ئاتالمىش قۇرۇق تىما ‹‹مۇھەببەت›› !

ahsaxum

	ئاتالمىش قۇرۇق تىما << مۇھەببەت >> ! <<نىگار >>دەپ باشلىغۇم بار تىمامنى ، شىئىر يازماقچى ئىدىم . قوللۇرۇم ئاشۇ بىر سۆزنى باسالماي كونۇپكا تاختىسى ئۈستىدە ياتسىرىماقتا ، قەلبىم بولسا نىمىنىدۇر سۆزلىمەكچى بولغاندەك قوللۇرۇمغا بۇيرۇق چۈشۈرمەكتە . بىراق قوللۇرۇم قەلبىمنىڭ بۇيرۇقلىرىغا ئۆزىنى تاپالمىغان ھالدا تەمتىرىمەكتە . ئۇنىڭ باسقىسى بار بىراق ......... بۈگۈن يەنە مۇھەببەتنى كۈيلىمەك بولدۇم ،سېغىندىم . ئېلھام قۇشلۇرۇم تەرەپ - تەرەپلەردىن ئۇچۇپ كەلدى يۇ ، قويۇق دەرەخلەرگە قۇنۇپ ماڭا سايراپ بەرمىدى ، ئېلھام بۇلاقلىرى بۇلدۇقلاپ تاشتى يۇ ، ئەمما مېنىڭ ئەشۇ قاغجىراپ قۇرغان ئېرىقلىرىمدا ئاقمىدى ، نىچۈنكىن قوللۇرۇم يەنە ماڭا ئاق ۋاراقنى قالدۇرماقتا ، قەلەمنى تۇتقان پېتى گاڭگىرىغان قوللۇرۇم مېنى ھەيرانلىق ھېسلىرىغا چۈمدۈرمەكتە ئىدى ...... ئاشىق نىداسى يۈرۈگۈمنى تىتىرەتكەن ئەشۇ ئايدىڭ كېچىدە ، يۇلتۇزلار تەسەللىيىسى يۈرۈگۈگە مەلھەم بولمايدىغان شۇ ئاشىققا ئاتاپ قولۇمغا قەلەم ئالدىم ، ھەسرەت ، پىغان ياكى سېغىنىش ..... كاللامغا كەلگەن ھەر بىر ئوينى قەغەزدە ئىپادىلەشكە تىرىشتىم ، تىرماشتىم .... قاتقان قوللۇرۇم ... يىرتىلغان ۋاراقلار ... ئۈنسىز تىكىلىشلەر ... غېرىپسىنغان ئېلھام تۈنلىرى ... ئايدىڭدا ، مەندەكلا ئىزسىز قالغان غېرىپ كەپەم ...ئېرىشكىنىم يەنىلا ئاپئاق ۋاراق ... تىمتاس كېچىدە سېغىنىشلىق ھېسياتىمنى باسالماي ، ياشلىق ھېسلىرىمنى چىللاپ ئويغاتقان ئېلھام خورازلىرىنى بېسىقتۇرۇش ئۈچۈن قولۇمغا قەلەمنى يەنە ئالدىم . بىراق كاللامنى قورشىغىنى مەندىكى سېغىنىشلا پەقەت ... نىمىنى سېغىندىم ؟ ئەرزۈگۈدەك نىمەم قالدى ؟ سېغىنغۇدەكچۇ ...!؟ ئەسلىمەكتىمەن ، مۇڭغا پېتىپ ئەمەس ، روھلىنىپ ، شادلىنىپ ، ھەۋەسلىنىپ تۇرۇپ ..... . سېغىنغىنىمنى تاپتىم ، سەندىن ئەمەس ئاشۇ ئەسلىمىلەر قوينىدا مۇڭلۇنۇپ ياتقان مۇھەببەتتىن ، يۈرەكلەرنى زېدە قىلسىمۇ ، كۆڭۈللەرنى خوش قىلغان ئەشۇ مۇھەببەتتىن ، ئازاپلارنى ماڭا يار قىلسىمۇ ئەسلىمىلەرنى ، ماڭا قالدۇرغان ئەشۇ مۇھەببەتتىن ، سېغىنىشنى ماڭا ئەبەدىيلىككە قالدۇرغان بولسىمۇ ، تىنىقلىرىمنى سەن بىلەن ئېلىپ كەتكەن مۇھەببەتتىن ، مەندە يوق بولسىمۇ ئالەمدە يوقالمايدىغان ، ھەمدە يوق قىلغىلى بولمايدىغان ئەشۇ مۇھەببەتتىن ... مەن ھەممىنى تاپتىم ، نىچۈن قەلەمنىڭ ماڭا سۆزلىمەيدىغانلىقىنى ، ئاق قەغەزگە بولسا دەردەىنى تۆكمەيدىغانلىقىنىڭ سەۋەبىنى تاپتىم ، ئاشىق نىداسىنى نىچۈن ماڭا سۆزلىمەيدىغانلىقىنىڭ سەۋەبىنى تاپتىم ، سېغىنچىمنى نىمىشقا ماڭا