بالىنىڭ ئاتا-ئانىدىن ئۆتۈنۈشى

batuhan

	1.مېنىڭ قولۇم بەك كىچىك، مېنىڭ ھەممە جەھەتتە مۇكەممەل بولۇشۇمنى تەلەپ قىلماڭ. مېنىڭ پۇتۇم بەك قىسقا، مېنىڭ يېتىشىپ مېڭىشىم ئۈچۈن ئاستىراق مېڭىڭ.   2.مېنىڭ كۆزۈم سىزنىڭكىدەك تۇرمۇشنىڭ ئىسسىق-سوغۇقىنى كۆرمىگەن. بەزى ئىشلارنى ئۆزۈمنىڭ ئاستا-ئاستا كۆزىتىپ بىلىشىمگە يول قويۇڭ. ماڭا ئارتۇقچە چەك قويۇۋالماسلىقىڭىزنى ئۈمىد قىلىمەن.   3.ئۆي ئىشلىرى ھامان تۈگىمەيدۇ. بىراق مېنىڭ بالىلىق دەۋرىم ئىنتايىن قىسقا. ئازراق ۋاقتىڭىزنى چىقىرىپ ماڭا جاھاندىكى ئاجايىپ ۋەقەلەرنى سۆزلەپ بېرىڭ. مېنى پەقەت كۆڭۈل ئاچىدىغان ئويۇنچۇق قاتارىدا كۆرمەڭ.   4.مەن ئىنتايىن نازۇك، مېنىڭ ئىنكاسىمغا سەزگۈررەك بولۇڭ. ئەتىدىن-كەچكىچە ئەيىبلەپلا يۈرمەڭ. مېنىڭ ئۆزىڭىز بىلەن تەڭ ئورۇنغا قويۇپ مۇئامىلە قىلىڭ.   5.مەن تەڭرى سىزگە ئاتا قىلغان ئالاھىدە سوۋغات. مېنى ئاسراڭ، قۇچاقلىغان ۋاقتىڭىزدا ئىش ھەرىكەتلىرىمگە قارىتا داۋاملىق تەربىيە قىلىپ تۇرۇڭ. نېمىگە تايىنىپ تۇرمۇش كەچۈرۈشۈم كېرەكلىكىنى كۆرسىتىپ بېرىڭ. باشقىلارغا ئەدەپ-قائىدە بىلەن مۇئامىلە قىلىشنى ئۆگىتىڭ.   6.مەن سىزنىڭ ئۈزلۈكسىز ئىلھام بېرىشىڭىزغا موھتاج، مېنى دائىم سۈرلۈك قىياپەتتە تەنقىد قىلىپ تەھدىت سالماڭ. مېنىڭ ئۆزۈمنى ئەمەس، قىلغان ئىشىمنى تەنقىدلەشنى ئېسىڭىزدە چىڭ تۇتۇڭ.   7.ماڭا ئازراق ئەركىنلىك بېرىڭ، مۇناسىۋەتلىك ئىشلاردا ئۆزۈمنىڭ قارار چىقىرىشغا يول قويۇڭ. ئاز-تولا خاتالىق ئۆتكۈزۈشۈمگە ياكى مەغلۇپ بولۇشۇمغا، سادىر قىلغان خاتالىقلاردىن ساۋاق ئېلىشىمغا رۇخسەت قىلىڭ. تۇرمۇش يولۇمنى ھامان بىر كۈنى ئۆزۈم خالىغانچە بېكىتىمەن.   8.بىر ئىشنى داۋاملىق قايتا قىلىشقا بۇيرۇماڭ. ئىش قىلىشنىڭ تەسلىكىنى بىلىمەن، مېنى ئاكا-ھەدىلىرىم بىلەن سېلىشتۇرماڭ.   9.سىز بىلەن بىللە دەم ئېلىشقا بېرىشىمدىن قورقماڭ. ئاتا-ئانىلار بالىلىرى ئارقىلىق خوشاللىققا ئېرىشكەنگە ئوخشاش، بالىلارمۇ ئاتا-ئانىسىدىن خوشاللىق ئىستەشكە موھتاج.                                         مەنبەسى: تەرمىلەر

