھىدىن ئابدۇرېشىت كەلگەنىدىم كۈتۈپ ئوچىرەت، ئۆچ ئالىمەن، قالمىغانتى مەندە تاقەت، ئۆچ ئالىمەن، ئەمدى مانا كەلدى پۇرسەت، ئۆچ ئالىمەن، ئۆچ ئېلىشمۇ قالتىس راھەت، ئۆچ ئالىمەن، چىداپ تۇرۇڭ، سىزدىن دەھشەت ئۆچ ئالىمەن. ئۆچ ئېلىپقۇ بۇرنىڭىزدىن قان ئالمايمەن، كېرىكى يوق، سىزدىن يەنە جان ئالمايمەن، ئازراق بايلىق يىغىمەن شۇ، كان ئالمايمەن، نەخ ئالىمەن، مەنمۇ نېسى سان ئالمايمەن، يېزىپ سىزگە ئىككىلىك خەت، ئۆچ ئالىمەن. «خەت» دېگىنىم باغاق ئۆزى، بىلىۋېلىڭ، ئېغىر ئالماي تۇشمۇ-تۇشتىن ئېلىۋېلىڭ، تەييارلىقنى ئەمدى پۇختا قىلىۋېلىڭ، ھېلىقىنى چۆنتەككە نەخ سېلىۋېلىڭ، ئۆچ ئېلىشتىن شۇدۇر مەقسەت، ئۆچ ئالىمەن. ئۆي كۆچۈمەن، پەتىسىگە كېلىپ كېتىڭ، سىزمۇ ئوبدان يارىشىقىنى قىلىپ كېتىڭ، «پەتە» دېگەن نېمە زادى، بىلىپ كېتىڭ، قايتار چاغدا يەنە باغاق ئېلىپ كېتىڭ، رەنجىپ يۈرمەڭ مەندىن پەقەت، ئۆچ ئالىمەن. ئاڭلاپ ئۆيدە خوتۇنۇمنىڭ بۇيرۇقىنى، تەشتۈرىمەن قىزلىرىمنىڭ قۇلۇقىنى، ئۆتكۈزىمەن مۇراسىمنىڭ ئۇلۇقىنى، قىلىمەن ھەم بارۇ-يوقنىڭ سورۇقىنى، شۇنىڭ بىلەن تېپىپ شۆھرەت، ئۆچ ئالىمەن. بىلىپ قالدىم تۇل ئانامنىڭ ئويىنىمۇ، يەتمىش ياشتا مەخپى ئىشى-كويىنىمۇ، قىلىپ قوياي ئەمدى ئۇنىڭ تويىنىمۇ، سوۋغاتلاردىن بېزەي ئالتۇن بويىنىمۇ، مانا شۇنداق قىلىپ ھەرىكەت، ئۆچ ئالىمەن. خەتمە توينىڭ ئىشىمۇ بار، ئاڭلاپ قويۇڭ، ئۆيۈمدە ئەر كىشىمۇ بار، ئاڭلاپ قويۇڭ، قېرىسىمۇ-يېشىمۇ بار، ئاڭلاپ قويۇڭ، ساقايمىغان بېشىمۇ بار، ئاڭلاپ قويۇڭ، بۇ ئىشنى دەپ قىلماڭ غەيۋەت، ئۆچ ئالىمەن. ئىتىم ئۆلسە ھازىسىغا چىللىقىم بار، قىرىقىم بار، يەنە تېخى يىللىقىم بار، كەلمىسىڭىز كۆڭلۈم نازۇك، زىللىقىم بار، بىلەمسىزكىن، مېنىڭ شۇنداق خىللىقىم بار، زەھەر بەرسەم بىلىڭ شەربەت، ئۆچ ئالىمەن. مۇراسىملار ئاخىرلاشسا ئامالىم بار، دوختۇرلاردا يېتىۋېلىش خىيالىم بار، ئۆچ ئېلىشقا سىزدىن تولۇق ماجالىم بار، ئاڭلاپ تۇرۇڭ، سىزگە مۇنداق سۇئالىم بار: قىلالامسىز يەنە غەيرەت؟ ئۆچ ئالىمەن. ئۆچ ئېلىشنى سىز ئۆزىڭىز باشلاپ بەرگەن، ماڭا كۈندە تۆت-بەش باغاق تاشلاپ بەرگەن، قىچىشمىغان يەرنى موتاپ قاشلاپ بەرگەن، ئۆچ ئېلىشتىن كۆزلىرىمنى ياشلاپ بەرگەن، يەرگە بىر ھەم ئەرگە نۆۋەت، ئۆچ ئالىمەن! 2011-يىلى، 10-ئاينىڭ 10-كۈنى، يېڭىسار.

