ماشىنا توختىتىش مەيدانىدا «جىن كۆلەڭگىسى» پەيدا بولدى
نازارەت قىلىش سىنئالغۇسىدا پەيدا بولغان ئادەمگە ئوخشاپ كېتىدىغان «جىن كۆلەڭگىسى»
«قۇياش گېزىتى» نىڭ 27-ماي خەۋەر قىلىشىچە، مۇشۇ يېقىندا، ئەنگىلىيەدىكى شىنلاناك زاۋۇتىنىڭ مېھمانخانىسىدىكى بىر خىزمەتچى نازارەت قىلىش سىنئالغۇسىدا كۆرۈنگەن سىنئالغۇنى كۆرۈپ كۆزىگە ئويقۇ كەلمەي، ئەنسىزلىكتە قالغان. 26-ماي كەچتە، مېھمانخانا خوجايىنى بۇرۇنقى قائىدىسى بويىچە نازارەت قىلىش سىنئالغۇسىدىكى ئېلىۋىلىنغان سىنئالغۇ ماتىرىياللىرىنى كۆزدىن كەچۈرۋاتقاندا، بىر خىل ئادەمنىڭ سىياقىغا ئوخشاپ كېتىدىغان نۇرغا ئوخشاش سايىنى كۆرگەن.
35 ياشلىق جوننىڭ ئېيتىشىچە، بۇ ئۇ كۆرگەن ئەڭ قورقۇنۇچلۇق ئىش ئىكەن. چۈنكى ئۇ چاغدا ماشىنا توختىتىش ئىسكىلاتىدا بىرمۇ ئادەم يوق بولۇپ، بۇ بويىنىڭ ئىگىزلىكى 1.2 مېتىر كىلىدىغان سايە پەيدا بولغاندىن كېيىن، باشتا بېلىنى ئېگىپ قويۇپ، كېيىن بېشىنى لىڭشىتقان. ئارقىدىنلا ھەركەت قىلماي توختاپ قالغان. جوننىڭ پەرىزىچە، ئۇ بىر كىچىك بالا بولىشى مومكىن ئىكەن. ئاخىرى بۇ سايە ئىشىك بار تەرەپكە قاراپ مېڭىپ كىرىپ كەتكەن بولۇپ، ئۇ چاغدا بۇ ئىشىكمۇ سولاق بولۇپ، كەينىدىنلا بۇ سايە يەنە يېنىپ چىققان.
ئىگىلىنىشچە، مېھمانخانىنىڭ بۇ ماشىنا توختىتىش مەيدانى بۇرۇن بىر پاختا زاۋۇتى بولۇپ، بۇ يەرنىڭ يېنىدا 1785-يىلى قۇرۇلغان بىر كىچىك يېزا بار ئىكەن. يېزىدىكى 2500 دىن ئارتۇق نامرات ئاھالە دەل مۇشۇ پاختا زاۋۇتىدا ئىشلەيدىكەندۇق. بۇ يېزىدا يەنە 500 نەپەر بالا بولۇپ، ئۇلارمۇ بۇ زاۋۇتتا ئىشلەيتتىكەن.
نۆۋەتتە، تۇرمۇشقا ئەزەلدىن ئىلمىي كۆز قاراش بىلەن مۇئامىلە قىلىدىغان جون ئاشۇ سىنئالغۇ لېنتىسىنىڭ سۆزى چىقسىلا پۈتۈن بەدىنى تىكەنلىشىدىغان بولۇپ قالغان.
مەنبە:شىنخۇا تورى 2010-يىلى28-ماي