مالايسىيانى چۈشىنىشنى خالامسىز؟

uyokush

	ئۆزۈم بۇ دۆلەتتە ئوقۇۋاتىمەن،ئىلگىرى بۇ دۆلەتكە چىقىشتىن بۇرۇن مالايسىيانىڭ قانداق ئىكەنلىكى ھەققىدە توردىن كۆپ ماتېرىيال ئىزدىگەن ئىدىم. ئەمما تورداكۆرگەنلىرىم،باشقىلاردىن ئاڭلىغانلىرىم بىلەن ئۆزكۆزۈم بىلەن كۆرگىنىم ئاساسەن ئوخشاش بولسىمۇ لېكىن يەنىلا پەرق مەۋجۇد ئىدى،شۇ سەۋەب تۈپەيلى بۈگۈن بۇ ھەقتە مۇنبەردىكى جامائەت بىلەن ئورتاقلىشاي دەپ كونۇپكىلارنى تاراقلىتىپ ئولتۇرۇپتىمەن،ئەلۋەتتە بۇ ئارقىلىق مۇنبەردىكى مالايسىيانى كۆزلەۋاتقان،ساياھەت قىلىشنى خالايدىغان نىيىتى بارلارغا ئازراق بولسىمۇ پايدىسى تېگىپ قالسا تولىمۇ خوشال بولاتتىم. مالايسىيا پايتەختى كۇئالالۇمپۇر،شەرقى جەنۇبى ئاسىيادىكى بىر دۆلەت، مەزكۇر دۆلەت جەمئى 30 ئوبلاستتىن تەركىب تاپقان،ئومۇمى جەھەتتىن چوڭ 2 گە ئايرىلىدۇ،بىرى غەربى مالايسىيا يېرىم ئارىلى،شىمال تەرەپتىن تايلاندقا تۇتىشىدۇ،جەنۇبى دېڭىز بوغۇزى ئارقىلىق سېنگاپورغا تۇتىشىدۇ. يەنە بىرى شەرقى مالايسىيا،كالىمانتان ئارىلىنىڭ شىمالىدا،جەنۇبى تەرىپى ھىندىنوزىيە بىلەن تۇتىشىدۇ. مالايسىيا تەبىئى يېزا ئىگىلىك مەھسۇلاتلىرىنى ئېكىسپورت قىلىدىغان دۆلەت،ئەڭ كۆپ چىقىرىلىدىنى نېفىت (ھازىر مالايسىيادا ماي قاچىلاش پونكىتىدىكى ماينىڭ باھاسى تەخمىنەن 1.8رېڭگىتتىن 1.9 رېڭگىتكىچە،خەلق پۇلىغا 4يۈەن ئەتراپىدا) دۆلەت قۇرۇلغان ۋاقتى: 1957-يىلى 8-ئاينىڭ 31-كۈنى ئومۇمى نوپۇسى: 27مىليون 560مىڭ (2010-يىلىدىكى ئىستاتىستىكا) ئاساسلىق مىللەتلەر: مالاي مىللىتى 54.6%،خۇارېن 24.6% (جوڭگولۇق خەنزۇ) ، ھىندىلار 7.3% ئاساسلىق دىنلار: ئىسلام دىنى،بۇددا دىنى،داۋجياۋ دىنى(تەرىقەتچىلەر دىنى)،ھىندى دىنى يەر مەيدانى: 33تۈمەن كىۋادىرات كىلومېتىر دۆلەت تېلفۇن ئالاقە رايون نومۇرى: +60 قاتناش يولى: سولنى بېسىپ ماڭىدۇ(ۋەتەندىكىنىڭ ئەكسىچە) تۆۋەندە مۇناسىۋەتلىك رەسىملەرنى كۆرۈڭلار مالايسىيادا مالايلارنىڭ ۋە ھىندىلارنىڭ «ھالال»دەپ يېزىقلىق ئاشخانىلىرىنى ماڭدامدا بىر ئۇچرىتىپ تۇرغىلى بولىدۇ،ھېس قىلىشىمچە يېمەكلىكلىرى ئاساسەن دېگۈدەك دېڭىز مەھسۇلاتلىرى توخۇ گۆشى،كالا گۆشى ۋە گۈرۈچ تۈرىدىكى تاماقلارنى ئاساس قىلىدىكەن. دېمەك گۈرۈچ تاماققا ئامراقلار تاماقتىن ئەنسىرىمىسىمۇ بولىدۇ،بىزنىڭ ئۆزىمىزنىڭكىدەك تېتىملىق تاماقلار،قۇۋۋەت بولىدىغان شورپىلار،مېزىلىك كاۋابلار،لەغمەن....... ئىشقىلىپ ئۇنداق تېتىغۇدەك تاماق ئاسان تېپىلمايدۇ،لەغمەنگە ئامراقلار ئاھ ئۇرۇپ يىغلايدۇ ياكى يىراق جايلاردىكى شىنجاڭلىقلارنىڭ ئاشخانىسىغا بېرىپ يېرىم داپەنجىنىڭ پۇلىغا بىر تەخسە لەغمەن يەپ شۆلگەيلىرىنى ئېقىتىشىپ قايتىدۇ. ھاۋا كېلىماتى: تروپىك يامغۇرلۇق ئورمان رايونىغا تەۋە،تۆت پەسىلنىڭ ئېنىق ئايرىمىسى يوق،ئاساسەن ياز دېسەكمۇ بولىدۇ،كۈز پەسلى ھېس قىلىشىمچە ئىككى ھەپتە ئەتراپىدا داۋاملىشىدىكەن.