awyamatka

	ئالامەت شىئىركەن ماۋۇ.

ahmatmahat

	ياشاپ كەت ئالاھىدىن،شېئىرلىڭنى ئوقىمىغىلى ئۇزۇن بولۇپتىكەن، بەك تەسىرلەندىم،رەخمەت ساڭا!(ئېلىپ كەلگىن پىچاقنى........)تېمىسىدىكى شېئىرلارنى ھېلىھەم يېزىۋاتانسەن؟(چاخچاق)

joda☠

	قالتىس يىزىپ قويدىكەنسىز  ..

qog

	نىمىدىگەن مەناسى چوڭقۇر شىئىرلار بۇ!

musilina

	‹‹ساڭا بېقىپ مەن،ئىشىككە بېقىپ دەم››   ‹‹ئۇنداق قازانغا مۇندادق چۆمۈچ››دېگەندەك مانانى ئىپادىلەيدىكەنغۇ بۇ تىلى ئۆتكۈر شېئىر.....

توقماق

	مۇشۇنىڭ بىلەن ئالائىدىننىڭ ئىككى ساتىرىسىنى ئۇقۇدۇم،ھەرتەرەپلىمە پىشقان شېئىرلاركەن.ساتىرىك ئەدەبىيات تارىخىمىزدا قالغىدەك تىخمۇ كۆپ ئەسەرلەرنى يارىتىشىڭىزدىن ئۆمىتۋارمەن ۋە شۇنداق بولىشىغا ئىشەنمەي تۇرالمايمەن.ساتىرا ژانىرى خەلققە ئەڭ يېقىن،ئىجتىمائى ئۆنۆمى يۇقۇرى بىر جەڭگىۋار شەكىل.دەۋرىمىزدە ساتىرا قامچىسى بىلەن قامچىلاشقا تىگىشلىك مەسىلىلەر ئاز ئەمەس.بىزدە ساتىرا تىلى بىلەن يۇرۇتۇپ بىرىشكە تىگىشلىك بولغان ئاكتىۋىئال تېمىلار ئىشىپ- تىشىپ تۇرۇپتۇ.جاسارەت ئىگىلىرىلا بۇنداق تېمىلارغا مۇراجىئەت قىلالايدۇ.سىزنىڭ باشقىلارنىڭ قاش-قاپىقىغا ئەمەس،ئۆز قەلبىڭىزنىڭ نىداسىغا،يۆرۆگىڭىزدىكى ۋىجدان چاقىرىقلىرىغا قۇلاق سالىدىغان كىشى ئىكەنلىگىڭىز كۆرۆنۆپ تۇرۇپتۇ.ئەدىبىياتىمىزنىڭ كەلگۆسى ئۆزقەلبى،ئۆز ئاۋازى مەۋجۆت قەلەمكەشلەرگە مۇھتاج.

hoyuanjia

	باشلىق كەلسە چاي تۇتىمەن، دوستۇم كەلسە مۇش تۈگىمەن، تۇققۇنۇم كەلسە تىغ تۇتىمەن، جاندىن تويدۇم ،ئۆز ئۆزەمدىن ئۆچ ئالىمەن.

ahmatmahat

	توقماق يوللىغان ۋاقتى  2012-8-18 01:05 AM مۇشۇنىڭ بىلەن ئالائىدىننىڭ ئىككى ساتىرىسىنى ئۇقۇدۇم، ... بۇ شائىر 83-يڭللىرى ‹بۈگۈن› ناملىق بىر شېئىر يازغان ئىدى، ئۇزاق  ئۆتمەي بۇشېئىر خەنچىگە تەرجىمە قىلىنىپ بېسىلىپتىكەن،ھەقىقەتەن تىلى ئۆتكۈر  ئەزىمەت ئىدى،ئۇ  ماتىماتىكىدىكى تالانتى بىلەنمۇ  ھەممىگە تونۇش.ئۈمۈدۈم تاماقنى سەل ئاز يەپ،بىرئاز ئورۇقلىسا، ئۇزۇنراق ئۆمۈر كۆرسىكەن دەيمەن

banggi

	«ئەزىمەتكە قىساس قىرىق يىلدا كىچىكمەس»