ھەپتە ئاخىرىدىكى ئارامىڭلارغا : ___ يۇمۇر

taltograk

	ھايات ۋە مامات ئۈچ ئادەم ھايات ۋە مامات توغرىلىق پاراڭلىشىپ قاپتۇ . _ ئۆزۈڭلارنىڭ ماتەم مۇراسىمىدا قانداق سۆزلەرنى ئاڭلاشنى بەك خالايسىلەر ؟ _ دەپتۇ ئارىدىن بىرى . _ مەن باشقىلارنىڭ مىنى ھايات ۋاقتىدا ياخشى دوختۇر ئىدى ، دەپ ماختىغىنىنى ئاڭلاشنى بەك ئارزۇ قىلىمەن ، _ دەپتۇ بىرىنچى ئادەم . _ مەن كىشىلەرنىڭ مېنىڭ ھايات ۋاقتىمدا ياخشى ئوقۇتقۇچى ئىكەنلىكىمنى ، مېنىڭ نۇرغۇنلىغان ئوقۇغۇچىلارنىڭ كەلگۈسىنى ئۆزگەرتكەنلىكىمنى تەرىپلەپ ماختىغىنىنى ئاڭلاشنى ئارزۇ قىلىمەن ، _ دەپتۇ ئىككىنچى ئادەم . _ مەن باشقىلارنىڭ "ئاھ خۇدا ، ئۇ مىدىرلاۋاتىدۇ" دىيىشىنى ھەممىدىن بەك ئۈمۈت قىلىمەن ، _ دەپتۇ ئۈچىنچى كىشى . كۆرگەزمە كۆرۈش بىر جۈپ ئەر - خوتۇن موزېيدا سەنئەت ئەسەرلىرىنى كۆرۈپتۇ . كۆزى يىراقنى كۆرەلمەيدىغان ئايالى بىر ئەسەرنىڭ ئالدىدا تۇرۇپ ، ئېرىگە : _ قاراڭ ، بۇ مەن ھاياتىمدا كۆرگەن ئەڭ سەت بىر پارچە رەسىم ئىكەن ، _ دەپتۇ . ئېرى دەرھال ئايالىنى تارتىپ ، پەس ئاۋازدا : _ كېلىڭ قەدىرلىكىم ، بۇ رەسىم ئەمەس ، بەلكى بىر ئەينەك ئىكەن ، _ دەپتۇ . رەددىيە ماشىنا ھادىسىسىگە ئۇچراپ پۇتى يارىلانغان بىرەيلەن سوتتا شوپۇرنىڭ 50 مىڭ يۈەن تۆلەم بىرىشىنى تەلەپ قىپتۇ . شوپۇر : _ مېنى مىليۇنىرمىكى دەپ قالدىڭمۇ ؟ _ دەپ ۋارقىراپ كېتىپتۇ . _ ئۇنداقتا ، سەن مېنى سەكسەنپۇتمىكى دەپ قاپسەندە ؟ _ دەپتۇ يارىلانغۇچىمۇ بوش كەلمەي . تەجرىبەم مول ئادەم تەكلىپ قىلىش ئىمتىھانىنىڭ يۈزتۇرانە ئىمتىھانى ئېلىنىۋاتقاندا ، كادىرلار بۆلۈمنىڭ مەسئۇلى تەكلىپ قىلىنغۇچىدىن سوراپتۇ : _ رەھبەرلىك قىلىش ۋە تەشكىللەش ئىقتىدارىڭىز قانداقراق ؟ _ شۇنىمۇ سوراش كېتەمدۇ ؟ _ دەپتۇ تەكلىپ قىلىنغۇچى پەخىرلەنگەن ھالدا ، _ ئىلگىرى ئىشلىگەن شىركەتتە ئىشچىلارنى كۆپ قېتىم ئىش تاشلاشقا تەشكىللىگەنمەن . پال ئاچقۇزۇش بىر كىشى باغچا ئايلىنىۋېتىپ ، تەسۋى سىرىپ ئولتۇرغان پالچىنى كۆرۈپ قاپتۇ - دە ، خوشاللىق بىلەن ئۇنۇڭ ئالدىغا بېرىپ ئولتۇرۇپتۇ. پالچى ئۇنىڭغا بىر ھازا قارىۋەتكەندىن كىيىن : _ ئىككى بالىنىڭ ئاتىسىكەنسىز ، _ دەپتۇ . _ ھىم ! _ ئۇ سىزنىڭ قارىشىڭىز ، _ دەپتۇ ھېلىقى كىشى مەنسىتمەي ، _ مەن ئۈچ بالىنىڭ ئاتىسى . _ ھىم ! _ دەپتۇ پالچىمۇ ئۇنىڭغا مەنسىتمەسلىك بىلەن قاراپ ، _ بۇمۇ سىزنىڭ قارىشىڭىز . كىم بىر يۈەن بىرىدۇ ؟ ئوغلىنىڭ خەجلەيدىغان پۇلى قالماي ئاتىسىدىن پۇل سوراپتىكەن ، ئاتىسى يانچۇقىدىن بىر يۈەنلىك تەڭگە چىقىرىپ ئوغلىغا تەڭلەپتۇ . _ بىر يۈەن بەك ئاز بولۇپ قالدى ، ئۇنىڭغا نىمە كېلىدۇ ؟ _ دەپتۇ ئوغلى ئاغرىنىپ . ئاتىسى ئوغلىغا تەربىيە قىلىپ قويۇشنى ئويلاپ "تاما - تاما كۆل بولار" دىگەندەك ھېكمەتلەردىن كىيىن مۇنداق دەپتۇ : _ بىر يۈەن گەرچە ئاز بولغىنى بىلەن ، بىر يۈەندىن يىغساڭ پۇلۇڭ تېزلا كۆپىيىدۇ . ئالايلۇق ، پۈتكۈل مەملىكەتتىكى بىر مىليارد 300 مىليۇن ئادەمنى ساڭا بىر يۈەندىن بەردى دېسەك ، سەندە بىر مىلىيارد 300 مىليۇن يۈەن پۇل بولغان بولىدۇ ، گېپىم ئورۇنلۇقمىكەن ؟ _ بىراق ، _ دەپتۇ ئوغلى قايىل بولماي ، _ مېنىڭ بىر مىليارد 300 مىليۇن ئاتام يوق - دە ! مەنبە : شىنجاڭ مائارىپ ژورنىلى ، 2010 - ، 2012 - يىللىق سانلىرى