ئوتتۇرىچە تېمپىراتورا 26 گرادوستىن 30 گىرادوسقىچە، يىل بويى يامغۇر توختىماي يېغىپ تۇرىدۇ،10-ئايدىن 12-ئايغىچە بولغان ۋاقت يامغۇر پەسلى بولۇپ كۈندە دېگۈدەك يامغۇر يېغىپ تۇرىدۇ. يامغۇرنىڭ يېغىشى ۋەھشى بولۇپ شىنجاڭدا 1 كۈن ياغقان يامغۇر مالايسىيادا يېغىپ قالسا 2 سائەتتە يوللار دەرياغا ئوخشاش بولۇپ كېتىدۇ،شىنجاڭدا بەلكىم بۇنداق يامغۇر يېغىپ قالسا مۇنبەردىكىلەر رومانتىكا ھېسياتىنى سۈرگىلى چىقىپ قېلىشى مۆمكىن،لېكىن مالايسىيادا يېغىپ قالسا ھەممىسى «ئۇۋىسىغا»يۈگىرىشىدۇ ئېگىز ئىمارەت قوش مۇنار كۇئالالۇمپۇر مەركىزى رايونىغا جايلاشقان بولۇپ ئىلگىرى دۇنيا بويىچە ئەڭ ئېگىز ئىمارەت ئىدى،2003-يىلى تەيبېي101 ئالدىغا ئۆتۈپ كەتكەن ھازىر دۇنيابويىچە 4- ئورۇندا تۇرىدۇ. مالايسىيادا ئورتاق ئىشلىتىدىلىدىغان تىللار:ئېنگىلىزتىلى،مالاي تىلى،خەنزۇتىلى،ئەرەب تىلى قاتارلىقلار. مەكتەپلەردە ئاساسلىقى ئېنگىلىزتىلىنى ئاساس قىلىپ دەرس ئۆتىلىدۇ،ئېنگىلىزتىلى ئۆگىنىش مۇھىتى ئىنتايىن ياخشى. ساياھەت: ساياھەتچىلىك مالايسىيانىڭ ئىككىنجى چوڭ تاشقى سودا مەنبەسى يەنى ساياھەتنى ئاساس قىلغان دۆلەت. ئېسىل ساياھەت رايونلىرىدىن : كۇئالالۇمپۇر،گەنتىڭ 云顶 ،پېناڭ 滨城،مالاككا،لاڭكاۋىې ئارىلى،Tioman ئارىلى،Redang ئارىلى،Pangkor ئارىلى...قاتارلىقلار 2006-يىلى مالايسىياغا ساياھەتكە كەلگەنلەر 17مىليون 550مىڭ ئەتراپىدا بولغان. كۇئالالۇمپۇردىكى دۆلەتلىك چوڭ مەسچىتى باشقا مۇناسىۋەتلىك ئۇچۇرلارنى كۆرمەكچى بولسىڭىز بەيدۇ ياكى گوگېلدىن ئىزدىنىپ كۆرسەڭلار بولىدۇ. مەن بۇ دۆلەتكە كەلگەندىن كېيىن ھېس قىلغانلىرىم ۋە ماڭا ئەڭ تەسىر قىلغان ئىشلار 1- تەسىرقىلغىنى مەيلى قايەردە بولۇڭ،ھەر كۈنى تاڭ سەھەردە بامدات نامىزىغا ئەرزان تولىغان ئاۋازنى ئېنىق ئاڭلاپ ئويغىنىسىز،باشقا ناماز ۋاقتلىرىدا مۇسۇلمانلارنىڭ ئاشخانىسىدا تاماق يەپ ئولتۇرغان بولسىڭىز ئەرزان ۋاقتى بولغان ھامان تېلىۋېزور،رادىئو قاتارلىقلارنىڭ ھەممىسىدە ھەتتا تاكسىلاردا ئولتۇرۇپ كېتىۋاتسىڭىزمۇ رادىئولاردا ئەرزان ئاۋازىنى ئاڭلاپ تۇرىسىز 2- تەسىر قىلغىنى مۇسۇلمانلارنىڭ ھەرقانداق پائالىيەت ئورنىدا،ئاشخانا،دۇكان...