گــــۈل ۋە قـــىــــز

ئۇچقۇن

	گــــۈل ۋە قـــىــــز باھار كەلدى. ھەممە مەۋجۇداتلار تىرىلىپ ، يەر - جاھان ياشىرىشقا باشلىدى. قىز ھويلىسىغا ھەرخىل گۈللەرنىڭ ئۇرۇقىنى تېرىدى. ئۇزۇن ئۆتمەي ئۇرۇقلار كىچىككىنە يۇمران باشلىرىنى چىقىرىشىپ ، باش باھارنىڭ ساپ ھاۋاسىدىن ئەركىن نەپەسلىنىشكە باشلىدى. قىزنىڭ قەلبىدىكى مۇھەببەت ئۇرۇقىمۇ خۇددى گۈل ئۇرۇقىغا ئوخشاشلا بىخ چىقىرىشقا باشلىدى. يۇمران گۈل مايسىلىرى خېلىلا ئۆسۈپ قالدى. قىز ھەركۈنى گۈللەرنىڭ ئەتراپىدا كىپىنەكتەك چۆرگىلەپ، بىردەم گۈل مايسىلىرىنىڭ توپىسىنى يۇمشاتسا، بىردەم سۇ قۇيۇپ گۈلنىڭ ئەتراپىدىن كىتەلمەيلا قالدى. قىزغا ئوخشاشلا سىرتتا بىر يگىتمۇ پەرۋانىدەك قىزنىڭ ئۆيى ئەتراپىنى ئايلىنىپ زادىلا كىتەلمەيتتى. كۈنلەر بىر - بىرلەپ ئۆتمەكتە. بىر كۈنى قىز گۈل يۇپۇرماقلىرى ئارىسىدىكى كىچىككىنە گۈل غۇنچىلىرىنى كۆرۈپ خۇشاللىقىدىن نىمە قىلارىنى بىلەلمەيلا قالدى. سىرتتىكى يىگىت قىزنىڭ خۇشاللىقىنى كۆرۈپ تېخىمۇ خۇشال بولدى. چۈنكى دۇنيادا ئۆزى سۆيگەن ئادىمىنىڭ خۇشاللىقىنى كۆرۈشتىنمۇ ئارتۇق بەخىت بولمىسا كېرەك، ئەلۋەتتە. مانا، قىزنىڭ تۆت كۆزى بىلەن كۈتكەن كۈنلىرىمۇ ئاخىرى يىتىپ كەلدى. بۇ ھويلىغا بىر گۈلنىڭ گۈزەللىكى يەتمىگەندەك يەنە بىر مۇنچە گۈللەر جۈر بۇلۇپ ئېچىلىشقا باشلىدى. ئۇزۇن ئۆتمەي گۈللەر ئارىسىدا چىرايلىق بىر جۈپ قىزىل گۈل ئېچىلدى. بۇگۈللەر خۇددى بىر - بىرىگە تويماي بېقىشىپ تۇرغان قىز بىلەن يىگىتكىلا ئوخشايتى. بىركۈنى قىز غىڭشىپ ناخشا ئېيتقىنىچە گۈللەرنىڭ يېنىغا كەلدى . شۇئان قىزنىڭ كۆزى ئاشۇ بىر جۈپ گۈلگە چۈشتى. قىز ئۇنىڭغا ھەۋەس بىلەن تويماي قارايتتى. خۇددى يىگىتنىڭ شىرىن سۆزلىرى ئۇنىڭ تىكەنلەر قاپلىغان قەلبىنى يوشۇرغىنىغا ئوخشاشلا، گۈلنىڭ چىرايلىق ھۆسنىمۇ ئۆزغولىدىكى ئۆتكۈر تىكەنلەرنى كۆرۈشكە ئمكانىيەت بەرمىگەچكە، قىز گۈل غولىدىكى تىكەنلەرنى كۆرەلمىدى. قىز بۇ گۈلنى ئۈزمەكچى بولۇپ قولىنى ئۇزاتتى - يۇ، قاتتىق ئاغرىق ئازابىدىن <<ۋايجان!>> دەپلا قولىنى تار تىۋالدى. قىزنىڭ قولىدا گۈل رەڭگىگەو ئوخشاش قىپقىزىل قان تۇراتتىو. قىز گۈل بەرگىلىرىنى ئاستا قايرىدى ھەم گۈل غولىدىكى چوخچىيىپ تۇرغان تىكەنلەرنى كۆرۈپ ھەيرانلىقتىن توۋلىۋەتتى:<<ۋاي خۇدايىم ، تىكىنى بار ئكەنغۇ!