BAHADER1

zoom

	سەن مېنى سەكسەنپۇتمىكى دەپ قاپسەندە ؟ مۇنۇ يۇمۇرغا تازا كۈلۈپتىمەن

gitlir007

yaro

	يىىزىمىزغا يۇقۇردىن تەكشۈرۈش ئۆمىگى كەپتۇ نامرات دىخانلىنىڭ ھال كۈنى قانداراق دەپ تەكشۈرىمىز دەپ. ساختىپەزلە نامرات ئائىلىلەرنى قوياپ مەلىنىڭ دوقمۇشىدىكى خېلى ھاللىق مەرۇپكامنىڭ ئۆيىگە ماڭدى، بىزمۇ كەينىدىن باردۇق، بىر شەلىك يوغان قوساق كادىر تاماقنى جىق يەۋالغانمۇ غىڭڭىدە قىلىپ يەل قويۇۋىتىپتى ئەمما ھەممەيلەن ئاڭلىدۇق بىراق چاندۇرمىدۇق، ئۆزى بەك ئىزا تاتىپ كەتكەنمۇ چاندۇرماي ئىتتىكلا « مەرۇپكا ما دالان ئۆيەڭنىڭ گىلەملىرى ھەجەپ ئىسىلكەن ھە › دەپ تۇرۇشىغا مەرۇپكام موخۇركىسىنى قاتتىق بىر شورىۋىتىپ ‹ ساراي ئۆينىڭ گىلەملىرىنى تىخى كۆرمىدىڭ ئۇكا، ساراي ئۆينىڭ گىلەملىرىنى كۆرسەڭ چىچىۋىتىسەن› دەپتى ھەممەيلەن تازا كۈلدۇق.

rahmansaykin

	ھەممىدىن ھايات-مامات توغىرىسىدىكى يۇمۇرغا بەك كۈلۈپتىمەن . ئاڭلاپ باقمىغان يۇمۇرلاركەن ، رەخمەت سىزگە!

diyarm

	{:31:}{:31:}{:31:}{:31:}{:31:}{:31:}{:31:}{:31:}{:31:}{:31:}{:31:}

uyghur05

	رەددىيە دىگىنى بەك قىززىقكەن.

alemm

	ھاھاھا،،،،،  ھىلىقى       مەنسىتمەستىن،،،،،،،دىپتۇ،،،،،بۇمۇ  دىشنىڭ  قارىشىڭىز،،،،