rizwangul0995

	ماقۇل قوزام سۆزلىرىڭنى چۇقۇم ئىسىمدە مەھكەم تۇتىمەن ، بۇندىن كىيىن ھىكايە سۆزلەپ بەر دىسەڭ بىرنى سۆزلەپ بېرىپلا سىنى ئۇخلاشقا بۇيرىمايمەن ،سەن ئۇخلاپ قالغىچە سۆزلەپ بېرىمەن ،

zufri

	ئوغلۇم بەزىدە مەندىن ‹ مېنى بىردەم كۆتۈرۈپ قويىڭە !› دەپ ئۆتۈنىدۇ . ‹ مەنمۇ بەك ھېرىپ كەتتىم ،بىردەم بولسىمۇ ئارامىغا قويغىنە!›  دەپ شۇ كىچىككىنە تەلپىنىمۇ رەت قىلىدىكەنمەن . . ئويلاپ باقسام ئۇ تەمتىلەپ ماڭغاندىن باشلاپ ئۇنى كۆتۈرگەن ۋاقتىم ناھايتى ئاز بوپتۇ .         دىمەكچىمۇ  بۇ ‹ تۈگىمەس ئىشلار›  بالىلار بىلەن بولغان ئارلىقىمىزنى يىراقلاشتۇرۇپ كېتىپتۇ .    تېما ئىگىسىگە كۆپ رەھمەت .  بالىلىرىمىزغا كۆڭۈل بۆلەيلى شۇنداق بولغاندا   ياشانغاندا يالغۇز قالمايمىز.

rizwangul0995

	zufri يوللىغان ۋاقتى  2012-8-14 04:21 PM ئوغلۇم بەزىدە مەندىن ‹ مېنى بىردەم كۆتۈرۈپ قويىڭە ! ... مىنىڭ ئۇغلۇم تۆتكە كىردى ھىكايە چۆچەك دىگەنلەرنى يىقىندىن بۇيان ئانچە ئاڭلاپ كەتمەيدۇ يۇمۇر سۆزلەپ بەر دەيدۇ ،تۇۋۋا دەيمەن شۇ كىچىككىنە بالمۇ يۇمۇرنى چۇشىنەلەمدىغاندۇ دەپ ھەيران قالمەن ،قىزىق يەر لىرىگە كەلگەندە تازا كۇلۇپ كىتدۇ تېخى ،يىقىندىن بۇيان مۇنبەر لەرنىڭ يۇمۇر سەھىيپىلىرىنى تىمىسقىلاپلا يۇرۇي دىغان بۇلۇپ قالدىم

360安全卫士

	بالىلارنىڭ سورغان سۇئاللىرىغا ئىرىنمەستىن جاۋاپ بېرىپ شىيئىلەرگە قىزىقىش روھىنى يىتىلدۇرىشىمىز كىرەك . بالىلىرىمىزغا قىپ بېرەلمەيدىغان ئىشنى ۋەدە قىلىپ يالغانچىلىق قىلىشتىن ساقلىنىشىمىز كىرەك . مەسىلەن : «بالام يىغلىماڭ ھە ھېلى سىزنى باغچىغا ئاپىرمەن» دەپ قويۇپ يىغىسىنى توختىتىش ئۈچۈنلا ۋەدە بېرىپ قويساق بولمايدۇ. بالا كىچىك بولسىمۇ بايىقى يالغان سۆزىمىز ئېسىدە تۇرۇپ قالىدۇ .

xaripa2011

	بۇنىڭدىن كىيىن دىققەت قىلساق بولغىدەك !!!

bayhenim

	rizwangul0995 يوللىغان ۋاقتى  2012-8-14 03:57 PM ماقۇل قوزام سۆزلىرىڭنى چۇقۇم ئىسىمدە مەھكەم تۇتىمەن ، ... توغرا ئويلاپسىز

bayhenim

	مەن دىققەت قىلىدىغان ئىشلارنىڭ بەك كۆپ ئىكەنلىكىنى ھىس قىلىۋاتىمەن بۇ تىمىنى ئوقۇپ

rizwangul0995

	xaripa2011 يوللىغان ۋاقتى  2012-8-14 06:41 PM بۇنىڭدىن كىيىن دىققەت قىلساق بولغىدەك !!! راس ھويلىڭىزنى پىچەت قىلۋاپسىز ،ناخشىنىمۇ ناھايتى ياخشىسىنى چۇشۇر ۋاپسىز ،مۇبارەك بولسۇن،