بىلدۈرمەيدىغانلىقنىڭ سەۋەبىنى تاپتىم ، ئېلھام قۇشلىرىنىڭ دەرەخ شاخلىرىغا نىچۈن قونمايدىغانلىقىنىڭ ، بۇلاق سۇلىرىنىڭ نىچۈن ئېرىقلىرىمدا ئاقمايدىغانلىقىنىڭ سەۋەبىنى تاپتىم ، سەۋەبى ... كۈلكە ، بەخىت ، خۇشاللىق ، ئازاپ ، كۆرەش ، تىرىشچانلىق ، ئىزدىنىش ، غېرىپلىق ، تەمتىرەش ، ياتسىراش ، مۇڭسىراش ، تۇرمۇشنىڭ ئاچچىقى-تاتلىقى ، ياشلىقى ، شاشلىقى ، ئازغۇنلىقى ... نىمىلەرنى يازغۇم بار ؟ نىمىلەرنى يازالمىدىم ؟ نىمىلەرنى يەنە يازمىدىم ...؟ نىمە ئۈچۈن يازمىدىم ؟ سۆزلە يۈرۈگۈم ! چانماي ، تارتىنماي ، قىسىلماي ... سۆزلە يۈرۈگۈم ! تانماي ، قانماي ، ئايىماي . سۆزلە يۈرۈگۈم ! سۆزلە ... يۈرەك نىدالىرىم مېنى سوراقلىماقتا . مېنى قىيىن قىستاققا ئېلىپ تۇرۇپ جاۋابنى ئېلىشقا تىرىشماقتا ! سۇئاللىرىغا جاۋاپ بېرىش ئۈچۈن يۈرۈگۈمنىڭ ئاشۇ پىنھان جايلىرىدا ساقلانغان سىرلىق ساندۇقلىرىمغا سېلىنغان قۇلۇبنى ئېچىشقا باشلىدىم ، بىراق بۇ سىرلىق ساندۇقلاردىكى جاۋابلارنىڭ ئۇنىڭ سۇئالىغا ماس كەلمەيدىغانلىقىنى ئويلىغىنىمدا قاتتىق ئېچىندىم . ئەنە شۇ ئېچىنىش ئىچىدە مۇنبەرنى يادىمغا ئالدىم . يۈرۈگۈمنىڭ سۇئاللىرىنى سىلەر بىلەن بىرلىكتە ئورتاقلىشىش ئۈچۈن مانا كومپىيۇتېر ئالدىدا ئولتۇرۇپ يۈرەكنىڭ سۇئاللىرىنى سىلەرگە يەتكۈزمەكتىمەن . قېنى مۇنبەر ئەھلى يۈرۈگۈم قانائەتلەنگۈدەك ، شۇ سۇئاللىرىغا مەمنۇن بولغۇدەك بىر جاۋاپ بېرىشىڭلارنى ئۈمۈد قىلىمەن . 1-سۇئال : مۇھەببەتنى ئۆلمەس تىما دېدۇق ، بىراق نىمىشقا مۇھەببەت تىمىلىرى ھەممىدىن بۇرۇن بىزنىڭ قارىشلىقىمىزغا ئۇچىرايدۇ ؟ 2-سۇئال : مۇھەببەت قىز-ئوغۇللىرىمىز ئارىسىدا ئويۇنچۇق بوپ قالغانلىقىنى كۆرۈپ تۇرۋاتىمىز ، نىمىشقا شۇ ئويۇنچۇقنى ئوينىماڭلار دىمەي بىرگە ئوينايمىز ؟ 3-سۇئال : مۇھەببەت تىمىسىنى چۆرىدەپ تىما يوللانسا ، نىمىشقا قىز - ئوغۇللار چىشلەپ تارتىلىدۇ ؟ 4-سۇئال : مۇھەببەتنى تەسۋىرلەپ يېزىلغان ھەر قانداق بىر تىمىغا كىرسەك مەلۇم بىر ئىنكاس چوقۇم <<ئاتالمىش قۇرۇق تىما مۇھەببەت >> بوپ قالىدۇ ؟ ئۇ بىزدىكى ئۆلمەس بىر تىما ئىدىغۇ ؟ 5-سۇئال : بىزدىكى مۇھەببەت زادى قانداق مۇھەببەت ؟ ئاتا - ئانمىزغا بولغان مۇھەببەت قاچانلىققا ئاشۇ << ئاتالمىش سۆلەت مۇھەببەت >> دىگەن نامدىن قۇرۇق قالىدۇ ؟ يۈرۈگۈمنىڭ سورىغان سۇئاللىرىنىڭ ھەممىسىنى مۇشۇ يەرگە تۆكەي دىگەن ، بىراق بۇ تىمامنىڭمۇ ئاتالمىش قۇرۇق تىما بولۇپ قېلىشىنى خالىمايمەن ! سۇئاللارنى قايتا بىر ئويلانسىڭىز مېنىڭ نىمە دىمەكچى بولغىنىمنى چۈشۈنىسىز ! قۇرۇق ئىنكاس بىلەن مېنىڭ ئاتالمىش قۇرۇق تىمامنى تېخمۇ ئاتالمىش قىلىۋەتمەڭ ھە ! مەنبە : ئاخسا شۇم

