قان بىلەن يېزىلغان << قۇرئان >>

@يۇرتۇم@

	يېقىندا بىر پارچە << قۇرئان كەرىم >> نىڭ قوليازما نۇسخىسى كىشىلەرنىڭ ئالاھىدە دىققىتىنى قوزغىدى . بۇ << قۇرئان كەرىم >> نىڭ باشقىللىرىدىن پەرىقلىنىدىغان يېرى شۇكى ، ئۇ پۈتۈنلەي سادامنىڭ قېنى بىلەن كۆچۈرۈلگەن ، شۇڭا بۇ كىتاب ئىلگىرى ئىراقنىڭ << دۆلەت بايلىقى >> دەپ قارىلىپ ، باغداتتىكى جەڭ ئانىسى مەسچىتىدە ساقلانغان . ئىراق ئۇرىشى باشلانغاندىن كېيىن ، سادام ئۆز ھالى بىلەن بولۇپ كېتىپ بۇ قان بىلەن يېزىلغان كىتابنى ئويلىغۇدەكمۇ بولمىغان . ھازىر سادام ھۆكۈمىتى ئاغدۇرۇلۇپ ، ساداممۇ قولغا چۈشتى . كىشلەر تويۇقسىز بۇ كىتابنى ئەسكە ئېلىشقاندا بولسا بۇ كىتاب ئاللىقاچان غايىپ بولغان . يېقىندا ئابباس شاكىر جەددا ئىسىملىك بىر ئىراقلىق خەتتات تويۇقسىز ئىئۇردانىيە ئاخپىرات ۋاستىلىرىگە ئۆزىنىڭ بۇ كىتابنى كۆچۈرۈپ چىققۇچى ئىكەنلىكىنى ئاشكارلاپ ، كىشىلەرنى بۇ كىتابقا بولغان قىزىقىشىنى تېخىمۇ كۈچەيتىۋەتتى . جەددا ئىراقتا ، ھەتتا ئەرەب دۇنياسىدا داڭقى بار بىر خەتتات بولۇپ ، ئىلگىرى ئۇ ئىراق سەنئەتچىلەر بىرلەشمىسىنىڭ ئەزاسى ، ئىراق سەنئەت ساھەسىدىكى ئىنتايىن پائالىيەتچان شەخس ئىدى . ئىئۇردانىيە << قانۇن نېزام >> گېزىتىنىڭ خەۋرىگە ئاساسلانغاندا ، بۇ داڭلىق سەنئەتكار 1998 - يىلىدىن كېيىن ، تويۇقسىز يوقاپ كەتكەن . ئەسلىدە ئۇ بىر سىرلىق ۋەزىپىنى - يەنى سادامنىڭ قېنى بىلەن << قۇرئان كەرىم >> نى كۆچۈرۈپ چىقىش ۋەزىپىسىنى تاپشۇرۇپ ئالغان ئىكەن . ئىگىلىنىشىچە ، ئەينى چاغدا سادامنىڭ چوڭ ئوغلى ئۇدەي قەستكە ئۇچرىغان بولۇپ ، قاتتىق ئازابلانغان سادام ئۆزىنىڭ ئاللاغا تەقۋادارلىقىنى بىلدۈرۈش ئۈچۈن ، ئۆزىنىڭ ساب قېنىدا << قۇرئان كەرىم >> نى كۆچۈرگۈزۈشنى نىيەت قىلغان ، بۇنداق قىلىش كۆپلىگەن مۇسۇلمانلارنىڭ نەزىرىدە بەخىتسىزلىكنى تۆگۈتىشنىڭ ئۆنۈملۈك چارىسى ھىسابلىناتتى . شۇڭلاشقا سادام داڭلىق خەتتات جەددانى ئەسكە ئالغان ھەم ئۇدەي داۋالىنىۋاتقان ئىبىن سىنا دوختۇرخانىسىدا ئۇنى قوبۇل قىلغان . شۇنىڭدىن ئىتىبارەن ، جەددا ئىككى يىلدىن ئوزۇنغا سوزۇلغان كۆچۈرۈش ئىشىنى باشلىۋەتكەن ،ئۇ زىيانكەشلىككە