قاتارلىقلارنىڭ ھەممىسىدە مەخسۇس ناماز ئوقۇش ئۈچۈن تەييارلانغان ئايرىم ئۆيلەر بار، ھەربىر ماي قاچىلاش پونكىتىدىمۇ ناماز ئوقۇش ئورۇنلىرى بار، يۇقىرى سۈرئەتلىك يولدا كېتىۋاتقان بولسىڭىز،يول تاختىلىرىدىمۇ مەسچىتنىڭ بەلگىسى چۈشۈرۈلگەن ئورۇنلار،يول ئىستىرىلكىلىرىنى ئۇچرىتىپ تۇرالايسىز 3-كېلىپ تۇنجى كۈنى يامغۇر ياغدى،ياغقاندىمۇ ئىنتايىن قاتتىق ياغدى،يولدا 5 مىنۇت ماڭغىنىمغا پۇشايمان قىلىپ كەتتىم،بۈدۈن بەدىنىم،كىيىم كېچىكىم خۇددى ھازىرلا سۇغا چۆمۈلۈپ چىققان ھالەتكە كەلدى، كېيىن شۇۋاقتتا بىرگە بولغان دوستۇمدىن سورىسام بۇ تېخى ئادەتتىكى يامغۇر ئىكەن،كېيىن كۆردۈم يامغۇرنىڭ تازا«ئېسىل»لىرىنى 4-يېشىلچىلىق،مۇھىتىنىڭ ساپلىقى، ھەممە يەر ياپيېشىل، ئۆيدىن چىقسىڭىزلا ھەممە يەر نەنسەندىكىدەك گۈزەللىك،يېشىلچىلىق،ساپ مۇھىت بىلەن تولغان. 5-مۇسۇلمانلار بىلەن مۇسۇلمان ئەمەسلەرنىڭ(ئاساسلىقى ئايللارغا قارىتىلدى) پەرقىنى بىر قاراپلا بىلەلەيدىكەنسىز،نېمىشقا دەمسىز؟ بۇ يەردىكى مۇسۇلمان ئاياللارنىڭ ھەممىسىنىڭ بېشىدا لىچەك،ئەلۋەتتە بۇ دۆلەتتە ھەممە بىرىكىپ كەتكەن ئىكەن، يولدا قىسقا كالتە كۇسار كىيگەن ئايال بىلەن لىچەكلىك ھالەتتىكى ئاياللارنىڭ بىللە كېتىۋاتقانلى دائىم ئۇچرىتىپ تۇرىدىكەنسىز،بەلكىم مۇناسىۋەت،خىزمەت،جان بېقىش ئۈچۈن مۇشۇنداق بولغاندۇ(تورداشلارنىڭ بۇنى نەقىل قىلىپ سۆز ئاچماسلىقىنى ئالاھىدە تەلەپ قىلىمەن) 6-يولدىكى كىشىلەرنىڭ 60% ىدىن كۆپرەكىنىڭ پۇتىدا ھەرخىل رەڭلىك ساپما كەش كۆرىسىز،ھاۋانىڭ ئىسسىقلىقىدىن ھەممە مۇشۇنىڭغا ئادەتلەنگەن ئىكەن،ئادەتتە ۋەتەندە ساپماكەش كىيىپ ئوينىغىلى،مال سېتىۋالغىلى،ئاشخانىلارغا تاماق يېگىلى بارساق باشقىلار ...... ئىشقىلىپ غەلىتە قارىشىپ ئادەمنى ئولتۇرغۇزمايدۇ 7-ئاپتوبۇسلىرىنىڭ كېيىنكى قېتىملىق كېلىش ۋاقتى ئۈرۈمچىگە ھەرگىز ئوخشىمايدۇ،ئۈرۈمچىدە ئاپتوبۇس بېكىتىدە 10 مىنۇتتا بىر قاتناپ تۇرىدۇ،بۇ يەردە گاھىدا 30مىنۇت گاھىدا 1 سائەت ساقلاپمۇ قالىمىز پويىز:بۇ يەرنىڭ پويىزلىرى«ئاسمان»دا ماڭىدىغان بولۇپ (يەرئاستى پويىزىنىڭ ئەكسىچە) پويىز ناھايىتى قولايلىق،4-5 مىنۇتتا بىر قېتىم كېلىپ كېتىپ تۇرىدۇ،باھاسىمۇ ئەرزان، غەلىتە يېرى ئىچىدە شوپۇر يوق،پۈتۈنلەي كومپيوتېر ئارقىلىق باشقۇرىلىدىكەن. 8-ئالى مەكتەپ ۋە ياتاق،بۇ دۆلەتتىكى ئالى مەكتەپلەردە ئاساسەن ياتاق تەسىس قىلىنمىغان،ئوقۇغۇچىلار مەكتەپ ئەتراپىدىن ئۆي ئىجارىگە ئېلىپ ئولتۇرىدۇ 9-كېچىدىكى ئاۋاتلىق، ۋەتەندە كەچ سائەت 10 لار بىلەن ھەر قانداق ئىش بولسا تاشلاپ ئۆيگە قايتىپ دەم ئالىمىز،لېكىن بۇ يەردە كەچ سائەت 10لار بىلەن سىرتقا چىقىپ چۆگىلەش،تاماق يېيىش،دوستلار بىلەن كۆرىشىش باشلىنىدۇ(بەلكىم كۈندۈزى ھاۋانىڭ ئىسسىق دىمىق بولىشى سەۋەبتىن) بۇ تېمىنى يېزىپ بولغۇچە تولا سىرتقا چىقىپ،كىرىپ دېگەندەك ئىشلار بىلەن پىكرىم چۇۋاق بولۇپ قالدى ھەمدە بەزى ئويلىغانلىرىم ۋاقتىنچە ئېسىمگە كەلمىدى ،بارا بارا تولۇقلاپ قويارمەن،يۇقارقىلار پەقەت ئۆزۈمنىڭ ھېس قىلغانلىرىم،خاتالىق بولسا كايىماي چىرايلىق سۆزلىگەيسىز