nurjula

	توغرا مۇھەببەت ئۆلمەس تېما، بىراق ئاشۇ تېما ئاستىكى مەزمۇننىڭ قانداقلىقى مۇھەببەتنى قۇرۇق پاراڭغا ئايلاندۇرۇپ قويغان. مەن مۇشۇ مۇنبەدىكى مۇھەببەت ھەققىدىكى تېتىقسىز شېئىرلارنى، ئاھ پاھلار توشۇپ كەتكەن قۇرلارنى ئوقۇپ، يەنى بىرەر قۇر ئوقۇپلا تايىنى يوق، قۇرۇق گەپ دەپ چىقىپ كېتىدىغان بولغان. بولىدۇ، ئەلۋەتتە مۇھەببەت تېمىسدا تېمىلار يوللانسا بولىدۇ، بىراق تۈزۈك، ئادەمنىڭ ئوقۇغۇسى كەلگۈدەك، تەربىيىۋى ئەھمىيىتى بار، مەنىلىك ...بولسۇن،ئەمەلىي، سەۋىيەلىك بولسۇن. ئاندىن ئاقماس قۇرۇق پاراڭ دىمەيمىز ، بولمىسا ئاشۇنداق دەپ چىقىپ كېتىدىغاننىڭ بىرىنجىسى مەن! بولۇپمۇ ئاشۇ نىمە دىمەكچى بولغانلىقىنى بىلگىلى بولمايدىغان مۇھەببەت شېئىرلىرىدىن شۇنداق زېرىكتىمكى....... بىچارە مۇنبەر .....ۋاقىت ئىسراپچىلىقى...

بۇغداي

	ئويلىمىغان ئادەمنى ئوي قىرتىدۇ ، لاي تۇتمىغان قولۇڭنى لاي چىرتىدۇ. بىزدىكى مۇھاببەت زادى قانداق مۇھاببەت، بىزدىكى مۇھاببەت شۇنداق تار مەنانى ئىپادىلەمدۇ بىزدىكى مۇھاببەت.....مۇشۇ توغرۇلۇق ئويلىساملا ئوغام قاينايدۇ. كۆپ سۆزلەرنى ئۆچىرۋىتىپ قايتا يازدىم. ئەقىلنىڭ ئوخشاش بىرىلمىگەنلىگى بىر ھىكمەت ئىكەن. تىمىدىكى كۆز قاراشنى جانلىق ئىپادىلەپسىز، سۆزلەرمۇ ئۇستىلىق بىلەن ئىشلىتىلىنىپتۇ،

aski0903

	ئەسلى مۇھەببەت قۇرۇق تېما ئەمەس،لېكىن ھازىرقى مۇھەببەت بولسا،مۇھەببەت ئەمەس بەلكى مۇھەببەت تونىغا ئورىنىۋالغان ئاشكارە پاھىشە بوپقالدى ، شۇڭىمۇ شۇنداق بەتقىلىق ئىشلار ئاۋۇپ شەيتان كۈچلىنىپ بىزلەرنى بىر يەرلەرگە ئاپىرىپ تاشلاۋاتىدۇ.