>> شۇئان گۈل ئنسانلارغا ئوخشاش تىلغا كەلدى :<<شۇنداق ، مىنىڭ تىكىنىم بار . سەن <گۈلنىڭ تىكىنى بار > دەپ ئاڭلىمىغانمىدىڭ، ھۆسنىمگە مەھلىيا بۇلۇپ تىكەنلىرىمنى كۆرمەي تۇرۇپلا ئۈزمەكچى بولدۇڭ ، شۇنىڭ بىلەن قولۇڭنى بىھۇدە قانىتىۋالدىڭ ، ئىسىڭدە بولسۇن ، ھاياتتا بۇنىڭغا ئوخشاش ئىشلار ناھايتى كۆپ ، ئىھتىيات قىل ...>>سىرتتىكى يىگىتنىڭ چاقىرغان ئاۋازى قىز بىلەن گۈلنىڭ سۆھبىتىنى ئۈزۈپ قويدى. گۈل ئالدىراپ چىقىپ كىتىۋاتقان گۈلنىڭ ئارقىسىدىن قاراپ مۇدھىش پۇراقتىن سەسكەنگەندەك بوشقىنە سىلكىنىپ قويدى. كۈنلەر بىر - بىرىنى قوغلاپ ئۆتىۋەردى. گۈلنىڭ تىكىنى قىزنىڭ قولىغا سانجىلغىنىغا ئوخشاشلا يىگىتنىڭ زەھەردەك ئاچچىق سۆزلىرى قىزنىڭ نازۇك قەلبىگە سانجىلىشقا باشلىدى. بىر كۈنى قىز گۈل بەرگىدىكى شەبنەم تامچىسىنى كۆرۈپ قالدى . شۇئان ئۇنىڭ چىرايلىق قوي كۆزىمۇ مۇھەببەتنىڭ ئەلەملىك ، ئاچچىق ياشلىرى بىلەن تولدى. قىز ئاستا پىچىرلىدى :<<سەنمۇ ماڭا ئوخشاش ئازار يىدىڭمۇ؟>>شەبنەم تامچىسى قىزنىڭ قوي كۆزلىرىنى ياقتۇرۇپ قالدىمۇ ياكى باشقا ياخشىراق ماكان چىقمىدىمۇ، ئەيتاۋۇر بىر كەلگەنچە قايتىپ كەتمىدى. كۈزنىڭ ئاچچىق شاماللىرى گۈل بەرگىللىرىنى ھەر يان توزىتىۋەتكىنى يەتمىگەندەك، قىز بىلەن يىگىتنىڭ مۇھەببەت گۈللىرىنىمۇ ھەريان توزىتىۋەتتى. قاتتىق سوغۇق گۈللەرنىڭ يۇپۇرماقلىرىدا سېرىق داغلارنى قالدۇرغىنىغا ئوخشاشلا قىزنىڭ قەلبىگىمۇ ئۆچمەس داغلارنى قالدۇرۇپ كىتىپ قالدى . كۈز ئايلىرىنىڭ ئاخىرى گۈل يوپۇرماقلىرى سارغىيىپ تۈكۈلۈشكە باشلىدى. قىزنىڭ چىرايلىق ھۆسنىمۇ گۈل يوپۇر ماقلىرىغا ئوخشاشلا سارغىيىشقا باشلىدى. كىچە، قاتتىق چىققان بوران گۈلنىڭ ئاخىرقى يىلتىزىنىمۇ يۇلۇپ تاشلىدى. تاڭ سەھەردە بوران تەرىپىدىن يۇلۇپ تاشلانغان ، قۇرۇپ قاقشال بۇلۇپ كەتكەن گۈل شېخىنى ئاپئاق قار ئۆز قوينىغا ئالغانىدى. دۇختۇر خانىدىمۇ ئوخشاشلا بىر مەنزىرە ، بىر تىرە بىر ئۇستىخان بۇلۇپ قالغان قىزنىڭ جەسىدى ئۈستىگىمۇ قارغا ئاپئاق يۇپۇق يېپىپ قويۇلغانىدى. باھار يەنە كەلدى. قىزنىڭ قەبرىسىدىن بىر تال گۈل مايسىسى بىخ چىقاردى. ئۇزۇن كۈنلەردىن كىيىن گۈل ئېچىلدى. گۈل شۇنداق چىرايلىق ئىدى، گۈلنىڭ ھۆسنىگە ھەسەت قىلغاندەك گۈل غولىدا ئۆتكۈر تىكەنلەر چوقچىيىپ تۇراتتى. مەنبەسى: ئەلنۇر مۇنازىرە مۇنبىرى xahzad يوللانمىسى

