كېتىپ قالىمەن

ardamay

	ئەسسالامۇ ئەلەيكۇم ھەربىرىڭىزلەرگە خاتىرجەملىك نېسىپ بولسۇن!!! كېتىپ قالىمەن ھىجراندىن پۈتكەن بىر ئۈنسىز لىرىكا، ئۇچىدۇ كەچكۈزدە سوغۇق شامالدا. ھەسرەتتە ياش تۆككەن يىگانە ياپراق، باش قويار ئاۋايلاپ تۇپراق باغرىغا. سىمابتەك لىغىرلاپ گۈلنىڭ بەرگىدە، گۈزەللىك قوشسىمۇ شەبنەم تامچىسى. ھۆسنىنى خورىتار ۋاقىت ئالدىراپ، تۇزىتار بەرگىنى كەچكۈز يامغۇرى. ھاياتلىق كارۋىنى دۇچ كەلگەن دەمدە، يوللارنى تورىغان غازاڭ پەسلىگە. ئازاپلىق تۇيغۇدىن چېلىنىپ پۇشتەك، زىمىنغا تارايدۇ سىرلىق سۈكۈتتە. ئاھ شۇندا قالىدۇ پىنھان تۇيغۇلار، ھەم چىچەك ئاچمىغان گۈزەل ئارمانلار. بىلمەيسەن ئەسلىشەر كۈلكەڭنى كىملەر، ھەسرەتلىك پىغاندا ياش تۆكەر كىم بار. ئۆمۈرگە تىغ ئۇرسا كەچكۈز شامىلى، قارا يەر لىۋىنى سۆيۈپ قالىمەن. سىمايىم يۈتىدۇ قاراقلىرىڭدىن، خوش دىمەي ئۈن تىنسىز كېتىپ قالىمەن. مەنبەسى:ئۆز قەلىمىم(ئەردەمئاي)

mahatjan

	كىتىپ قالىمەن دىمەڭ ، سىز كەتسىڭىز مەن كىم بىلەن پاراڭلىشىمەن.

gulzari

	بىلمەيسەن ئەسلىشەر كۈلكەڭنى كىملەر، ھەسرەتلىك پىغاندا ياش تۆكەر كىم بار بۇمىسرالار  ماڭا بەكلا يېقىپ قالدى .   ياخشى تىمىللىرىڭىزنى يوللاپ تۇرارسىز .

emranim

	نىمە دىگەن ئىسىل شېئىر بۇ ھەسرەتلىك ھەم سۇيۇملۇك شائىرە سىزگە رەھمەت

蓝狼影视治

	كەتمىگىن زىنھار ئۆتۈنۈپ قالاي ، مىسرانىم ۋە مىنى ئەلەمدە قويۇپ . تىمىللىرىڭغا كۆنۈپ قالغانتۇق ، يازغىنىڭ بىز ئۈچۈن داۋا ھەم ئوزۇق .

pah

	بۇ شىئىر مىنىڭ ئاچچىق كەچمىشلىرىمنى ئەسلەتتى   ..... قەلەملەر توختاپ قالمىغاي تاكى ئەلەم توختىغچە

teznap

	شىئېرى تىل ياخشىكەن .

ANSWER

	شىئېر ئىجادىيەتلىرىڭىزگە ئۇتۇق تىلەيمەن

tawakkulogli

	ياخشى بوپتۇ يازمىڭىز ئۇقۇپ خوش بولدۇم؟كىتەر بولدۇم دىگەن سوزگە مەن مۇ جور بولدۇم؟يالغۇز كىتىش ئازاپلىق شۇڭا  ئويلىشىپ؟سىز بىلەن بىرگە كىتىشنى قارار قىپ بولدۇم؟؟؟رەنجىمەڭ جۇمۇ بۇ پەقەت چاق چاق

musilina

	كېتىپ قالىمەن يىراق -يىراققا. يۈرۈكۈمنى مۇڭغا تولدۇرۇپ، ھەسرەتلەرنى كېتىمەن ئېلىپ، خوشاللىقنى ساڭا قالدۇرۇپ،