توغراق كۈيى

ardamay

	ئەسسالامۇ ئەلەيكۇم!!!ھەممىڭىزلەرگە خاتىرجەملىك نېسىپ بولسۇن!!! توغراق كۈيى بەستىڭدىن گۈزەللىك تۆكۈپ زىمىنغا، سۈكۈنات ئىچىدە تۇرىسەن مەغرۇر. كۆك ئاسمان كۆزىدىن سىرغىغان ئازاپ، تاشلىنار باغرىڭغا سۈرگەنچە ھوزۇر. جەڭ ئېتى كىشنىشىپ چاپقانلىرىدا، تارىخقا شاھىدسەن قۇملۇق دەشتىدە، كولدۇرما ئاۋازى كېلىپ يىراقتىن، ھىكايەت سۆزلەيدۇ تۈننىڭ بەھرىدە. ئاقىدۇ ئاستىڭدا تىلسىمغا تولغان، ساناقسىز دانچىلار سىرىنى تۆكۈپ. سايەڭدە چېچەكلەر ھاياتقا ئۈمىد، كۆز يەتمەس مەنزىلدىن نىشانلار كۈتۈپ. ئۇچىدۇ ئۈستۈڭدىن ياپيېشىل ھاۋا، كۆيىدۇ جىسمىڭدا ئاجايىپ بىر ئوت. تاجىسەن باغرىڭنى ياققان تۇپراقنىڭ، كۆركەملىك سەن ئۈچۈن قىلىدۇ بەيئەت. قايناق بىر ھاياتقا گۇۋاھچى بولغان، تاڭ سەھەر مەڭزىڭنى سۆيىدۇ قوياش. نۇرىدىن بەستىڭگە ئۇزىتار قۇۋەت، قىيالماي باغرىڭغا قويار يەنە باش. بەزىدە تېنىڭدە مىڭ يىللىق ئازاپ، ۋە لېكىن يەنىلا ياشايسەن بەردەم، قامىتىڭ ھاياتلىق ئىزناسى گويا، روھىڭدىن ئىنسانلار ئالىدۇ ئىلھام. ئۇچىدۇ ئۈستۈڭدىن ۋاقىت ئالدىراپ، ياپرىقىڭ يىلتىزىڭ يازىدۇ تارىخ، باغرىڭغا كۆمۈلگەن نەچچە سەلتەنەت، ھىممىتىڭ سېنىڭ ھەي،ھېسابسىز نەرخ. مەنبەسى:ئۆز قەلىمىم (ئەردەمئاي)

riqat

	ياخشى يېزىپلا       بارىكاللا

xaxyax

	ئىنكاسلاردا تۇرۇپلا قوشاقلارنى توقۇپ كەتسىڭىز مەن تېخى بۇنچىلىك نەرسە يازالماسمىكى دېگەن ، ياخشى چىقىپتۇ بۇ !

ardamay

	xaxyax يوللىغان ۋاقتى  2012-8-14 05:45 PM ئىنكاسلاردا تۇرۇپلا قوشاقلارنى توقۇپ كەتسىڭىز مەن  ... ھە مۇنداق دەڭ؟!! زىرائەتنىڭ قانداق بولۇشى كۆكىدىن مەلۇم دېگەن گەپنى ئاڭلىمىغانمىدىڭىز؟ئىنكاسلاردا قوشاق توقۇيالىغان ئادەم بۇنچىلىك شېئىرنى يازالا دەپ ئويلاپ باقماپسىزدە؟!ھەي!~~~

tewelgha

	ياخشى يېزىپسىز .تۇغراققا بولغان چۈشۈنۈشىڭىز ۋە مۇھاببىتىڭىز بەك چوڭقۇرگەن

xaripa2011

	ياخشى يىزىپسىز!!!!

جەمشىد

	توغراقنى كۈيلەپ يازماق ھەقىقەتەن تەس، بۇ توغرىسىدا خېلى كۆپ باش قاتۇرغاندەك قىلىسىز. تىلىگىم:يېكىنكى يازمىلىرىڭىزنىڭ تېخىمۇ ياخشى چىقىشىغا تىلەكداشمەن.

360安全卫士

	ئۇچىدۇ ئۈستۈڭدىن ۋاقىت ئالدىراپ، ياپرىقىڭ يىلتىزىڭ يازىدۇ تارىخ، باغرىڭغا كۆمۈلگەن نەچچە سەلتەنەت، ھىممىتىڭ سېنىڭ ھەي،ھېسابسىز نەرخ. بۇ مىسرالار ماڭا بەك ياقتى . توغراقنى ئىنسانلار ھامىنى نۇرغۇن ئەسىرلەرنىڭ شاھىدى قىلىدۇ ! توغراق يېشىدا ياشاڭ ، ھارمىغايسىز مۇشۇنداق مەنىلىك شېئېرلىرىڭىز ئۈزۈلۈپ قالمىغاي

xaxyax

	ardamay يوللىغان ۋاقتى  2012-8-14 06:03 PM ھە مۇنداق دەڭ؟!! زىرائەتنىڭ قانداق بولۇشى كۆكىدىن مەل ... شۇ شۇ ! ئەسكى تۇماقنىڭ ئىچىدە ئادەم بالىقىنى ئۇنتۇپ قاپتىمەن، كەچۈرۈڭ. مېنىڭ خىيالىمدا داڭلىقلار، قەھرىمانلار يامان غايىۋى بولىدۇچۇ، كەمكۈتسىز، نۇقسانسىز، ئارتۇق گېپى يوق، قانداق قىلاي ئەمدى بۇمۇ شۇ مائارىپنىڭ تەربىيىسى دەڭە، خۇدايىم بۇيرۇسا ئوڭشىلىپ كېتىمەن.

muslina216

	يېقىشلىق مىسرالىرڭىز ئۈزۈلمىسۇن .