ئۇچراشتىن ئەنسىرەپ ، قاتتىق ئېھتىيات بىلەن ئىشلىگەن . ئۇ ئەسلەپ - يېڭى باشلىغاندا مەن خاتا يېزىپ قويۇشتىن ئەنسىرەپ ، دىققىتىمنى قاتتىق مەركەزلەشتۈرۈپ يازغاچقا ، ئاخشىمى خېلى ئوزۇنغىچە ئۇخلىيالمايتىم . بىرىنچى بېتىنى نەق بىر ھەپتە يازدىم ، كېيىن ئاستا - ئاستا كۆنۈپ قالدىم ، يېزىش سۈرئىتىممۇ تېزلەشتى ، ئەڭ ئاخىردا مەن ھەتتا بىر كۈندە بىر بەت كۆچۈرۈپ بولالىغۇدەك بولدۇم ، - دەيدۇ . باشقىلارنىڭ سادامنىڭ قېنىنىڭ راس ياكى يالغانلىقىدىن گۇمانلىنىدىغانلىقىغا قارتا جەددا مۇنداق دەيدۇ : - مەن ئۇ قانلارنىڭ سادامنىڭ قېنى ئىكەنلىكىگە قەتئىي ئىشىنىمەن . قان ھەر قېتىم پروبىركىغا قاچىلىنىپ ، قاتتىق مۇھاپىزەت ئاستىدا نىپىز كوروپكىدا ئېلىپ كېلىنىدۇ . ھەر قېتىم بىر پروبىركا ئىشلىتىپ بولۇپ، داۋاملاشتۇرشۇمنى ئىلتىماس قىلغىنىمدا ، ئادەتتە بىر نەچچە كۈن ساقلايمەن ، بىر قېتىم ھەتتا بىر نەچچە ھەپتىمۇ ساقلىدىم . مېنى نازارەت قىلىشقا قويۇلغان ئەمەلدارنىڭ ئېيتىشىچە ، زۇڭتۇڭنىڭ تەن سالامەتلىكى ياخشى بولمىغانلىقى ئۈچۈن قان ئېلىش مۇۋاپىق كەلمىگەن ئىكەن . جەددا يەنە كۆچۈرۈش جەريانىدا ، بىر تېخنىكىلىق مەسلىگە دۇچ كەلگەنلىكىنى ئېيتتى ، سادامنىڭ قېنى بەك قويۇق ھەم يېپىشقاق بولغانلىقتىن ، كىتاب يېزىشقا ماس كەلمەيدىكەن . كېيىن بىر بىئولوگ گلوكوزا سىناق دورىسى بىلەن قاننى سويۇلدۇرغىلى بولىدىغانلىقىنى ئۆگىتىپ بۇ قىيىن مەسىلىنى ھەل قىلىپ بەرگەن . 2000 - يىلى 9 - ئايدا ، سادامنىڭ 24 لىتىر قېنى بىلەن كۆچۈرۈلگەن 605 بەتلىك << قۇرئان كەرىم >> ئاخىرى پۈتكەن . بۇ قان بىلەن كۆچۈرۈلگەن كىتابقا ھەددىدىن ئارتۇق زېھنىنى خوراتقان جەددا قارىغۇ بولۇپ قالغىلى تاس قالغان . ھازىر ، بۇ قان بىلەن كۆچۈرۈلگەن كىتابنىڭ ئىز - دېرىكى توغرۇسىدا نۇرغۇن قاراشلار بار : بەزىلەر ئۇنى ئامېرىكىلقلار جىممىدە كۆيدىرۋەتتى دېيىشسە ، يەنە بەزىلەر ئۇنى سادامنىڭ ياقلىغۇچىلىرى يوشۇرۇپ قويدى ، دېيىشمەكتە .                             مەنبە : ئەدەبىي  تەرجىمىلەر

bah

	مەن ئۇ كىتابنى توردا كۆرگەندەك قىلىمەن

ANSWER

	قۇرئاننى قان بىلەن يىزىش ئنتايىن قەبىھ گۇناھ !