kurbanjan007

	رەخمەت سىزگە. ياخشى ئۇچۇرلارنى داۋاملىق يوللاپ تۇرۇڭ.قولىڭزغا دەرىت كەلمىسۇن

yaziman

	ئاپتور جاۋابىنى بويلاپ 1قەۋەت  kurbanjan007 كە 2010-08-10 03:10 PMئەۋەتىلدى  : رەخمەت سىزگە. ياخشى ئۇچۇرلارنى داۋاملىق يوللاپ تۇرۇڭ.قولىڭزغا دەرىت كەلمىسۇن قانداق خېلى پايدىلىق خەۋەرمىكەن؟؟؟ بۇ خەۋەرنى دوستلىرىڭىزغا يوللاڭ.ۋاقتىدا پايدىلانسۇن...        تېمىنى ئوقۇپراق گەپ قىلايلى~~!

گۈل-چۈشى

	ئۇقۇپ تەسىرلەندىم... چەيلىدىڭ ھىجراننىڭ ئوقىنى بەتلەپ، ئانامنىڭ سۈتىدەك پاكىز سۆيگۈمنى. ئىشەنچىم بىخىنى قۇرۇتتۇڭ بۈگۈن، ۋەيرانە ئەيلىدىڭ ئاجىز گۈلۈمنى.

marvayit

	ياخشى تىما   قۇلىڭىزغا دە كەلمىسۇن

dolanogli097

	ياخشى  تىمىكەن

baxmaltak

	گۈل ىۈزەي دىگەنتىم سانجىدى تىكەن، تىكەنسىز ىەمەسكەن بىلدىم گۈل دىگەن. ىارقامغا يانغانتىم گۈل ېـيـتتى كۈلۈپ، تىكەندىن قورققانغا گۈلى نەدىكەن. ھەمزىنى قانداق باسىدۇ؟ پەقەت تاپالمىدىم~~~

elijan

	؟ بەلگە بار كۇنۇپكىنى   باسسىڭىز چىقىدۇ بۇ كۇنۇپكا سول تەرەپ Shift  كۇنۇپكىسىنىڭ يېنىدا . ئ ئ ئ ئ ئ    ىئ  ـىـ  ـى ئى ى

GULKEZ

	ياخشى تىما   قۇلىڭىزغا دە كەلمىسۇن [s:47]  [s:47]  [s:47]  [s:36]

@OTKAX@

	مۇنبەر يۈزىدە يەنە كۆرۈشكىنىمدىن خۇرسەنمەن ئۇچقۇن بۇرادەر ،يوقاپ كەتمەڭلا...