دۈشمەن سېنى ئۇلۇغ ۋە مەشھۇر قىلىۋېتىدۇ

.tuz.

	بىر زوئولوگ ئافرىقا يايلىقىدىكى ئوۋرانىچ دەرياسىنىڭ ئىككى قىرغىقىدا ياشايدىغان بۆكەنلەر توپىنى تەتقىق قىلغان ئىكەن . ئۇ شەرقىي قىرغاقتىكى بۆكەنلەر توپىنىڭ كۆپىيىش ئىقتىدارىنىڭ غەربىي قىرغاقتىكىدىن كۈچلۈك ئىكەنلىكىنى بايقاپتۇ . ئەمما بۇ بۆكەنلەرنىڭ ھاياتلىق موھىتىۋە تۇرىمۇ ئوخشاش ، يەم - خەشەكنىڭ مەنبەسىمۇ ئوخشاش ئىكەن . شۇنىڭ بىلەن ئۇ ھەر ئىككى قىرغاقتىن ئون تۇياقتىن بۆكەننى تۇتۇپ ئۇلارنى قارشى قىرغاققا قويۇپ بېرىپتۇ . شەرقىي قىرغاققا ئېلىپ كېلىنگىنى  بىر يىلدىن كېيىن كۆپۈيۈپ 41 تۇياق بوپتۇ . غەربىي قىرغاقتىكى ئون تۇياق بۆكەندىن ئاران ئۈچ تۇياق ھايات قاپتۇ . ھازىر سەن چوقۇم چۈشەنگەن بولىشىڭ  مۇمكىن . شەرقىي قىرغاقتىكى بۆكەنلەرنىڭ كۈچلۈك بولۇشىنىڭ سەۋەبى بولسا ئۇلارغا يىقىن ئەتراپتا بىر بۆرىلەر توپى ياشايدىكەن . غەربىي قىرغاقتىكى بۆكەنلەرنىڭ ئاجىز بولىشىنىڭ سەۋەبى دەل مۇشۇنداق بىر توپ كۈشەندىنىڭ كەم بولغانلىقى ئىكەن . كۈشەندىسى يوق ھايۋانلار ھەمىشە يۇقۇلىدۇ . كۈشەندىسى بار ھايۋانلار تەدرىجى كۆپۈيۈپ تەرەققى قىلىدۇ . تەبىئەتتىكى بۇ خىل ھادىسلەر ئىنسانلار جەمىيىتىدىمۇ مەۋجۇت . دۈشمەننىڭ كۈچى بىر ئادەمنىڭ يوشۇرۇن ئىقتىدارىنى جارى قىلدۇرۇپ كىشىنى ھەيران قالدۇردىغان نەتىجىنى بارلىققا كەلتۈرىدۇ ، بولۇپمۇ دۈشمەن كۈچلىنىپ ھاياتىڭغا تەھدىت سالغان ۋاقىتتا ، دۈشمەن ئارقاڭدا بولۇپ ، ئازراقلا تىرىشمىساڭ ھالاكەت ھەم خەتەرگە ئۇچرايسەن . ھاياتىڭدا چوقۇم ھەر خىل رىقابەتچىگە ئۇچرايدىغانلىقىڭنى مەن تەسەۋۋۇر قىلالايمەن ، ئەمما قىلچە ئەنسىرمەيمەن . چۈنكى دۈشمەن قوش بىسلىق خەنجەرگە  ئوخشايدۇ . ئۇ ساڭا تەھدىت ئېلىپ كىلىشىمۇ سېنى ئالغا ئىلگىرلىتىدىغان ھەركەتلەندۈرگۈچ كۈچ بولۇپ قىلىشىمۇ مۈمكىن . مېنىڭچە سەن چوقۇم «خاتىرجەم بولۇش » دېگەن بۇ سۆزنى ئاڭلىغان بولۇشىڭ مۇمكىن . رېئال تۇرمۇشتا دۈشمىنىگە ئۆچ بولۇشنىڭ ھاجىتى يوق .ئەگەر چوڭقۇر مۇلاھىزە قىلىپ باقساڭ سېنى ھەقىقى مۇۋەپپەقىيەتكە ئۈندەپ سېنىڭ مەردانە قەدەم  تاشلىشىڭغا ئىلھام بىردىغىنى تۇرۇشلۇق موھىت بىلەن باياشاتلىق ، دوستلىرىڭ بىلەن تۇققانلىرىڭ بولماستىن ، بەلكى دائىم سېنى ئۆلۈم گىرداۋىغا ئاپىرىپ قويدىغان زەربە ، ئوڭۇشسىزلىق ھەتتا ئەزرائىل ئىكەنلىكىنى بايقايسەن . كۈندىلىك تۇرمۇشتا بىزنىڭ ئارىمىزدىكى نۇرغۇن كىشىلەر مۇنداق بىر ئەجەللىك خاتالىق ئۆتكۈزىدۇ ؛ ھامان دۈشمەنلىرىنى ھاقارەتلەيدۇ ياكى ئۆزىنىڭ دۈشمەنگە دۇچ كەلگەنلىكىدىن روھى چۈشۈپ ئۈمىدسىلىنىدۇ . بۇ دەل خاتا قىلغانلىقتۇر . سەن ئۆزۈڭنىڭ دۈشمىنى بولغانلىقى ياكى كۈچلۈك رەقىبىڭ بولغانلىقى ئۈچۈن ئۆزۈڭنى تەلەيلىك سانا ، ئۆزۈڭنىڭ قىيىن ، مۇشەققەتلىك مۇھىتقا دۇچ كەلگەنلىكىڭنى بەختىم دەپ  بىلگىن . چۈنكى بۇ دەل سېنىڭ ئىسۆەنجىدىن قۇتۇلۇپ باش كۆتىردىغان پۇرسىتىڭ بولىدۇ . دۈشمىنىڭگە ۋە رەقىبىڭگە مىننەتدارلىق بىلدۈرگىن ، چۈنكى ئۇلار سىنى ئۇلۇغ ھەم مەشھۇر قىلۋېتىدۇ . مەنبە : شىنجاڭ خەلىق نەشىرياتى نەشىر قىلغان « بىر ئاتىنىڭ نەسھىتى » دېگەن كىتابتىن ئېلىدى .