ARMAN

	مۇھەببەت تېمىلىرىنى ئەيىپلەش «ئالىجاناپ»لىقنىڭ ئىپادىسى.

360安全卫士

	مىنىڭ قارشىمچە مۇھەببەت ئىنسانلاردا بولىدىغان بىرخىل ئۆزگىرىشچان ھىسسىيات . مۇھەببەت ئەسلى ئۆلمەسلىكى كىرەكتى ئەمما يەنىلا ئۈلىدۇ . مۇھەببەت پەقەت مەسئوليەتنىڭ تۈرتكىسىدىلا مەۋجۇتلىقىنى ساقلىيالايدۇ . ئەمما مەسئوليەت نەدە . ئۇنى قانداق ئۇسولدا ھەممە ئادەمگە سىڭدۇرۇش كىرەك ؟ مانا بۇ مۇھەببەتنىڭ يوقىشىدىكى سەۋەپ . يەنە دىسەم يەنە شۇ مەسئوليەت ئېڭى يوق كىشلەردە مۇھەببەت بولمايدۇ . ئەپسۇسكى شۇنداق ئېيتالايمەنكى ھازىر كىشلەر قەلىمىدە مۇھەببەتنى كۈيلەپ ئەمىلىيىتىدە تاپىنىدا چەيلەيدۇ . پەقەت شېئېر قوشاقلاردىلا قەغەز ئۈستىدىلا مەۋجۇتلىقىنى كۆرەلەيمىز . بۇ خۇددى تىلۋېزوردىكى ئېلاندەكلا .

alafasy

	مۇھەببەتنى پەقەن ئىنسانى ھېسىياتىڭىز ئارقىلىق كۈيلىسىڭىز پەقەت بىر قۇرۇق تېماغا ئوخشايدۇ... ئەگەر ئەقىلى ھېسىياتىڭىز ئارقىلىق كۈيلىسىڭىز ئۇ ھەقىقى بىر ياخشى تېما بولىدۇ....

ANSWER

	مۇھەببەتنى قانداق تەسۋىرلەش شۇ ئادەمنىڭ ئۆتمىشى بىلەن مۇناسىۋەتلىك .

oyghanghanzimin

	ھازىرقى زاماندا ‹‹مۇھەببەت›› دېگەن بۇ  سۆزنى كۆپ ئادەملەر قىز- ئوغۇللار ئوتتۇرىسىدىكى مۇناسىۋەت دەپ ئويلايدۇ. مۇھاببەتنىڭ ئۈچ مەنىسى بار دەپ ئوقۇغان ئىدىم. 1- ئاللاھقا بولغان مۇھاببەت. 2- ۋەتەنگە بولغان مۇھاببەت. 3- ئىنسانلارغا بولغان مۇھاببەت. ئۇنىڭدىن باشقا ئوغۇل- قىزلار ئارىسىدىكى تويدىن بۇرۇنقى ئارلىشىش قاتارلىق ئىشلار توغرا ئەمەس دەپ قارايمەن، چۈنكى بۇ ئىسلام دىنىدا چەكلەنگەن.

pah

	ياق ياق بىزپەقەت ۋەپەقەت بىر ئۇچۇم مۇھەببەتنى قەدىرلەشنى بۈلمىگەن شەخسلەرتەرپىدىن چەيلەنگەن خورلانغان مۇھەببەتنىڭ پارىڭنى قىلىۋەرمەي يەنمۇ قاراپ باقايلى ھىلھەم ھازىرمۇ مۇھەببەتنىڭ ئۆلمەس تىما ئىكەنلىكنى ئىسپاتلاپ تۇرۋاتقان ئىپپەتلىك ياشلىرمىزمۇ ئازئەمەس  ئەگەر ساختاپۇلغاكۆپ ئۇچرىساق پۇلدىن ئىھتىيات قىلمىز مۇھەببەتنىڭ ساختىسغا ئۇچرىساق ئەلۋەتتە مۇھەببەت بىزگە ساختاتۇيلۇدۇ ئەمما مۇھەببەت ھەربىر ئىنساننىڭ قەلبىدە ھىلمۇ ھايات شۇڭاسىزمەن ھەم باشقىلارنىڭ قەلبى يەنلا شىرىن ھەم نازۇك ھىسلارئىچدە تىپىرلاۋاتدۇ