白绿光

	ئىنسان ئىزىز قىلىپ يارىتىلدى . ئەلۋەتتە بەدەنلىرىنىڭ بىر قىسنىمۇ قاتتىق قوغدىشى كىرەك . چۈنكى بۇ ئاللاھنىڭ ئىزىز قىلىپ ياراتقان مۈلكى . بىر قىتىملىق تەبلىغتە ئىمام ئاخۇننىڭ ئىنسان تىرنىقى ۋە چاچلىرىنى ئالغاندىن كىيىن قالايمىقان تاشلىسا بولمايدىغانلىقىنى ، ئامال بار چىرايلىق گۈللەرنىڭ توپىسىغا كۈمۈۋەتسە ياخشى بولىدىغانلىقىنى ، ئيىتقان ئىدى . چۈنكى بىز ئاللاھنىڭ ئامانىتى . بىرەيلەننىڭ بىر پۇتىنى كىسىپ ئىلىۋتكەندە شۇ كىسىلگەن پۇتىنى يەرلىككە قويغانلىقىنى  شۇ يەرلىك ئازراق جامائەت بىلەن يەرلىككە قويغانلىقىنى ئاڭلىغان ئىدىم . ئەمدى بۇنىڭغا نىمە دىيىشىمنى بىلەلمىدىم . بۇ دۇنيادا ئەڭ ئۈستۈن يارىتىلغىنى ئىنسان ، ئەڭ تۆۋەن قىلىپ يارىتىلشىنى چوشقا دەپ ئويلايمەن .

tumurkala

	ANSWER يوللىغان ۋاقتى  2012-8-18 12:18 AM قۇرئاننى قان بىلەن يىزىش ئنتايىن قەبىھ گۇناھ ! مەنمۇ شۇنداق قاراشتا،ئاللاھ تائالا قاننى ھارام قىلغان!بىراق سادام بىلەن كازافىنىڭ ئىككىلىسىنىڭ شۇنچە ئاسان ئۆلتۈرۈلگىنى كاللامدىن ئۆتمەيدۇ،بۇ ئىككىسى پان ئەرەبىزىمچىغۇ دەيمەن،ئىران ئاشۇ ئۇرۇشتا ھازىر ئۆزى ئەڭ ئۆچ بىز دەۋاتقان ئامىرىكا بىلەن بىرلەشكەنغۇ دەيمەن!

uyghur05

	رەسىمى يوقمىكەن ، بولسا بىر كۆرەپ باقساق بوپتىكەن.

白绿光

	سادامنى دارغا ئاسماي ، باسما زاۋۇتىدا باسىدىغان ئىشكەنتۇق .

kaliptax

	bah يوللىغان ۋاقتى  2012-8-18 12:11 AM مەن ئۇ كىتابنى توردا كۆرگەندەك قىلىمەن رەسىمىنى ئېۋەتىپ قۇيۇڭە ئەمسە

saba01

	قاندا قۇرئان يېزىش بۇ مۇستەبىت جاللاتنىڭ خەلققە ياخشى كۆرۈنۈش ئۈچۈب ئوينىغان ئويۇنى . خالاس .

banggi

	ئاللا قاننى ئادەملەرگە يىيىشكە  ھارام قىلغان،  مۇققەددەس كىتاپنى ھارام نەرسە بىلەن يازسا بۇ قۇرئانغا قىلىنغان ھاقارەت. بۇنىڭ باشقا ھارام  نەرسە بىلەن يازغاندىن نىمە پەرقى ؟