qog

	مەندەك شوپۇرلار مالايسىياغا چىقىپ ماشىنا ھەيدىسە،ئۇ يەردە سولنى بىسىپ ماڭىدىكەن ئاسانلا ۋەقە چىقىرىمىزمۇ قانداق؟

takderdax

	بىزنى مالايسىيا توغرىسىدا خېلى ياخشى مەلۇماتلار بىلەن تەمىنلىگىنىڭىزگەرەھمەت

360安全卫士

	مالايسىيا بىلەن مالاي مىللىتىنى چۈشەنگىنىمدىن خۇشالمەن . دۆلىتىمىزدىكىلەرمۇ خېلى كوپ ساننى ئىگەللەيدىكەن مالايسىيادا . مائارىپىدىمۇ بىزنى دۆلەت تىلىنى ئىشلىتىدىكەن . دۆلىتىمىزنىڭ تەسىرىدىن پەخىرلىنىمەن .

uyokush

	مالايسىيادا ئوقۇش نىيىتى بارلارغا ۋاكالىتەن تىزىملىتپ بېرەلەيمەن، پاسپورت بېجىرسىڭىز،بېجىرىپ بولۇپ باشقا دۆلەتلەردە ئوقۇسىڭىزمۇ بولىدۇ AlkamAnwar@yahoo.com غا خەت يازسىڭىزمۇ بولىدۇ 1.ئوقۇشقا قوبۇل قىلىنغانلىق چاقىرىقى 2.ئوقۇش پۇلى تەخمىنەن 40،000 يۈەن ئەتراپىدا پۇل تاپشۇرغانلىق ئىسپاتى 3.جوڭگو كونسۇلىنىڭ مەكتەپنى ئېتراپ قىلغانلىق ئىسپاتى قاتارلىقلار تەمىنلىنىدۇ

uyokush

	qog يوللىغان ۋاقتى  2012-8-15 03:29 PM مەندەك شوپۇرلار مالايسىياغا چىقىپ ماشىنا ھەيدىسە،ئۇ ي ... مەن تېزلا كۆنۈپ كەتتىم،لېكىن تۇنجى كۈنۈم ھەيدىگەندە يولغا تەتۈر كىرىپ قېلىپ بەك ئەنسىرەپ كەتتىم، كېچىسى ھەيدىگەن بولغاچ خەتەر چىقمىدى،تېزلا ئۆزۈمنىڭ يولىغا كىرىۋالدىم

abdulahad

	رەھمەت!

qog

	uyokush يوللىغان ۋاقتى  2012-8-15 03:45 PM مەن تېزلا كۆنۈپ كەتتىم،لېكىن تۇنجى كۈنۈم ھەيدىگەندە  ... سىز ھازىرمۇ مالايسىيادىكەنسىزدە؟

iksan1

	مالايسىياغا بىر چىقساق بولاتتى