binami

	ئەسسالامۇئەلەيكۇم ، ئاللىبىرنېمىنى چۈشەنگەندەك بولدۇ م ،رەھمەت  ،سىزگە!!            ___بىنامى_____

rizwangul0995

	ناھايتى ئەھمىيەتلىڭ تېما يوللاپسىز ،تۇغرا دەيسىز ،مەن بۇنى ئەمىلىي تۇرمۇشىمدىنمۇ بايقىغان،بۇرۇن يالغۇز مەن بىرلا ئادەم قىلدىغان تىجارەتنى ئەتراپىمدا بىر نەچچەيلەن قىلدى ،مەن تىجارىتىمنى تىخىمۇ ياخشى قىلدىم، مۇئامىيلەمنىمۇ تېخىمۇ ياخشىلىدىم ،يەنە ئۆزەم ھىس قىلمىغان يىتەرسىزلىكلىرىمنى بايقاپ تۇزەتتىم ،شۇنداق قىلىپ رىقا بەتچىلىرىم بىرقانچىسى پەيدا بولسىمۇ لىكىن بۇرۇن يالغۇز ۋاقتىمدا تاپقاندىكىدىنمۇ پايدام كۆپ بولدى.

بۇغداي

	ھەقىقەتەن ئورۇنلۇق سۆزلەر. ئەقىللىق دۇشمىنى ئۆلگەن ئەزمەتلەر خۇشال بولمايدۇ.

tewelgha

	بۇ ھايۋاتلار ئۈستىدىكى قانونىيەتنى ئىنسانلارغا ئاساسەن  تەدبىقلاشقا بولىدۇ ،لىكىن  دۈشمىنىڭ بەك كۈچلۈك ۋە بەك ئەقىللىق بولۇپ كەتسە تەرەقىي قىلماق تۈگۈر ياشاشقىمۇ ئامال قالمايدۇ   .

ark-zat618

	ھازىرقى ئامىرىكا دەل شۇنىڭ مىسالى ،يەنى قاراتەنلىك ئوبامانىڭ زۇڭتۇڭ سايلىنشى ،قارا تەنلىكلەرنىڭ دۇنياۋى تەنتەربييە ۋە سەنئەت ساھەسىدە ئالەمشۇمۇل نەتىجە قازىنىش بۇ تىمىنىڭ پاكىتى بۇلالايدۇ

barquk8

	تېخىمۇ ئويلۇنۇشقا تىگىشلىك ..............

abaytarim

	ئەقىلسىز دوستتىن ئەقىللىق دۈشمەننىڭ ئادەمگە ياردىمى ، ئىلھامى كۆپ بولىدۇ . دۈشمىنىڭ قانچە ئەقىللىق بولسا سەنمۇ ئەقىللىق بولۇشقا باشلايسەن .

awyamatka

	شۇڭا 2-دۇنيا ئۇرشىدا ئىنسانلارنىڭ پەن تەخنىكسدا ناھايتى زور ئىلگىرلەش بولدى.ئىنسانلار ئاتوم دەۋرىگە كىردى.ئاندىن بىرنجى قېتىم ئىلىكترۇنلۇق مىڭە(كومپيۇتىر)نى ئىجات قىلىپ دۈشمەنلىرى ئالدىدا ئۆز كۈچلۈكلىكىنى نامايەن قىلشقا باشلىدى.

yultuzay321

	توغرا جاپالىق مۇھىتقا دۇچ كەلگنلىكىمىزدىن ئۆزىمىزنى بەخىتلىك ئويلاپ چنىقىش پۇرسىتى دەپ ئۇيلاپ  ئەقىل تېپىپ ھەقىقىي بەخىتنى قولغا  كەلتۈرۈشكە تىرىشىشىمىز كېرەك.....ئاللاھ نىڭ ھەممىمىزگە تېگشلىك ئورۇنلاشتۇرۇپ قويغان بەختىنى ئىزدەپ تېپىشىمىز كېرەك..